Miðvikudagur 16.03.2016 - 12:33 - Ummæli ()

Gríðarlegt áhyggjuefni að fylgi sem Samfylkingin og Vinstri græn tapa skuli ekki fara yfir á Pírata

apakataÞað er gríðarlegt áhyggjuefni að Samfylking og Vinstri græn skuli tapa fylgi og það skuli ekki fara yfir á Pírata. Þetta segir Árni Páll Árnason, formaður Samfylkingarinnar, í samtali við Eyjuna sem viðbragð við nýrri skoðanakönnun MMR. Þar mælist Samfylkingin í sögulegri lægð hvað varðar stuðning, einungis 7,8 prósent aðspurðra styðja flokkinn. Katrín Jakobsdóttir, formaður Vinstri grænna, segir að kjósendur virðist eiga mikla samleið með stefnumálum flokksins en tengi hins vegar alls ekki við hann.

Vinstri flokkarnir tveir, Samfylkingin og Vinstri græn, mælast hvor um sig með 7,8 prósent stuðning. Samfylkingin hefur aldrei mælst með minna fylgi í könnunum MMR. Árni Páll segir þó góðar fréttir í könnuninni, nefnilega þær að stjórnarandstaðan mælist enn með um 56 prósenta stuðning.

Að öðru leyti er það gríðarlegt áhyggjuefni að Samfylking og Vinstri græn tapi fylgi og það fari ekki yfir á Pírata. Við höfum huggað okkur við það síðasta árið í þessu fylgishruni sem við höfum upplifað að fylgið hefur þó alla vega farið þangað. Ef að stjórnarflokkarnir eru allt í einu farnir að ná viðspyrnu þá er það verulegt áhyggjuefni og sýnir enn betur en áður mikilvægi þess að Samfylkingin nái vopnum sínum.

„Staðan er stóralvarleg“

Spurður hvort hann kunni einhverja skýringu á því hvers vegna Samfylkingin skuli vera í svo djúpum öldudal svara Árni Páll því til að hann hafi enga einhlýta skýringu á því.

Það er auðvitað þannig að þessa stundina er engin skýr ásýnd á Samfylkingunni. Það var tekin ákvörðun um það þegar ákveðið var að efna til landsfundar nú í vor. Það auðvitað gæti skýrt að fylgi dali í þessari könnun, en þetta er hins vegar viðvarandi ástand. Skömmu fyrir síðustu kosningar var hringt í mig, svipað símtal og þetta, og þá voru Samfylking og VG með um 19 prósent samanlagt. Síðan risum við á fyrri hluta þessa kjörtímabils en nú er þetta bara komið niður aftur. Staðan er stóralvarleg.

-En getur verið að Samfylkingin sé bara búin að tapa tiltrú kjósenda, burtséð frá því hverjir standa í stafni flokksins?

„Ég kann í sjálfu sér ekki djúpstæðari skýringar en þær sem ég setti fram í bréfinu sem ég sendi flokksmönnum á dögunum. Þar sagði ég að við núverandi aðstæður teldi ég engu máli skipta hver leiddi flokkinn ef flokkurinn tæki ekki til hjá sér í grundvallaratriðum. Ég held að þessi könnun staðfesti það bara.“

Ekki tekið ákvörðun um hvort hann gefi kost á sér

Árni Páll segist ekki hafa tekið ákvörðun um hvort hann bjóði sig fram til áframhaldandi formennsku í Samfylkingunni og hann hafi ekki gefið sér tímamörk til að taka þá ákvörðun. Þessi síðasta skoðanakönnun hafi ekki áhrif á þá ákvörðun.

Þurfum að greina hvers við náum ekki í gegn

Katrín Jakobsdóttir, formaður Vinstri grænna, segir að hún vilji auðvitað sjá hærri tölur, fyrir Vinstri græn og vinstri vænginn í heild sinni. „Ég hef auðvitað áhyggjur af því að einu flokkarnir sem skilgreini sig sem vinstri flokka séu í þessum kröggum.

Stóru málin í samfélaginu nú, ójöfnuðurinn, staða heilbrigðiþjónustu, hvernig núverandi ríkisstjórn hefur afsalað almenningi tekjum, allt þetta eru kjarnamál Vinstri grænna. Þegar afstaða almennings til þessara mála er mæld virðist hann eigi mikla samleið með okkur. Kjósendur virðast hins ekki tengja við flokkinn. Við þurfum því að finna út hvernig við getum komið okkar skýru stefnu til skila til kjósenda. Við þurfum að nýta tímann fram á haustið mjög vel til að greina hvers vegna við náum ekki í gegn.“

Katrín talaði á flokksráðsfundi Vinstri grænna á dögunum um að hún vildi sjá endurnýjun í framlínu og forystu flokksins. Spurð hvort hún telji að kjósendur séu hreinlega þreyttir á forystu Vinstri grænna segir Katrín að hún hafi fyrst og fremst verið að benda á nauðsyn þess að flokkurinn fái fleiri til liðs við sig og breikki ásýnd sína.

Kannski var ég fyrst og fremst að tala um að við sem erum á fleti fyrir, og þar undanskil ég ekki mig sjálfs, þurfum að opna faðminn og bjóða fleiri velkomna til okkar.

«
»

Ummæli ()

Vinsamlegast athugið:
Ummæli eru á ábyrgð þeirra sem þau skrifa. Eyjan áskilur sér þó rétt til að fjarlægja óviðeigandi og meiðandi ummæli. Tilkynna má óviðeigandi ummæli í netfangið ritstjorn@eyjan.is

Forsetakosningarnar í Frakklandi: Macron nær forystunni með stórborgaratkvæðum

Miðjumaðurinn Emmanuel Macron er nú með forystu þegar búið er að telja meira en 40 milljón atkvæði í fyrri umferð frönsku forsetakosninganna, alls eru 46,7 milljón Frakkar á kjörskrá. Marine Le Pen, frambjóðandi þjóðernissinna, var með forystu en er nú komin rúmu prósentustigi á eftir Macron nú þegar atkvæðin streyma inn úr stórborgum Frakklands, en […]

Forsetakosningarnar í Frakklandi: Marine Le Pen leiðir þegar 28 milljónir atkvæða hafa verið talin

Reuters-fréttastofan greinir frá því að Marine Le Pen hafi nú yfirhöndina yfir Emmanuel Macron í talningu atkvæða í fyrri umferð frönsku forsetakosninganna. Tölur frá franska innanríkisráðuneytinu sýni að þegar búið er að telja 28 milljónir atkvæða þá sé Marine Le Pen með 23,6 prósent. Emmanuel Macron er með 22,78 prósent. François Fillon frambjóðandi íhaldsins fær […]

Forsetakosningar í Frakklandi: Le Pen og Macron sigra fyrstu umferð

Fyrstu útgönguspár í forsetakosningunum í Frakklandi í dag benda til að Marine Le Pen og Emannuel Macron hafi hlotið flest atkvæði kjósenda. Le Pen er fulltrúi hægri þjóðernissinna en Macron er frambjóðandi miðjuaflanna. Kantar Sofres-fyrirtækið hefur gert útgönguspá fyrir TF1-fjölmiðalfyrirtækið. Þar eru bæði með 23 prósent atkvæða. Vinstrimaðurinn Jean Luc Mélenchon og íhaldsmaðurinn Francois Fillon […]

Formaður Framsóknar krefst umræðu um sölu Vífilsstaðalands við fjármálaráðherra

Sigurður Ingi Jóhannsson þingmaður og formaður Framsóknarflokksins og fyrrum forsætisráðherra hefur óskað eftir sérstakri umræðu á Alþingi við Benedikt Jóhannesson fjármálaráðherra, þingmann og formann Viðreisnar. Tilefnið er sala ríkisins (fjármálaráðherra) á Vífilsstaðalandinu svokallaða til Garðabæjar. Sigurður Ingi tilkynnir þetta á Fésbókarsíðu sinni í dag. Þar vísar hann til gamallar fréttar frá því í desember 2002 […]

Norður-Kórea bítur í skjaldarrendur: Hótar að sökkva flugmóðurskipi USA og gera kjarnorkuárás á Ástralíu

Engan bilbug virðist að finna á ráðamönnum í Norður-Kóreu. Nú lýsa þeir því yfir að herafli landsins sé reiðubúinn að sökkva bandaríska flugmóðurskipinu Carl Vinson. Það mun nú samkvæmt fréttum nálgast Kóreuskagann í fylgd bandarískra og japanskra tundurspilla. Að auki hóta Norður-Kóreumenn að gera kjarnorkuárás á Ástralíu haldi landið áfram að „fylgja stefnu Bandaríkjanna í […]

Mikil spenna í frönsku forsetakosningunum í dag

Frakkar ganga nú til fyrri umferðar forsetakosninga. Alls eru 11 frambóðendur í kjöri en sviðsljósið beinist mest að þeim fjórum sem talin eru eiga möguleika. Reglurnar eru þannig að þeir frambjóðendur sem skipta með sér tveimur efstu sætunum í fjölda atkvæða í dag, munu svo taka þátt í seinni umferðinni sem verður 7. maí. Þar […]

Kitti í Selinu og upphafið að Sjálfstæðu fólki

Einar Kárason rithöfundur skrifar: Það var fyrir meira en tuttugu árum að við aldavinur minn, Tómas R. Einarsson bassaleikari, tónskáld og bókmenntaþýðandi, vorum saman á ferðalagi með okkar fólki, en þá gengum við Tómas alllangan spöl út með Kvígindisfirði við norðanverðan Breiðafjörð til þess að skoða rústir lítils kots sem kom við sögu Halldórs Laxness […]

Vigdís: Íslenskan gæti endað í ruslinu – Svandís: Ef við bíðum verður það of seint

Vigdís Finnbogadóttir fyrrverandi forseti Íslands segir að íslenska tungumálið eigi undir högg að sækja og ef ekkert verði gert þá muni tungumálið enda í ruslinu með latínunni. Segir hún í samtali við AP-fréttaveituna að tungumál Íslendinga sé hætt komið vegna áhrifa enskunnar, það sé tungumál ferðamanna og raftækja. Ef ekkert verður að gert lendir íslenskan […]

Sif: Má ég þá biðja um fleiri kunnáttulausa ráðherra sem „finnst“

Sif Sigmarsdóttir pistlahöfundur Fréttablaðsins kemur Björt Ólafsdóttur umhverfis- og auðlindaráðherra til varnar í helgarblaði Fréttablaðsins í dag og biður hún um fleiri kunnáttulausa ráðherra sem „finnst“. Tekur hún nýlegt dæmi frá Bretlandi þar sem Sadiq Khan borgarstjóri Lundúna lýsti því yfir í byrjun mánaðarins að hann hygðist grípa til aðgerða til að minnka loftmengun í […]

Dr. Ólafur Ísleifsson: Líkir sölu Vífilsstaðalandsins við gjöf Reykjavíkurborgar á moskulóðinni í Sogamýri

Dr. Ólafur Ísleifsson hagfræðingur og Pétur Gunnlaugsson útvarpsmaður og lögmaður ræddu meðal annars um sölu ríkisins á Vífilsstaðalandinu svokallaða til Garðabæjar, í upphafi reglulegs föstudagssíðdegisþáttar þeirra á Útvarpi Sögu í gær. Eins og greint var frá á Eyjunni á fimmtudag, þá skrifuðu Bene­dikt Jó­hann­es­son fjár­málaráðherra og Gunn­ar Ein­ars­son, bæj­ar­stjóri Garðabæj­ar undir samning á sölu Vífilsstaðalandsins frá ríkinu til […]

Stórhættuleg stóriðja

Kolbrún Bergþórsdóttir skrifar: Það er ekkert einkennilegt við það að umhverfisráðherra sé andstæðingur stóriðju. Mun einkennilegra væri ef hann skilgreindi sig sem sérstakan talsmann hennar og reyndar teldist það saga til næsta bæjar. Það er auðvelt að hafa skilning á því að Björt Ólafsdóttir umhverfisráðherra hafi lýst því yfir að loka ætti kísilmálmverksmiðjunni í Helguvík […]

Ofsóknir gegn samkynhneigðum í Rússlandi – Beita sömu aðferðum og gegn hryðjuverkamönnum

Fórnarlömb ofsókna í Téteníu stíga nú fram og draga upp dökka mynd af ástandinu í þessu litla sjálfstjórnarlýðveldi í Kákasusfjöllunum. Nýlega var greint frá því að samkynhneigðum karlmönnum í rússneska lýðveldinu Téteníu væri varpað í fangabúðir. Þetta hefur vakið hörð viðbrögð víða um heim og hafa Sameinuðu Þjóðirnar og fleiri samtök lýst yfir þungum áhyggjum […]

Samkynheigð lögregluhetja féll í París

Franski lögreglumaðurinn sem féll í árás hryðjuverkamanns á Champs-Élysées breiðstrætinu í París í gærkvöldi hét Xavier Jugelé. Hann hefði orðið 38 ára gamall í byrjun maí. Jugelé var þekktur fyrir hugrekki sitt og bjó yfir mikilli reynslu. Franska Le Parisien skrifar að hann hafi verið í hópi þeirra lögreglumanna sem komu fyrstir á vettvang í […]

Vilja borgarbúa út að týna rusl

Reykjavíkurborg, borgarbúar, fyrirtæki, stofnanir og skólar taka þátt í Evrópskri hreinsunarviku þessa dagana, segir í fréttatilkyningu frá Reykjavíkurborg að þann dag sé gert ráð fyrir að íbúar tíni saman rusl á götum og í hverfum borgarinnar, og  getur hver og einn getur valið sér svæði til að hreinsa rusl. Eru borgarbúar eru hvattir til að […]

Eyjan Miðlar ehf. - Kringlunni 4-12, 103 Reykjavík - eyjan (hjá) eyjan.is