Sunnudagur 28.02.2016 - 15:45 - Ummæli ()

Ósýnilegu þingmennirnir

alþingi_blörraðVið síðustu kosningar varð afar mikil endurnýjun á þingmannahópnum sem dagsdaglega sinnir störfum sínum niðri við Austurvöll. Fjöldi nýrra þingmanna kom inn á þing og um marga þeirra má segja að allur þorri almennings hafi verið að sjá þá í fyrsta skipti. Síðan eru liðin tvö og hálft ár og halda má því fram með nokkrum rétti að sumir þessara þingmanna séu enn jafn óþekktir og þeir voru þegar þeir settust á þing.

Fjölmargir eru aðgerðarlitlir á þingi

Eyjan tók saman lista yfir þá þingmenn sem minnst þykir hafa borið á. Var það gert með því að kanna þann tíma sem þeir hafa eytt í ræðustól Alþingis á yfirstandandi þingi, frá því í septemberbyrjun 2015 og til mánudagsins 22. febrúar síðastliðinn. Þá var leitað eftir því hversu mörg þingmál þingmenn hefðu lagt fram, þingsályktunartillögur, frumvörp, fyrirspurnir auk annars. Stuðst var við síðu Alþingis í þeim efnum. Auk þess var lauslega farið yfir hversu mikið hefur borið á þingmönnum í fjölmiðlum á yfirstandandi þingvetri.

freyr_eyjan_dvRétt er að geta þess að samkvæmt því sem reyndir þingmenn segja Eyjunni koma meðflutningsmenn þingsályktunartillagna eða frumvarpa sjaldnast mikið nálægt samningu frumvarpanna eða tillagnanna, þó það sé ekki einhlítt. Sömuleiðis eru það oft sömu frumvörpin eða tillögurnar sem þingmenn eru skráðir sem meðflutningsmenn að.

Tala lítið og leggja fátt fram

Þingmennirnir sem minnst hefur borið á eru allir þingmenn stjórnarflokkanna, Framsóknarflokksins og Sjálfstæðisflokksins. Þess ber að geta að alvanalegt er að meira beri á stjórnarandstöðuþingmönnum en almennum þingmönnum stjórnarliðsins. Stjórnarþingmenn hafa sjaldnar komið fram með þingmannamál í sögulegu tilliti enda eru flest stór frumvörp lögð fram af ríkisstjórninni.

ósýnilegu þingmennirnir_450Samfylkingin lætur ekki deigan síga

Þingmenn Samfylkingarinnar hafa verið nokkuð duglegir í ræðustól Alþingis það sem af er vetri. Sem stendur vermir Össur Skarphéðinsson annað sætið yfir þá sem mest hafa talað, tæpar 17 samfylking_logoklukkustundir. Enginn þingmaður Samfylkingarinnar hefur talað skemur en 8 klukkustundir ef undan er skilin Ólína Kjerúlf Þorvarðardóttir, sem hefur talað í 5 klukkustundir og 24 mínútur. Hún rekur lestina af Samfylkingarþingmönnum hvað ræðutíma varðar en það verður að skoðast í ljósi þess að hún var ekki aðalmaður þegar þing hófst heldur kom inn á þing eftir að Guðbjartur Hannesson féll frá í október síðastliðnum. Aðrir þingmenn Samfylkingar hafa verið nokkuð iðnir við kolann, hafa flestir lagt fram þingsályktunartillögur eða frumvörp, nema hvort tveggja sé. Þá hafa þeir flestir lagt fram fjölda fyrirspurna.

Píratar iðnir við kolann

Píratar hafa verið áberandi á þingvetrinum og ekki er hægt að draga neinn þar út sem hefur verið ósýnilegur. Helgi Hrafn Gunnarsson, píratarkapteinn Pírata, er inni á topp tíu lista þeirra þingmanna sem lengst hafa talað, í rúmar 12 klukkustundir í 314 ræðum. Sömu sögu má segja af Birgittu Jónsdóttur og Ástu Guðrúnu Helgadóttur. Auk þess að hafa verið tíðir gestir í ræðustól hafa Píratar lagt fram þingsályktunartillögur, frumvörp og fjölda fyrirspurna.

Bjarkey vermir toppsætið

Vinstri græn hafa einnig verið mjög áberandi það sem af er þingvetri. Af sjö þingmönnum flokksins raða sex sér á topp tíu vinstri græn_logolistann yfir þá sem lengst hafa talað og sá sjöundi, Svandís Svavarsdóttir, er í 12. sæti. Bjarkey Olsen Gunnarsdóttir hefur talað þingmanna mest, í rúmar 17 klukkustundir og 30 mínútur. Svandís hefur talað í tæpar 10 klukkustundir og 30 mínútur. Allir þingmenn Vinstri grænna hafa lagt fram þingsályktunartillögur, sumir margar, og allir nema tveir hafa lagt fram lagafrumvörp. Þá hafa þingmenn Vinstri grænna borið upp fjölda fyrirspurna til skriflegra svara, óundirbúinna fyrirspurna og óskað eftir skýrslum.

Björt framtíð í meðaltalinu

Þingmenn Bjartrar framtíðar hafa verið í meðaltalinu það sem af er vetri. Ræðutími þingmanna Bjartrar framtíðar er á bilinu 4 bf_logoklukkustundir og 30 mínútur og upp í rúmar 7 klukkustundir. Björt Ólafsdóttir er þó undantekningin frá þessu en hún hefur talað í 1 klukkustund og 7 mínútur. Á því er þó sú skýring að Björt kom til baka úr fæðingarorlofi 1. desember síðastliðinn og hefur hún verið býsna lífleg síðan þá. Þá hafa flestir þingmenn Bjartrar framtíðar lagt fram þingsályktunartillögur, frumvörp og fjölda fyrirspurna og beiðna um skýrslur.

„Innihaldið skiptir mestu“

Hjörleifur Guttormsson sat á þingi frá 1978 til 1999 sem þingmaður Al­þýðubandalagsins og sat í stól iðnaðarráðherra árin 1978–1979 og 1980–1983. Hjörleifur þótti harður málafylgjumaður, tók oft og mikið til máls og gat haldið langar ræður. Á tíunda áratugnum hélt Hjörleifur til að mynda í tvígang ræður sem stóðu yfir í tæplega fimm klukkustundir. Þekkt er að gárungar tóku til við að mæla ræðulengd í svokölluðum „hjörlum“ og var eitt hjörl þá 15 mínútna samfellt talað mál.

hjörleifur guttHjörleifur sagði í samtali við Eyjuna að hann hefði oft verið með mikinn fjölda mála undir í þinginu á sinni tíð og því hafi oft þurft að eyða nokkuð löngum tíma í að fylgja þeim málum eftir.

„Það skiptir nú kannski mestu innihaldið í því sem þingmenn tala um hverju sinni á þingi, hvers efnis það er og hvort það telst vera bitastætt. Það getur verið mjög gott að menn séu gagnorðir en síðan geta menn þurft að tala eitthvað lengur, það verður auðvitað bara að skoðast eftir efni máls.“

Eins og sjá má í samantekt yfir ósýnilegu þingmennina í þessari umfjöllun virðist oft vera samasemmerki milli þess að þingmenn tali lítið í þinginu og að þeir hafi ekki lagt fram mörg þingmál. Því er kannski eðlilegt að fólk spyrji sig hvað umræddir þingmenn séu eiginlega að gera á þinginu. Hjörleifur segir að hann vilji ekki leggja dóm á einstaka þingmenn.

„Ég vil nú ekki vera að leggja dóm á það hvernig þetta er í dag, því ég fylgist nú ekki daglega með Alþingi. Þetta er hins vegar ekki ný saga, þetta má sjá í þingtíðindum í gegnum árin og áratugi. Það er afskaplega misjafnt hvað þingmenn leggja fram mikið af málum og hvað þeir taka mikinn þátt í umræðum. Það er jafn misjafnt og mennirnir eru margir og það er kannski ekkert undarlegt að Alþingi endurspegli ákveðna breidd í þeim efnum.“

„Gera svo margt fleira en það sem sýnilegt er“

Þorgerður Katrín Gunnarsdóttir sat á þingi á árunum 1999–2013 og sat í stól menntamálaráðherra árin 2003–2009. Þorgerður upplifði því bæði þingsetu í stjórn og stjórnarandstöðu og var með­ al reyndari þingmanna undir lokin á þingsetu sinni. Þorgerður var skörulegur ræðumað­ur og eftir því tekið sem hún hafði fram að færa.

þorgerður katrínÞorgerður segir í samtali við Eyjuna að ræðutími, framlagð­ar tillögur og frumvörp séu alls ekki eini mælikvarðinn á það sem þingmenn gera í vinnu sinni. „Þingmenn gera svo margt fleira en það sem sýnilegt er. Sú mynd sem gjarnan er brugðið upp af þingsal í fjölmiðlum, hálftómum, er oft afbrigðileg. Þingmenn eru hugsanlega á skrifstofum sínum að vinna frumvörp, skrifa ræður, greinar í blöð eða einfaldlega úti í kjördæmum að hitta fólk eða heimsækja fyrirtæki.“ Þá skipti þingmenn með sér verkum.

Þorgerður segir það yfirborðskenndan mælikvarða að mæla mín­útufjölda í ræðustól. „Auðvitað er það mjög skringilegt ef þing­menn eru bara einhverjar 30 til 40 mínútur í ræðustól yfir þingveturinn. En alla jafna finnst mér þetta vera svolítið yfirborðskenndur mælikvarði, mínútufjöldi í ræðustól. Ræðumenn geta líka verið skýrir og skorinorðir og koma frá sér kjarna máls á stuttum tíma, meðan aðrir þurfa meiri tíma til þess. […] Þingmannsstarfið er oft vanmetið og þingmenn sjálfir eiga ekki að tala það niður. Þetta er gefandi vinnustaður og gott fólk í öllum flokkum. Ég myndi segja að á þessum fjórtán árum sem ég var á þingi fannst mér 99 prósent þingmanna vera að sinna vinnunni sinni af kostgæfni.

Sem betur fer eru þetta 63 ólíkir einstaklingar, sumir eru betri í því að fara út í umhverfið, sitja fundi og ræða mál þar, reyna að miðla þekkingu sinni og afla sér nýrrar þekkingar. Aðrir eru góðir í að semja þingmál og fá fólk með sér á þingmál. Það er bara hið besta mál,“ segir Þorgerður og nefnir Pétur heitinn Blöndal sem dæmi um slíkan þingmann. Hann hafi verið óhemju duglegur og vinnusamur í þessum efnum.

Umfjöllunin birtist fyrst í Helgarblaði DV.

 

«
»

Ummæli ()

Vinsamlegast athugið:
Ummæli eru á ábyrgð þeirra sem þau skrifa. Eyjan áskilur sér þó rétt til að fjarlægja óviðeigandi og meiðandi ummæli. Tilkynna má óviðeigandi ummæli í netfangið ritstjorn@eyjan.is

Bráðum mega landsmenn eiga lögheimili í sumarbústöðum

Brátt geta þeir sem aldrei vilja fara heim úr sumarbústaðnum tekið gleði sína en til skoðunar er að breyta lögum um lögheimili til að gera fólki kleift að vera þar með lögheimili. Sama gildir um atvinnuhúsnæði. Fram kom á ráðstefnu Reykja­víkuraka­demí­unn­ar og Reykja­vík­ur­borg­ar sl. föstu­dag um ólög­legt hús­næði og óleyfisbúsetu, sem greint er frá í […]

Björn Valur: Bjarni sækir fast að því að fá sjötta ráðherrann

Bjarni Benediktsson formaður Sjálfstæðisflokksins sækir fast að því að fá sex ráðherra í hlut Sjálfstæðisflokksins í ríkisstjórninni en Vinstri græn og Framsóknarflokkurinn taka það ekki í mál. Þetta segir Björn Valur Gíslason fyrrverandi varaformaður Vinstri grænna í færslu á Fésbók. Björn Valur segir Sjálfstæðismenn eiga í miklum vandræðum með ráðherraval í væntanlegri ríkisstjórn Sjálfstæðisflokks, VG […]

Kjartan ósáttur við söluna og kaupin á OR-húsinu: „Furðulegur fjármálagjörningur“

Kjartan Magnússon borgarfulltrúi Sjálfstæðisflokksins segir að salan og kaup Orkuveitu Reykjavíkur á OR-húsinu á Bæjarhálsi sé furðulegur fjármálagjörningur og sé mjög kostnaðarsamur fyrir íbúa Reykjavíkur og íbúum annarra sveitarfélaga sem eiga Orkuveituna. Árið 2013 seldi Orkuveitan húsnæðið fyrir 5,1 milljarð króna til lífeyrissjóða og fjárfestingafélaga en hélt áfram að leigja húsnæðið. Síðar kom í ljós […]

Oktavía Hrund kjörin formaður Pírata i Evrópu

Oktavía Hrund Jónsdóttir var kjörin stjórnarformaður Pírata í Evrópu á fundi sem haldinn var í Prag um helgina. Oktavía er varaþingmaður Pírata í Suðvesturkjördæmi og alþjóðafulltrúi framkvæmdaráðs Pírata á Íslandi. Hún er með MA gráðu í alþjóðlegri þróunarfræði og samskiptum frá Hróarskelduháskóla. Oktavía situr í stjórn Freedom of the Press Foundation og síðstu ár hefur […]

Mismunandi niðurstöður jafn réttar

Á heimasíðu Hæstaréttar hefur nú verið birt viðtal við Eirík Tómasson sem lét af störfum sem dómari við réttinn 1. september s.l. Það er nýbreytni í starfi réttarins að birta svona efni á heimasíðu sinni. Gaman væri að heyra hvernig starfsháttum við þessa léttmetissíðu er háttað. Hver er ábyrgðarmaður síðunnar? Hver tók viðtalið við Eirík? […]

Morgunblaðið: Hvað um samband Kristjáns og Rósu? „Einkalíf Rósu B. er ekki til umræðu á samfélagsmiðlum“

Í Staksteinum í Morgunblaðinu eru fjölmiðlar gagnrýndir fyrir umfjallanir um einkalíf Sigmundar Davíðs og Bjarna Benediktssonar forsætisráðherra. Á meðan hjólað sé á ósanngjarnan hátt í þessa tvo stjórnmálamenn sé farið silkihöndum um aðra og er Rósa B. Brynjólfsdóttir, þingmaður Vg, sérstaklega nefnd í því samhengi. Staksteinar Morgunblaðsins byrja á þessum orðum: „Pál Vilhjálmsson bendir á. […]

Verri þjónusta er betri þjónusta

Ef eitthvað er idjótískt í nútímanum – og er í rauninni angi af þeirri nauðhyggju að öll tækniþróun sé skilyrðislaust af hinu góða – þá er það þegar reynt er að sannfæra mann um að lakari þjónusta sé í raun betri þjónusta.

Samtök atvinnulífsins segja kominn tíma til að stytta grunnskólanám: Getur mildað áhrif kennaraskorts

Samtök atvinnulífsins segja það vera kominn tími til að skoða af alvöru að stytta grunnskólanám um eitt ár. Fram kemur í grein á vef SA að það kunni að felast verðmæt tækifæri í að láta grunnskólann ná aðeins upp í 9.bekk, þar á meðal sé hægt að hægt að hækka laun kennara og milda áhrif […]

Björn Valur: Þarf að staðfesta að endurritið sé hið raunverulega samtal

Björn Valur Gíslason er í bankaráði Seðlabankans. Hann segir alvarlegt að trúnaðargögn hafi farið úr bankanum og endað á fjölmiðli. Þar á hann við símtal Davíðs Oddssonar þáverandi seðlabankastjóra og Geirs H. Haarde þáverandi forsætisráðherra sem birt var í Morgunblaðinu um helgina. Fjölmargir fjölmiðlar hafa reynt að fá samtalið afhent frá Seðlabankanum en verið hafnað. […]

Píratar vinna við að bjarga heimasíðu Sjálfstæðisflokksins

Þingmenn og áhrifamenn innan Pírata vinna nú að því að bjarga vefsíðum vefhýsingarfyrirtækisins 1984 sem hrundi í síðustu viku. Margar vefsíðu fóru illa út úr hruninu, þar á meðal vefur Eiríks Jónssonar sem og vefir Pírata og Sjálfstæðisflokksins. Fram kom í twitter-færslu frá 1984 í gær að þingmennirnir Helgi Hrafn Gunnarsson og Smári McCarthy ynnu […]

Magnús: Eitthvað allt annað en gagnleki þegar upplýsingarnar eru notaðar eftir hentugleika

„Gagnalekar sem hafa þann tilgang að upplýsa almenning um sitthvað misjafnt, jafnvel lögbrot, í störfum og fjármálum ráða- og efnamanna hafa löngu sannað mikilvægi sitt fyrir framgang lýðræðisins. En að hafa á brott með sér upplýsingar frá ríkisstofnun, þegar viðkomandi er sagt upp störfum, til þess að nýta þær upplýsingar svo eftir hentugleika jafnvel mörgum […]

Kjarkur Katrínar

Kolbrún Bergþórsdóttir skrifar: Það virðist ekki eiga sérlega vel við stóran hóp innan Vinstri grænna að horfast í augu við þá ábyrgð sem fylgir því að taka að sér stjórn landsins. Þar er einungis horft í eina átt – til vinstri – þrátt fyrir að úrslit nýafstaðinna kosninga hafi síst af öllu verið ákall um vinstri […]

Uppreist æra í stað siðbótar

Kristinn H. Gunnarsson skrifar: Ákvörðun Vinstri hreyfingarinnar, græns framboðs um stjórnarsamstarf með Sjálfstæðisflokki reisir æru  formanns Sjálfstæðisflokksins upp frá dauðum og frestar um sinn óhjákvæmilegri siðbót í íslenskum stjórnmálum. Það er stöðugt vaxandi krafa almennings að þeir stjórnmálamenn eigi að víkja af vettvangi stjórnmálanna sem blanda saman eigin hagsmunum og almannahag. Eftir bankahrunið er lítil […]

Af hverju ekki þau hæfustu?

Prestar teljast til fagstétta. Fagstéttar sem er með sérhæfða menntun á háskólastigi og sérhæfðan þekkingargrunn sem starfið byggir á. Um er að ræða lögverndað og skilgreint starfsvið, eigið stéttarfélag, eigin siðareglur og gefið er út fagtímarit. Prestar eru opinberir embættismenn sbr. 22. gr. laga nr. 70 frá árinu 1996 og starfa samkvæmt þeim skyldum, sem […]

Frjáls fjölmiðlun ehf. - Kringlunni 4-12, 103 Reykjavík - eyjan (hjá) eyjan.is