Sunnudagur 01.05.2016 - 20:37 - Ummæli ()

Kári: Stjórnarflokkarnir verða flengdir í haust ef þeir auka ekki útgjöldin strax

Kári Stefánsson, forstjóri Íslenskrar erfðagreiningar.

Kári Stefánsson, forstjóri Íslenskrar erfðagreiningar.

„Ég held að það sé óhjákvæmilegt að auka samneysluna og ef það þarf að hækka skatta til þess, þá gerum við það,“ segir Kári Stefánsson, forstjóri Íslenskrar erfðagreiningar.

Kári var einn gesta sjónvarpsþáttar Eyjunnar, en hann afhenti í gær stjórnvöldum á níunda tug þúsunda undirskrifta sem hann safnaði í baráttu sinni fyrir auknum útgjöldum til heilbrigðiskerfisins.

Kári sagðist ánægður með hvernig tónninn í stjórnvöldum hefur breyst frá því undirskriftasöfnunin hófst. Fyrst hafi einstakir ráðherrar brugðist við söfnuninni eins og árás á sig, en í gær hafi tónn allra verið á þann veg að eyða þurfi meira í heilbrigðismál.

Kári segist þó ekki alveg eins ánægður í dag, eftir að hafa farið yfir það sem ráðamenn sögðu í gær.

„Ég hef svolitlar áhyggjur af því hvernig menn ætla að ráðast í þetta. Ég held að það sé mjög mikilvægt að setja strax töluvert fé í heilbrigðiskerfið. Ég held að það sé ekki nóg að setja fimm ára áætlun sem gerir ráð fyrir þvi að við aukum fé til heilbrigðismála 30 milljarða á fimm árum.“

Kári bætti við:

Það er alveg fullt af peningum og ég er mjög þakklátur fyrir að heyra þá tölu út úr munni þeirra sem sitja nú og stjórna. En þannig er mál með vexti að það er tiltölulega lítill vandi að lofa upp í ermina á sér og það er sérstaklega lítill vandi að lofa upp í ermina á öðrum. Vegna þess að það eru kosningar i haust og maður veit aldrei hverjir koma til með að skipa þá ríkisstjorn sem við tekur.

Kári sagðist í raun hafa fært núverandi ríkisstjórn gjöf á silfurfati, því nú viti stjórnarflokkarnir upp á hár hvað þjóðin vill. Af því geta þeir tekið mið í kosningunum í haust og hyggilegast fyrir þá er að setja fé í heilbrigðismálin strax.

„Ef það verður ekkert nýtt fé sett í heilbrigðismál fyrir kosningar þá er ég handviss um að ríkisstjórnarflokkarnir verða flengdir í kosningunum.“

Kári minntist sérstaklega á greiðsluþátttöku sjúkinga, en hann vill að heilbrigðisþjónusta verði gjaldfrjáls og kostnaðurinn sé greiddur í gegnum skattkerfið.

Það er ekki hægt að nota þessi rök að það sé mikilvægt að hafa skattana lága svo að þessir peningar geti farið í gegnum samfélagið og búið til verðmæti, vegna þess að þessir peningar fara bara í heilbrigðisþjónustuna […] Það vill svo til að engum okkar mistekst að deyja, eitt af því sem engum okkar mistekst er að verða lasinn endanlega. Þannig að þetta kemur hvort eð er úr okkar vösum.

Kári sagðist almennt á þeirri skoðun að skattar á Íslandi þurfi að vera hærri, það þurfi að bæta í samneysluna. Heilbrigðiskerfið sé vanfjármagnað, skólakerfið að versna, framlög til LÍN að dragast saman og svo framvegis.

Munurinn á milli þeirra sem eiga og eiga ekki hefur verið að aukast, það er krafa um að lækka skatta sem þýðir minna fjármagn til samneyslunnar. Ég held því fram að við séum samfélag sem krefst meiri félagshyggju. Þetta er svo lítið samfélag, við erum svo nálægt hvoru öðru og það er mjög erfitt fyrir okkur að búa við þann mikla mun sem er orðinn til.

Sjá má viðtalið hér að neðan, en þar ræðir Kári einnig framboð Ólafs Ragnars Grímssonar og aflandsmálin, en Kári segir forsetann þurfa að gera ítarlega grein fyrir fjármálum hans og eiginkonu sinnar. Þá segist Kári enga fjármuni eiga í aflandsfélögum.

«
»

Ummæli ()

Vinsamlegast athugið:
Ummæli eru á ábyrgð þeirra sem þau skrifa. Eyjan áskilur sér þó rétt til að fjarlægja óviðeigandi og meiðandi ummæli. Tilkynna má óviðeigandi ummæli í netfangið ritstjorn@eyjan.is

Eiríkur segir Flugfélagið hafa gefist upp: „Íslenskan er hallærisleg“

Eiríkur Rögnvaldsson prófessor í íslenskri málfræði segir það ákveðna uppgjöf hjá Flugfélagi Íslands að hætta að nota nafnið og taka þess í stað upp enska nafnið Air Iceland Connect. Líkt og kom fram í fréttatilkynningu frá Air Iceland Connect þá er ástæðan aukin umsvif félagsins erlendis, samstarf við Icelandair og aukinn fjöldi erlendra ferðamanna sem […]

Jón Viðar hjólar í Illuga – Brynjar kemur Illuga til varnar: „Afturhaldsraus“

„Þá er það komið á daginn sem ég spáði og fjölmargir aðrir að stytting framhaldsskólans, sem einn versti menntamálaráðherra sögunnar kom til leiðar, var hið mesta ógæfuspor. „Engin gleði“ í náminu lengur heyrði ég fulltrúa foreldra (heyrðist mér) segja í fréttum áðan.“ Þetta segir Jón Viðar Jónsson og vitnar í frétt Ríkisútvarpsins þar sem fjallað […]

Að hefna sín á gestgjöfunum

Sighvatur Björgvinsson skrifar: Ríkisútvarpið taldi í fréttatíma s.l. þriðjudagskvöld upp fjölda þeirra hryðjuverkaárása, sem beinst hafa að borgurum Evrópuríkja á fáum síðustu árum.  Þær voru óhugnanlega margar – miklu, miklu fleiri en flestir gera sér grein fyrir.   Þá greindi ríkisútvarpið frá því hve margir almennir borgarar Evrópuríkja hafa orðið fyrir barðinu á þessum hryðjuverkaárásum – […]

Flugfélag Íslands heitir núna Air Iceland Connect

Flugfélag Íslands mun frá og með deginum í dag taka upp nýtt nafn; Air Iceland Connect. Ástæður fyrir nafnbreytingunni eru nokkrar og má þar nefna aukin umsvif á erlendum mörkuðum, umtalsverða fjölgun erlendra ferðamanna, aukið samstarf við Icelandair og einföldun á markaðsstarfi, en tvöfalt nafnakerfi félagsins hefur þýtt talsverðan kostnaðarauka og valdið einhverjum farþegum óþægindum […]

Nærri 10% atvinnuleysi meðal ungs fólks

Rúmlega 10% fólks á aldrinum 16 til 24 ára á Íslandi var atvinnulaust í apríl og telur ungt fólk helming allra atvinnulausra hér á landi. Þetta kemur fram í vinnumarkaðsrannsókn Hagstofu Íslands fyrir aprílmánuð. Samkvæmt vinnumarkaðsrannsókninni voru að jafnaði 199.300 manns á aldrinum 16–74 ára á vinnumarkaði í apríl 2017, sem jafngildir 83,2% atvinnuþátttöku. Af […]

Kjararáð leiðréttir laun forstjóra 17 mánuði aftur í tímann – Segir starfinu fylgja mikil ábyrgð

Laun forstjóra Umhverfisstofnunar og orkumálastjóra hafa verið leiðrétt sautján mánuði aftur í tímann, eða frá 1. janúar 2016, samkvæmt nýlegum úrskurði kjararáðs. Greint er frá þessu á vef RÚV. Eftir breytinguna verða laun orkumálastjóra, Guðna A. Jóhannessonar, rúmar 1,3 milljónir á mánuði með yfirvinnu og forstjóra Umhverfisstofnunar, Kristínar Lindu Árnadóttur, 1,4 milljónir króna með yfirvinnu […]

Ragnar: Lóðaskorturinn bendir til að Reykjavíkurborg sé að misnota aðstöðu sína gegn hagsmunum borgaranna

Ragnar Árnason prófessor í hagfræði við Háskóla Íslands segir að lóðaskortur í Reykjavík og hátt lóðaverð bendi til þess að Reykjavíkurborg sé að nota sér ástandið til að afla sér tekna. Í grein sem Ragnar skrifar í Frjálsa verslun segir hann að á mörgum sviðum á borð við menntun, heilbrigðisþjónustu, orkuframleiðslu og byggingu og rekstur […]

Sigrún ætlar aldrei í Costco: Óttast ófrosið Costco-kjöt

Sigrún Magnúsdóttir fyrrverandi þingmaður og ráðherra Framsóknarflokksins óttast að Costco komi til með að flytja til landsins ófrosið kjöt sem leiði til heilsuleysis landsmanna. Frétt frá árinu 2014 þar sem Sigrún, sem þingmaður Framsóknarflokksins, var sögð lítast illa á komu Costco til landsins hefur víða verið dreift á samfélagsmiðlum í dag. Verslunin í Kauptúni opnaði […]

Röng stefna Reykjavíkurborgar í húsnæðismálum

Hjalti Helgason skrifar: Miklar umræður hafa verið síðustu misseri um ástandið á fasteignamarkaðnum. Nú liggur það fyrir að framboð af nýjum eignum, þá sérstaklega á höfuðborgarsvæðinu, er rétt svo helmingur af því sem það þarf að vera til að mæta eftirspurn markaðarins. Alla tíð hefur Reykjavíkurborg verið mjög leiðandi þegar kemur að byggðarþróun á höfuðborgarsvæðinu. […]

Erla Hlynsdóttir ráðin framkvæmdastjóri Pírata

Erla Hlynsdóttir og Kristján Gunnarsson hafa verið ráðin til starfa hjá Pírötum. Kristján og Erla taka bæði við hlutverki framkvæmdastjóra Pírata sem áður var í höndum Sigríðar Bylgju Sigurjónsdóttur, og ennfremur hlutverki framkvæmdastjóra þingflokks Pírata. Þetta kemur orðrétt fram í tilkynningu frá Pírötum. Sigríður Bylgja lætur af störfum en mun áfram vinna fyrir Pírata. Erla […]

Þingmaður Viðreisnar um árásirnar í Manchester: Við erum heppin að búa á Íslandi

Jóna Sólveig Elínardóttir þingmaður Viðreisnar og formaður utanríkismálanefndar Alþingis segir að í kjölfar hryðjuverkaárásarinnar í Manchester í gærkvöldi þá séum við minnt á hvað við erum heppin að búa á Íslandi og við öryggistilfinninguna sem því fylgir: „Á svona dögum, þegar sem hörmulegar árásir hafa átt sér stað í næstu nágrannaríkjum, finnst manni dálítið eins […]

„Stjórnvöld eiga að vera á tánum en ekki hnjánum“

Í nýjum pistli á Pressunni vandar Vilhjálmur Birgisson, formaður Verkalýðsfélags Akraness, forsvarsmönnum Samtaka fyrirtækja í sjávarútvegi og forsvarsmönnum HB Granda ekki kveðjurnar. Skemmst er að minnast þess að HB Grandi tilkynnti um hópuppsagnir á Akranesi í kjölfar þess að tekin var sú ákvörðun að færa botnfiskvinnslu fyrirtækisins til Reykjavíkur. Þetta var gert í hagræðingarskyni að […]

Forseti Íslands sendir samúðarkveðju til Bretadrottningar

Forseti Íslands, Guðni Th. Jóhannesson, sendi í dag samúðarkveðju sína og íslensku þjóðarinnar til Elísabetar II Bretadrottningar vegna hryðjuverksins sem framið var í Manchester í gærkvöldi og beindist sérstaklega að unglingum. Í kveðjunni segir Guðni meðal annars að ekkert réttlæti hryðjuverk, enginn sem styðji ódæði af þessu tagi verðskuldi skjól í lýðræðissamfélagi. Hugur okkar Íslendinga […]

Suður-Kóreumenn skutu með vélbyssu yfir landamærin

Suður-Kóreskir hermenn skutu með vélbyssu yfir landamærin við Norður-Kóreu. Bloomberg-fréttaveitan hefur þetta eftir hermálayfirvöldum í Suður-Kóreu. Suður-Kóreskir fjölmiðlar segja að skotið hafi verið á norður-kóreskt flygildi, eða dróna. Hermálayfirvöld í suðri segja að viðbúnaður í lofti hafi verið aukinn og hefur kalltæki verið notað til að koma þeim skilaboðum norður að notkun flygilda verði ekki […]

Eyjan Miðlar ehf. - Kringlunni 4-12, 103 Reykjavík - eyjan (hjá) eyjan.is