Föstudagur 11.03.2016 - 10:53 - Ummæli ()

16 manns létust í umferðinni árið 2015 – Banaslys ekki verið jafn mörg frá árinu 2009

Mynd/Getty images

Mynd/Getty images

16 manns létust í umferðinni á síðasta ári og hafa banaslys ekki verið jafn mörg frá árinu 2009. Fjöldi látinni fjórfaldaðist milli ára en 4 létust árið 2014. Það ár var þó mjög sérstakt og höfðu ekki jafn fáir látist á ári frá því að talningar hófust. Fjöldi látinni og alvarlega slasaðra árið 2015 var 24 prósent meiri en stefnt var að samkvæmt umferðaröryggisáætlun stjórnvalda.

Þetta kemur fram í slysaskýrslu umferðarslysa fyrir árið 2015 sem Samgöngustofa hefur gefið út. Þar kemur einnig fram að fjöldi alvarlegra slasaðra stóð nánast í stað milli áranna 2014 og 2015. Hins vegar fjölgaði lítið slösuðum töluvert og fjöldi látinn fjórfaldaðist milli ára, sem fyrr segir.

Tólf karlar og fjórar konur létu lífið í umferðinni á síðasta ári. Þrír létust innanbæjar í Reykjavík en hinir þrettán létust utan þéttbýlis. Einn hjólreiðamaður lét lífið en það var fyrsti hjólreiðamaðurinn sem lætur lífið í umferðinni á Íslandi síðan árið 1997. Tólf þeirra sem létu lífið voru í fólksbifreið, einn var á bifhjóli, einn var á reiðhjóli, einn var á dráttarvél og einn var fótgangandi.

Samanlagður fjöldi látinna, alvarlega slasaðra og lítið slasaðra hækkar um 13 prósent milli áranna 2014 og 2015, fer úr 1.172 í 1.324. Lítið slösuðum fjölgar um 14 prósent, fjöldi þeirra fer úr 991 í 1.130.

Samkvæmt markmiðum umferðaröryggisáætlunar stjórnvalda átti hámarksfjöldi látinna og alvarlega slasaðra ekki að vera meiri en 156 á síðasta ári en fjöldi þeirra var 194, eða 24 prósent fleiri en stjórnvöld settu sem markmið.

 

 

 

«
»

Ummæli ()


Vinsamlegast athugið:
Ummæli eru á ábyrgð þeirra sem þau skrifa. Eyjan áskilur sér þó rétt til að fjarlægja óviðeigandi og meiðandi ummæli. Tilkynna má óviðeigandi ummæli í netfangið ritstjorn@eyjan.is

Byssueigendum fækkar á sama tíma og sala á skotvopnum er í sögulegu hámarki

Ný könnun sýnir að byssueigendum í Bandaríkjunum fer ört fækkandi. Á sama tíma er sala á skotvopnum í sögulegu hámarki sem bendir til þess að byssueigendur séu að birgja sig upp af vopnum. Samkvæmt könnun CBS fréttastofunnar eiga 36 prósent fullorðinna Bandaríkjamanna skotvopn eða búa á heimili þar sem skotvopn er til staðar. Hlutfall skotvopnaeigenda […]

Laun æðstu embættismanna hækka um allt að 40 prósent

Laun ráðuneytisstjóra hækka um allt að 40 prósent um næstu mánaðamót, samkvæmt ákvörðun kjararáðs. Laun skrifstofustjóra hækka um allt að 35 prósent. Launahækkunin er til komin vegna ákvörðunar kjararáðs sem tekin var fyrr í mánuðinum og tekur hún gildi  um mánaðamótin. Greint var frá þessu í kvöldfréttum RÚV. Samkvæmt úrskurðinum hækka laun skrifstofustjóra á bilinu […]

Obama hvetur leiðtoga ESB til að undirbúa brotthvarf Bretlands úr ESB

Barack Obama, Bandaríkjaforseti, hvetur leiðtoga ESB til að draga andann hægt og af yfirvegun í tengslum við Brexit og tryggja að brotthvarf Bretlands úr bandalaginu verði vel skipulagt og gegnsætt. Þetta sagði forsetinn í heimsókn sinni til Kanada í gær. Hann sagðist eiga von á að efnahagur heimsins verði stöðugur til skamms tíma í kjölfar […]

Skilaboð frá brasilísku lögreglunni fyrir ÓL: „Velkomin til helvítis“

„Velkomin til helvítis“ eru skilaboðin sem lögreglu- og slökkviliðsmenn færðu ferðamönnum við komuna til Rio de Janeiro.  Þeir segjast ekki geta ábyrgst öryggi ferðamanna sem heimsækja Ólympíuleikana í Rio. Margt hefur gengið á afturfótunum við undirbúning Ólympíuleikanna sem hefjast þann 5. ágúst. Bygging mannvirkja hefur dregist fram úr hófi og útbreiðsla Zika-veirunnar veldur mönnum áhyggjum, […]

Sjómenn verða fyrir vonbrigðum með Brexit: Virðast hafa lofað upp í ermina á sér

Aflaheimildir til handa breskum útgerðum munu að öllum líkindum ekki aukast, þrátt fyrir loforð fylgismanna Brexit þar um í aðdraganda kosninganna. Fjölmargir sjómenn kusu útgöngu úr sambandinu í þeirri von um að valdatilfærslan frá Brussel til London myndi færa þeim aukinn kvóta í hendur. Ein röksemdin sem fylgismenn útgöngu héldu á lofti fyrir þjóðaratkvæðagreiðsluna var […]

Hungursneyð vofir yfir fimm milljónum manns í Suður-Súdan

Hungursneyð er yfirvofandi í Suður-Súdan og er óttast að allt að þriðjungur íbúa landsins muni glíma við alvarlegan matarskort næstu mánuði. Fæðuóöryggi hefur ekki verið jafn mikið frá því að átök brutust út í landinu fyrir tveimur og hálfu ári. Upplýsingaskrifstofa Sameinuðu þjóðanna í Vestur-Evrópu greinir frá þessu. Þar er vitnað í yfirlýsingu stofnanna Sameinuðu […]

Teiknari Morgunblaðsins sagður stjórnast af mannfyrirlitningu – Hæstaréttarlögmaður hvetur til kæru

Skopmynd teiknara Morgunblaðsins, Helga Sigurðssonar, frá því í morgun hefur vakið hörð viðbrögð á samfélagsmiðlum. Ritstjóri Kjarnans gagnrýnir myndina harðlega og segir að um hræðsluáróður byggðan á mannfyrirlitningu sé að ræða. Hæstaréttarlögmaður segir að með vísan til fyrri mynda teiknarans virðist tilgangur hans vera að smána eða rægja minnihlutahópa og búa til hræðslu í garð […]

Sveinbjörg Birna snýr aftur í borgarstjórn eftir úttekt á aflandsfélögum

Sveinbjörg Birna Sveinbjörnsdóttir, borgarfulltrúi Framsóknar, snýr aftur í borgarstjórn eftir að hafa tekið sér hlé á meðan tengsl hennar við aflandsfélög voru skoðuð. Sveinbjörg Birna tengdist tveimur aflandsfélgöum sem voru í umsjá panamísku lögfræðistofunar Mossack Fonseca; 7Callinvest sem skráð er á Tortóla og Ice 1 Corp sem var skráð á Panama. Félögin voru skráð í […]

Boris Johnson sækist ekki eftir formennsku í Íhaldsflokknum né því að verða forsætisráðherra

Boris Johnson, þingmaður breska Íhaldsflokksins og fyrrverandi borgarstjóri Lundúna, hefur gefið það út að hann hyggist ekki sækjast eftir því að verða formaður flokksins né forsætisráðherra Bretlands. Eftir tilkynningu Davids Camerons, forsætisráðherra, um að hann myndi segja af sér vegna niðurstöðu Brexit kosninganna var fastlega búist við að Johnson myndi sækjast eftir að taka stöðu […]

Listinn yfir skattakónga Íslands hefur verið birtur

Árni Harðarson, stjórnarformaður og aðstoðarforstjóri Alvogen, er sá einstaklingur sem greiðir hæst opinber gjöld hér á landi, samkvæmt lista Ríkisskattstjóra. Aðilar úr ferðaþjónustu og lyfjaiðnaðinum eru áberandi á listanum. Alls greiddi Árni 265 milljónir króna í opinber gjöld hér á landi. Hann var í 9. sæti listans í fyrra. Í öðru sæti listans er Christopher […]

Mengun og heimska eru stærstu ógnirnar við mannkynið

Mengun og mannleg heimska eru stærstu ógnirnar við mannkynið en gervigreind er einnig hættuleg því hætt er við að markmið véla með gervigreind, sem eru notaðar í stríðsátökum, geta verið önnur en markmið okkar mannanna. Þetta segir hinn heimsþekkti eðlisfræðingur Stephen Hawking. Í viðtali í Larry King Now sagði hann að mannkynið hafi svo sannarlega […]

Hollenski þjóðernissinninn  Geert Wilders varar ESB við að hefna sín á Bretlandi

Hollenski þjóðernissinninn Geert Wilders, sem er einn áhrifamesti stjórnmálamaðurinn í Hollandi, varar ESB við að hefna sín á Bretlandi í kjölfar samþykktar Brexit. Hann segir að ef ESB hefni sín á Bretlandi þá muni það skaða sambandið meira en Bretland. Hann beinir þessum orðum sínum að leiðtogum ESB-ríkjanna sem funda stíft þessa dagana í kjölfar […]

Landsvirkjun tekur 6,2 milljarða króna lán vegna Þeistareykja

Norræni fjárfestingarbankinn (NIB) hefur veitt Landsvirkjun 50 milljóna bandaríkjadala, andvirði 6,2 milljarða, langtímalán til að reisa jarðvarmavirkjun á norðausturlandi. Láninu, sem er til 16 ára, er ætlað að fjármagna fyrsta áfanga Þeistareykjavirkjunar í grennd við Húsavík. Í fyrsta áfanganum verða tvær 45 MW vélasamstæður settar upp. Áætlað er að hægt sé að framleiða allt að […]

Cameron leggur til atlögu við Corbyn – „Í guðs bænum, segðu af þér maður“

David Cameron, fráfarandi forsætisráðherra Bretlands, hvatti í dag leiðtoga breska Verkamannaflokksins, Jeremy Corbyn, eindregið til að segja af sér. Cameron sagði það ekki í þágu þjóðarinnar að Corbyn sæti áfram á formannsstóli. „Í guðs bænum, segðu af þér maður.“ Cameron lét þessi orð falla í fyrirspurnartím í breska þinginu í dag. Þar gagnrýndi hann framgöngu […]

Eyjan Miðlar ehf. - Kringlunni 4-12, Reykjavík - eyjan (hjá) eyjan.is