Miðvikudagur 04.01.2017 - 23:41 - Ummæli ()

Samstarf við Viðreisn og Bjarta framtíð mætir mikilli tortryggni í Valhöll

Mynd: DV/Sigtryggur Ari

Mynd: DV/Sigtryggur Ari

Þungt hljóð var í mörgum þingmönnum Sjálfstæðisflokksins á fundi þingflokksins í gær, þar sem fjallað var um mögulegt stjórnarsamstarf með Viðreisn og Bjartri framtíð. Margir þingmenn flokksins óttast nauman meirihluta í slíku samstarfi og eru líka ósáttir við hugmyndir sem settar hafa verið fram um skiptingu ráðuneyta.

Eyjan hefur heimildir fyrir því að margir þingmenn Sjálfstæðisflokksins hafi lýst efasemdum á þingflokksfundinum um réttmæti þess að Sjálfstæðisflokkurinn fái aðeins fimm ráðherrastóla og embætti forseta Alþingis í slíku samstarfi meðan Viðreisn og Björt framtíð fái líka fimm ráðherraembætti. Mikill munur sé á þingstyrk flokkanna og líklegt að mikið álag verði á þingmenn Sjálfstæðisflokksins í nefndastarfi úr því stór hluti þingflokka Viðreisnar og Bjartrar framtíðar muni sitja í ríkisstjórn.

Ennfremur óttast fjölmargir þingmenn Sjálfstæðisflokksins að áherslur Viðreisnar og Bjartrar framtíðar, til dæmis í sjávarútvegs-, landbúnaðar- og Evrópumálum verði flokknum erfið, ekki síst úti á landsbyggðinni. Lýstu þeir áhyggjum sínum af því að Framsóknarflokkur og Vinstri græn geti gert sér mikinn mat úr því í stjórnarandstöðu gegn ríkisstjórn með aðeins eins manns meirihluta.

Bjarni Benediktsson, formaður Sjálfstæðisflokksins, heldur spilunum þétt að sér og hefur stuðning flokksfólks til að sigla málum í höfn, en hann fékk skýr skilaboð á þingflokksfundinum í gær um að tortryggnin í garð þessa stjórnarsamstarfs sé mikil.

Þingmenn flokksins telja flestir að málið sé komið of langt til að stöðva það, en snúið verði að ná samstöðu um stór mál í stjórnarsáttmála.

Samkvæmt heimildum Eyjunnar er gengið út frá því að ráðherrar Sjálfstæðisflokksins verði, auk Bjarna, Kristján Þór Júlíusson, Guðlaugur Þór Þórðarson, Ólöf Nordal og jafnvel Áslaug Arna Sigurbjörnsdóttir, ritari flokksins. Heimildir Eyjunnar herma að Bjarni Benediktsson vilji gera Brynjar Níelsson að formanni þingflokksins, Harald Benediktsson að formanni fjárlaganefndar og Birgi Ármannsson að forseta Alþingis.

«
»

Ummæli ()

Vinsamlegast athugið:
Ummæli eru á ábyrgð þeirra sem þau skrifa. Eyjan áskilur sér þó rétt til að fjarlægja óviðeigandi og meiðandi ummæli. Tilkynna má óviðeigandi ummæli í netfangið ritstjorn@eyjan.is

Útvarp Saga segir þingmann Pírata ráðast á sig

Útvarp Saga segir að Þórhildur Sunna Ævarsdóttir þingmaður Pírata hafi ráðist á sig úr ræðustól Alþingis í gær, en Þórhildur sagði gagnrýni talsmanna Útvarps Sögu á Evrópunefnd gegn kynþáttafordómum og umburðarleysi, ECRI, vera ómaklega. Í byrjun mánaðarins kom út skýrsla nefndarinnar í kjölfar reglubundinnar eftirlitsferðar hingað til lands, þar var greint frá áhyggjum af því […]

Páll uppljóstrar óknyttasögum – Ekki æskilegt viðkvæmum sálum

Páll Magnússon þingmaður Sjálfstæðisflokksins hefur deilt myndbandi þar sem hann segir sögur af vafasamri fortíð sinni sem ungur maður í Vestmannaeyjum. Vinur Páls stalst til að ná sögunum á myndband þar sem Páll rifjaði þær upp í Safnahúsinu í Vestmannaeyjum nýverið: Ég sagði þarna nokkrar óknyttasögur úr æsku minni og vina minna undir fyrirsögninni Miðbæjarvillingarnir, […]

Erdogan hótar Evrópubúum

Tayyp Erdogan forseti Tyrklands gaf í dag út aðvörun til íbúa Evrópu. Það gerði hann á fundi með tyrkneskum blaðamönnum í höfuðborginni Ankara. Orð hans féllu vegna deilna tyrkneska stjórnvalda við stjórnvöld í Hollandi og Þýskalandi um það hvort háttsettir tyrkneskir stjórnmálamenn megi halda kosningafundi fyrir tyrkneska íbúa í þessum löndum. Í næsta mánuði fer […]

Ruglingur um árásarmanninn í London

Mikil ringulreið er í bresku pressunni í kvöld vegna árásarinnar á breska þinghúsið í dag. Fullyrt var að Abu Izzadeen múslimaklerkur og talsmaður Al Ghurabaa-samtakanna hafi verið maðurinn sem var skotinn til bana af lögreglu fyrir utan breska þinghúsið í Lundúnum í dag en samkvæmt BBC er hann enn í fangelsi. Al Ghurabaa-samtökin eru bönnuð […]

Árni Páll: Eru 6% eðlileg fyrir framsækna vinstrið?

Kosningarnar í Hollandi voru léttir þar sem hægrisinnaðir útlendingahatandi popúlistar náðu ekki þeim árangi sem þeim hafði verið spáð. Það var líka gott að sjá góða kosningaþáttöku, sem sneri dæminu við. En hræðileg niðurstaða Verkamannaflokksins, PvdA, dregur enn og aftur upp þá mynd að það er rótgróinn jafnaðarmannaflokkur sem geldur fyrir vonbrigði og tilfinningar valdleysis […]

Lögreglan lítur á árásina sem hryðjuverk

Tveir liggja í valnum og nokkir liggja alvarlega særðir við breska þinghúsið í Lundúnum eftir að maður ók yfir fólk á Westminsterbrú, maðurinn klessti á girðingu við þinghúsið, stökk yfir girðinguna og stakk lögregluþjón á lóð þinghússins. Árásarmaðurinn var svo skotinn til bana af lögreglu. Scotland Yard segist líta á árásina sem hryðjuverk, en í […]

Oddviti Samfylkingarinnar um Eurovisionmálið: Hvað með fulltrúa Ísraels?

Gunnar Axel Axelsson oddviti Samfylkingarinnar í Hafnarfirði vonar að ferill fulltrúa Ísraels í Eurovision í ár verði skoðaður jafn náið og fulltrúi Rússlands. Pressan greindi frá því í hádeginu að fulltrúa Rússlands, hinni 27 ára gömlu Julu Samoylovu, er meinaður aðgangur að Úkraínu þar sem hún kom fram á tónleikum á Krímskaga, en það er […]

Geimverur kæmust að þeirri niðurstöðu að Ísland væri hættulegur og erfiður staður

Þráinn Bertelsson rithöfundur og fyrrverandi þingmaður segir að Ísland gæti orðið fyrsta þjóðin til að útrýma í sér mennskunni. Segir hann í pistli á vefsíðu sinni að ef geimverur væru að fylgjast með fréttum og fjölmiðlum á jörðinni þá yrði það niðurstaða þeirra að Ísland væri hættulegur og erfiður staður. Tilefni orða Þráins er alþjóðlegur […]

„Dagur hefur fengið að stunda þennan upptalningarleik sinn alltof lengi“

Í nýrri íbúðatalningu Samtaka iðnaðarins kemur fram að samdráttur er í byggingu íbúða í Reykjavík, voru færri íbúðir í byggingu í Reykjavík í síðasta mánuði en í september í fyrra. Í Hafnarfirði og á Seltjarnarnesi eru færri íbúðir í byggingu núna en í Kópavogi, Garðabæ og Mosfellsbæ er verið að byggja fleiri íbúðir nú en […]

Sigurður segir stjórnvöld brotin: „Veðmál vogunarsjóðanna gekk algjörlega upp“

Sigurður Hannesson framkvæmdastjóri há Kviku banka og og fyrr­ver­andi vara­formaður fram­kvæmda­hóps stjórn­valda um los­un hafta segir að veðmál vogunarsjóðanna hafa gengið upp en gagnrýnir stjórnvöld fyrir að segja eitt og gera annað. Sigurður sagði í Morgunútvarpinu á Rás 2 í morgun að höftin hafi þjónað sínum tilgangi að draga úr högginu sem varð við hrun […]

Þjóðararfinum ógnað: Börn í Hafnarfirði tala ensku í frímínútum

„Ég hef aldrei haft neinar sérstakar áhyggjur af slettum – þær koma og fara. […] Þegar krakkar eru hins vegar byrjaðir að tala saman og leika sér á ensku, þá erum við komin á allt annað stig,“ segir Eiríkur Rögnvaldsson, prófessor í íslensku við Háskóla Íslands í samtali við Morgunblaðið. Haft var eftir grunnskólakennara í […]

Hvergi í heiminum hefur húsnæðisverð hækkað eins mikið og á Íslandi

Sérfræðingar segja húsnæðisverð á Íslandi hafa hækkað um 14,7 prósent árið 2016. Hvergi í heiminum hækkaði verð á húsnæði eins mikið og á Íslandi. Í Evrópu hefur hækkunin verið að meðaltali um 5,4 prósent, en 6 prósent í öllum heiminum. Þetta kemur fram í skýrslu breska ráðgjafafyrirtækisins Knight Frank. RÚV greinir frá efni skýrslunnar þar […]

Ungum öryrkjum fjölgar: Kannabisreykja sig inn í örorku – Ekki magnið sem skiptir máli

„Það er hræðilegt til þess að vita að ungt fólk virðist ekki gera sér grein fyrir þessari miklu hættu,“ segir Anna Gunnhildur Ólafsdóttir, framkvæmdastjóri Geðhjálpar, um mikla aukningu ungra öryrkja. Hún segir allt að fjörutíu ungmenni veikjast árlega vegna geðraskana og vímuefnavanda. Margir kannabisreyki sig inn í geðrænan vanda. „Okkur heyrist a það sé mikil […]

Þórdís Kolbrún grét við rúmstokkinn: „Bið allt gott að hjálpa litla krílinu og foreldrunum“

„Þótt hægt sé að bægja mislingum frá með bólusetningum eru mislingar víða að skjóta upp kollinum í Evrópu um þessar mundir hjá óbólusettum einstaklingum, einkum í Rúmeníu. Utan Evrópu og Bandaríkjanna eru mislingar víða landlægir.“ Þetta segir Þórdís Kolbrún Gylfadóttir ferðamála, iðnaðar – og nýsköpunaráðherra á Facebook eftir fréttir þess efnis að barn hér á […]

Eyjan Miðlar ehf. - Kringlunni 4-12, 103 Reykjavík - eyjan (hjá) eyjan.is