Föstudagur 15.07.2016 - 20:16 - Ummæli ()

Valdarán í Tyrklandi: 90 látir – yfir þúsund særðir – Allt sem vitað er um ástandið – Uppfært

Tayyip Erdogan, forseti Tyrklands.

Tayyip Erdogan, forseti Tyrklands.

Tilraun til valdaráns stendur yfir í Tyrklandi og hófst hún fyrr í kvöld. Að sögn erlendra fjölmiðla heyrðist skothríð í höfuðborginni Ankara fyrir um klukkutíma síðan og orrustuþotur og herþyrlur fljúga í lágflugi yfir borginar. Sögusagnir eru um að lýst hafi verið yfir herlögum í landinu. Tyrkneski forsætisráðherrann, Binali Yildirim, hefur neitað fyrir að um valdarán sé að ræða en viðurkennir að tilraun hafi verið gerð til að ná völdum af löglega kjörnum yfirvöldum af hálfu hluta tyrkneska hersins. Herinn hefur hins lýst því yfir að hann hafi tekið völdin til að verja lýðræði í landinu. Að sögn erlendra fjölmiðla er Tayyip Erdogan, forseti Tyrklands, óhultur.

Valdaránstilraunin mistókst. Tyrkneskir fjölmiðlar hafa greint frá því að minnst 90 manns létu lífið, helmingur þeirra eru almennir borgarar. Sautján voru lögreglumenn. Þá hafa 1150 manns særst. Þá voru rúmlega 1500 manns handteknir eftir að stjórnarliðar náðu aftur tökum á ástandinu.

Hér fyrir neðan má lesa beina útsendingu sem Eyjan stóð fyrir í gær og í nótt.

Uppfært kl. 01:16: Flest bendir til þess að valdaránstilraunin hafi verið brotin á bak aftur að mestu. Eyjan mun greina frá stöðu mála í fyrramálið.

Uppfært kl. 01:12: Erdogan forseta er fagnað af miklum mannfjölda við Ataturk-flugvöllinn í Istanbúl. Á sama tíma er greint frá því að handtökur á valdaránsmönnum hafi átt sér stað bæði í Ankara og Istanbúl.

Uppfært kl. 01:06: Talsmaður tyrknesku leyniþjónustunnar, Nuh Yilmaz, segir að valdaránstilraunin hafi verið brotin á bak aftur, að því er BBC greinir frá. Þó séu enn átök á stöku stað.

Uppfært kl. 01:04: Jon Williams, ritstjóri alþjóðlegra frétt hjá ABC News hefur eftir lögreglustjóranum í Istanbúl að aðeins 104 hermenn hafi tekið þátt í valdaránstilrauninni.

Uppfært kl. 00:59: Opinbera tyrkneska fréttaveitan Anadolu greinir frá því að tólf manns séu særðir eftir sprengingu í þinghúsinu í Ankara. Reuters hefur eftir þingmanni að þingmenn hafi flúið í öryggisherbergi í þinghúsinu og bíði þar. Þá er greint frá því að fjöldi sprenginga hafi orðið í eða við þinghúsið.

Uppfært kl. 00:47: Guardian og Reuters greina frá því að flugvél Erdogans forseta sé um það bil að lenda á flugvellinum í Istanbul.

Uppfært kl. 00:43: Hér má fræðast lítillega um Tyrkland á íslensku Wikipediu. Mun fyllri fróðleik má síðan finna hér á ensku Wikipediu.

Uppfært kl. 00:39: Rétt í þessu sáust tyrkneskir lögreglumenn skjóta á herþotur sem flugu yfir Taksim-torg í beinni útsendingu á Facebook frá blaðamanninum Oz Katerji.

Uppfært kl. 00:34: Heimildir herma að ríkissjónvarpið TRT hafi hafið útsendingar á nýjan leik.

Uppfært kl. 00:32: Reuters hefur það eftir tyrkneska innanríkisráðherranum, Efkan Ala, að yfirvöld hafi að mestu náð stjórn á ástandinu. Ýmsar aðrar fregnir benda til að eitthvað geti verið til í því, í það minnsta sé ljóst að valdaránstilraunin hafi alls ekki heppnast að fullu. Upplýsingar eru þó enn mjög óljósar.

Uppfært kl. 00:28: Samkvæmt ríkisfréttastofunni Anadolu er talið að hershöfðingi sem nýlega var settur af, Muharrem Kose, sé lykilmaður í valdaráninu. Kose var lögfræðilegur ráðgjafi yfirmanns mannahalds tyrkneska hersins.

Uppfært kl. 00:21: Ekki er vitað hversu margir Íslendingar eru staddir í Tyrklandi en það er alsverður fjöldi samkvæmt upplýsingum sem Eyjan fékk frá utanríkisráðuneytinu. Flestir eru þeir á sumardvalarstöðum í suðvesturhluta Tyrklands, einhverjir tugir, á vegum ferðaskrifstofunnar Nazar.

Þá er nokkur fjöldi Íslendinga í Istanbúl, bæði búsettir þar en einnig ferðamenn. Ekki er ljóst um hversu marga er að ræða á þessari stundu. Talið er að fáir Íslendingar séu í höfuðborginni Ankara.

Utanríkisþjónustan er í sambandi við ræðismenn sína í Tyrklandi og fær upplýsingar þaðan, einkum frá Istanbúl. Vonast er til að fyllri upplýsingar liggi fyrir í fyrramálið.

Uppfært kl. 00:13: Reuters greinir frá því að kröftug sprengja hafi fyrir skemmstu sprungið á eða við Taksim-torg. Ekki fást upplýsingar um hvort mannfall hafi orðið.

Uppfært kl. 00:00: AP fréttastofan hefur greint frá því að sprengja hafi sprungið við tyrkneska þinghúsið.


Uppfært kl. 23:58: Lilja Dögg Alfreðsdóttir, utanríkisráðherra, sagði í samtali við Eyjuna að fregnir frá Tyrklandi væru afar óljósar enn sem komið er. Utanríkisþjónustan fylgdist hins vegar eins grannt með og mögulegt væri. Hún lýsti því þá yfir að íslensk stjórnvöld styddu lýðræðislega kjörin stjórnvöld í Tyrklandi.

Uppfært kl. 23:35: Samkvæmt Financial Times hafna Gulenistar allri aðild að valdaráninu og fordæma öll hernaðarlega afskipti af innanríkismálum í Tyrklandi.

Uppfært kl. 23:29: Barack Obama Bandaríkjaforseti hefur lýst yfir stuðningi við sitjandi ríkisstjórn Tyrklands. Obama og John Kerry utanríkisráðherra ræddust við í síma fyrr í kvöld. Þeir voru sammála um að allir aðilar í Tyrklandi ættu að fylkja sér bakvið lýðræðislega kjörna ríkisstjórn Tyrklands, sýna stillingu og forðast ofbeldi eða blóðsúthellingar.

Uppfært kl. 23:25: Norska ríkisútvarpið hefur það eftir sjónvarpsstöðinni NTV að herþyrla á vegum uppreisnarmanna hafi verið skotin til jarðar af orrustuþotu.

Uppfært kl. 23:20: Samkvæmt CNN í Tyrklandi hafa 17 lögregluþjónar verið drepnir í árás á höfuðstöðvar sérsveitarlögreglumanna í Ankara. CNN hefur þetta eftir opinberu fréttaveitunni Anadolu.

Uppfært kl. 23:10: Fyrr í kvöld greindi Eyjan frá því að fjöldi fólks hefði tekið Erdogan á orðinu og farið út á göturnar til að mótmæla. Var birt Twitter-færsla með myndum af fólksfjöldanum því til staðfestingar. Myndin er hins vegar frá því á síðasta ári og því marklaus í samhenginu. Eyjan biðst afsökunar á mistökunum. Engu að síður er það svo að fjölmenni er á götum úti í Tyrklandi til stuðnings Erdogan, það sýna aðrar myndir, beinar útsendingar sjónvarps og fréttir fréttaveitna.

Uppfært kl. 23:07: Blaðamaðurinn Oz Katerji er staddur á Taksim-torgi í Istanbúl og sendir beint út á Facebook þegar einhverjir markverðir atburðir gerðist. Hægt er að fylgjast með honum hér. 

Uppfært kl. 23:03: Egill Helgason hefur tekið saman yfirlit um stjórnmálaástandið í Tyrklandi síðustu misseri. Það er afar fróðleg lesning og má nálgast hana hér.

Uppfært kl. 22:54: Samkvæmt opinberu fréttastofunni Anadolu heyrast skothvellir við forsetahöllina Ankara.

Tyrkneskir skriðdrekar fara um aðalgötur Istanbúl og hertaka mikilvæga staði. Mynd: GettyImages

Tyrkneskir skriðdrekar fara um aðalgötur Istanbúl og hertaka mikilvæga staði. Mynd: GettyImages

Uppfært kl. 22:51: Anonymous-samtökin halda því fram á Twitter að yfirmenn heraflans í Tyrkalandi styðji ekki valdaránstilraunina.

Uppfært kl. 22:48: Samkvæmt CNN í Tyrklandi eru að minnsta kosti þrír særðir eftir skothríð á Bosphorus-brúnni. Þeir munu hafa verið að mótmæla valdaráninu og lýsa yfir stuðningi við Erdogan forseta.

Uppfært kl. 22:40: Skothríð heyrist nú í Istanbúl, meðal annars á Bosphorus-brúnni. Þá greina fréttastofur ytra frá því að skotbardagi geysi milli hermanna sem standa að valdaráninu og lögreglu í borginni.

Uppfært kl. 22:35: Samkvæmt tyrknesku ríkisfréttastofunni Anadolu hafa tyrkneskar herþyrlur haldið uppi skothríð á höfuðstöðvar leyniþjónustunnar í Ankara.

Uppfært kl. 22:22: Skriðdrekar hafa umkringt þinghúsið í Ankara og skjóta á bygginguna, að því er fréttastofa Reuters hefur eftir sjónarvottum.

Uppfært kl. 22:14: Fjöldi Tyrkja virðist hafa tekið Erdogan á orðinu. Á twitter má sjá myndir af fjölmennum mótmælum til stuðnings Erdogan í Istanbúl.

Uppfært kl. 22:10: Erdogan forseti ávarpaði Tyrki í gegnum FaceTime forritið. Hann sagði að valdaránstilraunin myndi ekki takast og hvatti borgara til að fara út á göturnar til að mótmæla. Víða sést gagnrýni á þessar yfirlýsingar Erdogans í ljósi þess að uppreisnarmenn hafa lýst yfir herlögum og útgöngubanni og skothríð hefur heyrst á götum borga Tyrklands.

Uppfært kl. 22:08: Íslenska utanríkisráðuneytið hefur sent frá sér eftirfarandi tilkynningu:
Borgaraþjónusta utanríkisráðuneytisins hefur verið virkjuð vegna fregna af valdaráninu í Tyrklandi og beinir þeim tilmælum til íslenskra ferðamanna í Tyrklandi og Íslendinga búsettum í landinu að láta aðstandendur á Íslandi vita af sér. Flestar samskiptaleiðir aðrar en símalínur virðast lokaðar í Tyrklandi og tekið hefur í gildi útgöngubann í helstu borgum. Beinir utanríkisráðuneytið þeim tilmælum til Íslendinga að halda sig innandyra og fylgja fyrirmælum tyrkneskra yfirvalda hvar sem það er statt í landinu. Utanríkisráðuneytið aflar frekari upplýsinga og verða frekari tilmæli send út eftir því sem ástand mála þróast. Hægt er að ná í borgaraþjónustu utanríkisráðuneytisins í síma 5459900 allan sólarhringinn.

Uppfært kl. 22:07: Erdogan forseti hefur lýst því yfir að Gulenistar standi að baki valdaráninu. Væntanlega er hann þar að vísa til þess að Hizmet-hreyfingin, undir stjórn klerksins Fetullah Gulen, beri ábyrgðina á aðgerðunum nú. Hér má fræðast um Hizmet-hreyfinguna.

Uppfært kl. 22:01: Búið er að rjúfa útsendingar tyrkneska ríkissjónvarpsins TRT samkvæmt fréttum frá Reuters.

Uppfært kl. 21:57: Samkvæmt heimildum MSNBC fréttastofunnar er Erdogan forseti á flótta og hefur verið óskað eftir því að flugvél hans fái lendingarleyfi í Þýskalandi. Fréttin hefur þó ekki verið staðfest.

Uppfært kl. 21:53: Frakkar hafa lokað sendiráði sínu í Ankara og sendiskrifstofu í Istanbúl um óákveðinn tíma.

Uppfært kl. 21:50: Samkvæmt Twitter skóku miklar sprengingar höfuðborgina Ankara nú fyrir skömmu.

Uppfært kl. 21:43: Tyrkneski forsetinn, Tayyip Erdogan, hefur hvatt fók um að fara út í almannarými, á torg og flugvelli, þrátt fyrir útgöngubann sem uppreisnarmenn hafa lýst yfir að ríki. CNN í Tyrklandi greinir frá þessu.

 

Uppfært kl. 21:36: Samkvæmt upplýsingum frá íslenska utanríkisráðuneytinu er borgaraþjónusta utanríkisþjónustunnar á vaktinni. vegna atburðanna í Tyrklandi. Fylgst er með þróun mála og beðið átekta. Litlar upplýsingar liggja fyrir að svo stöddu.

Uppfært kl. 21:30: Óstaðfestar fregnir herma að lokað hafi verið fyrir, eða í það minnsta gerð tilraun til að loka fyrir, samfélagsmiðla í Tyrklandi.

Uppfært kl. 21:28: Hermenn hafa hertekið skrifstofur AKP flokks Yildirim forsætisráðherra og vísað þeim sem staddir voru í byggingunni á dyr.

Uppfært kl. 21:23: Samkvæmt fleiri en einum erlendum fjölmiðli er Erdogan forseti ekki í Tyrklandi. Hann mun hafa verið staddur erlendis í fríi þegar valdaránstilraunin hófst. Óstaðfestar fregnir herma að von sé á yfirlýsingu frá honum innan tíðar.

Uppfært kl. 21:21: Samkvæmt tyrkneska ríkissjónvarpinu TRT, sem uppreisnarmenn hafa á valdi sínu, hefur útgöngubann verið sett á í öllu Tyrklandi. Þá er greint frá því að Tyrklandi sé nú stýrt af „friðarráði“ sem hyggist tryggja öryggi borgaranna.

Uppfært kl. 21:17: Yfirlýsing þeirra sem standa að valdaráninu er svohljóðandi:

Tyrkneski herinn hefur tekið völdin í Tyrklandi að fullu með það að markmiði að koma að nýju á reglu samkvæmt stjórnarskránni, gæta að mannréttindum og frelsi borgaranna, halda uppi lögum og almennu öryggi sem búið var að skaða. Allir alþjóðasamningar eru í gildi. Við vonumst til að samskipti okkar við önnur ríki muni áfram vera á góðum nótum.

Uppfært kl. 21:10: Ekki hefur enn verið staðfest hverjir það eru sem standa fyrir valdaránstilrauninni. Þó er ljóst að í það minnsta verulegur hluti tyrkneska heraflans tekur þátt í valdaráninu en enginn hefur enn komið fram undir nafni. Þá greina erlendir fjölmiðlar frá því að hermenn hafi hertekið sjónvarpsstöðvar ríkissjónvarpsins og stýri útsendingum.

Uppfært kl. 21:05: CNN í Tyrklandi greinir frá því að sprengingar hafi heyrst við þjálfunarbúðir öryggislögreglunnar í Ankara.

Uppfært kl. 21:00: Samkvæmt bæði CNN í Tyrklandi og fréttastofunni AFP hefur Hulusi Akar, yfirhershöfðingi tyrkneska heraflans, verið tekinn í gíslingu.


Uppfært kl. 20:56: Herinn virðist hafi tekið yfir einhverja af tyrknesku fjölmiðlunum og nýtir þá til að koma skilaboðum á framfæri. Búið er að slá öll flug til og frá Ataturk-flugvelli í Istanbul af og óljósar fregnir eru um að herinn hafi gert tilraun til að hertaka flugvöllinn.

Þá berast fregnir af því að gíslar hafi verið teknir í höfuðstöðvum hersins, að því er CNN greinir frá. Þar er einnig fullyrt að Tahip Erdogan, forseti, sé óhultur.

Uppfært kl. 20:50: Ingibjörg Sólrún Gísladóttir, fyrrverandi utanríkisráðherra, er búsett í Istanbul. Hún setti inn eftirfarandi status á Facebook fyrir skemmstu.

Tılraun til valdaráns í Tyrklandi rétt í þessu. Brýrnar yfir Bosborus lokaðar. Við Hjölli ( Hjörleifur Sveinbjörnsson ) sitjum heima og reynum að fylgjast með.

Uppfært kl. 20:45: Hermenn hafa lokað umferð um Bosphorus og Fatih Sultan Mehmet brýrnar í Istanbul. Þá hafa verið birtar myndir af skriðdrekum við Atatürk-flugvöllinn í borginni.

Uppfært kl. 20:35: Tyrkneski herinn hefur lýst yfir að hann hafi tekið yfir stjórn landsins til að verja lýðræði. Allar alþjóðaskuldbindingar Tyrklands verði virtar. Samkvæmt myndum frá Tyrklandi hafa hermenn yfirbugað lögreglumenn á götum úti. Tyrkneski forsætisráðherrann Yildirim heldur því hins vegar fram að kjörin stjórnvöld séu enn við stjórnvölinn.

Gríðarleg umræða fer nú fram á Twitter um valdaránstilraunina en enn er fátt staðfest. Sjá má umræður undir myllumerkinu Turkey hér að neðan.


Tyrkneskur herafli virðist vera kominn út á götur Ankara, eftir því sem sjá má á myndum á Twitter.

ankara

Fréttin verður uppfærð eftir því sem frekari fregnir berast.

«
»

Ummæli ()

Vinsamlegast athugið:
Ummæli eru á ábyrgð þeirra sem þau skrifa. Eyjan áskilur sér þó rétt til að fjarlægja óviðeigandi og meiðandi ummæli. Tilkynna má óviðeigandi ummæli í netfangið ritstjorn@eyjan.is

Guðlaugur Þór gaf Íslendingasögurnar í sænskri þýðingu

Guðlaugur Þór Þórðarson, utanríkisráðherra, afhenti Alice Bah Kunke, menningarmálaráðherra Svíþjóðar, til gjafar Íslendingasögurnar í sænskri þýðingu við hátíðlega athöfn í Uppsölum í dag. Í ræðu sinni rakti ráðherra sagnaarfinn og þýðingu Íslendingasagnanna enn þann dag í dag. „“Ber er hver að baki nema bróður sér eigi“, segir í sögnunum og er þar vísað til vopnaðra […]

Ríkisstjórnin lýsir yfir vantrausti á kjararáð- Myndar starfshóp um „breytt fyrirkomulag“ og „úrbætur“

Ríkisstjórnin hefur skipað starfshóp um kjararáð, í samráði við „heildarsamtök á vinnumarkaði“, líkt og segir í tilkynningu frá forsætisráðuneytinu. „Hópurinn skal bera saman fyrirkomulag um ákvörðun launa hjá kjörnum fulltrúum, dómurum og embættismönnum í nágrannalöndum og leggja fram tillögur að breyttu fyrirkomulagi launaákvarðana kjararáðs, sé annað fyrirkomulag talið líklegra til betri sáttar í þjóðfélaginu til […]

Gunnar Atli ráðinn aðstoðarmaður Kristjans Þórs

Kristján Þór Júlíusson, sjávarútvegs- og landbúnaðarráðherra, hefur ráðið Gunnar Atla Gunnarsson sem aðstoðarmann sinn. Hann hefur störf í ráðuneytinu í dag. Kristján Þór mun þar með hafa tvo aðstoðarmenn en fyrir er Inga Hrefna Sveinbjarnardóttir sem er sem stendur í fæðingarorlofi. Gunnar Atli er stúdent frá Menntaskólanum á Ísafirði, með Mag. Jur. í lögfræði frá […]

Vilhjálmur Bjarnason: „Borgin stundar mikinn fjandskap við íbúa sína“

Vilhjálmur Bjarnason, frambjóðandi í leiðtogakjöri Sjálfstæðisflokksins fyrir næstu borgarstjórnarkosningar, skrifar grein í Morgunblaðið í dag, hvar hann fer yfir helstu hugðarefni sín í borgarmálunum. Eru þar húsnæðis- og velferðarmál ofarlega á baugi, en athygli vekur að Vilhjálmur minnist lítið sem ekkert á samgöngumál eða borgarlínu, en hann hefur þó áður lýst yfir efasemdum um hana, […]

Strætó að eldast – Um helmingur 10 ára eða eldri

Samgöngumál borgarinnar eru nú í brennidepli, þegar styttist í sveitastjórnarkosningar. Ljóst er að samgöngumál verða eitt af stóru kosningamálunum, ekki síst almenningssamgöngur, þar sem Borgarlínan hefur verið í forgrunni. En hvernig stendur Strætó ? Samkvæmt Jóhannesi Rúnarssyni, framkvæmdarstjóra Strætó, eru 49 af 95 strætisvögnum fyrirtækisins 10 ára eða meira og eru tveir þeirra 18 ára […]

Borgin úthlutaði lóðum fyrir 1711 íbúðir árið 2017

Alls voru samþykktar lóðaúthlutanir fyrir 1.711 íbúðir í borgarráði á síðasta ári. Mikill meirihluti úthlutaðra lóða var fyrir byggingarfélög sem starfa án hagnaðarsjónarmiða. Borgarráð fékk kynningu á úthlutunum lóða á fundi sínum í gær. Þetta kemur fram í tilkynningu frá borginni. Úthlutað var lóðum fyrir 1.711 íbúðir í borgarráði í fyrra. Af þeim eru 1.422 […]

Forsætisráðherra í heimsóknarhug

Katrín Jakobsdóttir forsætisráðherra var á faraldsfæti í gær, en hún heimsótti bæði umboðsmann barna og Seðlabankann. Umboðsmaður barna, Salvör Nordal, gerði Katrínu grein fyrir stefnumótun og áherslum embættisins fyrir tímabilið 2018 til 2022. Fram kom að embættið telur brýnt að efla stefnumótun á mörgum sviðum sem tengjast börnum. Grunnur að því sé greining á stöðu […]

Þórir Guðmundsson ráðinn fréttastjóri Stöðvar 2, Bylgjunnar og Vísis

Þórir Guðmundsson hefur verið ráðinn fréttastjóri Stöðvar 2, Bylgjunnar og vísir.is. Þetta kemur fram í tilkynningu frá Vodafone. Þórir er með meistaragráðu í alþjóðlegum samskiptum frá Boston University og B.A. gráðu í Blaða- og fréttamennsku frá University of Kansas. Þórir starfaði sem fréttamaður á fréttastofu Stöðvar 2, fyrst á árunum 1986 til 1999 og svo […]

Dauðans alvara – eftir Jón Pál Hreinsson og Pétur G. Markan

Þegar þessi orð eru skrifuð hefur einangrun Djúpsins verið viðvarandi frá laugardagskvöldi 13. janúar. Hvað þýðir það í nútímasamfélagi? Frá 13. janúar hafa allir vegir verið lokaðir til svæðisins, vegna ófærðar og snjóflóða, og flugsamgöngur verið stopular til landshlutans, vegna óhagstæðra vinda. Tvær megin orsakir eru til grundvallar þessari eingangrun; erfitt flugvallarstæði á Ísafirði og […]

ESB ræðst gegn plastmengun: Meira af plasti en fiski í sjónum árið 2050 með sama áframhaldi

Samkvæmt nýrri áætlun Evrópusambandsins verða allar plastumbúðir gerðar úr endurvinnanlegu efni fyrir árið 2030, dregið verður verulega úr notkun einnota plasts og skorður settar við notkun örplasts. Áætlun Evrópusambandsins til að bregðast við plastmengun er ætlað að vernda náttúruna, verja íbúana og styrkja fyrirtækin. Áætlunin er sú fyrsta sinnar tegundar og á að stuðla að […]

Stefnt að opnun neyslurýma fyrir vímuefnaneytendur

Svandís Svavarsdóttir heilbrigðisráðherra hefur sett af stað vinnu í velferðarráðuneytinu til að undirbúa opnun neyslurýma fyrir langt leidda vímuefnaneytendur. Neyslurými sem þessi eru þekkt úrræði erlendis og byggjast á hugmyndafræði skaðaminnkunar. Alþingi samþykkti í maí árið 2014 ályktun um að stefna í vímuefnamálum skyldi endurskoðuð „á grundvelli lausnamiðaðra og mannúðlegra úrræða, á forsendum heilbrigðiskerfisins og […]

Arnar Þór Sævarsson verður aðstoðarmaður félags- og jafnréttismálaráðherra

Ásmundur Einar Daðason félags- og jafnréttismálaráðherra hefur ráðið Arnar Þór Sævarsson, fráfarandi sveitarstjóra á Blönduósi aðstoðarmann sinn í velferðarráðuneytinu. Arnar Þór útskrifaðist úr lögfræði frá Háskóla Íslands árið 1999 og tók ári síðar réttindi til að gegna lögmennsku. Hann hefur gegnt stöðu sveitarstjóra á Blönduósi frá árinu 2007. Áður var hann aðstoðarmaður Jóns Sigurðssonar, þáverandi […]

Virtur læknir óttast að Trump fái hjartaáfall-Mældist með hættulega hátt kólesteról

Donald Trump Bandaríkjaforseti var sagður við hestaheilsu í reglubundinni læknisskoðun sinni á dögunum, þegar hann var skoðaður af lækni Hvíta hússins, Dr. Ronny L. Jackson. Sagði læknirinn að hjarta- og æðakerfi Trumps væri í fínu standi, þrátt fyrir að LDL kólesteról magnið mældist 143, sem er langt yfir viðmiðunarmörkum. LDL kólesteról er gjarnan nefnt „vonda“ […]

Una María kosin formaður Miðflokksfélags Suðvesturskjördæmis

Miðflokkurinn stofnaði flokksfélag Suðvesturkjördæmis í gærkvöldi í Glersalnum í Kópavogi, samkvæmt tilkynningu frá Miðflokknum. Gestir fundarins voru þeir Sigmundur Davíð Gunnlaugsson formaður Miðflokksins og Gunnar Bragi Sveinsson þingmaður Suðvesturkjördæmis. Miðflokksfélag Suðvesturkjördæmis er annað kjördæmafélag Miðflokksins sem stofnað er, en nýlega var stofnað Miðflokksfélag í Suðurkjördæmi. Félagið hefur, samkvæmt nýsamþykktum lögum þess, þann tilgang að vinna […]

Frjáls fjölmiðlun ehf. - Kringlunni 4-12, 103 Reykjavík - eyjan (hjá) eyjan.is