Mánudagur 07.03.2016 - 22:00 - Ummæli ()

Forseti Kína líkist Maó enn meira: Áróðursmaskína flokksins herðir tökin

Mynd/Getty images

Mynd/Getty images

Með óttann að vopni skal stýra landinu. Það mætti halda að þetta væru einkunarorð Xi Jinping, sem hefur nú setið á valdastól í Kína í þrjú ár. Hann er öflugasti leiðtogi landsins í marga áratugi og hikar ekki við að kúga samlanda sína til hlýðni. Hann er hylltur á svipaðan hátt og Mao forðum daga. En gagnrýnendur hans, þeir fáu sem þora að tjá sig, segja að hann sé svo heltekinn af því að halda völdum að það sé mesta hættan sem steðjar að Kína og kommúnistaflokknum sjálfum.

Undanfarin ár hefur áróðursmaskína kommúnistaflokksins byggt upp mikla persónudýrkun á Xi Jinping og ekkert lát er á. Textar rokk- og popplaga segja Kínverjum að þeir elski hann allir og líti upp til hans, hann sé maður sem óttast ekkert. Smjaðursleg ljóð eru skrifuð um hann. Hershöfðingjar og flokksfélagar sverja honum hollustu sína. Almenningi hefur verið sagt að lesa skrif hans og ræður vel.

Áróðursmaskína flokksins hyllir hann sem sterkan, vitran og ástkæran föðurlandsvin. Útsendarar flokksins fara um landið með myndir af honum og koma fyrir sem víðast og fólk er við að falla í ómegin af aðdáun á leiðtoganum mikla.

„Við höfum ekki séð neitt þessu líkt síðan á dögum Maos.“

Sagði hagfræðingurinn Mao Yushi, sem er einn fárra sem þorir að gagnrýna yfirvöld, í samtali við Jótlandspóstinn.

„Í dag verður maður að fara til Norður-Kóreu til að finna svipaða einhliða og gagnrýnislausa upphafningu á leiðtoganum.“

Ein rödd

Þegar þing landsins kom saman um helgina til árlegs tveggja vikna þinghalds í Peking var Xi Jinping til staðar sem valdamesti leiðtogi landsins áratugum saman.

Það eru ekki aðrar raddir í Kína í dag en rödd hans. Fólki er sagt að elska kommúnistaflokkinn og þjóðina. Xi Jinping er nú kommúnistaflokkurinn og þjóðin,

hefur Jótlandspósturinn eftir Li Datong, ritstjóra á eftirlaunum. Þegar Jinping var valinn forseti fyrir þremur árum var lítið vitað um hvernig hann myndi haga forsetatíð sinni. Fæstir bjuggust þó við að hann myndi svo fljótt og á svo afgerandi hátt sópa völdunum til sín. Sumir telja að JinPIng sé að fara með Kína í vitlausa átt og nú sé í raun einræðisstjórn við lýði í landinu.

Xi Jinping, forseti Kína. Mynd/EPA

Xi Jinping, forseti Kína. Mynd/EPA

Enn aðrir benda á að Jinping noti sömu aðferðir og Mao formaður við að styrkja tök sín á kommúnistaflokknum og tök flokksins á samfélaginu.

Aga er haldið uppi í flokknum með því að ala á ótta, hugmyndafræðin er eldrauð og flokksmönnum er haldið á réttri braut með öllum tiltækum ráðum. Umfangsmikil herferð Jinping gegn spillingu, sem hefur leitt af sér ótal fangelsisdóma og aftaka, hefur haft mjög hræðandi áhrif á flokksfélaga. Spillingarmál eru oft notuð sem vopn gegn pólitískum andstæðingum í Kína og fólk reynir með öllu móti að forðast að lenda í slíku.

Þá segja mannréttindasamtök, aðgerðarsinnar og mannréttindalögfræðingar að Jinping standi á bak hörðustu þrengingum á réttindum borgaranna í áratugi. Mörg hundruð gagnrýnendur, jafnvel þeir hófsömustu, hafa verið fjarlægðir af öryggissveitum Jinpings. Margir hafa verið pyntaðir og dæmdir til langrar fangelsisvistar.

Heltekin af að vilja stjórna

He Weifang, lagaprófessor, sagði í samtali við Jótlandspóstinn að í valdatíð Jinping séu stjórnvöld orðin heltekin af að vilja stjórna og það sé greinilegt að raddir samfélagsins séu taldar ógn við vald flokksins. Væg gagnrýni sé ekki einu sinni liðin.

Jinping hefur lagt til atlögu við það sem hann telur vera óæskileg vestræn áhrif, það eru til dæmis almenn réttindi eins og fjölmiðlafrelsi og tjáningarfrelsi. Hann hefur hert ritskoðun á netinu og í fjölmiðlum og takmarkað akademískt frelsi enn frekar.

Hann krefst þess að fjölmiðlarnir elski kommúnistaflokkinn og endurspegli vilja hans og sjónarmið.

Meðal menntafólks í Kína eru vaxandi áhyggjur af að hörð stefna Jinping gegn öllum sem hafa aðrar skoðanir en hann í flokknum og í samfélaginu muni leiða til þess að hann einangrist ásamt nánustu liðsmönnum sínum og hafi ekki tilfinningu fyrir hvað er að gerast úti í samfélaginu. Það sé einmitt það sem hafi gerst hjá Mao á sínum tíma. Hann hafi gjörsamlega misst tilfinninguna fyrir samfélaginu.

Á endanum muni Jinping ekki geta þrengt meira að samfélaginu og þá sé voðinn vís og hann missi alla stjórn á því.

Óánægja almennings

Þá er viðvarandi óánægja almennings vegna mikillar mengunar í mörgum borgum landsins en hún er að miklu leyti til komin vegna mikillar kolanotkunar. Erfitt er að breyta því og viðhalda 6 prósent hagvexti samtímis. En stjórnvöld ætla samt að gera það en talið er að nútímavæðing á kola- og stáliðnaði landsins muni kosta 1,8 milljónir manna vinnuna. Auk þess þarf að skapa störf fyrir þær 15 milljónir ungra Kínverja sem koma út á vinnumarkaðinn árlega.

Mynd/Getty images

Mynd/Getty images

Jinping hefur í hyggju að gjörbylta óhagkvæmum og skuldsettum ríkisreknum fyrirtækjum og hvetja Kínverja til að gerast frumkvöðlar. En tiltekt í ríkisfyrirtækjum, sem er stýrt af kommúnistaflokknum, mun þýða að milljónir manna missa vinnuna.

Í fréttum Danska ríkissjónvarpsins um helgina mátti sjá fréttamann fylgjast með brottreknum verkamönnum í kínverskri verksmiðju mæta á gamla vinnustaðinn og krefjast svara um brottreksturinn og hvað þeir eigi að taka sér fyrir hendur. Reiðin var mikil og þorði lögreglan ekki að skipta sér af mönnunum og einnig létu útsendarar kommúnistaflokksins lítið fyrir sér fara.

Allt eru þetta flókin viðfangsefni sem Xi Jinping stendur frammi fyrir og kannski þarf ekki mikið út af að bera til að hann missi tökin. Ef hann hefur ekki þau heljartök á landinu, sem umheimurinn telur hann hafa, getur það endað með uppgjöri innanlands og það getur haft víðtæk áhrif um allan heim.

Erfitt er að sjá að Kína geti þróast í þá efnahagslegu átt, sem núverandi stjórnvöld óska, án þess að pólitíska kerfi landsins verði nútímavætt. En stefna Xi Jinping líkist frekar afturhvarfi til tíma Mao formanns og það hlýtur að vera mikið áhyggjuefni fyrir þessa fjölmennustu þjóð heims.

«
»

Ummæli ()


Vinsamlegast athugið:
Ummæli eru á ábyrgð þeirra sem þau skrifa. Eyjan áskilur sér þó rétt til að fjarlægja óviðeigandi og meiðandi ummæli. Tilkynna má óviðeigandi ummæli í netfangið ritstjorn@eyjan.is

Viðreisn enn spurningamerki: „Samfylkingin er allt að því ónýtt pólitískt vörumerki“

Þorbjörn Þórðarsson fréttamaður hjá 365 miðlum segir að styrkur Viðreisnar felist í stöðu flokksins á miðju íslenskra stjórnmála. Í leiðara Fréttablaðsins í dag segir Þorbjörn að margt sé enn óljóst er varðar Viðreisn þar sem ekki sé vitað hversu vel frambjóðendurnir standi sig í kappræðum þrátt fyrir fagrar ferilskrár: Þá vitum við ekki hversu mikil […]

Skiptir engu máli hvor verður formaður: „Framsóknarflokkurinn er sundurtættur“

Framsóknarflokkurinn er sundurtættur vegna innanflokksátaka og sættir munu ekki nást milli fylkinga á flokksþingi um helgina. Skiptir þá engu hvor verður kjörinn formaður flokksins, Sigmundur Davíð Gunnlaugsson eða Sigurður Ingi Jóhannsson. Flokkurinn og flokksmenn munu þurfa að líða í einhvern tíma. Þetta skrifar Kolbrún Bergþórsdóttir ritstjóri DV í leiðara blaðsins í dag. Fer hún þar […]

Hagstofan hafnar spurningum Vilhjálms: Húsnæðistölurnar hafa alltaf verið með í reikningnum

Vilhjálmur Birgisson formaður Verkalýðsfélags Akraness spyr í nýjum pistli á Pressunni hvort það sé í raun svo að það liggi ekki fyrir lagaleg heimild fyrir því að hafa húsnæðisliðinn inni í neysluvísitölunni sem hagstofan mælir og gefur út. Á vef Hagstofunnar kemur fram að vísitala neysluverðs sé reiknuð út frá lögum nr. 12/1995 en þar […]

Píratar stærstir – Stuðningur við ríkisstjórnina minnkar

Píratar eru komnir yfir Sjálfstæðisflokkinn í nýrri könnun MMR með 21,6% fylgi. Sjálfstæðisflokkurinn mælist með 20,6% fylgi, en vert er að geta þess að vikmörkin eru 3,1%. Fylgi Viðreisnar fer vaxandi og mælist nú 12,3%, sem er 3,5 prósentustigum hærra en í síðustu könnun MMR. Framsókn er komið upp fyrir Vinstri græna og mældist með […]

Rósa Björk leiðir VG í Suðvesturkjördæmi

Rósa Björk Brynjólfsdóttir úr Reykjavík er nýr oddviti Vinstrihreyfingarinnar græns framboðs í Suðvesturkjördæmi og kemur hún þar í staðinn fyrir Ögmund Jónasson sem hættir á þingi eftir 21 ár. Ólafur Þór Gunnarsson er í öðru sæti, Una Hildardóttir í þriðja sæti og Sigursteinn Másson í því fjórða. Ögmundur Jónasson skipar heiðurssæti listans en athygli vekur […]

Ráðherrar: Ekki hrófla við stöðugleikanum – Katrín: „Þetta er ríkisstjórn hinna týndu tækifæra“

Oddný G. Harðardóttir formaður Samfylkingarinnar sagði í Eldhúsdagsumræðum á Alþingi í kvöld að kosningarnar í haust séu kaflaskil og tækifæri á að koma því í verk sem beðið hefur of lengi. Vill hún færa Ísland nær hinum Norðurlöndunum sem hafi bestu samfélögin í heimi ásamt besta heilbrigðiskerfinu: Hér hefur áður ríkt góðæri, sem náði bara […]

Fáir Íslendingar fylgjandi búvörusamningunum

Ríflegur meirihluti Íslendinga eru á móti búvörusamningunum sem samþykktir voru á Alþingi þann 13.september síðastliðinn en fáir eru þeim fylgjandi. Í nýrri könnun MMR kemur í ljós að 40% Íslendinga eru mjög andvígir búvörusamningunum og 22,4% frekar andvígir. 21,3% eru hvorki fylgjandi né andvígir. 10% eru frekar fylgjandi og einungis 6,3% eru mjög fylgjandi. Svarhlutfallið […]

Vigdís segir hnífasettið á lofti og Framsóknarflokkinn klofinn eins og ABBA: „Bíddu, ætlið þið ekki að vera þingmenn áfram?“

„Það er erfitt að sætta sig við það í ljósi málefnastöðu Framsóknarflokksins og hvað við höfum náð miklu í gegn, að það séu þarna einstaklingar úti sem eru með hnífasettið uppi og tilbúin til að nota það einungis korter í kosningar. Eins og þið vitið þá er ég ekki að sækjast eftir endurkjöri og þeir […]

Eygló segir sárt að heyra í Gunnari Braga: „Ég stend ekki fyrir baktjaldamakki“

Eygló Harðardóttir félagsmálaráðherra og ritari Framsóknarflokksins hafnar því alfarið að hún og Sigurður Ingi Jóhannsson forsætisráðherra séu svikul og segir hún sárt að heyra að Gunnar Bragi Sveinsson sjávarútvegs- og landbúnaðarráðherra telji þau hafa staðið í einhverju „baktjaldamakki“. Í Morgunútvarpinu á Rás 2 í morgun sagði Eygló að hún hafi skynjað það í samtölum við […]

Gunnar Bragi vill sjá Sigmund Davíð og Lilju í forystu, íhugar ritarann

Gunnar Bragi Sveinsson landbúnaðar- og sjávarútvegsráðherra og oddviti Framsóknarflokksins í Norðvesturkjördæmi, kveðst vera sorgmæddur yfir algjörum klofningi innan stjórnar flokksins. Hann sakar Sigurð Inga Jóhannsson forsætisráðherra og Eygló Harðardóttur velferðarráðherra um að hafa skipulagt undirróður gegn Sigmundi Davíð Gunnlaugssyni formanni flokksins um margra mánaða skeið. Sjálfur vill hann sjá Sigmund Davíð áfram sem formann og […]

Ritari Sjálfstæðisflokksins segir mikið af öflugum konum sem starfa af heilindum í flokknum

Skiptar skoðanir eru um hvort Sjálfstæðisflokkurinn er íhaldssamur þegar kemur að jafnréttismálum. Áslaug Arna Sigurbjörnsdóttir, ritari flokksins, telur ekki fót fyrir gagnrýni nokkurra stjórnarkvenna í Landssambandi sjálfstæðiskvenna í þessa veru en þær sögðu sig úr flokknum í vikunni vegna íhaldssemi hans í jafnréttismálum. Tvær þingkonur segja að gagnrýnin sé ekki tilefnislaus. Þetta kemur fram í […]

Segja að Bandaríkin geti hrundið kjarnorkustríði af stað með flugi herflugvéla nærri landamærum Norður-Kóreu

Stjórnvöld í Norður-Kóreu fordæma Bandaríkin fyrir flug sprengjuflugvéla yfir Suður-Kóreu, nærri landamærunum við Norður-Kóreu. Þau segja að þetta getið hrundið af stað kjarnorkustríði og segjast ætla að styrkja kjarnorkuvopnabúr sitt þrátt fyrir ályktanir öryggisráðs SÞ varðandi málið. Ri Yong Ho, fulltrúi stjórnvalda í Pyongyang, flutti ræðu á Allsherjarþingi SÞ og sagði að Kóreuskaginn væri „hættulegasta svæði“ […]

Segir tugi milljarða hafða af almenningi vegna séríslenskra aðferða við verðbólgumælingu

Vilhjálmur Birgisson, formaður Verkalýðsfélags Akraness, vill fá svar frá stjórnmálamönnum um af hverju húsnæðisliðurinn er hafður með í mælingu á verðbólgu. Hann segir að í öllum öðrum Evrópuríkjum sé verðbólga mæld án húsnæðisliðar því litið sé á fasteignakaup sem fjárfestingu en ekki neyslu. Hann segir það sæta furðu að á sama tíma og stjórnvöld, Samtök […]

Segir það vera á ábyrgð Sigurðar Inga ef Framsóknarflokkurinn verður ekki 100 ára

Vigdís Hauksdóttir, þingmaður Framsóknarflokksins, segir að sú staða sem nú er uppi í flokknum vera bestu leiðina til að tryggja að flokkurinn lifi ekki fram að 100 ára afmælinu. Ef svo fari að flokkurinn lifi ekki af fram að afmælinu þá sé það alfarið á ábyrgð Sigurðar Inga Jóhannssonar, forsætisráðherra og formanns flokksins. Vigdís segir […]

Eyjan Miðlar ehf. - Kringlunni 4-12, Reykjavík - eyjan (hjá) eyjan.is