Þriðjudagur 29.03.2016 - 19:27 - Ummæli ()

Bjarni um aflandsfélag: Hélt að það væri í Lúxemborg en ekki á Seychelles-eyjum

Bjarni Benediktsson, fjármálaráðherra. Eyjan/Pressphotos.biz

Bjarni Benediktsson, fjármálaráðherra.
Eyjan/Pressphotos.biz

Bjarni Benediktsson, fjármálaráðherra, staðfestir að hafa átt 40 milljóna króna hlut í félagi sem staðsett var á Seychelles-eyjum. Hann segist hafa staðið í þeirri trú að félagið, sem notað var til að halda utan um fasteign í Dubai, hafi verið skráð í Lúxemborg þar til að blaðamaður sagði honum annað.

Eyjan greindi áðan frá því að félög tengd Bjarna Benediktssyni og Ólöfu Nordal væru á lista yfir eignir Íslendinga í skattaskjólum. Bjarni staðfestir þetta í yfirlýsingu sem hann birtir á Facebook síðu sinni.

Bjarni staðfestir að hann eigi þriðjungshlut í eignarhaldsfélagi, Falson & Co., sem Landsbankinn í Lúxemborg stofnaði fyrir viðskiptafélaga hans um kaup á fasteign í Dubai. Hann hafi gert skattayfirvöldum grein fyrir málinu og talið að það væri skráð í Lúxemborg.

„Það var ekki fyrr en mér barst ábending frá erlendum blaðamanni að ég komst að því að svo hefði ekki verið, en umrætt félag Falson & Co, var skráð á Seychelles-eyjum. Það hafði þó engin áhrif í skattalegu samhengi,“

Skrifar Bjarni. Hann hefur áður tekið fyrir að eiga eignir eða viðskipti í skattaskjólum, meðal annars í febrúar í fyrra. Bjarni segist hafa svarað eftir bestu vitund þar eð hann taldi sig aldrei hafa átt neitt á aflandssvæði.

Ég vil eins og aðrir hafa það sem sannara reynist og þykir þetta miður, en vil jafnframt ítreka að þessi viðskipti mín voru ekki í skattaskjóli, enda gefin upp á Íslandi.

Bjarni segir að eini tilgangur félagsins hafi verið að halda utan um eignina í Dubai en félagið tók aldrei við henni. Félagið hafi engar tekjur haft, ekkert skuldað og aldrei tekið lán. Yfirlýsingu Bjarna má lesa hér að neðan.

Að gefnu tilefni vil ég taka eftirfarandi fram:

Fyrir tíu árum keypti ég fyrir tæpar 40 m.kr. þriðjungshlut í eignarhaldsfélagi sem Landsbankinn í Lúxemborg hafði stofnað fyrir viðskiptafélaga minn um kaup á fasteign í Dubai. Ég gerði grein fyrir kaupum á félaginu og niðurlagningu þess gagnvart íslenskum skattyfirvöldum og hef alla tíð staðið í þeirri trú að félagið ætti varnaþing í Lúxemborg. Það var ekki fyrr en mér barst ábending frá erlendum blaðamanni að ég komst að því að svo hefði ekki verið, en umrætt félag Falson & Co, var skráð á Seychelles-eyjum. Það hafði þó engin áhrif í skattalegu samhengi.

Í þessu ljósi ber að skoða svör mín í Kastljósi 11. febrúar 2015, þar sem ég sagði aðspurður að ég hefði ekki átt neinar eignir eða viðskipti í skattaskjólum. Þessi svör gaf ég eftir bestu vitund, enda taldi ég mig aldrei hafa átt neitt á aflandssvæði. Ég vil eins og aðrir hafa það sem sannara reynist og þykir þetta miður, en vil jafnframt ítreka að þessi viðskipti mín voru ekki í skattaskjóli, enda gefin upp á Íslandi.

Eini tilgangur félagsins var að halda utan um eignina í Dubai en svo fór að við tókum aldrei við henni. Ákveðið var að ganga út úr kaupunum árið 2008 og árið 2009 var málið gert upp með tapi og félagið sett í afskráningarferli. Það hafði engar tekjur, skuldaði ekkert, tók aldrei lán, átti engar aðrar eignir, hvorki fyrr né síðar og hafði enga starfsemi. Við gildistöku reglna um hagsmunaskráningu þingmanna átti ég því hvorki hlut í félagi í atvinnurekstri né aðrar fasteignir en húsnæði til eigin nota. Rétt er að taka fram að um þessi fasteignakaup hefur áður verið fjallað í fjölmiðlum árið 2010.

Ég tók þá ákvörðun er ég bauð mig fram til embættis formanns Sjálfstæðisflokksins að stunda ekki viðskipti samhliða starfi mínu og hef frá árinu 2009 ekki átt hlutabréf. Sem fjármálaráðherra hef ég beitt mér fyrir aðild Íslands að upplýsingaskiptasamningum um skattamál við önnur lönd, sem tryggja sjálfvirkar og betri upplýsingar fyrir íslensk skattyfirvöld. Að auki lagði ég til við ríkisstjórn Íslands að sérstök fjárheimild yrði sótt fyrir kaup á skattagögnum.

Í þessum efnum tel ég rétt að fylgja einfaldri reglu. Það eiga allir að skila sínu til sameiginlegs rekstrar samfélagsins. Langflestir fylgja þessari sjálfsögðu reglu. Ég mun láta einskis ófreistað til að ná til hinna, sem fara á svig við lög og reglur og vilja fá frítt far með samborgurum sínum sem halda uppi lífsgæðunum á Íslandi.

 

«
»

Ummæli ()


Vinsamlegast athugið:
Ummæli eru á ábyrgð þeirra sem þau skrifa. Eyjan áskilur sér þó rétt til að fjarlægja óviðeigandi og meiðandi ummæli. Tilkynna má óviðeigandi ummæli í netfangið ritstjorn@eyjan.is

Óþarfi hjá forsetanum að veita Birgittu stjórnarmyndunarumboðið fyrir helgina

Það var óþarfi hjá Guðna Th. Jóhannessyni forseta Íslands að veita Birgittu Jónsdóttur stjórnarmyndunarumboð fyrir helgina. Allir séu að tala saman og pörunartími standi yfir fram að næstu ríkisstjórn. Þetta segir Þorgerður Katrín Gunnarsdóttir þingmaður Viðreisnar. Hún var gestur í þættinum Vikunni hjá Gísla Marteini Baldurssyni í Ríkissjónvarpinu í gærkvöldi og ræddi þar stöðuna í […]

Birgitta er komin með stjórnarmyndunarumboðið

Birgitta Jónsdóttir þingflokksformaður Pírata er komin með stjórnarmyndunarumboðið. Þetta kom fram í máli Guðna Th. Jóhannessonar forseta Íslands í kjölfar fundar hans með Birgittu á Bessastöðum. Birgitta er þriðji flokksleiðtoginn til að fá stjórnarmyndunarumboð frá forseta Íslands, en hvorki Bjarna Benediktssyni formanni Sjálfstæðisflokksins né Katrínu Jakobsdóttur formanni Vinstri grænna tókst að mynda ríkisstjórn. Píratar eru […]

Ef hið sama tíðkaðist í Bandaríkjunum og á Íslandi sæti verðandi Bandaríkjaforseti nú á bak við lás og slá

Í dag verður mál Péturs Gunnlaugssonar útvarpsmanns á Útvarpi Sögu, Jóns Vals Jenssonar guðfræðings og fleiri einstaklinga tekið fyrir við Héraðsdóm Reykjavíkur. Er þeim gefið að sök að hafa viðhaft hatursfulla orðræðu í tengslum við hinseginfræðslu í grunnskólum Hafnarfjarðar vorið 2015. Ummælin sem voru látin falla á Útvarpi Sögu á sínum tíma vöktu mikla athygli […]

Efi meðal Vinstri grænna um fimm flokka stjórn – Katrín: Ástæða til að skoða þjóðstjórn

Lítill áhugi er meðal þingmanna Vinstri grænna um myndun fimm flokka stjórnar með Pírötum, Viðreisn, Bjartri framtíð og Samfylkingunni. Segir Katrín Jakobsdóttir formaður VG að slík stjórn strandi fyrst og fremst á Viðreisn sem hafi ekki viljað gefa eftir í viðræðum flokkanna sem var slitið fyrir rúmri viku. Frá þessu er greint í DV og […]

„Það er tímaspursmál hvenær Danmörk yfirgefur Evrópusambandið“

Forystumenn Danska Þjóðarflokksins hittu Nigel Farage, fyrrverandi formann Breska Sjálfstæðisflokksins, UKIP, í Kaupmannahöfn á miðvikudaginn. Þar voru skýr tákn á lofti um að flokkurinn væri að íhuga að styðja við þjóðaratkvæðagreiðslu um veru Danmerkur í Evrópusambandinu. Þessi tíðindi endurspegla strauma í átt að aukinni þjóðernishyggju á Norðurlöndunum, en líkt og Eyjan greindi frá nýverið er […]

Yfirlýsing Matvælastofnunar vegna Brúneggja: ,,Varð okkur á?“

Matvælastofnun segir ljóst að margt þurfi að bæta vegna Brúneggjamálsins svokallaða, hafa margir gagnrýnt stofnunina fyrir aðgerðir og aðgerðaleysi í tengslum við málið.  Hér fyrir neðan má lesa yfirlýsingu MAST í heild sinni: Mikil umræða hefur orðið um málefni eggjaframleiðandans Brúnegg eftir að Kastljós RÚV fjallaði um málið í byrjun vikunnar. Meðal annars er fullyrt […]

Katrín og Bjarni fara ekki í viðræður

Vinstri grænir og Sjálfstæðisflokkurinn munu ekki hefja formlegar stjórnarmyndunarumræður, þetta sagði Katrín Jakobsdóttir formaður VG við RÚV. Segir hún viðræðurnar ekki hafa strandað á tilteknu málefni, það hafi einfaldlega verið of langt á milli flokkanna. Katrín vildi ekki gefa upp hvort hún ætli aftur í viðræður með Viðreisn, Pírötum, Bjartri framtíð og Samfylkinguna, sem hafa […]

Fimm flokka stjórn aftur á teikniborðinu?

Formenn Viðreisnar, Bjartrar framtíðar og Samfylkingar ásamt Pírötum eiga í óformlegum viðræðum um myndun ríkisstjórnar, samkvæmt heimildum RÚV er beðið eftir að Katrín Jakobsdóttir formaður Vinstri grænna klári viðræður VG við Sjálfstæðisflokkinn til að freista þess að mynda fimm flokka ríkisstjórn. Enn hefur ekkert verið gefið upp um stöðu viðræðna Vinstri grænna og Sjálfstæðisflokksins eða […]

Langt á milli Samfylkingar og Sjálfstæðisflokks – ,,Líst ekkert á hugmyndir um fjórflokkastjórn‘‘

Alþingi kemur aftur saman þann 6. desember, hvort sem ný ríkisstjórn hafi verið mynduð eður ei. Að sögn Katrínar Jakobsdóttur formanns Vinstri grænna eru viðræður hennar og Bjarna Benediktssonar, formanns Sjálfstæðisflokksins enn á byrjunarstigi. Flokkur hennar er reiðubúinn til viðræðna við alla flokka. Samkvæmt Fréttablaðinu í morgun er helsta vandamálið í viðræðunum að öðrum flokkum […]

„Við vitum árangurinn af IceSave og ég þakka það Morgunblaðinu“

Menn voru með alveg skýra sýn, eigendur blaðsins voru með þrjá sem þeir vildu fá öðruvísi tök á í þjóðfélaginu. Það var IceSave fyrst og fremst, ESB og svo sjávarútvegsmál. Við vitum árangurinn af IceSave og ég þakka það Morgunblaðinu mjög. Við vitum hvar ESB er statt, sjávarútvegsmálin eru enn í óvissu og uppnámi og […]

Forseti fellst á tillögu forsætisráðherra: Tímabært að Alþingi komi saman og afgreiði fjárlög

Forseti Íslands hefur fallist á tillögu forsætisráðherra um að þing verði kallað saman þriðjudaginn 6. desember nk. kl. 13.30. Ríkisstjórnin fjallaði um fyrirhugaða þingsetningu á fundi sínum í morgun og þar var jafnframt fjallað um framlagningu fjárlagafrumvarps fyrir árið 2017 og tengdra þingmála sem lögð verða fram í upphafi þings. „Nú er rúmur mánuður liðinn […]

„Samfylkingin svífur því um í tómarúmi“

Fylgishrun Samfylkingarinnar í síðustu kosningum hefur verið tíðrætt undanfarið og virðist sem ekkert lát verði á því í bráð. Fór flokkurinn niður í 5,7% í síðustu kosningum, en flokkurinn var áður með stuðning um þriðjungs þjóðarinnar, 31% árið Alþingiskosningunum 2003, 28,9% árið 2009 og var kominn niður í 12,9% árið 2013. Hafa margir velt fyrir […]

Steinþór hættir hjá Landsbankanum

Steinþór Pálsson lætur af stöfum sem bankastjóri Landsbankans, en hann hefur verið bankastjóri frá 1. júní 2010. Í tilkynningu frá Landsbankanum segir að bankaráð Landsbankans og Steinþór hafi komist að samkomulagi um að hann láti af störfum hjá bankanum. Hreiðar Bjarnason framkvæmdastjóri Fjármála og staðgengill bankastjóra tekur við tímabundið, staða bankastjóra verður auglýst svo fljótt […]

Skora á stjórnvöld að gefa út opinn innflutningskvóta á egg

Félag atvinnurekenda skorar á stjórnvöld að gefa þegar í stað út opinn, tollfrjálsan innflutningskvóta á ferskum eggjum til að bregðast við fyrirséðum eggjaskorti fyrir jólin. Stefán Ragnar Guðjóns­son fram­kvæmda­stjóri inn­kaupa­sviðs Sam­kaupa sagði í samtali við Morgunblaðið í gær að þar sem Brúnegg væri með um 20% hlutdeild á eggjamarkaðnum hér á landi gæti komið upp […]

Eyjan Miðlar ehf. - Kringlunni 4-12, Reykjavík - eyjan (hjá) eyjan.is