Þriðjudagur 08.03.2016 - 20:00 - Ummæli ()

Stjórn VÍS ætlar ekki að draga til baka tillögu um 5 milljarða arðgreiðslu

visStærstu hluthafar VÍS styðja ekki tillögu stjórnar fyrirtækisins um 5 milljarða arðgreiðslu út úr félaginu og þrýst er á stjórnina að draga tillöguna til baka. Verða það ekki gert munu nokkrir af stærstu hluthöfunum greiða atkvæði gegn tillögunni á aðalfundi félagsins sem halda á 17. mars næstkomandi. Frá þessu greindi Eyjan í morgun. Stjórn VÍS hefur nú sent frá sér yfirlýsingu þar sem kemur fram að tillagan verði ekki dregin til baka.

Í yfirlýsingunni segir meðal annars:

Stjórn hefur skilning á því að mörgum þyki arðgreiðslan há. Ástæða þess er sú að félagið hefur farið sér hægt í að greiða arð til eigenda sinna. Á árunum 2009 – 2013 var ekki greiddur út arður hjá félaginu þrátt fyrir hagnað.

Fréttir um arðgreiðslur tryggingafélaganna hafa verið mikið í fréttum og margir gagnrýnt tillögurnar. Vakti frétt Eyjunnar um að Árni Snævarr væri að velta fyrir sér að segja upp viðskiptum sínum við fyrirtækið mikla athygli. Þá vildi Runólfur Ólafsson að upphæðin myndi renna til viðskiptavina tryggingafélaganna. Einnig hafa lykilhluthafar hjá VÍS lýst yfir þungum áhyggjum yfir þeirri umræðu sem hefur skapast um fyrirtækið vegna tillögu stjórnarinnar. Stjórnin ætlar þó að halda sínu striki og í yfirlýsingunni segir að samkvæmt lögum um hlutafélög skuli stjórn félagsins leggja fram tillögu um arðgreiðslu fyrir hluthafa á aðalfundi. Hluthafafundi sé svo óheimilt að gera tillögu um greiðslu hærri arðs en stjórn leggur til en hefur þó heimild til að ákvarða lægri arðgreiðslu. Hluthafafundur sé hinn rétti vettvangur til að ræða málefni félagsins.

Hér fyrir neðan má lesa yfirlýsinguna í heild sinni.

Yfirlýsing frá stjórn Vátryggingafélags Íslands hf.

Í afkomutilkynningu Vátryggingafélags Íslands frá 27. ágúst 2015 sem send var til Kauphallar og fjölda fjölmiðla kom fram að stjórn félagsins hefði sett samstæðunni markmið um áhættuvilja sem tæki mið af núverandi starfsemi auk neðri vikmarka. Samkvæmt markmiðunum skyldi gjaldþolshlutfall samstæðunnar samkvæmt Solvency II vera um 1,5 með neðri vikmörkum í 1,35. Einnig kom fram að arðgreiðslur og kaup á eigin bréfum myndu taka mið af settum markmiðum. Viðskipti á markaði hafa átt sér stað á grundvelli umræddrar stefnu félagsins.

Tillögur stjórnar VÍS til hluthafafundar eru í samræmi við fyrri yfirlýsingar og stefnu félagsins. Í skráðu almenningshlutafélagi hljóta tillögur stjórnar að vera í samræmi við útgefna stefnu sem hefur verið kynnt hluthöfum og öðrum þeim sem hafa viljað kynna sér félagið. Stjórn félagsins ákvað að ganga heldur skemur en markmið félagsins segir til um og hefur lagt til arðgreiðslu sem færir gjaldþolshlutfallið í 1,55 eftir arðgreiðslu. Það er 55% hærra hlutfall en Solvency II kveður á um sem sýnir glöggt að félagið stendur eftir sem áður mjög sterkt fjárhagslega og er vel í stakk búið að takast á við skuldbindingar sínar. Hvort heldur litið er til núgildandi reglna um gjaldþol tryggingafélaga eða þeirra sem væntanlegar eru í náinni framtíð.

Stjórn hefur skilning á því að mörgum þyki arðgreiðslan há. Ástæða þess er sú að félagið hefur farið sér hægt í að greiða arð til eigenda sinna. Á árunum 2009 – 2013 var ekki greiddur út arður hjá félaginu þrátt fyrir hagnað.

Hluthafafundur fer með æðsta vald í málefnum VÍS í samræmi við lög og samþykktir félagsins og þar fara hluthafar með ákvörðunarvald sitt. Samkvæmt lögum um hlutafélög skal stjórn félags leggja fram tillögu um arðgreiðslu fyrir hluthafa á aðalfundi. Hluthafafundi er óheimilt að gera tillögu um greiðslu hærri arðs en stjórn leggur til, en hefur heimild til þess að ákvarða lægri arðgreiðslu. Hluthafafundur er réttur vettvangur til að ræða málefni félagsins

Í lögum um vátryggingastarfsemi kemur fram að iðgjöld skulu vera í samræmi við þá áhættu sem í vátryggingunum felst og hæfilegan rekstrarkostnað. Afkoma af ökutækjatryggingum félagsins hefur um árabil verið óviðunandi. Líkt og Fjármálaeftirlitið benti á í tilkynningu á vef sínum í gær er mikilvægt að vátryggingafélög leggi áherslu á að grunnrekstur þeirra sé ekki rekinn með tapi, þar sem félögin geta ekki reitt sig á að fjárfestingartekjur séu stöðugar. VÍS mun hér eftir sem hingað til veita viðskiptavinum sínum eins góð kjör og þjónustu sem kostur er á hverjum tíma.

«
»

Ummæli ()

Vinsamlegast athugið:
Ummæli eru á ábyrgð þeirra sem þau skrifa. Eyjan áskilur sér þó rétt til að fjarlægja óviðeigandi og meiðandi ummæli. Tilkynna má óviðeigandi ummæli í netfangið ritstjorn@eyjan.is

Verri þjónusta er betri þjónusta

Ef eitthvað er idjótískt í nútímanum – og er í rauninni angi af þeirri nauðhyggju að öll tækniþróun sé skilyrðislaust af hinu góða – þá er það þegar reynt er að sannfæra mann um að lakari þjónusta sé í raun betri þjónusta.

Samtök atvinnulífsins segja kominn tíma til að stytta grunnskólanám: Getur mildað áhrif kennaraskorts

Samtök atvinnulífsins segja það vera kominn tími til að skoða af alvöru að stytta grunnskólanám um eitt ár. Fram kemur í grein á vef SA að það kunni að felast verðmæt tækifæri í að láta grunnskólann ná aðeins upp í 9.bekk, þar á meðal sé hægt að hægt að hækka laun kennara og milda áhrif […]

Björn Valur: Þarf að staðfesta að endurritið sé hið raunverulega samtal

Björn Valur Gíslason er í bankaráði Seðlabankans. Hann segir alvarlegt að trúnaðargögn hafi farið úr bankanum og endað á fjölmiðli. Þar á hann við símtal Davíðs Oddssonar þáverandi seðlabankastjóra og Geirs H. Haarde þáverandi forsætisráðherra sem birt var í Morgunblaðinu um helgina. Fjölmargir fjölmiðlar hafa reynt að fá samtalið afhent frá Seðlabankanum en verið hafnað. […]

Píratar vinna við að bjarga heimasíðu Sjálfstæðisflokksins

Þingmenn og áhrifamenn innan Pírata vinna nú að því að bjarga vefsíðum vefhýsingarfyrirtækisins 1984 sem hrundi í síðustu viku. Margar vefsíðu fóru illa út úr hruninu, þar á meðal vefur Eiríks Jónssonar sem og vefir Pírata og Sjálfstæðisflokksins. Fram kom í twitter-færslu frá 1984 í gær að þingmennirnir Helgi Hrafn Gunnarsson og Smári McCarthy ynnu […]

Magnús: Eitthvað allt annað en gagnleki þegar upplýsingarnar eru notaðar eftir hentugleika

„Gagnalekar sem hafa þann tilgang að upplýsa almenning um sitthvað misjafnt, jafnvel lögbrot, í störfum og fjármálum ráða- og efnamanna hafa löngu sannað mikilvægi sitt fyrir framgang lýðræðisins. En að hafa á brott með sér upplýsingar frá ríkisstofnun, þegar viðkomandi er sagt upp störfum, til þess að nýta þær upplýsingar svo eftir hentugleika jafnvel mörgum […]

Kjarkur Katrínar

Kolbrún Bergþórsdóttir skrifar: Það virðist ekki eiga sérlega vel við stóran hóp innan Vinstri grænna að horfast í augu við þá ábyrgð sem fylgir því að taka að sér stjórn landsins. Þar er einungis horft í eina átt – til vinstri – þrátt fyrir að úrslit nýafstaðinna kosninga hafi síst af öllu verið ákall um vinstri […]

Uppreist æra í stað siðbótar

Kristinn H. Gunnarsson skrifar: Ákvörðun Vinstri hreyfingarinnar, græns framboðs um stjórnarsamstarf með Sjálfstæðisflokki reisir æru  formanns Sjálfstæðisflokksins upp frá dauðum og frestar um sinn óhjákvæmilegri siðbót í íslenskum stjórnmálum. Það er stöðugt vaxandi krafa almennings að þeir stjórnmálamenn eigi að víkja af vettvangi stjórnmálanna sem blanda saman eigin hagsmunum og almannahag. Eftir bankahrunið er lítil […]

Af hverju ekki þau hæfustu?

Prestar teljast til fagstétta. Fagstéttar sem er með sérhæfða menntun á háskólastigi og sérhæfðan þekkingargrunn sem starfið byggir á. Um er að ræða lögverndað og skilgreint starfsvið, eigið stéttarfélag, eigin siðareglur og gefið er út fagtímarit. Prestar eru opinberir embættismenn sbr. 22. gr. laga nr. 70 frá árinu 1996 og starfa samkvæmt þeim skyldum, sem […]

Stór mál fyrir íbúa Suðurnesja

Sigurður Jónsson skrifar: Fyrir síðustu Alþingiskosningar voru kjósendur spurðir hvað þeir teldu vera helstu forgangsmál á næstunni. Stærsti hópurinn taldi heilbrigðismálin skipta mestu. Þar þyrfti vikilega að bæta ástandið,sem kallaði á aukið fjármagn úr ríkiskassanum. Einnig voru málefni aldraðra mjög hátt á forgangslista aldraðra.   Byggir nýtt sveitarfélag hjúkrunarheimili? Það vantar víða hjúkrunarrými fyrir eldri borgara. […]

Samkeppni um listaverk á vegg sjávarútvegshússins -Hjörleifur tjáir sig ekki

Atvinnuvega- og nýsköpunarráðuneytið hefur ákveðið í samráði við Samtök íslenskra myndlistamanna að efna til samkeppni um nýtt listaverk sem prýða skal gafl sjávarútvegshússins. Eins og kunnugt er var málað yfir mynd af „sjómanninum“ í sumar, sem prýddi gaflinn í næstum tvö ár, sem hluti af Iceland Airwaves tónlistarhátíðinni. Var Hjörleifur Guttormsson, fyrrum ráðherra, sagður einn […]

Enn frestar Hannes skýrslunni – Átti að birtast eftir helgi

Hannes Hólmsteinn Gissurarson, prófessor í stjórnmálafræði við HÍ og höfundur skýrslu um bankahrunið, sem til stóð að gefa út núna á mánudaginn, hefur frestað birtingu hennar fram í janúar. Þetta segir hann í pistli á Pressunni. Skýrslan hefur tekið um þrjú ár í vinnslu, en átti upphaflega að koma út árið 2015, samkvæmt samningi Félagsvísindastofnunnar […]

Vilja fá sérstakt ráðuneyti öldrunarmála -Skora á stjórnarmyndunarflokkana

Landssamband eldri borgara hefur sent frá sér áskorun, sem samþykkt var á stjórnarfundi félagsins í gærkvöldi. Þar er skorað á þá stjórnmálaflokka sem nú ræða myndun ríkisstjórnar, að stofna sérstakt embætti ráðherra öldrunarmála. Þórunn Sveinbjörnsdóttir er formaður Landssambands eldri borgara. Telur hún áskorunina raunhæfa ?   „Já við erum að horfa til þess að í […]

Sigmundur baunar á stjórnarmyndunarflokkana

Sigmundur Davíð Gunnlaugsson, formaður Miðflokksins, ritaði pistil á heimasíðu flokksins í dag. Þar segir hann meðal annars að Vinstri grænir séu að veita Sjálfstæðis-flokknum „uppreist æru“ og vitnar þar í málið sem varð til þess að Björt framtíð sleit stjórnarsamstarfinu við Sjálfstæðisflokkinn og Viðreisn.       Þá spáir hann því einnig að Bjarni Benediktsson […]

Jóhanna Sigurðardóttir rifjar upp gömul svik Jóns Baldvins

Jóhanna Sigurðardóttir, fyrrverandi forsætisráðherra, var gestur Kastljóssins í gærkvöldi í tilefni af útgáfu ævisögu hennar, Minn tími. Meðal þess sem kom fram í þættinum var upprifjun Jóhönnu á samskiptum hennar við Jón Baldvin Hannibalsson, en þau voru oft á tíðum erfið meðan þau voru samherjar í Alþýðuflokknum. Þau voru bæði ráðherrar í Viðeyjarstjórn Davíðs Oddsonar […]

Frjáls fjölmiðlun ehf. - Kringlunni 4-12, 103 Reykjavík - eyjan (hjá) eyjan.is