Sunnudagur 06.03.2016 - 20:27 - Ummæli ()

Seðlabankastjóri: Við Íslendingar erum í toppmálum – Staðan ekki mikið verri þótt Icesave hefði verið samþykkt

masieyjanMár Guðmundsson, seðlabankastjóri, segir stöðu íslenska þjóðarbúsins með því besta sem gerist á alþjóðavísu. Staðan væri ekki mikið verri þótt Icesave-samningarnir hefðu verið samþykktir, jafnvel sá fyrri sem kenndur er við Svavar Gestsson.

Þetta sagði Már í ítarlegu viðtali í sjónvarpsþætti Eyjunnar í kvöld. Seðlabankinn birti í vikunni tölur um greiðslujöfnuð og erlenda stöðu þjóðarbúsins þar sem meðal annars kemur fram að hrein staða við útlönd er neikvæð sem nemur 14,4 prósentum af landsframleiðslu. Á síðasta ársfjórðungi var hlutfallið 328,6 prósent, en staðan snarbatnaði við lúkningu nauðasamninga þrotabúa föllnu bankanna.

Í máli Más kom fram að staðan hafi ekki verið betri síðan 1965, eða á síldarárunum svokölluðu. Í raun hafi þessi mikla lækkun verið viðbúin í nokkur ár og vísaði hann í rit Seðlabankans sem kom út árið 2011 og nefndist Hvað skuldar þjóðin? þar sem fyrir lá að þessar skuldir yrðu aldrei greiddar þar eð þær tilheyrðu slitabúunum. Engu að síður er niðurstaðan betri en hann þorði að vona.

Þá lá fyrir að þetta myndi lækka verulega. Reyndar þá var niðurstaðan að þetta yrði svipað og um miðjan 10. áratuginn.

Sjálfur bjóst Már við í fyrra að hlutfallið yrði í kringum 16 prósent, en síðan hefur komið í ljós að viðskiptaafgangurinn í fyrra reyndist meiri en áætlað var. Hlutfallið mun lækka enn frekar á næstunni þar sem fyrirhugað gjaldeyrisútboð mun lækka það, auk þess sem fyrirséð er að viðskiptaafgangur verði á þessu ári og því næsta.

Þetta er auðvitað alveg ótrúleg þróun. Við erum komin vel niður fyrir meðaltal OECD-ríkja.

Sagðist Már ekki kannast við sambærileg dæmi um jafn hraða lækkun annars staðar í heiminum. Þetta skiptir gríðarlegu máli þar sem nú sjá allir sem vilja að skuldastaða Íslands er afar góð og langt innan þeirra marka sem við ráðum við. Það eitt og sér á að hækka lánshæfismat og auka aðgengi að lánamörkuðum, auk þess sem vaxtagjöldin verða mun lægri en ella.

Icesave-málið kom til umræðu og sagði Már að nú hafi komið í ljós að endurheimtur nægðu fyrir innistæðum. Þá hefðu vextirnir einungis staðið eftir. Hvað hefði gerst hefðu Icesave-samningarnir verið samþykktir?

Jújú, skuldastaðan hefði verið eitthvað hærri, en hún væri kannski svona 30 prósent í staðinn fyrir 15 prósent ef við hefðum þurft að taka vextina sem voru í fyrstu samningunum. Enn lægra væntanlega ef það eru vextirnir sem koma í samningum sem að Lee Buchheit átti aðild að. Stóra myndin á bakvið þetta er viðskiptaafgangur annars vegar svo hins vegar það að það eru í bókum þjóðarbúsins sem að allir hafa vitað svo árum skiptir að aldrei yrðu greiddar.

Már sagði að í Icesave-málinu hafi verið reynt að finna ákveðið jafnvægi á milli vilja til að greiða skuldirnir og svo getunnar til þess, en á alþjóðamörkuðum skiptir vilji til að greiða skuldir gríðarlegu miklu máli.

Þannig að við fengum eiginlega bestu niðurstöðu. En það er náttúrlega að hluta til út af því hvernig EFTA-dómstóllinn að lokum kemst að þeirri niðurstöðu sem hann kemst að, sem var mjög góð. En það er ekki víst að EFTA-dómstóllinn hefði fengið þessa niðurstöðu ef að hann hefði safnast saman til að taka málið fyrir segjum árið 2009. Af því að sjónarmið Evrópusambandsins breyttust að töluverðum hluta í millitíðinni og þeir þurftu að breyta innistæðutilskipuninni sem hjálpaði auðvitað mjög mikið okkar málflutningi.

Fyrri hluta viðtalsins við Má Guðmundsson má sjá hér að neðan.

«
»

Ummæli ()

Vinsamlegast athugið:
Ummæli eru á ábyrgð þeirra sem þau skrifa. Eyjan áskilur sér þó rétt til að fjarlægja óviðeigandi og meiðandi ummæli. Tilkynna má óviðeigandi ummæli í netfangið ritstjorn@eyjan.is

Ingvar Mar leiðir lista Framsóknar

Ingvar Mar Jónsson, flugstjóri og fyrrum varaþingmaður- og borgarfulltrúi, mun leiða lista Framsóknarflokksins í komandi borgarstjórnarkosningum. Fjórar konur skipa næstu fimm sæti. Höfuðáhersla Framsóknarflokksins í Reykjavík verða skólamál samkvæmt tilkynningu, en þrír frambjóðendur eru með kennaramenntun. Viðskeytið flugvallarvinir er hvergi sjáanlegt í tilkynningu frá Framsóknarflokknum að þessu sinni og má því áætla að það verði ekki […]

Listi Eyþórs klár – Tveimur borgarfulltrúum bolað burt

Sjálfstæðismenn kynntu endanlegan framboðslista sinn í kvöld, fyrir borgarstjórnarkosningarnar í maí. Borgarfulltrúarnir Kjartan Magnússon og Áslaug Friðriksdóttir eru ekki á listanum, en Marta Guðjónsdóttir borgarfulltrúi er í fimmta sæti listans. Hildur Björnsdóttir lögfræðingur er í öðru sæti, Valgerður Sigurðardóttir því þriðja, og Egill Þór Jónsson í fjórða. Heildarlistinn er hér að neðan:   1. Eyþór Lax­dal […]

Fjárframlög til stjórnmálaflokka hækka um 127% : Sjálfstæðisflokkur fær mest – Viðreisn minnst

Fjármála- og efnahagsráðuneytið hefur tekið saman upplýsingar um greiðslur ríkisins til stjórnmálasamtaka fyrir árið 2018. Framlög fara eftir stærð flokkanna samkvæmt atkvæðafjölda og fær því Sjálfstæðisflokkurinn hæsta framlagið, eða rúmar 166 milljónir. Viðreisn fær minnsta framlagið, eða rétt tæpar 44 milljónir. Framlagið hækkar milli ára um 127 prósent. Tillaga um að hækka framlög til flokkanna […]

Björn Valur þjófkennir þingmenn-Segir marga vísvitandi brjóta reglurnar-Á pari við Árna Johnsen

Björn Valur Gíslason, fyrrum varaformaður VG, segir það gott mál að nú skuli greiðslur Alþingis til þingmanna verða gerðar opinberar, líkt og til stendur samkvæmt Steingrími J. Sigfússyni, forseta Alþingis. Hann telur einnig sjálfsagt að Alþingi endurgreiði útgjöld þingmanna, þeir eigi ekki að „verða fyrir útgjöldum vegna starfa sinna.“ Það sem er eftirtektavert er að […]

Pawel býður sig fram í borginni

Pawel Bartoszek, fyrrum þingmaður Viðreisnar, segist á Facebook síðu sinni hafa komið því áleiðis til uppstillingarnefndar Viðreisnar, að hann sækist eftir sæti ofarlega á lista flokksins í komandi borgarstjórnarkosningum.   „Reykjavík er frábær borg. Hún dregur til sín hæfileikaríkt fólk frá öllu landinu og öllum heimshornum. Hún er oftar en ekki aðdráttaraflið dregur þá Íslendinga […]

Gunnar Smári sakar Samtök atvinnulífsins um að kaupa sig inn í fréttir RÚV

Gunnar Smári Egilsson, stofnandi Sósíalistaflokks Íslands, sakar framkvæmdarstjóra Samtaka atvinnulífsins, Halldór Benjamín Þorbergsson um að hafa greitt fyrir að koma fram í kvöldfréttatímum RÚV, í áróðurskyni. Hann segist ekki skilja hvers vegna Halldór sé „alltaf fenginn til að vera með fréttaskýringar í kvöldfréttum Ríkisútvarpsins“ og spyr: „Erum við orðin svo blind af peningahyggjunni að við teljum […]

Formannslausir Píratar deila með sér aðstoðarmanni-Þiggja ekki kaupálag

  Á vef Alþingis er Halldóra Mogensen, þingmaður Pírata, sögð formaður Pírata frá 2017. Píratar hafa löngum stært sig af formannsleysi sínu og að hafa ekki fallið í formannsgryfju fjórflokksins og þannig sloppið við hið alkunna foringjaræði. Þessi flati „strúktúr“ , andstæðan við hinn útbreidda valdapíramída, fékkst í arf frá Borgarahreyfingunni og hefur haldist síðan. […]

Alþingi boðar breytt vinnubrögð með birtingu gagna-En aðeins frá áramótum

Í tilkynningu frá forseta Alþingis í dag, Steingrími J. Sigfússyni, kemur fram að forsætisnefnd hafi samþykkt á fundi sínum þrjár efnisbreytingar á reglum Alþingis um þingfararkostnað. Þingmenn fá endurgreiðslu vegna afnota af eigin bíl upp að 15.000 kílómetrum, skýrari ákveði verða sett vegna staðfestingargagna til grundvallar endurgreiðslu og ný ákveði sett varðandi þá skilmála sem […]

Umskurður drengja

Sara Pálsdóttir ritar: Umskurður drengja hefur sterk tengsl við trúarbrögð Gyðinga og Íslam. Drengir um allan heim eru umskornir og er um að ræða rótgróna hefð í mörgum samfélögum. Alþjóðaheilbrigðisstofnunin (WHO) gaf út skýrslu árið 2010 þar sem umskurði ungra drengja eða kornabarna er lýst sem einni af algengustu og elstu skurðaðgerðum í heimi og […]

Eyþór segir meirihlutann hafa misst tökin-Nýr starfshópur þriðja hvern dag

Eyþór Arnalds, borgarstjóraefni Sjálfstæðisflokksins, sakar stjórnkerfið í borginni um óviðunandi vinnubrögð í aðsendri grein í Morgunblaðinu í dag. Nefnir hann því til stuðnings að fyrirspurnum sé svarað seint og illa og að 351 starfshópur hafi verið skipaður fyrstu þrjú ár kjörtímabilsins. Það þýði að nýr starfshópur hafi verið skipaður þriðja hvern dag. Á meðan hafi […]

Fækkar í fiskiskipaflotanum – 70 ný skip á fimm árum

Samtals 70 ný fiskiskip hafa bæst við flotann hér á landi á síðustu fimm árum. Af þeim eru átta skuttogarar, 37 vélskip og 25 opnir bátar. Samtals 53 þessara skipa voru smíðuð hér á landi, öll úr trefjaplasti og undir 30 brúttótonnum. Togararnir voru allir smíðaðir í Tyrklandi, sem og fjögur af þeim sjö vélskipum sem […]

Þurfa að greiða 4.8 milljónir í skaðabætur vegna ólögmatrar uppsagnar

Samtök áhugafólks um áfengis- og vímuefnavandann, SÁÁ, þurfa að greiða fyrrverandi starfsmanni og félagsmanni í SFR – stéttarfélagi í almannaþjónustu, alls 4,8 milljónir króna í skaðabætur, miskabætur og lögfræðikostnað vegna ólögmætrar uppsagnar samkvæmt dómi Héraðsdóms Reykjavíkur, sem kveðinn var upp í dag. Þetta kemur fram í tilkynningu frá SFR. Starfsstöð starfsmannsins var á Akureyri en […]

VR stofnar leigufélag – Ekki rekið í hagnaðarskyni

Stjórn VR ákvað á fundi sínum í gær að stofna leigufélag fyrir félagsmenn sína. Það skal ekki rekið í hagnaðarskyni. Þetta kemur fram á vef VR. Ragnar Þór Ingólfsson, formaður VR, hefur verið forgöngumaður fyrir slíku félagi, en hann hefur lýst leigumarkaðinum hér á landi sem fársjúkum og talað um græðgisvæðingu leigufélaga. Í frétt VR […]

Verð á bílaleigubílum lækkar við Leifsstöð-Samt hæsta verð í Evrópu

Samtals hefur verð á bílaleigubílum við Leifsstöð lækkað um 38% frá því 2015, um 24% í evrum talið og 17% í dollurum talið, sökum styrkingar krónu síðastliðin þrjú ár. Þá er miðað við gengið í febrúar 2015 og febrúar 2018. Þetta kemur fram á Túristi.is. Forsendurnar eru að leigður sé minnsti bíllinn í tvær vikur […]

Frjáls fjölmiðlun ehf. - Kringlunni 4-12, 103 Reykjavík - eyjan (hjá) eyjan.is