Fimmtudagur 08.12.2016 - 18:48 - Ummæli ()

Píratar leggja fram málamiðlun: Plagg stjórnlagaráðs fari í þinglega meðferð og geti tekið breytingum

Einar Brynjólfsson er oddviti Pírata í Norðausturkjördæmi. Mynd úr einkasafni

Einar Brynjólfsson er oddviti Pírata í Norðausturkjördæmi.

Píratar hafna því alfarið að erfiðlega gangi að hefja formlegar viðræður flokkanna fimm, Vinstri grænna, Pírata, Viðreisnar, Bjartrar framtíðar og Samfylkingar, þvert á móti séu góðar líkur á að samkomulag náist á næstunni til að hefja formlegar viðræður að nýju.

Einar Brynjólfsson þingmaður Pírata, sem á sæti í samninganefnd flokksins, segir í samtali við Eyjuna að fregnir um að engar líkur séu á að sætta Vinstri græna og Viðreisn, séu úr lausu lofti gripnar og komi ekki innan úr flokkunum fimm.

Heimildir Eyjunnar herma að Píratar séu tilbúnir að gefa mikinn afslátt á stjórnarskrármálinu sem fram að þessu hefur verið talin ófrávíkjanleg krafa af hálfu flokksins. Nú gera Píratar ekki lengur kröfu um að þingmenn annarra flokka styðji málið, þetta leggist ofan á málamiðlanir Pírata varðandi utanþingsráðherra, en boða þurfti til sérstakrar atkvæðagreiðslu um þá málamiðlun í kosningakerfi flokksins í síðustu viðræðum flokkanna fimm. Einar segir að stjórnarskrármálið hafi verið afgreitt í þeim viðræðum og vissulega sé flokkurinn tilbúinn að gefa eftir stutt kjörtímabil:

Í því samkomulagi er vinna stjórnlagaráðs lögð til grundvallar, ásamt þeirri vinnu sem hefur verið unnin síðan. Við göngum ekki alfarið frá því sem þar var gert,

segir Einar. Varðandi kröfur Pírata á þingmenn annara flokka segir Einar:

Það hefur alltaf verið litið á það sem heitrof ef að menn hafi ekki alltaf gengið fullkomlega í takt og greitt nákvæmlega eins atkvæði. Ég veit að þetta er nýlunda í stjórnmálum og ég held að það sé bara hollt ef aðrir taka upp svona vinnubrögð.

Eyjan hefur heimildir fyrir því að Píratar berjist ekki lengur fyrir því að Nýja stjórnarskráin, sem Stjórnlagaráð samdi, verði eitt og sér grunnur að nýrri stjórnarskrá. Það plagg verði tekið til þinglegrar meðferðar og unnið á kjörtímabilinu með það að markmiði að breytingar á stjórnarskrá verði samþykktar undir lok kjörtímabilsins.

Líklegt er að Stjórnarskrá stjórnlagaráðs muni taka miklum breytingum í þinglegri meðferð, því mjög skiptar skoðanir hafi verið meðal þingmanna um plaggið eins og það leit út þegar Jóhanna Sigurðardóttir, þáverandi forsætisráðherra, varð að játa sig sigraða í þeirri viðleitni sinni að fá það samþykkt fyrir kosningarnar 2013.

Einar hafnar því alfarið að það felist í því einhver áhætta fyrir aðra flokka að starfa með Pírötum og að flokkarnir fjórir sem séu nú í viðræðum við Pírata sem og almenningur, séu að átta sig á því:

Þetta er kannski eins og uppreisnargjarni unglingurinn sem er að verða roskinn og ráðsettur. Við erum ekki lengur þetta óútreiknanlega náttúruafl en við erum vissulega með hugmyndir sem eru óvenjulegar í pólitík.

Tilslakanir koma ekki til greina

birgitta_eyjanBirgitta Jónsdóttir, þingmaður Pírata, sagði fyrr á þessu ári í sjónvarpsþættinum Eyjunni á Stöð 2, að það komi ekki til greina að gera neinar tilslakanir í kröfum Pírata um stutt kjörtímabil og breytingar á stjórnarskrá á komandi þingi, hreyfingin muni ekki vinna með flokkum sem ekki samþykki það.

Birgitta sagði í þættinum, að Píratahreyfingin vilji að ákveðið sé hvernig stjórnarsáttmálinn líti út fyrirfram, að kjörtímabilið verði stutt og gengið verði frá stjórnarskrármálinu. Ekki komi til greina að gefa afslátt í þessum efnum og óráð væri að fara í stjórnarsamstarf við flokka sem ekki séu tilbúnir að samþykkja þá stefnu.

Í kosningastefnu Pírata fyrir nýliðnar alþingiskosningar sagði m.a.:

„Nýja stjórnarskráin okkar var samin af þjóðinni til þess að marka nýtt upphaf í kjölfar hins samfélagslega áfalls sem hún varð fyrir vegna hrunsins. Þjóðaratkvæðagreiðslan þann 20. október 2012 staðfesti eindreginn vilja þjóðarinnar til þess að leggja frumvarp stjórnlagaráðs til grundvallar nýjum samfélagssáttmála. Píratar virða vilja þjóðarinnar og setja því lögfestingu nýrrar stjórnarskrár í forgang á komandi kjörtímabili, rétt eins og þeir hafa gert frá stofnun hreyfingarinnar.“

Gangur viðræðnanna

Flokkarnir fimm sem ræða nú myndun ríkisstjórnar, sendu frá sér yfirlýsingu í kvöld.

Þar segir:

„Föstudaginn 2. desember fékk Birgitta Jónsdóttir, fyrir hönd Pírata, stjórnarmyndunarumboð frá forseta Íslands. Með vísan til fyrri yfirlýsingar var strax leitast eftir að ná samstöðu um að halda áfram stjórnarmyndunarviðræðum við Bjarta framtíð, Viðreisn, Vinstrihreyfinguna grænt framboð og Samfylkinguna.

Nú hafa verið haldnir fjórir fundir með það að markmiði að finna leiðir til að samþætta megináherslur flokkanna. Þessar viðræður hafa gengið vel og hafa fulltrúar flokkanna nálgast hvern annan í veigamiklum málum.

Við höfum aðallega einbeitt okkur að tekju og útgjaldaliðum og höfum nú loks fengið aðgang að fjárlögum ásamt ýmsum forsendum fjárlaga til að geta forgangsraðað í samræmi við veruleika framlagðra fjárlaga. Við munum halda áfram að funda á morgun og um helgina á óformlegan hátt og er næsti fundur fyrirhugaður fyrir hádegi á morgun.

Við munum upplýsa um niðurstöður þeirra funda með sameiginlegri yfirlýsingu þegar tilefni er til.

Benedikt Jóhannesson, Birgitta Jónsdóttir, Katrín Jakobsdóttir, Logi Einarsson og Óttarr Proppé.“

«
»

Ummæli ()

Vinsamlegast athugið:
Ummæli eru á ábyrgð þeirra sem þau skrifa. Eyjan áskilur sér þó rétt til að fjarlægja óviðeigandi og meiðandi ummæli. Tilkynna má óviðeigandi ummæli í netfangið ritstjorn@eyjan.is

Vogunarsjóðir eignast helming í Arion-banka með liðsinni íslenskra lífeyrissjóða

Einkavæðingin í bankakerfinu er komin á fulla ferð. Meðal Benedikt Jóhannesson fjármálaráðherra undirbýr breytta eigendastefnu til að selja hlut ríkisins í fjármálastofnunum vinnur slitastjórn Kaupþings nú að því að ganga frá sölu á allt að 50 prósenta hlut félagsins í Arion banka í lokuðu útboði til bandarískra fjárfestingasjóða og hóps íslenskra lífeyrissjóða. Kaupverðið mun nema […]

Marine Le Pen neitaði að setja upp höfuðklút

Franska stjórnmálakonan Marine Le Pen og frambjóðandi í frönsku forsetakosningunum neitaði að setja upp höfuðklút áður en hún hitti æðsta klerk Líbanons Abdel Latif Derian á fyrirhuguðum fundi. Le Pen er í Líbanon til að reyna að höfða til kjósenda af fransk-líbönskum ættum fyrir fyrstu umferð frönsku forsetakosninganna sem fram fara þann 23. apríl næstkomandi. […]

Benedikt: Það liggur ekkert á að selja bankana

Bene­dikt Jóhann­es­son fjár­mála­ráð­herra og formaður Viðreisnar segir enga ástæðu til að flýta sölu á bönk­un­um og það sé í góðu lagi ef sölu­ferli rík­is­ins taki tíu ár. Í pistli sem ráðherra ritar á vefsíðu Viðreisnar segir Benedikt að hann geti vel ímyndað sér að 13% hlutur ríkisins í Arion Banka verði seldur fyrst en vanda […]

Norwegian fær ný flugrekstrarleyfi til Bandaríkjanna

Bandaríska loftferðaeftirlitið (FAA) veitti norska lággjaldaflugfélaginu Norwegian leyfi um helgina til að opna nýjar flugleiðir þar sem farið verður beinu flugi yfir Norður Atlantshaf milli Evrópu og austurstrandar Bandaríkjanna. Norwegian mun opna þessar nýju leiðir og hefja miðasölu strax á fimmtudag. Fargjöldin verða mjög lág eða undir 100 Bandaríkjadollarar hvora leið. Það eru um 11.000 […]

Hildur hættir í borgarstjórn

Hildur Sverrisdóttir hefur beðist lausnar sem borgarfulltrúi Sjálfstæðisflokksins í Reykjavík. Hildur var varaþingmaður Sjálfstæðisflokksins, en vegna sorglegs fráfalls Ólafar Nordal er hún orðin þingmaður. Marta Guðjónsdóttir tekur við af Hildi í borgarstjórn þegar lausnarbeiðni hennar verður tekin fyrir 7. mars næstkomandi. Fram að því hyggst Hildur koma útistandandi málum í góðan farveg: Ég mun halda […]

Ásta biðst afsökunar á umdeildum ummælum

Ásta Guðrún Helgadóttir, þingkona Pírata, birti nú fyrir skömmu afsökunarbeiðni á Facebook síðu sinni vegna ummæla sem hún lét falla í Silfrinu á RÚV um liðna helgi. Þar sagði Ásta að hún sæi ekki fram á að geta keypt sér íbúð í náinni framtíð þrátt fyrir að vera með um 800 þúsund krónur í laun […]

Vilja lög á laun þingmanna

Þing­flokkur Pírata hefur lagt fram frum­varp um breyt­ingar á lögum um kjara­ráð, vilja Píratar að kjara­ráð kveði upp nýjan úrskurð sem feli í sér launa­lækkun Alþing­is­manna og ráð­herra sem sam­svari því að laun þeirra fylgi almennri launa­þróun frá 11. júní 2013. Í fréttatilkynningu sem Píratar sendu frá sér fyrir stuttu bjóða þeir öðrum þingmönnum að […]

Lóðaskortsstefna borgarstjóra hefur stóraukið húsnæðisvandann

Guðfinna Jóhanna Guðmundsdóttir borgarfulltrúi Framsóknar og flugvallarvina segir Dag B. Eggertsson borgarstjóra ekki gera sér grein fyrir hlutverki sínu og ábyrgð, þess í stað sé hann að kenna öðrum um þegar það er hans eigin þéttingarstefna sem hefur aukið húsnæðisvandann í borginni. Borgarstjóri sagði í morgun að honum fyndist sem ný ríkisstjórn skili auðu í […]

Þarft að vera erfingi eða stóreignamaður til að fara inn á húsnæðismarkaðinn í dag

„Mér finnst ný ríkisstjórn skila auðu í húsnæðismálunum, það er ekkert um húsnæðismál í nýjum stjórnarsáttmála, það eru engin svör fyrir ungt fók sem vill þá fara inn á þennan kaupendamarkað. Ég er búinn að vera suða um það við ríkisstjórn, hina fyrri, í nokkur ár, að það eru nokkur dauðafæri innan borgarmarkanna, þar sem […]

Ráðast þarf að rótum vandans – Ekki krónunni

Vinna verður gegn háum raunvöxtum á Íslandi en ekki íslensku krónunni ef eyða á ójafnvæginu sem skapast með reglulegu millibili á Íslandi og leiðir til efnahagsáfalla. Endurskoðun peningastefnu Seðlabankans þarf að taka tillit til þess ef hún á að verða trúverðug. Þetta ssgir Sigurður Hannesson, framkvæmdastjóri hjá Kviku banka og fyrrverandi varaformaður framkvæmdahóps um losun […]

Óeirðirnar í Rinkeby: Sænska lögreglan skaut til að hæfa

Talsmaður sænsku lögreglunnar í Stokkhólmi hefur upplýst að lögreglumenn á vettvangi Rinkeby-hverfisins í gærkvöldi hafi talið sér svo ógnað að þeir hafi gripið til skotvopna þar sem þeir hleyptu af til að hæfa viðkomandi. Lögreglan mun því ekki einvörðungu hafa hleypt af viðvörunarskotum heldur miðað á mann eða menn og hleypt af. Skotið mun hins vegar […]

Óeirðir í úthverfi Stokkhólms: Kveikt í bílum og lögreglan skaut að óeirðaseggjum

Miklar óeirðir brutust út í gærkvöldi í Rinkeby sem er eitt úthverfa Stokkhólms, höfuðborgar Svíþjóðar. Samkvæmt frétt Expressen var kveikt í fjölda bifreiða. Norska Dagbladet skrifar í frétt á vef sínum að bílarnir hafi skipt tugum. Norska ríkisútvarpið segir hins vegar að þeir séu um tíu talsins. Óeirðaseggir munu einnig hafa brotist inn í verslanir. Lögregumenn sem fóru inn í hverfið […]

Trump hefur skipað nýjan þjóðaröryggisráðgjafa

Á blaðamannafundi í Mar-a-Lago tilkynnti Donald Trump, forseti Bandaríkjanna, um skipun nýs þjóðaröryggisráðgjafa. Þrátt fyrir að Trump hafi einungis verið 32 daga í embætti hefur einn slíkur ráðgjafi fallið úr skaftinu. Það var Michael Flynn en hann sagði af sér eftir að upp komst að hann hafði logið að Mike Pence, varaforseta, um samskipti sín […]

Sænskir lögregluþjónar fordæma frétt Fox News og Ami Horowitz: „Hann er snargalinn“

Hinir hrikalegu atburðir sem áttu sér stað í Svíþjóð síðasta föstudagskvöld, samkvæmt Donald Trump, eiga ekki við rök að styðjast. Greint var frá því í morgun að Bandaríkjaforseti hafi með orðum sínum verið að vísa í frétt Fox News um heimildamynd Ami Horowitz – „Stockholm Syndrome“ eða Stokkhólmsheilkennið. Kvikmyndir Horowitz þykja alla jafna einkennast af […]

Eyjan Miðlar ehf. - Kringlunni 4-12, 103 Reykjavík - eyjan (hjá) eyjan.is