Fimmtudagur 16.02.2017 - 11:57 - Ummæli ()

Sjómannaverkfall í hnút: Sjómenn fá hvatningu frá skipstjóra við Svalbarða

Helga María AK 16, sem er ísfisktogari í eigu HB Granda hefur nú eins og önnur fiskiskip flotans legið bundin við bryggju í tvo mánuði vegna kjaradeilu sjómanna og sjávarútvegsfyrirtækja.

Kjaradeila sjómanna og útgerðarfyrirtækja virðist komin í mjög harðan hnút eftir að slitnaði upp úr viðræðum í nótt. Ljóst er að mikill þrýstingur er að verða á að deilan leysist ef loðnuvertíðin á ekki að fara gersamlega í vaskinn með milljarða tjóni fyrir þjóðina.

 

Eiríkur Sigurðsson skipstjóri á eistneska rækjutogaranum Reval Viking sem er að veiðum í hafísnum lengst norður við Svalbarða sendir íslenskum sjómönnum hvatningu af miðunum. Orðsendinguna birti hann upphaflega á Facebook-síðu sinni í byrjun vikunnar þar sem hún vakti mikla athygli. Hana má nú lesa í heild í landshlutafréttablaðinu Vesturlandi sem kemur út í dag. Eiríkur skrifar meðal annars:

Ég er ekki á íslenskum kjarasamningum og á því ekki beinna hagsmuna að gæta í sambandi við verkfall sjómanna og því getur enginn sagt að eftirfarandi pistill sé skrifaður í eiginhagsmunaskini. Ég nýt því þeirra forréttinda, öfugt við marga, að geta sagt það sem ég hugsa án þess að eiga á hættu að missa plássið.

Síðan lýsir Eiríkur starfi sjómanna:

Sífellt færri skilja hvernig starf sjómennska er, vegna þess að þjóðfélagið hefur breyst og sjómönnum fækkað. Því eru færri sem hafa reynslu af sjómennsku eða eiga fjölskyldumeðlimi eða vini á sjó. Þess vegna verður líka erfiðara að útskýra fyrir fólki að sjómenn eigi að hafa góð laun fyrir sína erfiðu og hættulegu vinnu, sem er þar að auki undirstaða þess að þjóðfélagið virki.

Eiríkur skrifar að flestum þeirra sem fjárfest hafi í íslenskum sjávarútvegi sé sétt sama um sjómenn. Peningarnir ráði öllu:

Þorski landað í Reykjavíkurhöfn í gærkvöldi. Einungis smábátar geta róið í verkfallinu. Stærri skip liggja bundin.

Núna eru sum stærstu útgerðarfélögin komin á hlutabréfamarkað og mikill þrýstingur þaðan
að skila flottum uppgjörum sem sýna methagnað. Fjárfestum er flestum skítsama um sjómenn. Ef þeir kæmust upp með það mundu þeir ráða vinnuafl frá láglaunasvæðum á borð við Kína og Filippseyjum til að auka gróðann. Þetta eru þeir sem þjóðin treystir fyrir sinni verðmætustu auðlind, sem eru sameiginlegir fiskistofnar.

Sjómenn eru ekkert góðir í að kynna sig og sín störf . Þeir eru mjög lélegir í að halda uppi áróðri í kjarabaráttu, öfugt við viðsemjendur sem hafa heilu fjölmiðlana og auglýsingastofurnar á sínu bandi til að matreiða boðskapinn á réttan hátt og troða honum ofan í kokið á almenningi. Þar fer Mogginn fremstur í flokki og heldur úti fréttaflutningi sem er mjög einhliða og oft rangur. Þar á bæ hika menn ekki við að slá upp tölum um laun sjómanna sem eiga sér enga stoð í raunveruleika flestra og finnast aðeins í einhverjum undantekninga tilvikum, og varla það. Margir sjómenn eru á mjög lágum launum þó lítið sé talað um það og kemur vafalaust einhverjum á óvart.

Um sjómannaafsláttinn segir hann meðal annars þetta:

Umræðan um sjómannafsláttinn, sem aldrei var mjög hár, hefur lengi verið fáránleg. Það eru  ekki allir sem vita að það er langt síðan hann var lagður niður en engar bætur komið fyrir. Að sjálfsögðu átti útgerðin að bæta það, því honum var komið á til að styrkja hana á erfiðum tíma fyrir löngu.

Einnig kemur skipstjórinn inn á það að sjómenn skuli sæta svokölluðu nýsmíðaálagi á sínar tekjur:

Frystitogarinn Guðmundur í Nesi í Reykjavíkurhöfn í gærkvöldi.

Sjómenn eru neyddir til að borga talsvert stóran hlut af kostnaði við nýsmíði fiskiskipa en eignast samt ekkert í skipunum, sem er furðulegt. Það væri, að ég held, hvergi annarsstaðar samþykkt að launþegar væru látnir borga fyrir atvinnutæki. Nú stendur til að byggja nýtt sjúkrahús. Er líklegt að læknar og hjúkrunarfólk mundu samþykkja að borga 10 prósent af kostnaðinum? Ég held varla, enda jafn fáránlegt og að sjómenn borgi fyrir smíði skipa. Svo má nefna þætti eins og verðmyndun á fiski, þar sem útgerðin er oft að selja sjálfri sér aflann á undirverði en það verð svo notað til að gera upp við sjómenn í hlutaskiptakerfi.

Lokaorðin í grein Eiríks eru þessi:

Þeir sem sjá um að semja fyrir útgerðarmenn hafa lítinn skilning á ofannefndum atriðum. Þess vegna eru sjómenn ennþá í verkfalli, því miður. Það er nánast óskiljanlegt þegar útgerðin sýnir methagnað ár eftir ár. Pressan frá hlutabréfamarkaðnum ásamt kröfunni um háar arðgreiðslur veldur því hins vegar að núna á að svelta menn til hlýðni.

Áfram sjómenn i kjarabaráttu – ef þið gefið eftir núna verður helmingi erfiðara að ná þessum sanngjörnu kröfum næst.

Vesturland má lesa með því að smella hér. Grein Eríks í heild sinni er á síðu 6.

 

 

«
»

Ummæli ()

Vinsamlegast athugið:
Ummæli eru á ábyrgð þeirra sem þau skrifa. Eyjan áskilur sér þó rétt til að fjarlægja óviðeigandi og meiðandi ummæli. Tilkynna má óviðeigandi ummæli í netfangið ritstjorn@eyjan.is

Fjögur nýsköpunarfyrirtæki hljóta viðurkenningar fyrir samstarf

Í dag afhenti Kristján Þór Júlíusson sjávarútvegsráðherra viðurkenningar til fjögurra fyrirtækja innan Íslenska sjávarklasans sem skarað hafa framúr við að efla samstarf við önnur fyrirtæki. Fyrirtækin sem hlutu viðurkenningu eru Navis, Evris, Iceland Sustainable Fisheries og Knarr Maritime. Navis hlýtur viðurkenningu fyrir að efla samstarf tæknifyrirtækja um hönnun á umhverfisvænum skipum. Evris hlýtur viðurkenningu fyrir […]

Grein Hannesar á skjön við skýrslu Rannsóknarnefndar – „Því var bjargað sem bjargað varð“

Í tilefni 70 ára afmælis Davíðs Oddssonar ritar Hannes Hólmsteinn Gissurason eina og hálfa opnu um aðkomu Davíðs að bankahruninu í Morgunblaðinu í dag. Í Stundinni kemur fram að Hannes sé ósammála niðurstöðum rannsóknarnefndar Alþingis og lýsi Davíð sem bjargvætti Íslands í hruninu, en það sé söguskýring sem Hannes kenni í skyldunámskeiði í Háskóla Íslands. […]

Samkeppniseftirlitið hafnar kröfu Símans – Skilyrði samnings verða óbreytt

Samkeppniseftirlitið hefur hafnað kröfu Símans um að breyta skilyrðum samnings milli Fjarskipta hf. (Vodafone) og 365 miðla hf. Þetta kemur fram í tilkynningu frá Samkeppniseftirlitinu. Þann 9. október sl. heimilaði Samkeppniseftirlitið kaup Fjarskipta hf. (Vodafone) á tilteknum eignum og rekstri 365 miðla hf. Samruninn er háður skilyrðum sem Samkeppniseftirlitið og samrunaaðilar gerðu sátt um.   […]

Forsætisráðherra fundaði með formanni landsstjórnar Grænlands

Katrín Jakobsdóttir, forsætisráðherra, átti fund með Kim Kielsen, formanni landsstjórnar Grænlands í dag. Á fundinum var rætt um góð samskipti Íslands og Grænlands, stöðu efnahagsmála og stjórnmála. Þetta kemur fram í tilkynningu frá forsætisráðuneytinu. Mikilvægi Vestnorræna ráðsins kom til umræðu og aukin samvinna Íslands og Grænlands, meðal annars á sviði ferðamála.Vaxandi straumur ferðamanna er fyrirliggjandi […]

Skúli Helgason stefnir á 3. sætið hjá Samfylkingunni

Borgarfulltrúinn Skúli Helgason gefur kost á sér í 3. sæti í flokksvali Samfylkingarinnar fyrir komandi borgarstjórnarkosningar sem fram fer 10. febrúar næstkomandi. Þetta kemur fram í tilkynningu. Skúli hefur verið borgarfulltrúi í eitt kjörtímabil, í meirihlutasamstarfi undir forystu Samfylkingarinnar og stýrir einum viðamesta málaflokknum í borgarmálunum, skóla- og frístundamálum.   Skúli er menntaður stjórnmálafræðingur frá […]

Gjörbreyting á Kringlusvæðinu – Fyrirhuguð uppbygging gerir ráð fyrir Borgarlínu

Í dag skrifuðu Dagur B. Eggertsson borgarstjóri og Guðjón Auðunsson forstjóri Reita undir viljayfirlýsingu Reykjavíkurborgar og Reita um uppbyggingu á Kringlureitnum og verður það umfangsmesta uppbygging á svæðinu frá því verslunarmiðstöðin Kringlan var opnuð árið 1987. Reitir og Reykjavíkurborg munu vinna saman að nýju rammaskipulagi fyrir svæðið og breyta gildandi skipulagsáætlunum. Miðað er við að […]

Björn Valur: „Árni Páll til liðs við stjórnina?“

Björn Valur Gíslason, fyrrum varaformaður Vinstri grænna, veltir því fyrir sér á heimasíðu sinni hvort að Árni Páll Árnason, fyrrum formaður Samfylkingarinnar, sé ekki vel til þess fallinn að liðsinna ríkisstjórninni þegar kemur að málefnum ESB og Brexit.   Björn Valur dáðist að framgöngu Árna Páls í Silfrinu um helgina, hvar hann ræddi Brexit af […]

Reykjavíkurborg fær falleinkunn í þjónustukönnun Gallup

Reykjavíkurborg fær lægstu einkunn í nýrri þjónustukönnun Gallup, þegar þjónusta borgarinnar við leik- og grunnskóla, eldri borgara og fatlaða er borin saman við önnur sveitafélög. Þetta kemur fram á Kjarnanum.   Mælist Reykjavíkurborg einnig neðst í heildaránægju íbúa af sveitafélagi sínu. Hún mælist þó ekki neðst í öllum flokkum, þó litlu muni. Garðabær mælist efstur […]

Davíð Oddsson sjötugur í dag – „Ég er ekk­ert að hugsa um að hætta“

Davíð Oddsson, ritstjóri Morgunblaðsins og fyrrverandi forsætisráðherra, er sjötugur í dag. Af því tilefni fór hann í viðtal á útvarpsstöð Árvakurs, K100, í morgun. Þar kvaðst hann ekki ætla að setjast í helgan stein, líkt og tveir forverar hans, þeir Styrmir Gunnarsson og Matthías Johannessen gerðu þegar þeir urðu sjötugir. Davíð var hress og kátur […]

Kjartan vill endurskoða samning ríkis og borgar um samgöngumál

Kjartan Magnússon, borgarfulltrúi Sjálfstæðisflokksins, flutti tillögu þess efnis á borgarstjórnarfundi í gær, að endurskoða þyrfti samning ríkis og borgar um samgöngumál frá árinu 2013, með því augnarmiði að hægt verði að fara í stórframkvæmdir í samgöngumálum í borginni. Samningurinn kveður á um svokallað „framkvæmdarstopp í samgöngumálum Reykjavíkurborgar“ að sögn Kjartans og að ríkið veiti borginni […]

Konur brjóta blað í Atvinnuveganefnd Alþingis

Atvinnuveganefnd hefur störf á morgun að loknu jólaleyfi. Nú ber svo við að eingöngu konur stýra starfi nefndarinnar. Lilja Rafney Magnúsdóttir VG, er formaður, Inga Sæland Flokki fólksins er 1. varaformaður og Halla Signý Kristjánsdóttir Framsóknarflokki er 2. varaformaður.   Mun það ekki hafa áður gerst að eingöngu konur veittu þessari nefnd eða fyrirrennurum hennar […]

Kjartan vill vera áfram bæjarstjóri í Reykjanesbæ: „Ég er alveg til í það“

Kjartan Már Kjartansson, bæjarstjóri í Reykjanesbæ, segist áfram vilja starfa sem slíkur, en hann var ráðinn af núverandi meirihluta eftir sveitastjórnarkosningarnar árið 2014, en meirihluta skipa Bein leið, Frjálst afl og Samfylking. Kjartan er fyrrum bæjarfulltrúi Framsóknarflokksins en var ráðinn á faglegum forsendum, ekki pólitískum. Þetta kemur fram í Víkurfréttum.       Aðspurður hvort […]

Helgi Seljan sakar formann Varðar um seinheppni – Formaðurinn býður Helga í Valhöll til að læra um húmor

Í dag byrjaði utan-kjörfundaratkvæða-greiðsla í leiðtogakjöri Sjálfstæðisflokksins í Reykjavík, en leiðtogakjörið sjálft er þann 27. janúar. Vörður, fulltrúaráð sjálfstæðisfélaganna í Reykjavík, sér um framkvæmdina, en formaður hennar, Gísli Kr. Björnsson, greiddi atkvæði sitt í morgun.   Gísli birti mynd af sér við athöfnina, líkt og tíðkast. Birti hann myndina á Facebooksíðu sinni. Netverjum brá sumum […]

Stofna á ungmennaráð Heimsmarkmiða sameinuðu þjóðanna

Greint var frá fyrirhugaðri stofnun ungmennaráðs Heimsmarkmiða Sameinuðu þjóðanna á ríkisstjórnarfundi í morgun. Forsætisráðuneytið mun óska eftir umsóknum í ungmennaráð Heimsmarkmiða Sameinuðu þjóðanna 31. janúar nk. og mun sérfræðingur í þátttöku barna og ungmenna hjá UNICEF á Íslandi halda utan um skipulag og vinnu ráðsins. Eitt af meginstefum Heimsmarkmiðanna er samvinna milli ólíkra hagsmunaaðila, þ.á […]

Frjáls fjölmiðlun ehf. - Kringlunni 4-12, 103 Reykjavík - eyjan (hjá) eyjan.is