Sunnudagur 28.02.2016 - 12:24 - Ummæli ()

Helgi Hrafn og Birgitta töluðust ekki við: „Því vil ég biðja Birgittu Jónsdóttur innilega afsökunar“

Helgi Hrafn Gunnarsson og Birgitta Jónsdóttir, þingmenn Pírata. Samsett mynd/DV

Helgi Hrafn Gunnarsson og Birgitta Jónsdóttir, þingmenn Pírata. Samsett mynd/DV

„Ég vil biðja Birgittu Jónsdóttur afsökunar á orðum mínum sem birtust í Morgunblaðinu snemma í nýliðinni viku (að mér þætti skjóta skökku við o.s.frv.). Um leið og ég sá umræðuna í kjölfarið fór ég að velta fyrir mér hvort ég skuldaði henni afsökunarbeiðni og hefði hlaupið fram fyrir mig, en þá var ég ennþá svo gríðarlega reiður að mér fannst þetta einhvern veginn þurfi. Ég sé núna að það hefði verið mun betra að ræða málið fyrst við Birgittu, en satt best að segja var á þeim tíma ekki talsamband milli okkar, sem er eitthvað sem við höfum reynt að laga síðan þá. Mér var gjörsamlega misboðið en ég sé núna að það réttlætir ekki að ganga fram með þeim hætti sem ég gerði þá. Því vil ég biðja Birgittu Jónsdóttur innilega afsökunar á því.“

Þetta skrifar Helgi Hrafn Gunnarsson þingmaður Pírata á Fésbók í dag. Skrifar hann þar langan pistil undir forskriftinni „Óhreinn þvottur Pírata hér“ og biður hann þar Pírata afsökunar á því að hafa dýpkað misskilning um kröfu Pírata á tilhögun næsta kjörtímabils er varðar stjórnarskrána:

Strangt til tekið þýðir þetta að það verði bara eitt þing, eins og Birgitta bendir á, án þess að tilgreint verði hversu langt það sé. Það er lítið skrýtið að þetta valdi ruglingi. Ég get tekið á mig ábyrgð á því að hafa misskilið þetta upprunalega og sömuleiðis að í kjölfarið dreift út einhverjum misskilningi um þetta. Ég bið sjálfan mig afsökunar á því, en flokkinn afsökunar á því að hafa dýpkað misskilninginn frekar en valda því að hann skerptist,

skrifar Helgi Hrafn og segir að tillaga sé komin fram sem skerpir á stefnu flokksins. Margir hafa veitt deilum og ólgu innan Pírata athygli síðustu daga, þar á meðal Egill Helgason hér á Eyjunni. Helgi Hrafn segir það hafa verið rétt hjá Birgittu um að hún hafi beðið hann um að vera ekki með neinar „bombur“ í fjölmiðlum en það hafi mistekist vegna misskilnings á eðli tillögunnar:

Ég sé núna að það hefði verið mun betra að ræða málið fyrst við Birgittu, en satt best að segja var á þeim tíma ekki talsamband milli okkar, sem er eitthvað sem við höfum reynt að laga síðan þá. Mér var gjörsamlega misboðið en ég sé núna að það réttlætir ekki að ganga fram með þeim hætti sem ég gerði þá. Því vil ég biðja Birgittu Jónsdóttur innilega afsökunar á því.

Páll Óskar lýsir yfir stuðningi við Pírata

Birgitta Jónsdóttir þingkona Pírata varð við afsökunarbeiðni Helga Hrafns í athugssemd þar sem hún skrifaði ásamt hjartamerki:

Afsökunarbeiðnin móttekin og samþykkt. Þakka þér fyrir Helgi minn.

Birgitta ávarpaði flokksmenn einnig á Fésbók í morgun þar sem hún bað flokksmenn um að hafa hugfast að í hvert sinn sem Píratar beini gremju eða andúð að hvor öðrum þá séu þeir að skemmta skrattanum og að stuðningur flokksins í skoðanakönnunum geti horfið eins og dögg fyrir sólu:

Samfélagið okkar er í molum, verjum frekar tíma okkar í að leita raunverulegra lausna fyrir samfélagið í heild. Þjóðin okkar er orðin örmagna vegna þeirra sundrungar sem hér er alltaf alið á og er þekkt leið til að klekkja á samtakamætti þjóðar,

sagði Birgitta Jónsdóttir. Fjölmargir hafa hrósað þeim fyrir þessar sættir, meðal þeirra var tónlistarmaðurinn Páll Óskar Hjálmtýsson sem skrifaði:

Þessi pistill og þetta viðhorf er aðeins ein af ástæðum þess að ég mun kjósa Pírata í næstu kosningum og vona að þær renni upp sem fyrst.

«
»

Ummæli ()

Vinsamlegast athugið:
Ummæli eru á ábyrgð þeirra sem þau skrifa. Eyjan áskilur sér þó rétt til að fjarlægja óviðeigandi og meiðandi ummæli. Tilkynna má óviðeigandi ummæli í netfangið ritstjorn@eyjan.is

Það sem má ekki gleymast

Kolbrún Bergþórsdóttir skrifar: Okkur er sagt að hryðjuverkamenn vilji með morðum sínum skapa glundroða í samfélögum sem alla jafna eru fremur friðsamleg. Okkur er líka sagt að við eigum ekki að breyta háttum okkar í of miklum mæli því um leið og við gerum það hafi hryðjuverkamenn náð ákveðnum árangri. Þetta er bæði satt og […]

Bryndís: „Ég finn hamingjuna hríslast fram í fingurgóma“

Bryndís Schram skrifar: Fyrir fjörutíu árum útskrifaði ég glæsilegan hóp stúdenta frá Menntaskólanum á Ísafirði. Í dag fagnar þessi sami hópur tímamótum á sama stað. Ég sakna þess að vera ekki með – það mundi hafa verið gaman – en læt mér nægja að senda hamingjuóskir frá fjarlægum slóðum og læt meðfylgjandi texta fylgja: HUGSAÐ […]

Hin nýja miðja

Björgvin G. Sigurðsson skrifar:  Árangur Emmanuels Macron í frönsku forsetakosningunum á dögunum var afgerandi sigur umburðarlyndis, klassískrar velferðarstefnu og frjálsyndis yfir þjóðernisöfgum og hægri harðlínu Marine LePen. Hinsvegar er það mikið áhyggjuefni að meira en þriðjungur kjósenda studdi öfgaflokkinn Front National og spurt verður að leikslokum ef Macron lendir í vanda með að uppfylla væntingarnar. […]

Ólína Þorvarðardóttir: „Kjósendur hafa alltaf rétt fyrir sér“

Dr. Ólína Kjerúlf Þorvarðardóttir fyrrverandi þingmaður Samfylkingar í Norðvesturkjördæmi, og þar með Vesturlands, lætur ekki deigan síga þó hún sé stigin út úr orrahríð og erli stjórnmálanna. Í síðustu viku sendi hún frá sér nýja og afar glæsilega bók sem er Árbók Ferðafélags Íslands og fjallar um Ísafjarðardjúp. Ólína hefur nú tekið aftur upp þráðinn […]

Ásmundur vill ekki að krónan styrkist: Veikir ferðaþjónustuna

Ásmundur Friðriksson  skrifar:  Bragurinn á þingstörfunum í vetur hefur verið að mínu mati afar góður. Þingið hefur farið vel fram, verið laust við uppþot og gauragang sem fylgdi oft umræðum undir fundarstjórn forseta á síðasta kjörtímabili og gekk langt fram úr eðlilegum þingstörfum sama hvernig litið er á það. Þá má segja að þingstarfið hafi […]

Guðjón Brjánsson alþingismaður: Aldraðir, eru ekki til peningar?

Nokkrum dögum fyrir alþingiskosningarnar 2013 ritaði formaður Sjálfstæðisflokksins eldri borgurum bréf þar sem hann tíundaði loforð um átak í þeirra þágu. Það átti snarlega að afnema kjaraskerðingu, lækka fjármagnstekjuskatt og afnema tekjutengingar ellilífeyris. Sjálfstæðisflokkurinn hjarir enn við völd og allt hefur þetta verið sniðgengið svo ekki sé dýpra tekið í árinni, enn bíða aldraðir og […]

Leiðtogar G7-ríkjanna funda á Sikiley

Eftir Björn Bjarnason: Leiðtogar G7-ríkjanna hittust á fundi í Taorima á Sikiley föstudaginn 26. maí. Fjórir nýir eru í hópnum forsetar Bandaríkjanna og Frakklands og forsætisráðherrar Bretlands og Kanada. Fundinum lýkur í dag laugardaginn 27. maí en alþjóða- og öryggismál eru á dagskrá hans og ber baráttuna gegn hryðjuverkum hátt. Á ríkisoddvitafundi NATO-ríkjanna í Brussel […]

Pétur G. Markan: Fjórar sögur um dauða, sorg, vinskap og upprisu

Pétur Georg Markan sveitarstjóri Súðavíkurhrepps skrifar: Borgarstjóri Þórshafnar, varalögmaður Færeyinga, systur og bræður Færeyingar, Ég flyt ykkur kveðju frá Vestfjörðum, ég færi ykkur samhug, vinafaðmlag og þakklæti frá Súðavíkurhreppi. Af meðvitund um eigin vanmátt  á mót örlagaríkri sögu, sorg og upprisu samfélaga, ástvinamissi og vinagjöfum, ætla ég að segja ykkur fjórar sögur í dag. Fyrsta […]

Fólk af Akranesi lenti í sjálfsmorðssprengjuárás: „Hræðilegasta símtal sem ég hef nokkurn tímann fengið“

Íslendingar voru meðal tónleikagesta þegar hryðjuverkamaður sprengdi sjálfan sig í loft upp í Manchester í Bretlandi á mánudagskvöld. Alls létust 22 og 119 slösuðust, mörg lífshættulega. Sjálfsmorðssprengjumaðurinn lét til skarar skríða þegar tónleikum söngkonunnar Ariana Grande var nýlokið og fólk á leið út úr tónleikahöllinni. Um 21 þúsund manns voru á tónleikunum, langflest yngra fólk. Mörg hinna […]

Guðrún Erlingsdóttir: „Það eru allir áhugaverðir og faldir gimsteinar út um allt”

Guðrún Erlingsdóttir var um árabil áberandi í sunnlenskum stjórnmálum. Hún tók sæti á Alþingi fyrir Samfylkinguna, sat í bæjarstjórn Vestmannayja fyrir V-listann og starfaði fyrir Verslunarmannafélags Suðurlands. Eftir viðburðaríkan ferlil og langa búsetu í Eyjum undu þau Gylfi Sigurðsson, eiginmaður hennar, kvæði sínu í kross og fluttu til Reykjavíkur. Nýverið hóf hún störf á Morgunblaðinu […]

Oddný: Aðför að skólasamfélaginu

Oddný G. Harðardóttir skrifar: Aðför að skólasamfélaginu Sagt er að það séu þrír flokkar í ríkisstjórn en aðeins tveir skipti máli – Sjálfstæðisflokkurinn. Þetta er svolítið fyndið en því miður einnig svolítið satt. Síðustu áform menntamálaráðherra Sjálfstæðisflokksins í ríkisstjórninni eru a.m.k. vísbending um að Sjálfstæðisflokkurinn ráði öllu í málefnum framhaldsskóla landsins. Það var verulega umdeilt […]

Hjálmar kveður á sunnudaginn: Þjóðfélagið breytist en tilfinningarnar eru ávallt þær sömu

Hjálmar Jónsson dómkirkjuprestur flytur sína síðustu messu næstkomandi sunnudag. Um er að ræða kveðjumessu þar sem fram koma Karlakór Reykjavíkur ásamt Árna Geir Sigurbjörnsson og Ragnhildur Gísladóttir. Hjálmar hefur gengt embætti dómkirkjuprests síðastliðin 16 ár og lætur af störfum sem elsti sóknarprestur í borginni. Hann var vígður til prests í dómkirkjunni í október 1976 og […]

Róbert Trausti: Costco breytir engu – Allt verður komið í sinn vana gang eftir 2-3 vikur

Róbert Trausti Árnason fyrrverandi sendiherra og forsetaritari segir að koma Costco komi ekki til með að breyta markaðnum, það hafi oft gerst áður að stórar verslanir hafi opnað við mikinn æsing með tilheyrandi röðum en það sé stutt í það að markaðurinn fari aftur í jafnvægi. Koma Costco hefur vakið mikla athygli og hafa verið […]

Tveir bæjarstjórar með hærri laun en Dagur B. Eggertsson

Stærð sveitarfélaga og laun bæjarstjóra virðast oft í litlu samræmi samkvæmt nýrri úttekt DV á launamálum þeirra. Meðallaun bæjarstjóra eru 1,6 milljónir króna á mánuði en launahæstur bæjarstjóra er Ármann Kr. Ólafsson, bæjarstóri í Kópavogi með 2,2 milljónir króna á mánuði þegar allt er tekið saman. Dagur B. Eggertsson er með ríflega tvær milljónir króna […]

Eyjan Miðlar ehf. - Kringlunni 4-12, 103 Reykjavík - eyjan (hjá) eyjan.is