Fimmtudagur 16.02.2017 - 14:47 - Ummæli ()

Ritstjóri, fyrrum þingmaður og ráðherra varar við uppgangi fasisma í vestrænum ríkjum

Björgvin G. Sigurðsson ritstjóri og fyrrum þingmaður og ráðherra.

Björgvin G. Sigurðsson ritstjóri og fyrrum alþingismaður Samfylkingar og viðskiptaráðherra skrifar harðorðan leiðara í nýjasta tölublaði héraðsfréttablaðsins Suðra sem kom út í dag. Björgvin er ritstjóri blaðsins.

Leiðarinn ber titilinn „Trump og tónarnir frá þriðja ríkinu.“

Þar skrifar Björgvin:

Framrás popúlískra rasistaflokka í kjölfar kreppu og vantrausts á hefðbundnum stjórnmálum hófsemi, mannúðar og lýðræðis er sláandi. Flestir hefðu talið óhugsandi fyrir nokkrum mánuðum að maður með málflutning og framgöngu Donalds Trump yrði kosinn forseti Bandaríkjanna eða að meirihluti kjósenda í Bretlandi kysi með úrgöngu úr ESB, eftir lengsta samfellda skeið hagsældar og friðar í álfunni.

Björgvin segir hægri popúlistana ala á tortryggni og andúð á því óþekkta og útlenda með þeim afleiðingum að kunnulegur ómur frá þriðja ríkis nasista kveði við víða um lönd.

Þetta eru andstyggileg stjórnmál sem ganga út á fordóma gangvart tilteknum hópum trúarbragða og kynþátta sem eru brennimerktir óvinir ríkisins og fasísk fordæming á þeim réttlætt með ýmsum hætti. Það er hættulegt lýðræði og frjálslyndum stjórnmálum samvinnu og mannúðar að taka þessari þróun af léttúð eða umburðarlyndi.

Seinni hluti leiðarans er eftirfarandi:

Trump og tónarnir frá tímabili fasista eru óhugnanlegir og margir eru slegnir óhug yfir stöðu mála og þeim hraða sem er á þróuninni. Vonandi stöðva franskir kjósendur Marine Le Pen í forsetakosningunum í vor og kjósendur annarra ríkja álfunnar aðra sambærilega skrumara sem grafa undan mannúð, mildi og samúð með lítilmagnanum. Sjaldan hefur verið meiri þörf fyrir öfluga og samhenta flokka sem grundvallast á jöfnuði og félagslegri velferð. Slíkir eiga hinsvegar undir högg að sækja, heima og heiman, eru víða sundraðir og úrræðalausir gangvart óreiðu stjórnmála samtímans. Vonandi verður viðsnúningur á og hófsamir og frjálslyndir flokkar nái vopnum sínum og völdum sem víðast. Hinsvegar er nauðsynlegt að taka þróunina grafalvarlega. Því ber flokkum og fylkingum sem kenna sig við gildi umburðarlyndis, lýðræðis og mannúðar að taka höndum saman. Stilla saman strengi og ganga samstilltir fram gegn öfgum og óhugnaði ný-fasista af hvaða tagi sem er.

Björgvin G. Sigurðsson var þingmaður Samfylkingar 2003 til 2003 og viðskiptaráðherra í ríkisstjórn Sjálfstæðisflokks og Samfylkingar undir forsæti Ingibjargar Sólrúnar Gísladóttur 2007 til 2009.

Héraðsfréttablaðið Suðri er gefið út af Vefpressunni. Nýjasta tölublaðið má lesa á netinu með því að smella hér.

«
»

Ummæli ()

Vinsamlegast athugið:
Ummæli eru á ábyrgð þeirra sem þau skrifa. Eyjan áskilur sér þó rétt til að fjarlægja óviðeigandi og meiðandi ummæli. Tilkynna má óviðeigandi ummæli í netfangið ritstjorn@eyjan.is

Verri þjónusta er betri þjónusta

Ef eitthvað er idjótískt í nútímanum – og er í rauninni angi af þeirri nauðhyggju að öll tækniþróun sé skilyrðislaust af hinu góða – þá er það þegar reynt er að sannfæra mann um að lakari þjónusta sé í raun betri þjónusta.

Samtök atvinnulífsins segja kominn tíma til að stytta grunnskólanám: Getur mildað áhrif kennaraskorts

Samtök atvinnulífsins segja það vera kominn tími til að skoða af alvöru að stytta grunnskólanám um eitt ár. Fram kemur í grein á vef SA að það kunni að felast verðmæt tækifæri í að láta grunnskólann ná aðeins upp í 9.bekk, þar á meðal sé hægt að hægt að hækka laun kennara og milda áhrif […]

Björn Valur: Þarf að staðfesta að endurritið sé hið raunverulega samtal

Björn Valur Gíslason er í bankaráði Seðlabankans. Hann segir alvarlegt að trúnaðargögn hafi farið úr bankanum og endað á fjölmiðli. Þar á hann við símtal Davíðs Oddssonar þáverandi seðlabankastjóra og Geirs H. Haarde þáverandi forsætisráðherra sem birt var í Morgunblaðinu um helgina. Fjölmargir fjölmiðlar hafa reynt að fá samtalið afhent frá Seðlabankanum en verið hafnað. […]

Píratar vinna við að bjarga heimasíðu Sjálfstæðisflokksins

Þingmenn og áhrifamenn innan Pírata vinna nú að því að bjarga vefsíðum vefhýsingarfyrirtækisins 1984 sem hrundi í síðustu viku. Margar vefsíðu fóru illa út úr hruninu, þar á meðal vefur Eiríks Jónssonar sem og vefir Pírata og Sjálfstæðisflokksins. Fram kom í twitter-færslu frá 1984 í gær að þingmennirnir Helgi Hrafn Gunnarsson og Smári McCarthy ynnu […]

Magnús: Eitthvað allt annað en gagnleki þegar upplýsingarnar eru notaðar eftir hentugleika

„Gagnalekar sem hafa þann tilgang að upplýsa almenning um sitthvað misjafnt, jafnvel lögbrot, í störfum og fjármálum ráða- og efnamanna hafa löngu sannað mikilvægi sitt fyrir framgang lýðræðisins. En að hafa á brott með sér upplýsingar frá ríkisstofnun, þegar viðkomandi er sagt upp störfum, til þess að nýta þær upplýsingar svo eftir hentugleika jafnvel mörgum […]

Kjarkur Katrínar

Kolbrún Bergþórsdóttir skrifar: Það virðist ekki eiga sérlega vel við stóran hóp innan Vinstri grænna að horfast í augu við þá ábyrgð sem fylgir því að taka að sér stjórn landsins. Þar er einungis horft í eina átt – til vinstri – þrátt fyrir að úrslit nýafstaðinna kosninga hafi síst af öllu verið ákall um vinstri […]

Uppreist æra í stað siðbótar

Kristinn H. Gunnarsson skrifar: Ákvörðun Vinstri hreyfingarinnar, græns framboðs um stjórnarsamstarf með Sjálfstæðisflokki reisir æru  formanns Sjálfstæðisflokksins upp frá dauðum og frestar um sinn óhjákvæmilegri siðbót í íslenskum stjórnmálum. Það er stöðugt vaxandi krafa almennings að þeir stjórnmálamenn eigi að víkja af vettvangi stjórnmálanna sem blanda saman eigin hagsmunum og almannahag. Eftir bankahrunið er lítil […]

Af hverju ekki þau hæfustu?

Prestar teljast til fagstétta. Fagstéttar sem er með sérhæfða menntun á háskólastigi og sérhæfðan þekkingargrunn sem starfið byggir á. Um er að ræða lögverndað og skilgreint starfsvið, eigið stéttarfélag, eigin siðareglur og gefið er út fagtímarit. Prestar eru opinberir embættismenn sbr. 22. gr. laga nr. 70 frá árinu 1996 og starfa samkvæmt þeim skyldum, sem […]

Stór mál fyrir íbúa Suðurnesja

Sigurður Jónsson skrifar: Fyrir síðustu Alþingiskosningar voru kjósendur spurðir hvað þeir teldu vera helstu forgangsmál á næstunni. Stærsti hópurinn taldi heilbrigðismálin skipta mestu. Þar þyrfti vikilega að bæta ástandið,sem kallaði á aukið fjármagn úr ríkiskassanum. Einnig voru málefni aldraðra mjög hátt á forgangslista aldraðra.   Byggir nýtt sveitarfélag hjúkrunarheimili? Það vantar víða hjúkrunarrými fyrir eldri borgara. […]

Samkeppni um listaverk á vegg sjávarútvegshússins -Hjörleifur tjáir sig ekki

Atvinnuvega- og nýsköpunarráðuneytið hefur ákveðið í samráði við Samtök íslenskra myndlistamanna að efna til samkeppni um nýtt listaverk sem prýða skal gafl sjávarútvegshússins. Eins og kunnugt er var málað yfir mynd af „sjómanninum“ í sumar, sem prýddi gaflinn í næstum tvö ár, sem hluti af Iceland Airwaves tónlistarhátíðinni. Var Hjörleifur Guttormsson, fyrrum ráðherra, sagður einn […]

Enn frestar Hannes skýrslunni – Átti að birtast eftir helgi

Hannes Hólmsteinn Gissurarson, prófessor í stjórnmálafræði við HÍ og höfundur skýrslu um bankahrunið, sem til stóð að gefa út núna á mánudaginn, hefur frestað birtingu hennar fram í janúar. Þetta segir hann í pistli á Pressunni. Skýrslan hefur tekið um þrjú ár í vinnslu, en átti upphaflega að koma út árið 2015, samkvæmt samningi Félagsvísindastofnunnar […]

Vilja fá sérstakt ráðuneyti öldrunarmála -Skora á stjórnarmyndunarflokkana

Landssamband eldri borgara hefur sent frá sér áskorun, sem samþykkt var á stjórnarfundi félagsins í gærkvöldi. Þar er skorað á þá stjórnmálaflokka sem nú ræða myndun ríkisstjórnar, að stofna sérstakt embætti ráðherra öldrunarmála. Þórunn Sveinbjörnsdóttir er formaður Landssambands eldri borgara. Telur hún áskorunina raunhæfa ?   „Já við erum að horfa til þess að í […]

Sigmundur baunar á stjórnarmyndunarflokkana

Sigmundur Davíð Gunnlaugsson, formaður Miðflokksins, ritaði pistil á heimasíðu flokksins í dag. Þar segir hann meðal annars að Vinstri grænir séu að veita Sjálfstæðis-flokknum „uppreist æru“ og vitnar þar í málið sem varð til þess að Björt framtíð sleit stjórnarsamstarfinu við Sjálfstæðisflokkinn og Viðreisn.       Þá spáir hann því einnig að Bjarni Benediktsson […]

Jóhanna Sigurðardóttir rifjar upp gömul svik Jóns Baldvins

Jóhanna Sigurðardóttir, fyrrverandi forsætisráðherra, var gestur Kastljóssins í gærkvöldi í tilefni af útgáfu ævisögu hennar, Minn tími. Meðal þess sem kom fram í þættinum var upprifjun Jóhönnu á samskiptum hennar við Jón Baldvin Hannibalsson, en þau voru oft á tíðum erfið meðan þau voru samherjar í Alþýðuflokknum. Þau voru bæði ráðherrar í Viðeyjarstjórn Davíðs Oddsonar […]

Frjáls fjölmiðlun ehf. - Kringlunni 4-12, 103 Reykjavík - eyjan (hjá) eyjan.is