Laugardagur 20.02.2016 - 00:12 - Ummæli ()

Kári: Almannatengill á vegum stjórnarflokks ráðinn til að kasta rýrð á undirskriftasöfnunina

Kári Stefánsson. Mynd/Eyjan

Kári Stefánsson. Mynd/Eyjan

Kári Stefánsson, forstjóri Íslenskrar erfðagreiningar, fullyrðir í grein sem hann birtir á Eyjunni að annar stjórnarflokkanna hafi ráðið almannatengil til að kasta rýrð á undirskriftasöfnunina sem hann efndi til.

Tilefni skrifa Kára er frétt sem birtist á vef Stundarinnar þar sem því er haldið fram að Kári hafi sett skilyrði er hann gaf Landspítalanum jáeindaskanna að gjöf. Vill Kári meina að fréttin sé runnin undan rifjum almannatengils sem annar stjórnarflokkanna hafi ráðið til að kasta rýrð á undirskriftasöfnunina.

Þú ert almannagtengill sem hefur fengið það verkefni að kasta rýrð á einhvern eða eitthvað  og þá hefurðu samband við Stundina sem felur verkefnið slettupenna á borð við Inga Frey,

Skrifar Kári. Grein hans í heild má lesa hér að neðan.

                Skítkast

Kári Stefánsson

Það er með ólíkindum hvað íslensk pólitík getur á köflum verið sóðaleg og lyktað illa. Eitt er víst að ef sú tík væri af raunverulegu hundakyni yrði  hún ekki notuð til undaneldis og varla hleypt inn fyrir hússins dyr.

Fyrir um það bil viku barst mér sú frétt úr nokkrum áttum að almannatengill sem sterklega tengist ónefndum stjórnarflokki hefði verið ráðinn til þess að kasta rýrð á undirskriftasöfnun þá til styrktar heilbrigðiskerfi landsins sem nú stendur yfir. Til að byrja með sást hann bara ráfa milli borða á kaffihúsi hvíslandi þá staðhæfingu að ég hefði komið söfnuninni af stað í annarlegum ónefndum tilgangi og sá hópur sem hefur skrifað undir og nú telur 78000 manns  hafður að fíflum. Í fyrradag færðist baráttan í aukana og það birtist grein í Stundinni undir fyrirsögninni Jáeindaskannanum fylgdi skilyrði. Greinin átti víst að sýna fram á að það hefði fylgt böggull skammrifi þegar Íslensk erfðagreining gaf þjóðinni skannann; hann hefði verið gefinn í annarlegum tilgangi. Þar af leiðandi væri allt það sem Kári Stefánsson standi fyrir gert í annarlegum tilgangi og þar á meðal undirskriftasöfnun til endurreisnar heilbrigðiskerfinu. Skilyrðið var að það mætti nota skannann til vísindarannsókna þegar ekki væri verið að nota hann til þess að þjónusta sjúklinga. Þetta skilyrði var ekki sett inn í endalegt gjafabréf vegna þess að það þótti of sjálfsagt til þess að taka það fram. Öll tæki Landspítalans ætti undir bestu kringumstæðum að nota til vísindarannsókna þegar ekki er verið að nota þau til að þjónusta sjúklinga vegna þess að þótt aðalhlutverk Spítalans sé að þjónusta sjúklinga ber honum líka skylda til þess að leggja að mörkum til þess að sækja nýja þekkingu sem er grundvöllur framþróunar læknisfræðinnar.

Ingi Freyr Vilhjálmsson, höfundur fréttarinnar um skilyrðið hneikslanlega, hringdi fyrst í mig tveimur dögum áður en hún birtist og spurði mig hvort það væri rétt sem Sveinn Magnússon skrifstofustjóri í Velferðarráðuneytinu hefði sagt á fundi Læknafélags Íslands í Stykkishólmi að það hefði verið sett sem skilyrði fyrir gjöfinni að bróðir minn fengi að hanna húsið yfir skannann. Ég svaraði því til að þetta skilyrði hefði aldrei verið sett og húsið hefði verið hannað af öðrum arkitekt sem hefur engin tengsl við bróður minn. Síðar sagði Sveinn mér að hann hefði aldrei sagt þetta og um algjöran uppspuna væri að ræða. Daginn eftir hringdi Ingi Freyr aftur í mig og spurði nú hvort það hefði verið sett sem skilyrði fyrir gjöfinni að það mætti nota skannann til vísindarannsókna þegar hann væri ekki að þjónusta sjúklinga. Hann var sem sagt að leita að skít með stækkunargleri. Þar sem hann fann engan greip hann til þess sem er blaðamannsins form á alkemíu og kallast merdakemía sem er framleiðsla á skít þar sem enginn finnst fyrir. Merdakemían ku vera orðin ein af söluvörum fjársveltra fjölmiðla í hörðum heimi. Þú ert almannagtengill sem hefur fengið það verkefni að kasta rýrð á einhvern eða eitthvað  og þá hefurðu samband við Stundina sem felur verkefnið slettupenna á borð við Inga Frey.

Það er ýmislegt vafasamt við þessa frétt Stundarinnar fyrir utan það að skilyrðið sem þeir segja að hafi verið sett fyrir gjöfinni ætti að vera krafa til allra tækja Landspítalans. Eitt er að í henni leynist tilraun til þess að vega að trúverðugleika undirskriftaherferðar sem tæplega 80 þúsund Íslendingar hafa ljáð nöfn sín. Það er helber dónaskapur. Það er ekki síður grábölvað að með þessu er verið að reyna að kasta skít í þá sem stóðu fyrir því að gefa þjóðinni lífsnauðsynlegt lækningatæki fyrir 850 milljónir króna fyrir það eitt að hafa gert það. Það eykur hvorki líkurnar á því að þeir né aðrir geri slíkt hið sama. Guði sé lof stefnir allt að því að þeir sem lesi Stundina séu að verða jafnmargir og lifandi geirfuglar í þessum heimi.

 

«
»

Ummæli ()

Vinsamlegast athugið:
Ummæli eru á ábyrgð þeirra sem þau skrifa. Eyjan áskilur sér þó rétt til að fjarlægja óviðeigandi og meiðandi ummæli. Tilkynna má óviðeigandi ummæli í netfangið ritstjorn@eyjan.is

Það sem má ekki gleymast

Kolbrún Bergþórsdóttir skrifar: Okkur er sagt að hryðjuverkamenn vilji með morðum sínum skapa glundroða í samfélögum sem alla jafna eru fremur friðsamleg. Okkur er líka sagt að við eigum ekki að breyta háttum okkar í of miklum mæli því um leið og við gerum það hafi hryðjuverkamenn náð ákveðnum árangri. Þetta er bæði satt og […]

Bryndís: „Ég finn hamingjuna hríslast fram í fingurgóma“

Bryndís Schram skrifar: Fyrir fjörutíu árum útskrifaði ég glæsilegan hóp stúdenta frá Menntaskólanum á Ísafirði. Í dag fagnar þessi sami hópur tímamótum á sama stað. Ég sakna þess að vera ekki með – það mundi hafa verið gaman – en læt mér nægja að senda hamingjuóskir frá fjarlægum slóðum og læt meðfylgjandi texta fylgja: HUGSAÐ […]

Hin nýja miðja

Björgvin G. Sigurðsson skrifar:  Árangur Emmanuels Macron í frönsku forsetakosningunum á dögunum var afgerandi sigur umburðarlyndis, klassískrar velferðarstefnu og frjálsyndis yfir þjóðernisöfgum og hægri harðlínu Marine LePen. Hinsvegar er það mikið áhyggjuefni að meira en þriðjungur kjósenda studdi öfgaflokkinn Front National og spurt verður að leikslokum ef Macron lendir í vanda með að uppfylla væntingarnar. […]

Ólína Þorvarðardóttir: „Kjósendur hafa alltaf rétt fyrir sér“

Dr. Ólína Kjerúlf Þorvarðardóttir fyrrverandi þingmaður Samfylkingar í Norðvesturkjördæmi, og þar með Vesturlands, lætur ekki deigan síga þó hún sé stigin út úr orrahríð og erli stjórnmálanna. Í síðustu viku sendi hún frá sér nýja og afar glæsilega bók sem er Árbók Ferðafélags Íslands og fjallar um Ísafjarðardjúp. Ólína hefur nú tekið aftur upp þráðinn […]

Ásmundur vill ekki að krónan styrkist: Veikir ferðaþjónustuna

Ásmundur Friðriksson  skrifar:  Bragurinn á þingstörfunum í vetur hefur verið að mínu mati afar góður. Þingið hefur farið vel fram, verið laust við uppþot og gauragang sem fylgdi oft umræðum undir fundarstjórn forseta á síðasta kjörtímabili og gekk langt fram úr eðlilegum þingstörfum sama hvernig litið er á það. Þá má segja að þingstarfið hafi […]

Guðjón Brjánsson alþingismaður: Aldraðir, eru ekki til peningar?

Nokkrum dögum fyrir alþingiskosningarnar 2013 ritaði formaður Sjálfstæðisflokksins eldri borgurum bréf þar sem hann tíundaði loforð um átak í þeirra þágu. Það átti snarlega að afnema kjaraskerðingu, lækka fjármagnstekjuskatt og afnema tekjutengingar ellilífeyris. Sjálfstæðisflokkurinn hjarir enn við völd og allt hefur þetta verið sniðgengið svo ekki sé dýpra tekið í árinni, enn bíða aldraðir og […]

Leiðtogar G7-ríkjanna funda á Sikiley

Eftir Björn Bjarnason: Leiðtogar G7-ríkjanna hittust á fundi í Taorima á Sikiley föstudaginn 26. maí. Fjórir nýir eru í hópnum forsetar Bandaríkjanna og Frakklands og forsætisráðherrar Bretlands og Kanada. Fundinum lýkur í dag laugardaginn 27. maí en alþjóða- og öryggismál eru á dagskrá hans og ber baráttuna gegn hryðjuverkum hátt. Á ríkisoddvitafundi NATO-ríkjanna í Brussel […]

Pétur G. Markan: Fjórar sögur um dauða, sorg, vinskap og upprisu

Pétur Georg Markan sveitarstjóri Súðavíkurhrepps skrifar: Borgarstjóri Þórshafnar, varalögmaður Færeyinga, systur og bræður Færeyingar, Ég flyt ykkur kveðju frá Vestfjörðum, ég færi ykkur samhug, vinafaðmlag og þakklæti frá Súðavíkurhreppi. Af meðvitund um eigin vanmátt  á mót örlagaríkri sögu, sorg og upprisu samfélaga, ástvinamissi og vinagjöfum, ætla ég að segja ykkur fjórar sögur í dag. Fyrsta […]

Fólk af Akranesi lenti í sjálfsmorðssprengjuárás: „Hræðilegasta símtal sem ég hef nokkurn tímann fengið“

Íslendingar voru meðal tónleikagesta þegar hryðjuverkamaður sprengdi sjálfan sig í loft upp í Manchester í Bretlandi á mánudagskvöld. Alls létust 22 og 119 slösuðust, mörg lífshættulega. Sjálfsmorðssprengjumaðurinn lét til skarar skríða þegar tónleikum söngkonunnar Ariana Grande var nýlokið og fólk á leið út úr tónleikahöllinni. Um 21 þúsund manns voru á tónleikunum, langflest yngra fólk. Mörg hinna […]

Guðrún Erlingsdóttir: „Það eru allir áhugaverðir og faldir gimsteinar út um allt”

Guðrún Erlingsdóttir var um árabil áberandi í sunnlenskum stjórnmálum. Hún tók sæti á Alþingi fyrir Samfylkinguna, sat í bæjarstjórn Vestmannayja fyrir V-listann og starfaði fyrir Verslunarmannafélags Suðurlands. Eftir viðburðaríkan ferlil og langa búsetu í Eyjum undu þau Gylfi Sigurðsson, eiginmaður hennar, kvæði sínu í kross og fluttu til Reykjavíkur. Nýverið hóf hún störf á Morgunblaðinu […]

Oddný: Aðför að skólasamfélaginu

Oddný G. Harðardóttir skrifar: Aðför að skólasamfélaginu Sagt er að það séu þrír flokkar í ríkisstjórn en aðeins tveir skipti máli – Sjálfstæðisflokkurinn. Þetta er svolítið fyndið en því miður einnig svolítið satt. Síðustu áform menntamálaráðherra Sjálfstæðisflokksins í ríkisstjórninni eru a.m.k. vísbending um að Sjálfstæðisflokkurinn ráði öllu í málefnum framhaldsskóla landsins. Það var verulega umdeilt […]

Hjálmar kveður á sunnudaginn: Þjóðfélagið breytist en tilfinningarnar eru ávallt þær sömu

Hjálmar Jónsson dómkirkjuprestur flytur sína síðustu messu næstkomandi sunnudag. Um er að ræða kveðjumessu þar sem fram koma Karlakór Reykjavíkur ásamt Árna Geir Sigurbjörnsson og Ragnhildur Gísladóttir. Hjálmar hefur gengt embætti dómkirkjuprests síðastliðin 16 ár og lætur af störfum sem elsti sóknarprestur í borginni. Hann var vígður til prests í dómkirkjunni í október 1976 og […]

Róbert Trausti: Costco breytir engu – Allt verður komið í sinn vana gang eftir 2-3 vikur

Róbert Trausti Árnason fyrrverandi sendiherra og forsetaritari segir að koma Costco komi ekki til með að breyta markaðnum, það hafi oft gerst áður að stórar verslanir hafi opnað við mikinn æsing með tilheyrandi röðum en það sé stutt í það að markaðurinn fari aftur í jafnvægi. Koma Costco hefur vakið mikla athygli og hafa verið […]

Tveir bæjarstjórar með hærri laun en Dagur B. Eggertsson

Stærð sveitarfélaga og laun bæjarstjóra virðast oft í litlu samræmi samkvæmt nýrri úttekt DV á launamálum þeirra. Meðallaun bæjarstjóra eru 1,6 milljónir króna á mánuði en launahæstur bæjarstjóra er Ármann Kr. Ólafsson, bæjarstóri í Kópavogi með 2,2 milljónir króna á mánuði þegar allt er tekið saman. Dagur B. Eggertsson er með ríflega tvær milljónir króna […]

Eyjan Miðlar ehf. - Kringlunni 4-12, 103 Reykjavík - eyjan (hjá) eyjan.is