Mánudagur 14.03.2016 - 15:41 - Ummæli ()

„Þeir ætla sér að eyðileggja þig“

Ketill segist ekki hafa afl til að takast á við Norðurál og aðra stóriðjurisa.

Ketill segist ekki hafa afl til að takast á við Norðurál og aðra stóriðjurisa.

Ketill Sigurjónsson, sem um árabil hefur haldið úti bloggi um orkumál, ætlar að draga sig í hlé. Hann segist ekki hafa afl til að takast á við Norðurál og önnur stóriðjufyrirtæki sem hann segir beita stórfelldum blekkingum í áróðursstríði um auðlindir landsins.

Þetta kemur fram í síðustu færslu Ketils á Orkublogginu sem hann hefur haldið úti um átta ára skeið.

Í færslunni rekur hann starfsaðferðir Norðuráls og samskipti hans við fyrirtækið í ítarlegu máli. Hann segir forsvarsmenn ítrekað fara rangt með staðreyndir og nota rangar upplýsingar til að slá ryki í augu almennings. Þessi áróður eigi sér aðeins eitt meginmarkmið, að sporna gegn því að stóriðjufyrirtækin, einkum Norðurál, fái samkeppni um orkuna.

Ketill segir að merkilegar breytingar að eiga sér stað á alþjóðavettvangi sem geti haft jákvæð áhrif fyrir þjóð sem ræður yfir mikilli endurnýjanlegri orku. Ísland standi frammi fyrir óvenjulegum tækifærum því á þessu ári mun ráðast hvort og á haða kjörum það verður endursamið af hálfu Landsvirkjunar við Elkem og Norðurál. Þá gæti einnig skýrst hvort sæstrengur til Bretlands sé ábatasöm framkvæmd.

Það er kannski eðlilegt að erlenda stóriðjan á Íslandi sé ekki ánægð með þá þróun að unnt verði að fá hátt verð fyrir íslenska raforku. Því það myndi þýða að töluvert aukin samkeppni hafi myndast um raforkuna sem hér er framleidd. Sem gæfi Íslendingum tækifæri á því að fá meira af auðlindaarðinum sem raforkuvinnslan skapar i sinn hlut – í stað þess að hann renni áfram að mestu leyti til stóriðjunnar.

Ketill upplýsir að í kjölfar skrifa hans um möguleika vegna sæstrengs hafi framkvæmdastjóri Norðuráls haft samband við hann til að vinna fyrir sig verkefni sem fólst í að útvega fyrirtækinu upplýsingar.

Lesendur geta sjálfir velt fyrir sér hvað þar lá að baki. Þau kaup voru reyndar ekki í boði af minni hálfu. Og það næsta sem heyrðist á opinberum vettvangi frá umræddum framkvæmdastjóra hjá Norðuráli, var að ekkert væri að marka skrif mín því þau væru bara bull. Þannig eru vinnubrögð Norðuráls; ef ekki er unnt að kaupa sérfræðinginn (til starfa) þá má reyna að útmála hann sem bullukoll. En það var auðvitað framkvæmdastjóri Norðuráls sem þarna var hinn raunverulegi bullukolur.

Segir Ketill að þótt þetta kunni að virðast sakleysislegt sé þarna á ferðinni „massífur áróður stórfyrirtækja“ með tugmilljarða veltu.

Fyrir einstakling verður það óhjákvæmilega afar ójafn leikur. Og þetta snýst vel að merkja um afar mikilvægt grundvallaratriði; hver á að njóta arðsins af íslensku orkuauðlindunum; stóriðjan eða þjóðin? Þetta skiptir gífurlegu máli.

Ketill upplýsir jafnframt að um mitt ár 2014 hafi þaulreyndur framkvæmdastjóri hjá einu af stærstu íslensku fjármálafyrirtækjunum haft samband við hann og tjáð honum að „forstjóri Norðuráls væri að hringja í stjórnendur fyrirtækisins og kvarta yfir samstarfi þeirra við mig“.

Það var svo í júní á liðnu ári, 2015, að einn af bankastjórunum í íslenska bankakerfinu hafði samband við mig. Og varaði mig við því að Norðurál væri að undirbúa herferð gegn mínum málflutningi. Og væri að reyna að ráða almannatengla til verksins. Og viðkomandi bætti við þessum skemmtilegu orðum: „Þeir ætla sér að eyðileggja þig“.

Segir Ketill að þarna hafi hann fengið staðfest að hann væri að birta upplýsingar sem stóriðjan vill ekki að almenningur viti af.

En nú var sem sagt orðið augljóst að ég var orðinn upplýsingabrunnur sem stóriðjan vildi kæfa.

Ketill segir að undanfarin hafi sprottið fram „ruglukollar“ sem fara fram með áróðursskrif fyrir stóriðjun og gegn sæstreng. Miðað við þau skrif virðist sem Norðuráli hafi gengið illa að fá fagfólk til þess verks þar sem þau séu „svo yfirfull af röngum upplýsingum og sleikjuskap við Norðurál og önnur álfyrirtæki, að það er stundum vandséð hvort þau eigi að flokka sem hlægilega vitleysu eða áróður“.

Það er engu að síður svo að ég hef orðið sífellt meira var við það að bæði í orkugeiranum hér, fjármálageiranum og víðar þrífst víða mikil undirgefni gagnvart Norðuráli og öðrum stóriðjufyrirtækjum sem hér starfa. Enda eru þessi útlendu stóriðjufyrirtæki með mikla veltu og kaupa hér margvíslega þjónustu. Og það eitt og sér skapar þeim völd. Hvað viðvíkur mér, þá er þarna um að ræða þvílíka yfirburðarstöðu að einstaklingur getur ekki til lengdar verið í því hlutverki að upplýsa um hið sanna um viðskiptaumhverfi og starfsaðferðir þessara fyrirtækja.

Segist Ketill þess vegna ætla að draga sig í hlé frá slíkri umfjöllun og verður Orkubloggið „lagt til hvílu“. Hyggst hann nú alfarið einbeita sér að alþjóðlegri ráðgjöf á sviði orkumála í löndunum umhverfis okkur.

Að lokum segir Ketill:

Ég vil þakka lesendum Orkubloggsins samfylgdina (s.l. átta ár!). Og minni landsmenn á að orkuauðlindir Íslands eru fyrst og fremst auðlindir þjóðarinnar en ekki stóriðjunnar. Vonandi bera stjórnmálamenn og orkufyrirtækin hér gæfu til að tryggja það, að arðurinn af auðlindanýtingunni renni í auknum mæli til eiganda auðlindarinnar, þ.e. þjóðarinnar. Fremur en að hann renni að mestu til erlendu stóriðjunnar, líkt og verið hefur undanfarna áratugi.

 

«
»

Ummæli ()


Vinsamlegast athugið:
Ummæli eru á ábyrgð þeirra sem þau skrifa. Eyjan áskilur sér þó rétt til að fjarlægja óviðeigandi og meiðandi ummæli. Tilkynna má óviðeigandi ummæli í netfangið ritstjorn@eyjan.is

Boris Johnson sækist ekki eftir formennsku í Íhaldsflokknum né því að verða forsætisráðherra

Boris Johnson, þingmaður breska Íhaldsflokksins og fyrrverandi borgarstjóri Lundúna, hefur gefið það út að hann hyggist ekki sækjast eftir því að verða formaður flokksins né forsætisráðherra Bretlands. Eftir tilkynningu Davids Camerons, forsætisráðherra, um að hann myndi segja af sér vegna niðurstöðu Brexit kosninganna var fastlega búist við að Johnson myndi sækjast eftir að taka stöðu […]

Listinn yfir skattakónga Íslands hefur verið birtur

Árni Harðarson, stjórnarformaður og aðstoðarforstjóri Alvogen, er sá einstaklingur sem greiðir hæst opinber gjöld hér á landi, samkvæmt lista Ríkisskattstjóra. Aðilar úr ferðaþjónustu og lyfjaiðnaðinum eru áberandi á listanum. Alls greiddi Árni 265 milljónir króna í opinber gjöld hér á landi. Hann var í 9. sæti listans í fyrra. Í öðru sæti listans er Christopher […]

Mengun og heimska eru stærstu ógnirnar við mannkynið

Mengun og mannleg heimska eru stærstu ógnirnar við mannkynið en gervigreind er einnig hættuleg því hætt er við að markmið véla með gervigreind, sem eru notaðar í stríðsátökum, geta verið önnur en markmið okkar mannanna. Þetta segir hinn heimsþekkti eðlisfræðingur Stephen Hawking. Í viðtali í Larry King Now sagði hann að mannkynið hafi svo sannarlega […]

Hollenski þjóðernissinninn  Geert Wilders varar ESB við að hefna sín á Bretlandi

Hollenski þjóðernissinninn Geert Wilders, sem er einn áhrifamesti stjórnmálamaðurinn í Hollandi, varar ESB við að hefna sín á Bretlandi í kjölfar samþykktar Brexit. Hann segir að ef ESB hefni sín á Bretlandi þá muni það skaða sambandið meira en Bretland. Hann beinir þessum orðum sínum að leiðtogum ESB-ríkjanna sem funda stíft þessa dagana í kjölfar […]

Landsvirkjun tekur 6,2 milljarða króna lán vegna Þeistareykja

Norræni fjárfestingarbankinn (NIB) hefur veitt Landsvirkjun 50 milljóna bandaríkjadala, andvirði 6,2 milljarða, langtímalán til að reisa jarðvarmavirkjun á norðausturlandi. Láninu, sem er til 16 ára, er ætlað að fjármagna fyrsta áfanga Þeistareykjavirkjunar í grennd við Húsavík. Í fyrsta áfanganum verða tvær 45 MW vélasamstæður settar upp. Áætlað er að hægt sé að framleiða allt að […]

Cameron leggur til atlögu við Corbyn – „Í guðs bænum, segðu af þér maður“

David Cameron, fráfarandi forsætisráðherra Bretlands, hvatti í dag leiðtoga breska Verkamannaflokksins, Jeremy Corbyn, eindregið til að segja af sér. Cameron sagði það ekki í þágu þjóðarinnar að Corbyn sæti áfram á formannsstóli. „Í guðs bænum, segðu af þér maður.“ Cameron lét þessi orð falla í fyrirspurnartím í breska þinginu í dag. Þar gagnrýndi hann framgöngu […]

Ríkið greiðir mun minna í vaxtabætur: 9 þúsund fjölskyldur falla af listanum

Ríkið greiðir 2,5 milljörðum krónum minna í vaxta- og barnabætur í ár en það gerði í fyrra. 29 þúsund fjölskyldur fá greiddar vaxtabætur í ár sem er 21,3 prósent fækkun á milli ára. Ríkisskattstjóri hefur lokið álagningu opinberra gjalda á einstaklinga og eru helstu niðurstöður birtar á vef fjármálaráðuneytisins. Þar kemur meðal annars fram að […]

Skoski þjóðarflokkurinn krefst þess að verða viðurkenndur sem leiðandi stjórnarandstöðuflokkur

Skoski þjóðarflokkurinn hyggst í dag krefjast þess að verða viðurkenndur sem leiðandi stjórnarandstöðuflokkur í breska þinginu, með þeim rökum að Verkamannaflokkurinn sé orðinn rústir einar. Í þingsköpum breska þingsins eru ákvæði um að leiðandi stjórnarandstaða verði að vera tilbúin til að taka við völdum fari sitjandi stjórn frá. Breska blaðið Independent greinir frá þessu. Pete […]

Vantrú hrósar prestum fyrir að veita hælisleitendum skjól: „Þarna birtist kærleikur í verki og því segjum við – vel gert“

Vantrú, félag trúleysingja gegn hindurvitnum, hrósar prestunum Toshiki Toma og Kristínu Þ. Tómasdóttur fyrir að veita tveimur hælisleitendum skjól í Laugarneskirkju í gær. Lögreglan flutti þá Majed og Ali Nasir með valdi til Noregs í gær og hefur Kristín Þórunn sóknarprestur í Laugarneskirkju sagt að stundin í gær hafi ekki skilið neinn sem tók þátt […]

Berjast þarf gegn þjóðernishyggju og poppúlisma með auknum hagvexti

Raunveruleg hætta er á, eftir Brexit, að þjóðernissinnuð og popúlísk öfl í Evrópu nái enn frekari pólitískum áhrifum, sem aftur gæti leitt til þess að fleiri lönd yfirgefi Evrópusambandið. Þróunin gæti orðið sú, ef allt fer á versta veg, að verndarstefna og þjóðernishyggja í Evrópu myndi aukast. Besta leiðin til að stöðva þessa tilhneigingu er […]

Fjöldi bandarískra vísindamanna hvetur til tafarlausra aðgerða í loftslagsmálum

Rúmlega þrjátíu samtök bandarískra vísindamanna hafa sent bandarískum stjórnmálamönnum hvatningu um að grípa til aðgerða í loftslagsmálum, ekki seinna en núna. Vísindamennirnir segja að það verði að hægja á hnattrænni hlýnun. „Kæru þingmenn, Sem leiðtogar samtaka bandarískra vísindamanna skrifum við þetta bréf til að minna ykkur á samhljóða vísindalega skoðun á loftslagsbreytingunum. Rannsóknir um allan […]

Evrópskir leiðtogar standa fastir fyrir: Bretland fær enga sérmeðferð

Margir breskir kjósendur virðast sjá eftir að hafa greitt Brexit atkvæði sitt og breskir stjórnmálaleiðtogar virðast margir hverjir ekki vita í hvorn fótinn þeir eiga að stíga. Sumir þeirra hafa gælt við að ná sérstökum samningi við ESB og vilja hefja óformlegar viðræður við ESB. En leiðtogar ESB virðast vera að loka alveg fyrir þann […]

Framkvæmdastjórn ESB er hætt að nota ensku í kjölfar Brexit

Formaður framkvæmdastjórnar ESB og talsmenn framkvæmdastjórnarinnar nota ekki lengur ensku í ræðum sínum og yfirlýsingar framkvæmdastjórnarinnar verða ekki lengur sendar út á ensku. Fram að þessu hafa enska, þýska og franska verið vinnumál framkvæmdastjórnarinnar en nú hefur enskan verið lögð á hilluna í kjölfar samþykktar Brexit. Þegar Margaritis Schinas, aðaltalsmaður framkvæmdastjórnarinnar, hóf hinn daglega fréttamannafund […]

Loforðin fjarlægð af heimasíðu stuðningsmanna Brexit

Stuðningsmenn útgöngu Bretlands úr Evrópusambandinu hafa fjarlægt nær allt efni af heimasíðu sinni, þar með talið loforð um að 350 milljónum punda verði varið í heilbrigðiskerfið. Eftir þjóðaratkvæðagreiðsluna á fimmtudaginn hafa böndin beinst að þeim loforðum sem stuðningsmenn útgöngu gáfu í aðdraganda kosninganna. Um leið og niðurstaðan lá fyrir fóru talsmenn Brexit að draga í […]

Eyjan Miðlar ehf. - Kringlunni 4-12, Reykjavík - eyjan (hjá) eyjan.is