Föstudagur 11.03.2016 - 14:01 - Ummæli ()

Sigmundur Davíð lýsir stórkostlegum efasemdum um nýjan spítala við Hringbraut: „Óhagkvæmur bútasaumur“

Mynd/Eyjan

Mynd/Eyjan

Sigmundur Davíð Gunnlaugsson, forsætisráðherra, segir fyrirhugaða uppbyggingu Landspítala á Hringbraut vera „óljósan, hægvirkan og óhagkvæman bútasaum“. Hann færir rök fyrir því að það sé mun hagkvæmara og heillavænlegra að ráðast í byggingu nýs spítala við Vífilsstaði.

Í Morgunblaðinu í dag er rætt við Gunnar Einarsson, bæjarstjóra í Garðabæ, sem lýsir þeirri skoðun sinni að það sé „arfavitlaust“ að staðsetja nýtt sjúkrahús við Hringbraut. Menn þurfi að hafa hugrekki og þor til að breyta henni og bendir hann á Vífilsstaði í Garðabæ sem ákjósanlega staðsetningu fyrir nýtt sjúkrahús.

Sigmundur Davíð grípur bolta Gunnars á lofti og skrifar ítarlega færslu á heimasíðu sína þar sem hann færir rök fyrir því hvers vegna hann telur Vífilsstaði mun betri kost en Hringbraut. Í raun finnur hann fyrirhugaðri byggingu við Hringbraut flest til foráttu.

Framundan er mikil og dýr hönnunarvinna sem taka mun nokkur ár, segir forsætisráðherra, sem telur að nú sé tíminn til að taka endanlega ákvörðun. Gert er ráð fyrir að framkvæmdir við nýjan spítala á Hringbraut hefjist 2019 en unnið verði að hönnun fram að því. Eftir því sem nær dragi framkvæmdum veðri hönnunarvinnan sérhæfðari og háðari staðsetningu og endanlegu útliti. Þess vegna er nú rétti tíminn til að ræða hvort aðrir kostir kunni að vera betri en Hringbraut.

Að mínu mati ber stjórnvöldum að bregðast við þessu tilboði Garðabæjar, taka því fagnandi og skoða hvort ekki sé best, í ljósi allra aðstæðna að ráðast í byggingu nýs Landspítala við Vífilsstaði. Með því væri hægt að byggja spítalann hraðar, á hagkvæmari hátt og miklu, miklu betur.

Vandfundinn sá staður sem hentar jafnilla og Hringbraut

Því næst víkur Sigmundur Davíð að kostinum við Hringbraut og segir að húsakostur spítalans virðist vera í mun verra ástandi en gert var ráð fyrir þegar ákveðið var að byggja spítalann þar. Varla líði sú vika að ekki séu sagðar fréttir af myglu, maurum, músum eða öðrum plágum sem herja á spítalann.

Svo ekki sé minnst á hvað húsnæðið er allt orðið lélegt og óhentugt.  Af fréttum að dæma virðist vandfundin sú starfsemi sem hentar jafnilla í núverandi húsnæði Landspítalans við Hringbraut og sjúkrahúsrekstur.

Verði byggt á Hringbraut segir Sigmundur Davíð að sjúklingar, gestir þeirra og starfsmenn muni búa við viðvarandi hávaða og rask árum saman þar sem tómir og hlaðnir vörubílar og stórvirkar vinnuvélar væru á ferð um miðborgina svo árum skipti.

Það þyrfti að endurnýja nánast allt núverandi húsnæði spítalans með endalausu raski og tilfæringum. Svo þyrfti að tengja þetta allt innbyrðis og við nýbyggingar spítalans. Ekki er gott að meta hvernig tækist til við að fá þetta allt til að vinna saman en ekki yrði það einfalt og ekki yrði það ódýrt. Útilokað er að það myndi nokkurn tímann virka jafnvel og húsnæði sem væri hannað og byggt sem heild með tilliti til nútíma þarfa.

Við þetta bætir Sigmundur Davíð staðsetningin henti afleitlega með tilliti til umferðartenginga þar sem burðargeta umferðaræða „er löngu sprungin og byggðin heldur áfram að þróast í aðrar áttir“.

Enginn fjáraustur í að reyna að gera við hálfónýta hluti

Hins vegar segir forsætisráðherra að á Vifilsstöðum verði hægt að hanna glæsilegan spítala frá grunni.

Enginn fjáraustur í að reyna að gera við hálfónýta hluti, tjasla því saman sem ekki passar saman og laga óhentugar byggingar að heilbrigðisþjónustu 21. aldar. Allt hannað sem ein heild sem vinnur eins og vél um leið og hugað er að mannlega þættinum, því að fólki líði vel í umhverfinu og það sé til þess fallið að lyfta andanum og stuðla að betri andlegri og líkamlegri líðan sjúkling, gesta og starfsfólks.

Hægt væri að fara á fullt í skipulags- og hönnunarvinnu í þeirri vissu að verkefnið gæti farið á fullan skrið strax að þeirri vinnu lokinni og engin þörf verður að stilla framkvæmdir af miðað við umferð á mestu umferðarögum landsins. Þá verði starfsemi Landspítlans við Hringbraut ótrufluð á meðan framkvæmdunum stendur. Sér Sigmundur Davíð jafnvel fyrir sér að Háskóli Íslands fái gamla Vífilsstaðaspítalann til umráða sem myndi sóma sér vel sem háskólabygging.

Svona gæti nýr Landspítali við Vífilsstaði litið út, segir Sigmundur Davíð og birtir þessa teikningu C.F. Möller með grein sinni. Umhverfið sé aðlaðandi sem hafi bætandi áhrif á andlega og líkamlega heilsu. „Spítali þarf ekki að líta út eins og höfuðstöðvar Stasi“.

Svona gæti nýr Landspítali við Vífilsstaði litið út, segir Sigmundur Davíð og birtir þessa teikningu C.F. Möller með grein sinni. Umhverfið sé aðlaðandi sem hafi bætandi áhrif á andlega og líkamlega heilsu. „Spítali þarf ekki að líta út eins og höfuðstöðvar Stasi“.

Enn fremur bendir Sigmundur Davíð á að verðmæti fasteigna og lóða í miðbæ Reykjavíkur hafi hækkað gríðarlega frá því síðast var lagt mat á staðsetningu spítalans. Ríki og borg gætu þess vegna „náð tugmilljarða tekjum“ með því að selja húsnæði og lóðir við Hringbraut sem myndi standa straum af umtalsverðum hluta byggingarkostnaðar nýs spítala. Gömlu Landspítalabyggingarnar yrðu ýmist rifnar og nýjar byggðar í staðinn eða teknar í gegn og breytt í hótel, skrifstofur, íbúðir og svo framvegis. Þannig myndi Gamla Landspítalabyggingin henta vel sem glæishótel og sjúkrahótelið sem verið er að byggja að stúdentaíbúðum.

Tveir kostir

Valið stendur því á milli eftirfarandi kosta, segir Sigmundur Davíð:

  1. Áframhaldandi óljós, hægvirkur og óhagkvæmur bútasaumur við Hringbraut. Endalaus barátta við alkalískemmdir, myglu, gamalt lagnakerfi og úrelta tækni í tugum bygginga og við að tengja það gamla við nýbyggingar til að láta allt virka sem heild. Rannsóknarstörf, kennsla, aðgerðir, sjúkrahússlega veiks fólks og aðrar lækningar færu fram á meðan loftborarnir hamast fyrir utan og grjótinu er mokað í vörubíla. Eftir stendur svo þyrping ólíkra gamalla kassa og nýrra stærri grárra kassa. Þyrping sem stendur utarlega á nesi sem tengt er restinni af höfuðborgarsvæðinu með götum þar sem umferðarteppur eru regla fremur en undantekning.

 

  1. Glænýr heildstæður hátæknispítali, hannaður til að virka sem ein heild og veita umgjörð um bestu heilbrigðisþjónustu sem völ er á. Fallegt hús að innan sem utan á jaðri byggðarinnar, umkringt dásamlegri náttúru og útivistarsvæðum. Húsið mætti byggja hratt með lágmarkstruflun á framkvæmdum og lágmarkstruflun fyrir borgarbúa og fjármagna verkefnið að miklu leyti með sölu á eignum við Hringbraut. -Eigna sem ganga svo í endurnýjun lífdaga með nýtingu sem hentar svæðinu og styrkja og vernda miðborgina.

 

«
»

Ummæli ()

Vinsamlegast athugið:
Ummæli eru á ábyrgð þeirra sem þau skrifa. Eyjan áskilur sér þó rétt til að fjarlægja óviðeigandi og meiðandi ummæli. Tilkynna má óviðeigandi ummæli í netfangið ritstjorn@eyjan.is

Vilhjálmur Birgisson hjólar í útgerðina vegna aflaverðs

Vilhjálmur Birgisson formaður Verkalýðsfélags Akraness segir útgerðina ala á vantrausti og tortryggni milli sjómanna og útgerðamanna í pistli á Pressunni. Verðið sem norsku loðnuskipin fái fyrir aflann sem þau landa hér á landi séu 77 krónur á kílóið en Ísfélag Vestmanneyja sé að bjóða sínum sjómönnum á milli 18 og 44 krónur á kílóið af […]

Dani ákærður fyrir guðlast eftir að hafa kveikt í Kóraninum

Saksóknari í Danmörku hefur ákveðið að leggja fram ákæru um guðlast á hendur 42 ára gömlum Dana. Dönsk refsilöggjöf geymir ákvæði um bann við guðlasti. Síðast var lögð fram ákæra samkvæmt því árið 1971. Nú 46 árum síðar er því beitt á nýjan leik. Dagblaðið Jótlandspósturinn (Jyllands Posten) greindi frá þessu í gær. Tilefnið mun vera það að […]

Halldór hjá SA gagnrýnir kjararáð harðlega: „Leikhús fáránleikans er í beinni útsendingu“

„Það blasir því við að ákvarðanir kjararáðs eru úr öllum takti við almenna launaþróun, hvort sem er til skemmri eða lengri tíma. Umbætur á vinnumarkaði eru stærsta verkefni stjórnvalda á kjörtímabilinu. Til viðbótar við kjararáð eru ríki og sveitarfélög orðin leiðandi í launaþróun í landinu. Umbætur á vinnumarkaði eru í uppnámi og kjaradeilur munu raska […]

Ráðuneytið setur áherslu á ferðaþjónustuna

Sett verður á fót skrifstofa innan atvinnuvega- og nýsköpunarráðuneytisins sem mun eingögnu sjá um málefni ferðaþjónustunnar. Er þetta gert í samræmi við stefnu ríkisstjórnarinnar um að efla og auka vægi ferðaþjónustunnar í stjórnsýslunni. Þetta kemur fram í fréttatilkynningu frá ráðuneytinu. Sigrún Brynja Einarsdóttir verður skrifstofustjóri ferðamála, en þar koma fimm manns til að starfa fyrst […]

Píratar vilja fleiri flóttamenn – Skiptar skoðanir um hælisveitingar

Meirihluti Pírata vill taka á móti fleiri flóttamönnum, en fáir stuðningsmenn Sjálfstæðisflokksins og Framsóknar flokksins. Þetta kemur fram í niðurstöðum nýrrar könnunar MMR sem birtist í dag um afstöðu fólks til fjölda flóttamanna sem fá hæli hér á landi. Athygli vekur að svarendur skiptust mjög eftir aldri í svörum sínum. Karlar eru líklegri til að […]

Skipar í starfshópa vegna skýrslunnar um eignir Íslendinga á aflandssvæðum

Bene­dikt Jó­hann­es­son fjármála- og efnahagsráðherra hefur skipað tvo starfshópa sem falið er að vinna tillögur að aðgerðum til úrbóta vegna ábendinga sem fram komu í skýrslu starfshóps um umfang fjármagnstilfærslna og eignaumsýslu Íslendinga á aflandssvæðum. Þetta kemur fram í tilkynningu á vef ráðuneytsins. Fyrri starfshópnum er falið að kanna og greina nánar niðurstöður skýrslunnar um  […]

Launalækkun þingmanna ekki á dagskrá

Alþingi felldi tillögu þingmanna Pírata um sett yrði á dagskrá þingfundar í dag frumvarp þingflokks Pírata um kjararáð. Líkt og Eyjan hefur greint frá vildu Píratar breyt­a lögum um kjara­ráð fyrir næstu viku til að kjararáð kveði upp nýjan úrskurð sem feli í sér launa­lækkun Alþing­is­manna og ráð­herra sem sam­svari því að laun þeirra fylgi […]

Skattar hækka þrisvar sinnum oftar en þeir lækka

Skattar hafa verið lækkaðir 61 sinni en hækkaðir 179 sinnum á síðustu tíu árum. Þetta þýðir að fyrir hverja skattalækkun stjórnvalda á árunum 2007 til 2017 hafa skattar hækkað þrisvar sinnum oftar en þeir hafa verið lækkaðir. Þetta kemur fram í yfirliti Viðskiptaráðs Íslands. Sem dæmi um vörur sem hafa hækkað mikið vegna skattabreytinga síðustu […]

4,1% atvinnuleysi

Atvinnulausum fjölgaði um 2.600 manns í janúar, á sama tíma jókst fjöldi starfandi landsmanna um 1.400 manns. Hlutfall starfandi af mannfjölda var 77,1% og hlutfall atvinnulausra af vinnuafli var 4,1% í janúar. Þetta kemur fram í vinnumarkaðsrannsókn Hagstofu Íslands. Í janúar var að jafnaði 193.100 manns á aldrinum 16–74 ára á vinnumarkaði í janúar 2017, […]

Búast má við áframhaldandi átökum á vinnumarkaði

Kjarasamningar geta verið í uppnámi vegna hækkunnar kjararáðs á launum kjörinna fulltrúa og möguleiki á að samningar opnist í næsta mánuði . Fulltrúar ASÍ og SA hafa fundað í vikunni til að fara yfir forsendur samninga ASÍ við SA frá 2015, en að öllu óbreyttu standa þeir fram á næsta ár. Frá þessu er greint […]

Rússar vara Norðmenn harðlega við frekari umsvifum NATO í Noregi

Rússneski sendiherrann í Noregi varar Norðmenn við því að efla starfsemi NATO enn frekar innan landamæra Noregs eða taka þátt í eldflaugavarnakerfi NATO. Norskir fjölmiðlar hafa greint frá því upp á síðkastið að norsk varnarmálayfirvöld hafi áhuga á því að Noregur verði með í eldflaugavörnunum. Rússar eiga landamæri að Noregi nyrst norður við Barentshaf. Þeir eru […]

Bæjaraland bannar blæjuna

Yfirvöld í Bæjaralandi í Þýskalandi hafa gefið það út að stefnt sé að því að banna blæjuna í opinberum byggingum, skólum, háskólum og við akstur. Gagnrýnendur segja að þetta sé einungis gert því kosningar nálgist en Kristilegi demókrataflokkurinn, flokkur Angelu Merkel kanslara fer með völdin í Bæjaralandi. Flokkur hennar óttast mjög sókn hægriflokksins AfD, Alternative […]

Kvartað undan fjarveru stjórnarflokka: „Kolvitlaus fýlubomba“

Birgir Ármannsson þingflokksformaður Sjálfstæðisflokksins segir málefnaþurrð stjórnarandstöðunnar átakanlegar og að spurningar um fjarveru stjórnarþingmanna um skýrslumálið væri ein kolvitlausasta fýlubomba stjórnarandstöðu sem hann hefði séð á sínum 14 ára ferli sem þingmaður. Þingmenn stjórnarandstöðuflokkanna kvörtuðu í dag undan því að þingmenn Viðreisnar og Bjartrar framtíðar hefðu ekki tekið þátt í umræðum á þingi í gær um skil […]

Brynjar vandar Pírötum ekki kveðjurnar: „Þessi hugsun er galin“

Frumvarp þingflokks Pírata um breytingar á lögum um kjararáð til að lækka laun þingmanna er rugl og hentistefna. Þetta segir Brynjar Níelsson þingmaður Sjálfstæðisflokksins. Ræddi hann um stjórnmálin, þar á meðal frumvarp Pírata, í Morgunútvarpinu á Rás 2 í morgun ásamt Birni Leví Gunnarssyni þingmanni Pírata. Sagði Björn að með frumvarpinu, sem Eyjan greindi frá […]

Eyjan Miðlar ehf. - Kringlunni 4-12, 103 Reykjavík - eyjan (hjá) eyjan.is