Mánudagur 13.02.2017 - 15:44 - Ummæli ()

Áform ríkisstjórnarinnar um jafnlaunavottun í uppnámi: „Bara einhver vitleysa“

Brynjar Níelsson. Eyjan/Pressphotos.biz

Óhætt er að segja að áform Þorsteins Víglundssonar félagsmálaráðherra og ríkisstjórnarinnar um að lögfesta svonefnda jafnlaunavottun séu í uppnámi, því sífellt fjölgar þeim þingmönnum stjórnarliðsins sem lýsa efasemdum um málið og neita að styðja það.

Óli Björn Kárason lýsti því yfir í síðustu viku að hann gæti ekki stutt svo íþyngjandi ígrip í atvinnulífið og flokksbróðir hans Brynj­ar Ní­els­son, tekur í sama streng í samtali við Morgunblaðið.

Þá sagði Sig­ríður And­er­sen, dóms­málaráðherra á dögunum, að fyr­ir­liggj­andi gögn gæfu ekki til­efni til þess að full­yrða að kyn­bund­inn launamun væri á finna á vinnu­markaðinum.

Brást Hanna Katrín Friðriksson, þingkona Viðreisnar, hart við þeim ummælum Sigríðar og spurði hvort hún hefði kynnt sér stjórnarsáttmálann og gæti stutt ríkisstjórnina.

„Það er auðvitað meg­in­for­send­an ef ætl­un­in er að fara út í svona inn­grip að vanda­mál sem ætl­un­in er að leysa sé ör­ugg­lega til staðar. Það er al­veg frum­for­send­an,“ segir Brynjar.  „Menn verða að at­huga það að þetta er markaður, vinnu­markaður. Menn eru í sam­keppni þar. Það þýðir ekk­ert að fara að láta rík­is­valdið skipta sér af þessu.“

Þórlindur Kjartansson, ritstjóri Deiglunnar.

Brynjar líkir þessu við verðlags­eft­ir­lit af hálfu hins op­in­bera. „Þetta er bara ein­hver vit­leysa. Ég vona að menn end­ur­skoði þetta,“ segir hann.

Málið hefur töluvert til umræðu á samskiptamiðlum undanfarna daga. Þórlindur Kjartansson, áhrifamaður í Sjálfstæðisflokknum, hefur efasemdir um jafnlaunavottun.

Hann segir á fésbók:

„Ég veit ekki hvort pólitíkusarnir halda að „jafnlaunavottun“ sé bara eitthvað smámál sem er allt í lagi að keyra bara í gegn og vona svo það besta. En þetta er meiriháttar inngrip og afskiptasemi af rekstri fyrirtækja. Umræðan um þetta mál virðist eiga mest skylt við trúarbrögð, því allir sem reyna að skoða tölurnar og meta raunverulega þörfina, eru baulaðir niður af offorsi og með illindum.

Það er ekki lítið íþyngjandi ef ríkið ætlar að gera kröfu um að stýra launum í fyrirtækjum og neyða vinnuveitendur til þess að þurfa að gera ríkinu grein fyrir öllum þeim þáttum sem geta valdið því að starfsmenn, sem á yfirborðinu kunna að hafa mjög líkan prófíl, eru mjög mismunandi verðmætir fyrir reksturinn.

Vonandi fá hagsmunir minni og meðalstórra fyrirtækja (sem eru uppspretta langstærsta hluta verðmætasköpunar í landinu) smá sólarglætu—þótt líklega hafi fáir úr stétt stjórnmálamenn reynslu af rekstri slíkra fyrirtækja (enda flestir alið sína starfsævi hjá stórum fyrirtækjum eða ríkisvaldinu),“ segir hann.

«
»

Ummæli ()

Vinsamlegast athugið:
Ummæli eru á ábyrgð þeirra sem þau skrifa. Eyjan áskilur sér þó rétt til að fjarlægja óviðeigandi og meiðandi ummæli. Tilkynna má óviðeigandi ummæli í netfangið ritstjorn@eyjan.is

Aldrei fleiri fóstureyðingar en í fyrra – Mikil fækkun í yngsta aldurshópnum

Alls fóru 1021 kona í fóstureyðingar í fyrra og fjölgar þeim um næstum 100 milli ára. Þetta kemur fram í Talnabrunni landlæknisembættisins sem gefinn var út í gær. Árið 2016 var það fyrsta þar sem árlegur heildarfjöldi fóstureyðinga fer yfir þúsund. Frá árinu 2000 hafa fóstureyðingar verið fæstar 868 á einu ári. Samkvæmt tölum Hagstofunnar […]

Sighvatur Björgvinsson: Samfylkingin missti tiltrú þjökuð af innri deilum – vill að fyrrum forysta skýri sinn hlut

Sighvatur Björgvinsson fyrrum þingmaður og ráðherra Alþýðuflokksins og einn af stofnendum Samfylkingarinnar segir að flokkurinn hafi misst tiltrú kjósenda. Hrunið hafi byrjað þegar flokkurin gekk til stjórnarmyndunar með Sjálfstæðisflokki 2007 og úr varð hin svokallaða „hrunstjórn.“ Síðan hafi Samfylkingin leitt fyrstu hreinu vinstri stjórnina en mistekist í að ná fram nokkrum af helstu stefnumálum sínum. […]

Donald Trump Bandaríkjaforseti heldur upp á 100 daga embættisafmæli: Saknar fyrra lífs

Það er ekki auðvelt líf að vera forseti Bandaríkjanna. Ekki einu sinni þó maður sé milljarðamæringur og þurfi kannski ekkert endilega á þessu starfi að halda. Og sem æðsti valdamaður eins helsta stórveldis heims færð þú ekki einu sinni að keyra bíl. Þetta hefur Donald Trump lært á sínum fyrstu hundrað dögum sem 45. forseti Bandaríkja […]

Samtök ferðaþjónustunnar segja breytingar á virðisaukaskatti óvirðingu við greinina

Samtök ferðaþjónustunnar krefjast þess að fyrirhugaðar breytingar á virðisaukaskatti á ferðaþjónustu, sem greint er frá í fjármálaáætlun ríkisstjórnar Sjálfstæðisflokks, Viðreisnar og Bjartrar framtíðar til fimm ára verði slegnar af. Samtökin segja að þessar skattahækkanir muni valda því að ferðamenn stoppi skemur á landinu og halda sig í meira mæli á suðvestanverðu landinu.   Umsögn samtakanna […]

Gunnar Smári svarar Inga Frey: „Ég lagði í þessa tilraun allt mitt sparifé“

Gunnar Smári Egilsson sósíalistaleiðtogi svarar Inga Frey Vilhjálmssyni fyrrverandi starfsmanns síns á Fréttatímanum og segist ekki hafa gengið frá blaðinu með mikil verðmæti. Ingi Freyr birti harðorðan pistil á Stundinni í hádeginu í dag þar sem hann vandar Gunnari Smára ekki kveðjurnar og gagnrýnir hann harðlega fyrir að skilja starfsmenn eftir í fjárhagslegri óvissu á […]

Fyrrverandi blaðamaður Fréttatímans lætur Gunnar Smára heyra það: „Hvílíkt taktleysi og firring“

Ingi Freyr Vilhjálmsson fyrrverandi blaðamaður á Fréttatímanum lætur sinn fyrrverandi ritstjóra og útgefanda Gunnar Smára Egilsson heyra það. Í harðorðuðum pistli á Stundinni segir Ingi Freyr að mánudaginn 3.apríl síðastliðinn hafi starfsmenn Fréttatímans ekki fengið laun fyrir marsmánuð, Gunnar Smári hafi boðað forföll á skrifstofu blaðsins og mætt í útvarpsþáttinn Harmageddon á X-inu 977 þar […]

Krónan og Elko hafa ekki áhyggjur af Costco

Eigendur Krónunnar og Elko hafa ekki áhyggjur af áhrifum komu bandaríska  verslunarrisans Costco á íslenskan smásölumarkað. Í dag eru rúmar þrjár vikur þangað til Costco opnar í Kauptúni í Garðabæ og eru margir íslenskir neytendur orðnir mjög spenntir. Miðað við fyrri dæmi úr verslunarsögu Íslands, til dæmis þegar leikfangaverslunin Toys R‘ Us opnaði árið 2007 […]

Donald Trump segir líkur á „miklum átökum“ við Norður-Kóreu

Donald Trump, forseti Bandaríkjanna, segir líkur á „miklum, miklum átökum“ við Norður-Kóreu. Hann segist helst vilja leysa málið (Norður-Kóreu vandamálið) með samningum en það sé mjög erfitt. Því séu líkur á að á endanum komi til mikilla átaka Bandaríkjanna og Norður-Kóreu. Þetta sagði Trump í gær í viðtali við Reuters fréttastofuna. Kjarnorkuvopna- og eldflaugatilraunir Norður-Kóreu […]

Fjármálaráðherra: Stjórnin mun ekki hætta við hækkun VSK í ferðaþjónustu

Benedikt Jóhannesson efnhags- og fjármálaráðherra var gestur hjá Birni Inga Hrafnssyni í sjónvarpsþættinum Eyjan á ÍNN í gærkvöldi. Víða var komið við í tæplega 40 mínútna löngu viðtali. Ráðherrann fór yfir ýmis mál sem ríkisstjórnin og þá einkum ráðherrar Viðreisnar hafa unnið að fyrstu hundrað dagana síðan ríkisstjórn Sjálfstæðisflokks, Bjartrar framtíðar og flokks fjármálaráðherra hafa […]

Vilhjálmur spyr: Hví í ósköpunum gera Alþingismenn ekkert í þessu?

Formaður Verkalýðsfélags Akraness, Vilhjálmur Birgisson, skrifar í pistli á Pressuna um hækkanir á skuldum heimilanna. Tilefni þess eru nýjar verðbólgutölur Hagstofu Íslands sem sýna að verðbólgan hér er einungis 1,9% á tólf mánaða tímabili. Vilhjálmur segir að þetta þýði, á mannamáli, að „verðtryggðar skuldir heimilanna hafa hækkað um 38 milljarða á síðustu 12 mánuðum en […]

Ímynd líkamsræktarstöðva trompar ekki mannréttindi

Erna Ýr Öldudóttir skrifar: Alvarleg þróun er að eiga sér stað ef að aðilar telja sig geta ruðst inn í einkalíf og líkama viðskiptavina sinna. Með því að taka lífsýni úr einstaklingum er verið að reyna að stjórna lífsstíl þeirra. Í frétt á Vísi í dag segjast forsvarsmenn líkamsræktarstöðvanna Reebok Fitness og Sporthússins vera jákvæðir […]

Davíð segir Bjarna fara með „tóma þvælu“: „Íslandsmet í viðsnúningi“

Davíð Þorláksson fyrrverandi formaður Sambands Ungra Sjálfstæðismanna, SUS, gagnrýnir Sjálfstæðisflokkinn harðlega vegna ákvörðunar ríkisstjórnarinnar að hækka virðisaukaskatt um 11% og segir hana stangast á við stefnu flokksins sem var ákveðin á landsfundi og hljóti að vera Íslandsmet í viðsnúningi. Vísar Davíð, sem starfar nú við ferðaþjónustu, í ályktun á síðasta landsfundi Sjálfstæðisflokksins þar sem flokkurinn […]

Ragnheiður Elín komin í stjórn Landsvirkjunar

Ragn­heiður Elín Árna­dótt­ir fyrr­ver­andi iðn­að­ar- og við­skipta­ráð­herra er komin í stjórn Landsvirkjunar. Ragnheiður var skipuð af Benedikt Jóhannessyni fjármála- og efnahagsráðherra á aðalfundi Landsvirkjunar í dag. Har­aldur Flosi Tryggva­son lög­maður og fyrr­ver­andi stjórn­ar­for­maður Orku­veitu Reykja­vík­ur og Kristín Vala Ragn­ars­dótt­ir pró­fessor við jarð­vís­inda­deild Háskóla Íslands, koma líka ný inn í stjórn­ina en þar sitja áfram Álfheiður […]

Staða borgarinnar batnar – Halldór: „Það þarf rekstrarhugsun“

Ársreikningur Reykjavíkurborgar fyrir árið 2016 sýnir að rekstur borgarinnar fer batnandi en rekstrarsamstæða borgarinnar skilar jákvæðum rekstri upp á 26,5 milljarða, sem er 15 milljörðum betri en áætlað var. Í bókun borgarráðsfulltrúa Sjálfstæðisflokksins segir að þetta sé ekki seinna vænna, rekstur Reykjavíkurborgar hafi verið í algjörum ólestri allt þetta kjörtímabil sem og kjörtímabilið 2010-2014. Allt […]

Eyjan Miðlar ehf. - Kringlunni 4-12, 103 Reykjavík - eyjan (hjá) eyjan.is