Miðvikudagur 24.02.2016 - 19:00 - Ummæli ()

Bjarni skrifaði undir búvörusamningana – Sjálfstæðismenn skauta framhjá hans þætti í gagnrýni

Bjarni Benediktsson, fjármálaráðherra. Mynd: Pressphotos

Bjarni Benediktsson, fjármálaráðherra. Mynd: Pressphotos

Gagnrýni þingmanna og ungliðahreyfingar Sjálfstæðisflokksins á nýja búvörusamninga hlýtur að beinast að formanni flokksins, Bjarna Benediktssyni, efnahags og fjármálaráðherra. Bjarni undirritaði samninginn fyrir sitt leyti og fyrir hönd ríkisins ásamt Sigurði Inga Jóhannssyni, sjávarútvegs- og landbúnaðarráðherra síðastliðinn föstudag. Þrátt fyrir þetta er skautað framhjá þætti Bjarna í samningunum, í ályktun ungliðahreyfingar flokksins.

Um er að ræða samninga við bændur, samkvæmt búnaðarlögum og samninga um starfsskilyrði við framleiðslu grænmetis, kindakjöts og nautgripaafurða. Samningarnir eru til tíu ára og hefur það meðal annars vakið gremju gagnrýnenda sem segja ótækt að komandi ríkisstjórnir séu bundnar svo lengi af samningunum.

Útgjöld ríkisins til landbúnaðarmála hækka um rúmar níu hundruð milljónir árið 2017 en fara stiglækkandi út samningstímann og verða heldur lægri á síðasta ári samningsins en þau verða í ár, samkvæmt upplýsingum úr landbúnaðarráðuneytinu. Sigurður Ingi sagði afar ánægjulegt að samningarnir væru í höfn, um tímamótasamninga væri að ræða. Bændur eiga eftir að samþykkja samningana í almennri atkvæðagreiðslu.

Nokkrir þingmenn Sjálfstæðisflokksins hafa stigið fram og mótmælt harðlega gerð nýrra búvörusamninga, þar á meðal Ragnheiður Ríkharðsdóttir þingflokksformaður, Vilhjálmur Bjarnason og Elín Hirst, en athygli vekur að þau eru öll þingmenn Sjálfstæðisflokksins í sama kjördæmi og formaðurinn Bjarni Benediktsson, sem skrifaði undir samningana ásamt Sigurði Inga.

„Eru menn ekki að grínast, aldrei með mínu samþykki á Alþingi Íslendinga,“ sagði Ragnheiður Ríkharðsdóttir, þingflokksformaður Sjálfstæðisflokksins um samningana á fésbókarsíðu sinni.

SUS minnist hvergi á þátt Bjarna

Þá sendi stjórn Sambands ungra sjálfstæðismanna frá sér ályktun þar sem lýst er sárum vonbrigðum með samningana. Skora ungliðarnir á þingmenn Sjálfstæðisflokksins að láta ekki undan þrýstingi „sérhagsmunaaflanna“ og berjast af alefli gegn búvörusamningum. Í ályktuninni segir einnig meðal annars:

Það er með öllu ólíðandi að landbúnaðarráðherra geti með þessum hætti bundið hendur næstu tveggja ríkisstjórna í eins mikilvægu máli og um ræðir.

[…]

Jafnframt er það ámælisvert að landbúnaðarráðherra hafi kosið að semja á bak við luktar dyr við sérhagsmunahóp bænda án nokkurrar aðkomu þeirra sem eiga að greiða reikninginn, skattgreiðenda.

Hvergi er vikið orði að því í ályktuninni að Bjarni Benediktsson, formaður Sjálfstæðisflokksins, hafi skrifað undir samningana, heldur er allri ábyrgðinni vísað á hendur Sigurði Inga, landbúnaðarráðherra og varaformanns Framsóknarflokksins. Ekki er ljóst hvort ungliðarnir vissu ekki betur við samningu ályktunarinnar eða hvort með henni sé reynt vísvitandi að firra Bjarna ábyrgð á búvörusamningunum.

 

 

.

 

«
»

Ummæli ()


Vinsamlegast athugið:
Ummæli eru á ábyrgð þeirra sem þau skrifa. Eyjan áskilur sér þó rétt til að fjarlægja óviðeigandi og meiðandi ummæli. Tilkynna má óviðeigandi ummæli í netfangið ritstjorn@eyjan.is

Óþarfi hjá forsetanum að veita Birgittu stjórnarmyndunarumboðið fyrir helgina

Það var óþarfi hjá Guðna Th. Jóhannessyni forseta Íslands að veita Birgittu Jónsdóttur stjórnarmyndunarumboð fyrir helgina. Allir séu að tala saman og pörunartími standi yfir fram að næstu ríkisstjórn. Þetta segir Þorgerður Katrín Gunnarsdóttir þingmaður Viðreisnar. Hún var gestur í þættinum Vikunni hjá Gísla Marteini Baldurssyni í Ríkissjónvarpinu í gærkvöldi og ræddi þar stöðuna í […]

Birgitta er komin með stjórnarmyndunarumboðið

Birgitta Jónsdóttir þingflokksformaður Pírata er komin með stjórnarmyndunarumboðið. Þetta kom fram í máli Guðna Th. Jóhannessonar forseta Íslands í kjölfar fundar hans með Birgittu á Bessastöðum. Birgitta er þriðji flokksleiðtoginn til að fá stjórnarmyndunarumboð frá forseta Íslands, en hvorki Bjarna Benediktssyni formanni Sjálfstæðisflokksins né Katrínu Jakobsdóttur formanni Vinstri grænna tókst að mynda ríkisstjórn. Píratar eru […]

Ef hið sama tíðkaðist í Bandaríkjunum og á Íslandi sæti verðandi Bandaríkjaforseti nú á bak við lás og slá

Í dag verður mál Péturs Gunnlaugssonar útvarpsmanns á Útvarpi Sögu, Jóns Vals Jenssonar guðfræðings og fleiri einstaklinga tekið fyrir við Héraðsdóm Reykjavíkur. Er þeim gefið að sök að hafa viðhaft hatursfulla orðræðu í tengslum við hinseginfræðslu í grunnskólum Hafnarfjarðar vorið 2015. Ummælin sem voru látin falla á Útvarpi Sögu á sínum tíma vöktu mikla athygli […]

Efi meðal Vinstri grænna um fimm flokka stjórn – Katrín: Ástæða til að skoða þjóðstjórn

Lítill áhugi er meðal þingmanna Vinstri grænna um myndun fimm flokka stjórnar með Pírötum, Viðreisn, Bjartri framtíð og Samfylkingunni. Segir Katrín Jakobsdóttir formaður VG að slík stjórn strandi fyrst og fremst á Viðreisn sem hafi ekki viljað gefa eftir í viðræðum flokkanna sem var slitið fyrir rúmri viku. Frá þessu er greint í DV og […]

„Það er tímaspursmál hvenær Danmörk yfirgefur Evrópusambandið“

Forystumenn Danska Þjóðarflokksins hittu Nigel Farage, fyrrverandi formann Breska Sjálfstæðisflokksins, UKIP, í Kaupmannahöfn á miðvikudaginn. Þar voru skýr tákn á lofti um að flokkurinn væri að íhuga að styðja við þjóðaratkvæðagreiðslu um veru Danmerkur í Evrópusambandinu. Þessi tíðindi endurspegla strauma í átt að aukinni þjóðernishyggju á Norðurlöndunum, en líkt og Eyjan greindi frá nýverið er […]

Yfirlýsing Matvælastofnunar vegna Brúneggja: ,,Varð okkur á?“

Matvælastofnun segir ljóst að margt þurfi að bæta vegna Brúneggjamálsins svokallaða, hafa margir gagnrýnt stofnunina fyrir aðgerðir og aðgerðaleysi í tengslum við málið.  Hér fyrir neðan má lesa yfirlýsingu MAST í heild sinni: Mikil umræða hefur orðið um málefni eggjaframleiðandans Brúnegg eftir að Kastljós RÚV fjallaði um málið í byrjun vikunnar. Meðal annars er fullyrt […]

Katrín og Bjarni fara ekki í viðræður

Vinstri grænir og Sjálfstæðisflokkurinn munu ekki hefja formlegar stjórnarmyndunarumræður, þetta sagði Katrín Jakobsdóttir formaður VG við RÚV. Segir hún viðræðurnar ekki hafa strandað á tilteknu málefni, það hafi einfaldlega verið of langt á milli flokkanna. Katrín vildi ekki gefa upp hvort hún ætli aftur í viðræður með Viðreisn, Pírötum, Bjartri framtíð og Samfylkinguna, sem hafa […]

Fimm flokka stjórn aftur á teikniborðinu?

Formenn Viðreisnar, Bjartrar framtíðar og Samfylkingar ásamt Pírötum eiga í óformlegum viðræðum um myndun ríkisstjórnar, samkvæmt heimildum RÚV er beðið eftir að Katrín Jakobsdóttir formaður Vinstri grænna klári viðræður VG við Sjálfstæðisflokkinn til að freista þess að mynda fimm flokka ríkisstjórn. Enn hefur ekkert verið gefið upp um stöðu viðræðna Vinstri grænna og Sjálfstæðisflokksins eða […]

Langt á milli Samfylkingar og Sjálfstæðisflokks – ,,Líst ekkert á hugmyndir um fjórflokkastjórn‘‘

Alþingi kemur aftur saman þann 6. desember, hvort sem ný ríkisstjórn hafi verið mynduð eður ei. Að sögn Katrínar Jakobsdóttur formanns Vinstri grænna eru viðræður hennar og Bjarna Benediktssonar, formanns Sjálfstæðisflokksins enn á byrjunarstigi. Flokkur hennar er reiðubúinn til viðræðna við alla flokka. Samkvæmt Fréttablaðinu í morgun er helsta vandamálið í viðræðunum að öðrum flokkum […]

„Við vitum árangurinn af IceSave og ég þakka það Morgunblaðinu“

Menn voru með alveg skýra sýn, eigendur blaðsins voru með þrjá sem þeir vildu fá öðruvísi tök á í þjóðfélaginu. Það var IceSave fyrst og fremst, ESB og svo sjávarútvegsmál. Við vitum árangurinn af IceSave og ég þakka það Morgunblaðinu mjög. Við vitum hvar ESB er statt, sjávarútvegsmálin eru enn í óvissu og uppnámi og […]

Forseti fellst á tillögu forsætisráðherra: Tímabært að Alþingi komi saman og afgreiði fjárlög

Forseti Íslands hefur fallist á tillögu forsætisráðherra um að þing verði kallað saman þriðjudaginn 6. desember nk. kl. 13.30. Ríkisstjórnin fjallaði um fyrirhugaða þingsetningu á fundi sínum í morgun og þar var jafnframt fjallað um framlagningu fjárlagafrumvarps fyrir árið 2017 og tengdra þingmála sem lögð verða fram í upphafi þings. „Nú er rúmur mánuður liðinn […]

„Samfylkingin svífur því um í tómarúmi“

Fylgishrun Samfylkingarinnar í síðustu kosningum hefur verið tíðrætt undanfarið og virðist sem ekkert lát verði á því í bráð. Fór flokkurinn niður í 5,7% í síðustu kosningum, en flokkurinn var áður með stuðning um þriðjungs þjóðarinnar, 31% árið Alþingiskosningunum 2003, 28,9% árið 2009 og var kominn niður í 12,9% árið 2013. Hafa margir velt fyrir […]

Steinþór hættir hjá Landsbankanum

Steinþór Pálsson lætur af stöfum sem bankastjóri Landsbankans, en hann hefur verið bankastjóri frá 1. júní 2010. Í tilkynningu frá Landsbankanum segir að bankaráð Landsbankans og Steinþór hafi komist að samkomulagi um að hann láti af störfum hjá bankanum. Hreiðar Bjarnason framkvæmdastjóri Fjármála og staðgengill bankastjóra tekur við tímabundið, staða bankastjóra verður auglýst svo fljótt […]

Skora á stjórnvöld að gefa út opinn innflutningskvóta á egg

Félag atvinnurekenda skorar á stjórnvöld að gefa þegar í stað út opinn, tollfrjálsan innflutningskvóta á ferskum eggjum til að bregðast við fyrirséðum eggjaskorti fyrir jólin. Stefán Ragnar Guðjóns­son fram­kvæmda­stjóri inn­kaupa­sviðs Sam­kaupa sagði í samtali við Morgunblaðið í gær að þar sem Brúnegg væri með um 20% hlutdeild á eggjamarkaðnum hér á landi gæti komið upp […]

Eyjan Miðlar ehf. - Kringlunni 4-12, Reykjavík - eyjan (hjá) eyjan.is