Laugardagur 20.02.2016 - 16:08 - Ummæli ()

Sigmundur Davíð ósáttur: Fullkomin kaldhæðni „Löngu komið gott af stórfurðulegum árásum“

Eyjan/Pressphotos.biz

Eyjan/Pressphotos.biz

Sigmundur Davíð Gunnlaugsson forsætisráðherra segir „löngu komið gott af stórfurðulegum árásum fáeinna talsmanna stórverslana á íslenska bændur,“ í pistli á heimasíðu sinni og bregst þar við gagnrýni Andrésar Magnússonar, framkvæmdastjóri Samtaka verslunar og þjónustu. Líkt og Eyjan greindi frá fyrr í dag voru nýir búvörusamningar undirritaðir í gær og gilda þeir til ársins 2026. Kostnaður ríkisins nemur um 13 til 14 milljörðum á ári en fara lækkandi út samningstímann. Í frétt Vísis segir að heildarstuðningur ríkisins við landbúnaðinn kosti skattgreiðendur umtalsvert meira næsta áratuginn en Svavarssamningarnir hefðu gert.

Sigmundur er óhress og segir kvartanir yfir því að fá ekki fullt vald yfir matvælaframleiðendum taka á sig ýmsar myndir.

Kaldhæðnin gæti varla orðið meiri en þegar stuðningur við innlenda matvælaframleiðslu er gagnrýndur með samanburði við Icesavesamningana.

Sigmundur heldur áfram:

„Á aðalfundi Samtaka verslunar og þjónustu árið 2011 sagði þáverandi formaður samtakanna að brýnasta verkefni þjóðarinnar og stjórnvalda væri tryggja samþykkt Icesave-samninganna í þjóðaratkvæðagreiðslu. Það átti að gera til að bæta rekstrarskilyrði fyrirtækja. ,,Ef Icesave verður fellt þá mun engin ríkisstjórn hjálpa okkur upp úr þeirri stöðu” sagði formaður samtaka sem nú bera búvörusamninga saman við Icesavesamninga.“

Jafnframt segir forsætisráðherra í pistli sínum:

Icesavesamningurinn fól í sér greiðslu hundruða milljarða króna úr landinu í erlendri mynt sem ekki var til. Nýverið var reiknað út að kostnaður skattgreiðenda af fyrsta samningnum væri orðinn vel á annan milljarð evra. Það er ómögulegt að segja hvað það væri mikið í krónum vegna þess ekki er hægt að segja til um hversu mikið gengið hefði hrunið við að taka ábyrgð á Icesavekröfunni. Upphæðin sem fallið hefði á skattgreiðendur næmi þó hæglega 300 milljörðum króna (á núverandi gengi er hún yfir 200 milljarðar) og um leið væri staða ríkisfjármála miklu lakari, vaxtakostnaður ríkissjóðs meiri, meiri verðbólga með veikara gengi, innfluttar vörur dýrari osfrv. osfrv.

Sigmundur segir að stuðningur við innlenda matvælaframleiðslu snúist um að spara gjaldeyri. Nýta auðlindir landsins til að búa til gæðavöru. Stuðning sem að mati forsætisráðherra mætti kalla neytendastyrki.

Fyrir rúmum sjö árum höfðu menn áhyggjur af því hvort til væri gjaldeyrir til að flytja inn eldsneyti og lyf. Menn geta rétt ímyndað sér hver staðan hefði verið ef við hefðum ekki átt öfluga innlenda matvælaframleiðslu með þeim tugmilljarða gjaldeyrissparnaði sem hún skilar. Svo ekki sé einu sinni hugsað til þeirrar stöðu sem upp hefði komið ef við hefðum ekki haft innlenda matvælaframleiðslu og samþykkt Icesavesamninginn á sama tíma.

Sigmundur segir að lokum:

„Að gagnrýna 13-14 milljarða stuðning við lægra vöruverð til neytenda og gjaldeyrissparnað upp á um 50 milljarða á ári með vísan til áforma um að greiða hundruð milljarða úr landi fyrir ekki neitt þegar enginn gjaldeyrir var til er vægast sagt furðulegt. En það er lýsandi fyrir hvað þeir sem það gera eru komnir langt út í haga í gagnrýni sinni á bændur og landbúnað, undirstöðuatvinnugrein á Íslandi í meira en 1100 ár. Og allt til að geta eytt meiri gjaldeyri í að flytja inn meira af erlendum matvælum og selja þau með hærri álagningu.“

«
»

Ummæli ()


Vinsamlegast athugið:
Ummæli eru á ábyrgð þeirra sem þau skrifa. Eyjan áskilur sér þó rétt til að fjarlægja óviðeigandi og meiðandi ummæli. Tilkynna má óviðeigandi ummæli í netfangið ritstjorn@eyjan.is

Er gull í hlíðunum við skoska bæinn Towie? Er nýtt Klondike í uppsiglingu þar?

Íbúar í litla skoska bænum Towie eru fullir efasemda um hvort mikið magn af gulli leynist virkilega í hlíðunum í kringum bæinn. Ef rétt reynist þá mun það gjörbreyta öllu í þessum litla bæ sem virðist vera algjörlega dauður enda er kirkjugarðurinn helsta aðdráttarafl bæjarins fyrir ferðamenn. Um 300 manns búa í bænum sem er […]

Davíð með 22 prósent í könnun stuðningsmanna

Guðni Th. Jóhannesson mælist mmeð 57 prósenta fylgi í skoðanakönnun Gallup sem gerð var fyrir stuðningsmenn Davíðs Oddssonar. Sjálfur mælist Davíð með 22 prósenta fylgi. Um var að ræða netkönnun sem gerð var dagana 19. til 25. maí. 1.429 manns voru í úrtaki og var svarhlutfallið rúmlega 57 prósent. Andri Snær Magnason mælist með 11 […]

Munu Svisslendingar taka upp borgaralaun? Þjóðaratkvæðagreiðsla um málið innan skamms

5. júní ganga Svisslendingar að kjörborðinu og kjósa um hvort taka eigi upp borgaralaun í landinu. Þjóðaratkvæðagreiðslur eru einn af hornsteinum hins beina lýðræðis sem er í Sviss og geta 100.000 kjósendur krafist þjóðaratkvæðagreiðslu um mál sem eru þeim hugleikinn. Það er einmitt á grunni slíkra undirskrifta sem kosið verður um borgaralaun en þau eiga […]

Óli Björn hræddur við kosningar í haust – Vinstristjórn mun stefna öllu sem áunnist hefur í hættu

Kosningar í haust stefna öllu því sem ríkisstjórnin hefur áunnið í óvissu og hættu. Ekki nóg með það heldur munu verkefni sem stefnt hefur verið að og stuðningsmenn ríkisstjórnarinnar bundu vonir við að yrðu kláruð ekki verða að veruleika, taki við vinstristjórn að afloknum kosningum. „Líklegast mun ég aldrei skilja af hverju ríkisstjórnarflokkarnir komust að […]

Framhaldsskólar í vanda fá fjármagn

Sjö framhaldsskólar sem átt hafa í greiðsluerfiðleikum hafa fengið greidd framlög sem ætlað er að mæta vandanum. Framlögin taka mið af rekstraráætlun skólanna og eru greidd út þrátt fyrir uppsafnaða skuld við ríkissjóð. Framlögin nema alls tæpum 100 milljónum króna og voru ákveðin eftir að fjármála- og efnahagsráðuneytið og mennta- og menningarmálaráðuneytið höfðu farið yfir stöðu […]

Segir þingmenn Framsóknar grafa undan orðum forsætis- og fjármálaráðherra

Þingmenn Framsóknarflokksins halda áfram að draga í land með kosningar í haust. Þingmaður Pírata segir slíkt tal skaðlegt fyrir Alþingi og segir þá grafa undan orðum forystumanna ríkisstjórnarinnar. Silja Dögg Gunnarsdóttir lýsti því yfir á Alþingi í gær að það hafi verið vanhugsuð ákvörðun að efna til kosninga í haust og að hagsmunum þjóðarinnar væri […]

Forsætisráðherra fer fyrir nýju þjóðaröryggisráði

Forsætisráðherra mun fara fyrir nýju þjóðaröryggisráði, samkvæmt frumvarpi utanríkisráðherra sem útbýtt var á Alþingi í gær. Í fyrsta sinn í lýðveldissögunni mun liggja fyrir heildstæð stefna um þjóðaröryggismál Íslands. Þjóðaröryggisráð byggir á nýsamþykktri þjóðaröryggisstefnu, en engin sambærileg stefna hefur verið til á Íslandi fram að þessu. Stefnan á sér þó langan aðdraganda, eða allt frá […]

Hverjir styðja Guðna, Davíð og Andra?

Guðni Th. Jóhannesson nýtur yfirburðastuðnings allra þjóðfélagshópa í landinu, þó síst framsóknar- og sjálfstæðismanna. Það eru einmitt þeir hópar sem eru líklegastir til að styðja Davíð Oddsson. MMR birti í dag könnun á fylgi forsetaframbjóðenda, þar sem Guðni Th. nýtur fylgis 65,6 prósent kjósenda. Davíð Oddsson mælist með 18,1 prósent og Andri Snær Magnason 11 […]

„Kallast þetta ekki einfaldlega einkavæðing án umræðu?“

Furðu sætir hvers vegna Íbúðalánasjóður seldi 450 íbúðir án þess að nokkur greining hafi átt sér stað hvaða áhrif salan hefði á íbúðamarkaðinn og í ljósi þess hvert yfirlýst hlutverk sjóðsins er. Greint var frá því í vikunni að Almenna leigufélagið, sem er í sjóðsstýringu hjá Gamma, hafi keypt leigufélagið Klett af Íbúðalánasjóði. Inni í […]

Guðni Th. með algjöra yfirburði

Guðni Th. Jóhannesson fengi 65,6 prósent atkvæða ef kosið yrði til embættis forseta nú. Enginn annar frambjóðandi kemst nokkurs staðar nálægt fylgi Guðna. Þetta leiðir ný könnun MMR í ljós en hún var gerð dagana 12. til 20. maí. Næstur Guðna kemst Davíð Oddsson en hann mælist með 18,1 prósenta fylgi. Andri Snær Magnason mældist […]

Af hverju hefur Trump tekið forystu á Clinton í skoðanakönnunum?

Í fyrsta sinn síðan Donald Trump og Hillary Clinton hófu baráttu sína fyrir útnefningu sem forsetaframbjóðendur flokka sinna hefur Trump mælst með meira fylgi en Clinton. En af hverju hefur hann tekið forystuna? Samkvæmt meðaltalsniðurstöðum í skoðanakönnunum, sem RealClearPolitics hefur tekið saman, þá nýtur Trump nú meiri stuðnings en Clinton en það er í fyrsta […]

Alþingi verður að bregðast við ábendingum umboðsmanns

Bæði formaður og 1. varaformaður stjórnskipunar- og eftirlitsnefndar Alþingis segja að þingið verði að bregðast við ábendingu umboðsmanns Alþingis um þátttöku þýska bankans Hauck & Aufhäuser í kaupunum á Búnaðarbankanum árið 2003. Þetta kemur fram í Morgunblaðinu. Ögmundur Jónasson, formaður nefndarinnar, segir að rétt sé að bregðast við ábendingu umboðsmanns en auk þess sé verið […]

Þórhildur Þorleifsdóttir: Samfylking í sárum

Ég hef oft undrast þá þröngsýni sem einkennir umræður um pólítík og þá tilburði að skýra allt sem þar gerist með því sem gjarnan er kallað „skynsemisrök”  eða rökhyggja en horfa algerlega framhjá sálrænum og tilfinningalegum orsökum. Stjórnmálaskýrendur,  fræðimenn og  fjölmiðlamenn, ásamt þeim sem starfa í stjórnmálum hverju sinni, keppast við að finna rökrænar skýringar […]

Hryðjuverkaógnin breiðist hratt út í Evrópu

Þeim mun meiri þjálfun sem þeir hljóta, þeim mun hættulegri verða þeir. Þetta sagði Manuel Navarrete Paniagu, yfirmaður nýrrar and-hryðjuverkadeildar Evrópulögreglunnar Europol við yfirheyrslur hjá borgararéttindanefnd Evrópuþingsins í Brussel. Hann sagði að hættan sem stafar af hryðjuverkamönnum sem styðja hryðjuverkasamtökin sem kenna sig við Íslamska ríkið fari hratt vaxandi. Um sé að ræða blöndu af […]

Eyjan Miðlar ehf. - Kringlunni 4-12, Reykjavík - eyjan (hjá) eyjan.is