Mánudagur 30.05.2016 - 10:41 - Ummæli ()

Andri Snær og Halla í Eyjunni: Getur enn margt gerst á þessu ferðalagi

andrihallaBæði Andri Snær Magnason og Halla Tómasdóttir telja að heilmargt eigi eftir að gerast fram að kosningum og að staðan eigi eftir að gjörbreytast þangað til.

Þau Andri Snær og Halla ræddu framboð sín í fyrri hluta Eyjunnar á Stöð 2 í gær og er óhætt að segja að annar bragur hafi verið á þeim umræðum en í síðari hlutan þáttarins þar sem Davíð Oddsson og Guðni Th. Jóhannesson tókust á. Létt var yfir frambjóðendunum sem báðir telja sig eiga mikið inni á meðal kjósenda.

„Mín staða hefur farið vaxandi á síðustu vikum og mér finnst þetta hafa verið skemmtilegt og lærdómsríkt. Ég held að það sé fullt inni og þetta eigi allt eftir að gjörbreytast. Það er svo mikil gerjun og miklar sveiflur. Ég held að þessar kosningar séu gjörólíkar öllum öðrum kosningum, hvenær frambjóðendur koma inn, hvernig þeir hafa verið kynntir,“

sagði Andri Snær og bætti við í léttum dúr að hann hafi lært mikið í þessu ferli, meðal annars að hætta að tala með höndunum og tala skýrt.

Ég kem sterkur út úr þessu, hvernig sem þetta er. Maður fer tvo kílómetra út fyrir þægindarammann og verður mjög berskjaldaður.

Halla telur sig sömuleiðis eiga mikið inni. Frambjóðendur hafi einungis byrjað að tala saman í síðustu viku, hún finni fyrir miklum meðbyr og ef aukning á fylgi hennar í könnunum verður með sambærilegum hætti og í síðustu viku, þá hafi hún engu að kvíða.

„Þetta er ferðalag og það hefur svo margt gerst á þessu ferðalagi hingað til að það getur ennþá margt gerst […] Ég hef alltaf sagt að ég ætla bara að halda ótrauð áfram að tala fyrir því sem mér finnst skipta máli og opna mig á einlægari máta en ég hef nokkurn tímann gert áður um það af hverju maður gefur kost á sér. Maður þarf auðvitað að horfast í augu við bæði sjálfan sig og aðra á nýjan hátt á þessu ferðalagi.“

Ólafur Ragnar lýsti Kristján og Vigdísi vanhæf

Þegar Ólafur Ragnar Grímsson ákvað að draga framboð sitt tilbaka, gerði hann það meðal annars með þeim rökum að fram væru komnir tveir frambærilegir frambjóðendur og vísaði hann þar til þeirra Davíðs og Guðna. Þá þegar höfðu Andri Snær og Halla tilkynnt um framboð. Aðspurður hvort þeim hafi fundist forsetinn tala niður til þeirra með þessum hætti svaraði Andri Snær:

Hann lýsti Kristján Eldjárn og Vigdísi Finnbogadóttur bæði vanhæf til að gegna þessu embætti vegna þess að hvorugt höfðu þau þessar kríteríur á bak við sig þegar þau urðu forsetar. Ég tel að forsetaembættið, það eitt að þessar stjórnskipunaraðstæður sem komu upp að mynda ríkisstjórn eða utanþingstjórn, að þetta er ekki meginhlutverk forsetans. Yfirleitt myndar Alþingi sinn meirihluta á sínar eigin spýtur og jafnvel lætur forsetann bara vita að þau séu búin að mynda þennan meirihluta. Forsetaembættið snýst um ástríðu hvað varðar tungumálið, umhverfismál, áhuga á samfélaginu í heild sinni, áhuga á því að taka þátt í samfélaginu, að vera rödd Íslands út á við. Þetta er margþætt.

Halla svaraði þessari spurningu einnig:

Ég held að það sé ekki rétt að einhver sem hefur setið á forsetastóli í 20 ár að velja hverjir uppfylla skilyrði til að koma í hans stað. En ég ber vissulega virðingu fyrir hans mati og hans meðmælum. Hann er búinn að standa sig vel í þessi 20 ár. En ég er bara þeirrar skoðunar að okkur vantar engan veginn forseta fortíðar, okkur vantar forseta með framtíðarsýn. Forseta sem vill hjálpa þjóðinni að búa til samfélagið sem að þjóðin vill búa í. Það er mjög mikilvægt að við höfum hugrekki til þess að gera það.

Ísland taki forystu í jafnréttismálum

Bæði Halla og Andri Snær segjast ánægð með hvernig umræðan í kosningabaráttunni hafi farið fram. Frambjóðendurnir beri virðingu fyrir hverjum öðrum.

„Við höfum verið að bera virðingu fyrir hvert öðru og ég held að við munum halda áfram að gera það. Ég held að við sláum tóninn og vona að við getum verið öðrum fyrirmynd eins og ég trúi því að Ísland geti verið fyrirmynd annarra þjóða að takast á við þessi mál,“

sagði Halla og benti á jafnfréttismál í því samhengi, þar sem Ísland eigi að taka forystu í heiminum. Andri Snær sagðist helst taka eftir því hversu erfitt það er að komast í fréttir án þess að skapa núning. Það sé hins vegar ekki sá völlur sem hann vill spila á.

„Mér hefur þótt baráttan mun jákvæðari en ég bjóst við. Auðvitað var maður fullur af kvíða að það væri búið að kokka upp einhverjar skítabombur eða fréttir um frambjóðendur. Það er fælingarmátturinn hvað varðar lýðræðið sjálft, að óttast að missa æruna. Það voru margir sem sögðu við mig: „Ef þú ferð þarna út og vinnur ekki, þá ertu ærulaus maður“. Það voru nokkrar andvökunætur hvað það varðar.“

Var kallaður öfgamaður fyrir vikið

Rifjað var upp að Halla var framkvæmdastjóri Viðskiptaráðs á þeim tíma þegar ráðið gaf frá sér mjög umdeilda skýrslu, þar sem því var meðal annars haldið fram að Ísland stæði Norðurlöndunum framar og að nær væri að bera okkur saman við Bandaríkin og Bretland. Um leið var mælst til þess að opna fyrir aðkomu einkaaðila sem víðast. Halla sagði að þetta væri ekki hennar skoðun í dag.

Ég er sannarlega búin að gera þetta upp við mig persónulega og ég held að flestir geri sér grein fyrir að þó að ég hafi verið framkvæmdastjóri þarna í eitt ár, þá eru ekki öll orð þessara félagasamtaka mín persónulegu orð, hvorki þá né nú. Ég held að lífið sé þroskaferli og ég lærði mjög mikið. Ólíkt kannski mörgum þá líkað mér ekki margt sem ég sá í kringum mig og árið 2007 stofnaði ég fyrirtæki á grundvelli annarra gilda og það hefur vakið athygli um allan heim hvað það var mikil sérstaða á þessum tíma því þessi áhættusækni sem var í gangi og það gildismat sem réði för, það var ekki bara á Íslandi, það var víðar.

Andri var sömuleiðis mikið í sviðsljósinu á árunum fyrir hrun vegna útgáfu bókar hans, Draumalandið. Sú bók þótti mjög umdeild og róttæk á sínum tíma, en hann segir viðhorf Íslendinga til umhverifsmála hafa gjörbreyst síðan þá.

Ég var nefnilega kallaður öfgamaður fyrir vikið. Og það er vegna þess að ég skrifaði bók um hugmyndir, framtak og frumkvæði gegn stærstu ríkisframkvæmd Íslandssögunnar. Ég var kallaður kommúnisti fyrir það, að skrifa um mátt hugans og framtaksins. En það hefur orðið mikil framför í þessum málum og það er leiðinlegt að við skyldum fara í þessa pólariseríngu vegna þess að ég held að Íslendingar hafi almennt verið nokkuð umhverfissinnaður á síðustu áratugum.

Umræðurnar í heild má sjá hér að neðan.

«
»

Ummæli ()

Vinsamlegast athugið:
Ummæli eru á ábyrgð þeirra sem þau skrifa. Eyjan áskilur sér þó rétt til að fjarlægja óviðeigandi og meiðandi ummæli. Tilkynna má óviðeigandi ummæli í netfangið ritstjorn@eyjan.is

Már viðurkennir að mistök hafi verið gerð í Samherjamálinu

Már Guðmundsson seðlabankastjóri var gestur Björns Inga Hrafnssonar í Eyjunni í gær. Þar fóru þeir um víðan völl og ræddu efnahagsmál Íslands í víðu samhengi, allt frá afnámum gjaldeyrishafta til ferðamannastraumsins. Gjaldeyriseftirlit Seðlabanka Íslands bar einnig á góma en eins og frægt er orðið stóð það í löngum málaferlum við Samherja sem enduðu með sigri […]

Jón Baldvin: „EES-samningurinn eins og skraddarasaumaður handa Skotum“

Ný bók um það sem Skotar geta lært af reynslu Norðurlandaþjóða um samskipti við Evrópusambandið er komin út  í Edinborg. Bókin ber heitið McSmörgåsbord  – What post-Brexit Scotland can Learn from the Nordics. Bókin hefur að geyma ritgerðir eftir höfunda frá öllum Norðurlöndum, þeirra á meðal frá Færeyjum og Grænlandi. Höfundur íslenska kaflans er Jón […]

Hjálmar: Upphrópanir byggjast á misskilningi eða rangtúlkunum

„Í tilefni af fjölmiðlaumræðu um 5 daga legudeild Klíníkurinnar vill undirritaður árétta að hvorki Velferðarráðuneytið né Embætti landlæknis hafa neinar athugasemdir við starfsemina sem heldur áfram ótrufluð þrátt fyrir ýmis konar upphrópanir síðustu daga sem flestar byggjast á misskilningi eða rangtúlkunum.“ Svona hefst fréttatilkynning frá Hjálmari Þorsteinssyni bæklunarskurðlækni og framkvæmdastjóra Klíníkurinnar í Ármúla. Segir hann […]

„Óveðurský yfir Akranesi“

Í gærkvöldi hrönnuðust upp óveðurský yfir Akranesi sem endaði með gríðarlegum þrumum og eldingum sem lýsti upp allan bæinn. Nú skal ég fúslega viðurkenna að ég óttast innilega að það séu að hrannast upp óveðurský í atvinnumálum okkar Akurnesinga og núna er bara spurning hvort það endi með þrumum og eldingum, segir Vilhjálmur Birgisson formaður […]

Þórhildur mætti Arnþrúði og Pétri í beinni: „Þið stundið hér hatursáróður“

Harðorðar og fjörugar umræðu sköpuðust þegar Þórhildur Sunna Ævarsdóttir þingmaður Pírata mætti Arnþrúði Karlsdóttur útvarpsstjóra og Pétri Gunnlaugssyni dagskrárgerðarmanni í beinni útsendingu á Útvarpi Sögu síðdegis í gær. Líkt og Eyjan greindi frá fyrr í vikunni hafa þingmaðurinn og aðstandendur Útvarp Sögu eldað grátt silfur, Þórhildur sagði á Alþingi að gagnrýni talsmanna Útvarps Sögu á […]

Þórarinn hækkaði laun starfsmanna um 30% og lækkaði þannig launakostnað um 20%

Þórarinn Ævarsson, framkvæmdastjóri IKEA, er andlit fyrirtækisins. Hann er einarður talsmaður lágs vöruverðs og hefur ákveðnar skoðanir á því hvers konar starfsmannastefna sé árangursríkust. Hann er í viðtali í DV sem kom út í dag. Þar fjallar hann einnig um tíma sinn á Dominos og hvernig hann lækkaði launakostnað með því að hækka laun starfsmanna. […]

Bjarni hafnar ásökunum úr netheimum: „Ég hef hvergi sagt að geðlyf virki ekki“

Bjarni Benediktsson forsætisráðherra hafnar því að hafa nokkurn tímann sagt að geðlyf virki ekki eða að hafa líkt lyfjagjöf við að vökva dáið blóm. Þetta sagði Bjarni í Twitter-færslu sem birtist um miðnætti. Málið má rekja til meints myndbands, sem nú hefur verið fjarlægt, þar sem Bjarni á að láta slík orð falla í stjórnmálafræðitíma […]

Bankaráð krafði Má um að láta af umræðu í fjölmiðlum eftir viðtal á Eyjunni

Bankaráð Seðlabanka Íslands krafðist þess að Már Guðmundsson seðlabankastjóri léti af umræðu um málarekstur bankans gegn Samherja. Bókunin var samþykkt í kjölfar umræðu á fyrri fundum bankaráðsins þar sem framganga Más í fjölmiðlum var til umræðu. Hafði Már lengi vel á undan rætt opinberlega um málareksturinn gegn Samherja. Morgunblaðið hefur bókunina undir höndum, þar segir: […]

Tiltrú á Ísland hefur stóraukist að mati seðlabankastjóra – Höftin ekki haft stórkostleg áhrif á gengi krónunnar

Már Guðmundsson seðlabankastjóri var gestur Björns Inga Hrafnssonar í þættinum Eyjan á ÍNN í kvöld. Þar fóru þeir yfir efnahagsmálin sem ávallt eru á milli tannana á fólki, einkum og sér í lagi nú þegar fjármagnshöft hafa verið afnumin. Már segir að viðbrögðin við þeim áfanga hafi verið góð og ,,ekki hafa haft stórkostleg áhrif […]

Bryndís: Mamma vann aldrei úti

Mamma vann aldrei úti – Mamma sagði ósjaldan: Æ, ég var aldrei mikið fyrir börn! Samt eignaðist hún sjö krakka og féll aldrei verk úr hendi. Saumaði á okkur, prjónaði á okkur, fór í ber á hverju ári, sultaði, tók slátur, bakaði reglulega og eldaði mat upp úr danskri kokkabók, sem lá alltaf á eldhúsborðinu. […]

„Körlum er óskað atvinnumissi. Konum? Að þeim sé nauðgað eða að þær missi börnin sín“

„Þrjátíu og sjö ára gamall þingmaður heldur jómfrúarræðu. Hann talar um að á Íslandi sé umfang hins opinbera stórt ef litið er til heildarútgjalda og lífeyrisgreiðslur dregnar frá. Tuttugu og sjö ára gömul þingkona heldur jómfrúarræðu. Hún talar um að á Íslandi sé umfang hins opinbera stórt ef litið er til heildarútgjalda og lífeyrisgreiðslur dregnar […]

Birgitta: Sjálfstæðisflokkurinn ræður öllu – Viðreisn og Björt framtíð umboðslausir

Sjálfstæðisflokkurinn ræður öllu í ríkisstjórninni og á þingi á meðan Viðreisn og Björt framtíð eru nánast umboðslausir. Þetta sagði Birgitta Jónsdóttir þingmaður Pírata í útvarpsþættinum Harmageddon á X-inu í morgun. Ræddi hún nýjustu skoðanakönnunina þar sem kom fram að Sjálfstæðisflokkurinn hefur bætt við sig fylgi frá kosningum en bæði Björt framtíð og Viðreisn myndu ekki […]

„Íslenska með hreim er líka íslenska“ – Til skammar að nota frávik á viðurkenndu máli til að gera lítið úr fólki

„Íslenska með hreim er líka íslenska. Íslenska með beygingarvillum er líka íslenska. Íslenska með rangri orðaröð er líka íslenska;“ segir Eiríkur Rögnvaldsson prófessor í íslenskri málfræði í stuttum pistli á Facebook-síðu sinni. Hann deilir frétt Eyjunnar um svívirðingar sem Nichole Leigh Mosty þingmaður Bjartrar framtíðar hefur orðið fyrir. Nichole hefur mátt þola mikla gagnrýni í […]

„Alþingi á ekki að vera með starfmenn sem tala ekki Íslennsku“ – Ráðherra og þingmenn koma Nichole til varnar

Svívirðingar hafa fallið um Nichole Leigh Mosty þingmann Bjartrar framtíðar á samskiptamiðlum undanfarna daga og hefur fólk sagt að hún eigi að læra íslensku áður en hún taki sæti á þingi. Nichole hefur mátt þola mikla gagnrýni í vikunni, eða allt frá því að hún tjáði sig um ummæli Mikaels Torfasonar um fátækt á Íslandi. […]

Eyjan Miðlar ehf. - Kringlunni 4-12, 103 Reykjavík - eyjan (hjá) eyjan.is