Mánudagur 02.05.2016 - 10:48 - Ummæli ()

Grein Hannesar viðleitni til að endurreisa stöðu Davíðs í þjóðfélaginu

dreyjanVar grein Hannesar Hólmsteins fyrirboði um forsetaframboð Davíðs Oddssonar? Á Guðni Th. Jóhannesson möguleika að leggja Ólaf Ragnar Grímsson að velli í forsetakosningum? Á Árni Páll Árnason möguleika í formannskjöri Samfylkingarinnar?

Þetta er á meðal þeirra spurninga sem stjórnmálafræðiprófessorarnir Eiríkur Bergmann og Stefanía Óskarsdóttir svöruðu í sjónvarpsþætti Eyjunnar í gær.

Þau ræddu meðal annars umtalaða grein Hannesar um Davíð í Morgunblaðinu um helgina. Sagði Eiríkur að það væri ekkert sérstaklega áhugavert að Hannes hafi þessa skoðun á Davíð, það hefðum við vitað lengi.

En auðvitað er það sérstakt, hlýtur að vera, að ritstjóri dagblaðs skuli birta sex síðna lofgjörð um sjálfan sig með hetjumyndum með erlendum þjóðarleiðtogum. Ekki það að ég þekki alla fjölmiðla veraldarinnar en ég veit ekki um dæmi þessa annars staðar.

Davíð hafi vissulega verið merkur maður og á sinni tíð einn öflugasti forsætisráðherra sem við höfum haft.

En hans ferill endaði ekki með þeim hætti sem að hann, Hannes og hans menn hefðu viljað. Þetta er er einhvers konar viðleitni til að endurreisa hans stöðu í þjóðfélaginu. Einhverjir segja að þetta hafi átt að vera einhvers konar upptaktur fyrir forsetaframboð. Birting svona greinar í hans eigin dagblaði er svo sérstök í sjálfu sér að menn hljóta að þurfa að leita einhverra skýringa á því.

Stefanía velti því einnig upp hvort um innlegg í forsetaframboð væri að ræða.

„Ég veit til þess að Davíð Oddsson var að spá í framboð, vinir og vandamenn sem tengjast honum hafa verið að ýja að því að hann væri að hugsa málið. Síðan held ég að landslagið hafi breyst það mikið að Ólafur Ragnar tilkynnti um sitt framboð, að það væri alls ekki á vísan að róa fyrir Davíð Oddsson í þeim efnum.“

Hvert mannsbarn þekkir Ólaf Ragnar

Stefanía telur jafnframt að staða Ólafs Ragnars sé mjög sterk og að það verði erfitt fyrir aðra frambjóðendur að skáka honum. Það eigi líka við um Guðna Th. Jóhannesson sem búist er við að fari fram gegn Ólafi og kannanir sýni að hann eigi raunhæfa möguleika gegn honum.

Það er hvert mannsbarn í landinu sem þekkir Ólaf Ragnar Grímsson, ungt fólk og gamalt. Nýir frambjóðendur, jafnvel þótt að við teljum að séu frægir eins og Guðni Th., hann er frambjóðandi sem margir hafa aldrei heyrt minnst á og hann á eftir að kynna sig mjög rækilega. Það sem Ólafur Ragnar hefur með sér er að hann er mjög þekkt stærð, fólk veit fyrir hvað hann stendur. Þó hann hafi verið lengi er mjög ólíklegt að hann verði mjög lengi enn. Þannig að það eru ýmsir sem sjá sér hag í því að styðja hann núna eitt kjörtímabil til viðbótar, til að halda þessu opnu.

Eiríkur segir að alla jafna hefði verið hægt að gefa sér að sitjandi forseti hljóti endurkjör. En það að Ólafur Ragnar hætti í tvígang við að hætta setji málið í annað ljós.

„Ég held að þú komist ekki upp með þetta nema einu sinni. Þrýstingurinn á framboð hans var miklu minni. Við tókum eftir því að það var engin undirskriftasöfnun eða neitt slíkt sem fór í gang, það var einfaldlega boðað til blaðamannafundar á Bessastöðum. Viðtökurnar voru verri heldur en hann hlýtur að hafa talið sjálfur.“

Nefndi Eiríkur sem dæmi að blaðamannafundurinn á Bessastöðum hafi verið Ólafi Ragnari fjandsamlegur og telur hann að fylgi hans sé laust í hendi. Enn sem komið er hafi ekki komið fram frambjóðandi sem geti náð hinum breiða massa í fylginu, en Guðni eigi möguleika á því.

Það er möguleiki að sjá fyrir sér einhvers konar scenario að þeir tveir keppi um forsetaembættið, aðrir mælast ekki nálægt því að eiga möguleika á að sigra. Þá getur allt gerst.

Bætir Eiríkur því við að Íslendingar hafi alltaf kosið forseta til mótvægis við sitjandi ríkisstjórn. Það geti orðið afgerandi þáttur í þessum kosningum.

Þegar Ólafur Ragnar var endurkjörinn fyrir fjórum árum gegn vinsælum sjónvarpsmanni sem var í framboði gegn honum, þá tókst honum að stilla þeim frambjóðanda upp sem frambjóðanda ríkisstjórnarinnar og honum sem áskoranda ríkisstjórnarinnar. Núna er þessu öfugt farið. Hann handvaldi þessa ríkisstjórn þannig lagað og hann bjargaði henni frá falli þegar forsætisráðherrann biður um þingrof og hann heimilaði það ekki. Þannig að hann er í hugum fólks mjög tengdur þessari ríkisstjórn.

Alla umræðuna má sjá hér að neðan.

«
»

Ummæli ()

Vinsamlegast athugið:
Ummæli eru á ábyrgð þeirra sem þau skrifa. Eyjan áskilur sér þó rétt til að fjarlægja óviðeigandi og meiðandi ummæli. Tilkynna má óviðeigandi ummæli í netfangið ritstjorn@eyjan.is

Velferðarráðuneytið vænir Barnaverndarstofu um ósannsögli

Líkt og komið hefur fram í fjölmiðlum hefur forstjóri Barnaverndarstofu, Bragi Guðbrandsson,  legið undir ámæli vegna starfshátta sinna. Barnaverndarstofa sendi frá sér yfirlýsingu á föstudag, þar sem beðið var um frest til að svara Velferðarráðuneytinu, meðan aflað væri frekari gagna, því það hafi gengið erfiðlega að fá gögnin í hendur. Nú hefur Velferðarráðuneytið sent frá […]

Búið að ráða aðstoðarmenn dómara við Landsrétt

Samkvæmt öruggum heimildum Eyjunar er búið að ráða aðstoðarmenn dómara við Landsrétt. Auglýst var eftir fimm löglærðum aðstoðarmönnum dómara við Landsrétt í sumar, en Landsréttur tekur til starfa 1. janúar 2018 og er gert ráð fyrir að aðstoðarmenn hefji störf frá þeim tíma. Alls sóttu 116 manns um störfin fimm en eftirtaldir einstaklingar fengu starfið: […]

Stjórnarandstaðan þiggur formennsku þriggja fastanefnda Alþingis- „Ekki nema hæfilega ánægð“

Stjórnarandstaðan ákvað í morgun að taka við formennsku í þeim þremur fastanefndum sem ríkisstjórnin hafði boðið þeim. Þetta staðfesti Logi Einarsson formaður Samfylkingarinnar við Eyjuna. Að sögn Loga mun Samfylkingin fara með formennsku í stjórnskipunar- og eftirlitsnefnd fyrstu tvö árin, en skiptast síðan á við Pírata, sem fara fyrir velferðarnefnd fyrstu tvö árin. Þá mun […]

Hæstaréttarlögmaður ýjar að vanhæfi umhverfisráðherra

Hæstaréttarlögmaðurinn Jón Jónsson skrifar grein í Morgunblaðið um helgina, hvar hann veltir fyrir sér hæfi, eða eftir atvikum, vanhæfi Guðmundar I. Guðbrandssonar umhverfisráðherra, sökum sinna fyrri starfa hjá Landvernd. Spyr Jón hvort umhverfisráðherra sé til dæmis hæfur til að skipa til dæmis starfshóp um málefni Teigsskógar, eða hvort hann sé hæfur að fjalla um aðalskipulag tengt […]

Benedikt Jóhannesson: „Vúdú hagfræði Kampavínsstjórnarinnar“

Benedikt Jóhannesson, fyrrum formaður Viðreisnar og fjármálaráðherra, skrifar harðorðan pistil á Facebook síðu sína í gær undir yfirskriftinni „Vúdú-Hagfræði Kampavínsstjórnarinnar.“ Þar gagnrýnir hann fyrirhugaðar útgjaldaaukningar nýrrar ríkisstjórnar og skýtur föstum skotum á frænda sinn, forvera og eftirmann, Bjarna Benediktsson fjármálaráðherra.     „Þegar Ronald Reagan bauð sig fram sem forseti Bandaríkjanna setti hann fram þrjú […]

„Þessi gjaldtaka er án fordæma og án alls samtals við ferðaþjónustuna“

Fyrirtæki í ferðaþjónustu ráða nú ráðum sínum eftir að Isavia tilkynnti um fyrirhugaða gjaldtöku á stæðum fyrir hóferðabíla við flugstöð Leifs Eiríkssonar sem hefst þann 1. mars. Mun gjaldið vera 7,900 krónur fyrir hópbifreiðar með 19 eða færri  sæti en 19,900 fyrir bifreiðar með fleiri en 20 sæti. Fyrir hvert skipti. Samtök ferðaþjónustunnar gagnrýna gjaldtökuna […]

Um hvað snúast deilurnar í Katalóníu?

Það eru margar ástæður  fyrir því að Katalónía er ekki Spánn, eða hluti af Spáni og að Spánn sé ekki Katalónía. Sögulega séð er Katalónía þjóð með landamæri miklu eldri en hugmyndin um Spán sem ríki eða þjóð. Katalónar voru þjóð í eigin landi í nokkrar aldir eða allt þar til að þeir töpuðu stríði […]

Uppgjör við reiðina

Kolbrún Bergþórsdóttir skrifar: Það er bæði rétt og skylt að rifja upp hruntímann þegar óstjórnleg reiði greip um sig á svo sterkan hátt að öll siðferðisviðmið röskuðust. Það var öskrað og æpt, lögreglu var ögrað og stjórnmálamenn áttu sumir ekki lengur skjól á eigin heimili. Kvöld eftir kvöld fylltust sjónvarpsfréttatímar af myndum af fólki sem […]

„Það er gott að búa í Kópavogi“

Bæjarstjórinn góðkunni, Gunnar I. Birgisson, hefur nú fest ævisögu sína á blað með dyggri aðstoð skrásetjarans Orra Páls Ormarssonar. Gunnar þekkja flestir sem hinn djúpróma bæjarstjóra Kópavogs, nú Fjallabyggðar, en hann var einnig þingmaður Sjálfstæðisflokksins og formaður bæjarráðs Kópavogs til margra ára. Þá þekkja allir hið sígilda slagorð, „Það er gott að búa í Kópavogi,“ […]

Björn Valur um prósentin 78: Áfall fyrir Samfylkinguna

Björn Valur Gíslason, skipstjóri og fyrrum þingmaður Vinstri grænna, hefur verið einn einlægasti stuðningsmaður nýrrar ríkisstjórnar. Hann segir það ekki koma sér á óvart að stuðningur við stjórnina mælist í 78%. „Ég skrifaði um það fyrir skömmu að ríkisstjórnin yrði geysivinsæl. Ég hefði viljað sjá hana myndaða fyrr en kannski voru ekki aðstæður til þess. […]

Loftslagsviðurkenningar veittar í fyrsta sinn

Í dag voru veitt loftslagsviðurkenningar Festu og Reykjavíkurborgar í fyrsta sinn. Markmið viðurkenninganna er að vekja athygli á því sem vel er gert í loftslagsmálum og vera hvatning til annarra. Að þessu sinni hlaut HB Grandi loftslagsviðurkenningu Festu og Reykjavíkurborgar, vefurinn loftslag.is hlaut fræðslu- og upplýsingaviðurkenningu vegna loftslagsmála og þá hlaut ISAVIA hvatningarviðurkenningu.   HB […]

Flateyjabók liggur undir skemmdum- Árnastofnun fær styrk til viðgerðar

Ríkistjórnin hefur ákveðið að styrkja Stofnun Árna Magnússonar í íslenskum fræðum um 5 millj. kr. til að ráðast í brýna viðgerð á Flateyjarbók, einu merkasta handriti Íslendinga. Að sögn Guðrúnar Nordal, forstöðumanns Árnastofnunar er danskt lím sökudólgurinn. „Flateyjarbók var færð í nýtt band á átjándu öld sem nú þarfnast áríðandi viðgerðar en auk þess þarf […]

Fiskeldi Austfjarða leiðréttir Loðnuvinnsluna – Segir misskilnings gæta um mengun

Líkt og Eyjan fjallaði um, þá sendi Loðnuvinnslan í Fáskrúðsfirði frá sér yfirlýsingu í vikunni, þar sem þeir lýstu áhyggjum sínum yfir fyrirhuguðu laxeldi í firðinum og menguninni sem af því hlytist. Var fullyrt að mengunin af 15.000 tonna laxeldi jafngilti skólpi frá 120.000 manna byggð og hefði þar með áhrif á hrognavinnsluna, sem reiðir […]

Reykjavíkurborg eykur stuðning við utangarðsfólk – Tólf nýjar íbúðir á þremur árum

Velferðarráð samþykkti á fundi sínum 7. desember að auka stuðning við utangarðsfólk. Þetta kemur fram í tilkynningu. Það verður gert með því að fjölga um tólf íbúðum fyrir fólk í jaðarstöðu á grundvelli hugmyndafræðinnar Housing first. Einnig verður starfsmönnum í vettvangs- og ráðgjafarteymi sem veitir utangarðsfólki þjónustu fjölgað úr sjö í þrettán. Teymið mun starfa út frá […]

Frjáls fjölmiðlun ehf. - Kringlunni 4-12, 103 Reykjavík - eyjan (hjá) eyjan.is