Föstudagur 17.02.2017 - 11:43 - Ummæli ()

Gamalt íslenskt fiskiskip á að færa Norðmönnum gull

Lundey, eitt elsta fiskiskip íslenska flotans, hefur legið misserum saman verkefnalítið í Akraneshöfn. Nú hafa Norðmenn keypt þetta skip sem Íslendingar kærðu sig ekki um fyrir aðeins 124 milljónir króna og ætla að stórgræða á henni.

HB Grandi hefur selt uppsjávarveiðiskipið Lundey til Noregs. Skipið hefur legið ónotað að mestu um misseraskeið í Akraneshöfn og algerlega verkefnalaust síðan nýsmíðarnar Venus og Víkingur komu til landsins. Lundey sem að upphafi til hefur verið í þjónustu Íslendinga síðan 1960 er þegar farin til Noregs. Þangað var hún seld fyrir 124 milljónir íslenskra króna. Hlutverki skipsins virðist hvergi lokið. Rætist væntingar Norðmanna sem keyptu skipið þá mun Lundey nú brjóta blað í nýtingu nytjastofna í Atlantshafi og skila eigendum sínum glóandi gulli í farmavís. Landshlutafréttablaðið Vesturland greinir frá þessu.

Í Noregi verður Lundey útbúin til veiða á laxsíld. Margar fiskitegundir tilheyra hópi laxsílda og er gulldeplan einna algengust. Þetta eru smávaxnir svartir fiskar búnir ljósfærum sem senda frá sér litla blossa í hafdjúpunum. Laxsíld finnst í geysilegu magni á um 200 til 1.000 metra dýpi yfir úthafinu í öllum heimshöfum en stendur oft dreift í sjónum. Vísindamenn telja að milljarðir tonna finnist af þessum fiskum í höfunum. Þessir fiskistofnar hafa nánast ekkert verið nýttir af mannkyninu en teljast mikilvæg fæða fyrir ýmsa fiska og hvali.

Laxsíldir munu finnast víða og í veiðanlegu magni – líka í lögsögu Íslands. Íslendingar hafa hins vegar ekki áhuga á að nýta þennan litla fisk sem verður vart stærri en 10 sentimetra langur.

Nú ætla Norðmenn að breyta þessu. Norska sjávarútvegsblaðið Fiskeribladet greindi frá því í janúar sl. að Fiskistofa Noregs sé nú búin að úthluta tæplega 20 tilraunaveiðileyfum til laxsíldaveiða til útgerða norskra uppsjávarveiðiskipa. Þar í hóp eru margar af öflugustu uppsjávarútgerðum Noregs sem hingað til hafa einkum einbeitt sér að veiðum á tegundum á borð við síld og makríl. Þessar útgerðir eru í Vestur-Noregi.

Norska fyrirtækið Hordafor mun vera einn af hinum nýju eigendum Lundeyjar. Það hefur meðal annars sérhæft sig í að vinna meltu úr fiskafurðum sem síðan er notuð til framleiðslu á fóðri fyrir eldislax. Melta er búin til þannig að maurasýru er blandað saman við fisk og fiskúrgang. Sýran leysir þetta upp þannig að úr verður grautur sem er ríkur af eggjahvítuefnum og fitu sem nýtist í lýsisframleiðslu.

Nú ætla Norðmenn að hefja veiðar á laxsíld og þá einkum gulldeplu.

Þetta getur valdið byltingu í laxeldinu þar sem þörfin er sífellt að aukast fyrir lýsi og eggjahvítu úr sjávarafurðum til að nota í fóðrið,

segir Odd Karsten Østervold við Fiskeribladet. Hann er þekktur frumkvöðull í norsku atvinnulífi, stofnandi og einn helsti hluthafi Hordafor og hefur byggt fyrirtækið sem eitt það helsta á sínu sviði í Noregi. Østervold segist geysilega spenntur fyrir því að senda Lundey á laxsíldaveiðar. Sennilega verður sýrunni blandað beint við aflann um borð í skipinu og þannig búinn til meltugrautur í lestum skipsins sem síðan verður einfaldlega dælt í land til framleiðslu á fóðri og lýsi. Það er mikið af fitu og eggjahvítaefnum í laxsíldinni.

Þetta er svo fáránlega spennandi verkefni að mér finnst ég sé kominn aftur á tvítugsaldurinn,

segir Østervold sem stendur á sextugu.

Lundey er nú farin til Noregs og heitir Mokstein. Nafnið er við hæfi því nýjir eigendur segjast ætla moka upp með henni hreinu gulli. Norskir eldislaxar hafa ómettanlega þörf fyrir fóður.

Íslendingar veiddu laxsíld og þá einkum tegundina gulldeplu um tíma eftir efnhagshrunið 2008. Veiðarnar voru stundaðar með flotvörpum undan Suðurlandi. Gárungarnir kölluðu gulldepluna „kreppukóð.“

Áhuginn á veiðiskapnum dvínaði fljótt og veiðar lögðust af því gulldeplan þótti erfitt hráefni.

Engar sögur fara af íslenskum laxsíldaveiðum mörg undanfarin ár. Norðmenn hafa hins vegar velt fyrir sér möguleikunum og telja sig nú hafa fundið réttu aðferðirnar til að búa til mikil verðmæti úr fiskinum.

Íslendingarnir hafa veitt gulldeplu en það hefur komið í ljós að fiskurinn leysist upp og hráefnið skemmist eftir nokkurra daga geymslu í lestum skipa og þess háttar. Fiskmjölsframleiðendur kæra sig því ekki um gulldepluna. Þetta hentar okkur hins vegar vel því við ætlum að nota gulldepluna í framleiðslu á meltu,

útskýrir norski fóðurframleiðandinn. Hann bendir á að ef það takist að nýta laxsíld til laxafóðurs þá muni það gefa ýmsa möguleika. Laxsíldina er ekki hægt að nýta beint til manneldis eins og síld, loðnu og makríl. Hins vegar verði hægt að beina þessum nytjastofnum í auknum mæli til manneldis í stað þess að bræða slíka fiska í mjöl og lýsi, en nota laxsíldina í laxafóður í staðinn.

Þetta er þvílíkt umhverfisvænt.

Odd Karsten Østervold segir að norskir fóðurframleiðendur séu búnir að bíða eftir einmitt svona tækifæri í fjölda ára.

Þetta á eftir að ganga stórkostlega vel og verða svakalegur bísniss,

segir hinn nýji og bjartsýni útgerðarmaður Lundeyjar.

Smellið á myndina til að lesa nýjasta Vesturland á netinu.

 

«
»

Ummæli ()

Vinsamlegast athugið:
Ummæli eru á ábyrgð þeirra sem þau skrifa. Eyjan áskilur sér þó rétt til að fjarlægja óviðeigandi og meiðandi ummæli. Tilkynna má óviðeigandi ummæli í netfangið ritstjorn@eyjan.is

Landssamband veiðifélaga krefst stjórnsýsluúttektar á Matvælastofnun

Landssamband veiðifélaga hefur skrifað Kristjáni Þór Júlíussyni ráðherra bréf þar sem þess er krafist að fram fari stjórnsýsluúttekt á eftirliti Matvælastofnunar með sjókvíaeldi á laxi. Í bréfinu er vísað til þess að í fjölmiðlum hefur verið greint frá því að í óveðri að undanförnu hafi búnaður fiskeldisfyrirtækisins Arnarlax orðið fyrir skemmdum og sjókví  hafi laskast […]

Fyrrum formaður Neytendasamtakanna hnýtir í framkvæmdarstjórann

Ólafur Arnarson, sem sagði af sér formennsku í Neytendasamtökunum í fyrra vegna ásakana um óhófleg útgjöld, gerir sér mat úr ummælum Brynhildar Pétursdóttur, framkvæmdarstjóra Neytendasamtakanna á RÚV í dag. Þar segir Brynhildur að samtökin styðji aukið frelsi á leigubílamarkaði svo framarlega sem öryggiskröfur séu í lagi.   Ólafur fullyrðir á Facebooksíðu sinni að Brynhildur hafi […]

Brynjar Níelsson: „Kannski réttara að leggja fram frumvarp sem leyfir umskurð“

Brynjar Níelsson, þingmaður Sjálfstæðisflokksins, kemur með áhugavert innlegg í umræðuna um bann við umskurði hér á landi á Facebook síðu sinni í dag. Frumvarp Silju Daggar Gunnarsdóttur hefur vakið mikla athygli hérlendis sem erlendis og sitt sýnist hverjum. Brynjar, sem er lögfræðingur að mennt, segir að almenn hegningarlög banni nú þegar líkamsmeiðingar og umskurður sé […]

Styrmir: Meðvirkni meira vandamál en mistökin í íslenskri pólitík

Styrmir Gunnarsson, fyrrum ritstjóri Morgunblaðsins, tekur undir þá skoðun að meðvirkni í íslenskri pólitík sé meira vandamál heldur en mistökin. Vísar hann til þar til orða Vilhjálms Árnasonar, prófessors í siðfræði, í Silfrinu á sunnudag. Styrmir segir: „Meðvirknin lýsir sér í því að flokksmenn þegja um mistök flokksfélaga sinna eða gagnrýna skoðanir forystumanna ekki, þótt þeir séu þeim ósammála, vegna þess […]

Umboðsmaður barna á Íslandi styður umskurðarfrumvarpið

Umboðsmaður barna á Íslandi, Salvör Nordal, segist styðja umskurðarfrumvarp Silju Daggar Gunnarsdóttur, þingmanns Framsóknarflokksins. Vísar hún til samnorrænar yfirlýsingar sem umboðsmenn barna á Norðurlöndunum skrifuðu undir fyrir fimm árum síðan, að 15 ára aldurstakmark yrði sett á slíkar aðgerðir. Salvör segist ekki hafa verið beðin um að skrifa umsögn við frumvarpið, en hafi þó verið […]

Alþjóðadagur móðurmálsins á morgun í Veröld – húsi Vigdísar

Á morgun (21. febrúar) verður haldið upp á alþjóðadag móðurmálsins í Veröld – húsi Vigdísar. Einkunnarorð alþjóðadags móðurmálsins í ár snúast um að viðhalda fjölbreytni tungumála og ýta undir fjöltyngi, sem eru einnig meginmarkmið Vigdísarstofnunar – alþjóðlegrar miðstöðvar tungumála og menningar. Haldið verður upp á daginn með áhugaverðu málþingi: „Orðabækur: Fjölbreytni tungumála, fjöltyngi og þýðingar“ þar sem rætt […]

Segir styttingu vinnuvikunnar hina nýju leiðréttingu

Börkur Gunnarsson, listamaður og fyrsti varaborgarfulltrúi Sjálfstæðisflokksins, tætir í sig verkefni vinstri meirihlutans í borginni um styttingu vinnuvikunnar í Morgunblaðinu í dag. Verkefnið sem innleitt var hjá hluta af starfsmönnum borgarinnar, um styttri vinnuviku fyrir sömu laun, kallar Börkur hina nýju leiðréttingu, með vísun í þegar Framsóknarflokkurinn undir forystu Sigmundar Davíðs Gunnlaugssonar, lofaði afmörkuðum hópi […]

Ísland vill í framkvæmdastjórn UNESCO

Framboð Íslands um setu í framkvæmdastjórn UNESCO, Menningarmálastofnun Sameinuðu þjóðanna, fyrir tímabilið 2021 til 2025 var samþykkt á ríkisstjórnarfundi síðastliðinn föstudag. Hlutverk UNESCO er að stuðla að friði og öryggi í heiminum með því að efla samvinnu þjóða í mennta-, vísinda- og menningarmálum og efla þannig almenna tiltrú og virðingu fyrir réttlæti, lögum og mannréttindum, […]

Arðgreiðslur sjávarútvegsfyrirtækja undir meðaltali

Samkvæmt samantekt Samtaka fyrirtækja í sjávarútvegi eru arðgreiðslur mun lægri til sjávarútvegsfyrirtækja en fyrirtækja í öðrum geirum atvinnulífsins frá árinu 2010-2016, byggt á tölum frá Hagstofu Íslands. Sjávarútvegurinn hefur á þessu tímabili greitt 21 prósent af hagnaði sínum í arð, en viðskiptahagkerfið án sjávarútvegs hefur greitt 31 prósent af hagnaði sínum í arð. Tekið skal […]

Vilja tryggja áframhaldandi útgáfu Bæjarins besta

Haldin var stofnfundur nýs útgáfufélags Bæjarins besta á Ísafirði um helgina. Markmiðið er að glæða fjölmiðilinn nýju lífi, en hann hefur legið í láginni undanfarið vegna fjárhagsvandræða og útgáfa prentmiðilsins verið stopul. Bæjarins besta var stofnað árið 1984, en vefmiðillinn bb.is leit dagsins ljós árið 2000. Að sögn Shiran Þórissonar, sem kosinn var í stjórn […]

Björn bölsótast út í Helgu Völu og Helga Hrafn vegna vinnubragða á Alþingi

Björn Bjarnason, fyrrum ráðherra Sjálfstæðisflokksins, fjallar um vinnubrögð Alþingis í pistli á heimasíðu sinni. Tilefnið er ummæli Helgu Völu Helgadóttur, þingmanns Samfylkingarinnar í Fréttablaðinu í dag, þar sem hún segir að lagasetning á Íslandi sé oft „óttalegt fúsk sem unnin er í fljótheitum“ og ummæli Helga Hrafns, þingmanns Pírata, um að erfitt sé að sjá […]

Óvíst hvort kæruleið barna til barnaréttarnefndar Sameinuðu þjóðanna verði tekin upp hér á landi

Árið 2011  ákvað allsherjarþing Sameinuðu þjóðanna að setja á stofn svokallaða kæruleið fyrir börn og fulltrúa þeirra sem telja að aðildarríki hafi brotið  gegn rétti barnsins, samkvæmt ákvæðum Barnasáttmálans. Bókunin tók þó ekki gildi fyrr en árið 2014. Árið 2013 var Barnasáttmáli Sameinuðu þjóðanna lögfestur á Íslandi. Hinsvegar hafa stjórnvöld á Íslandi enn ekki sótt […]

Jeremy Corbyn, leiðtogi breska Verkamannaflokksins, sakaður um njósnir fyrir Sovétríkin

Leiðtogi breska Verkamannaflokksins, Jeremy Corbyn, er í miklum vandræðum þessa dagana. The Sun birti á fimmtudag gögn sem segja að Corbyn hafi þrívegis hitt Tékkóslavneskan njósnara á árunum 1986-1987, þar af tvívegis í fulltrúardeild breska þingsins. Njósnaranum, Ján Sarkocy, var síðar vísað frá Bretlandi af Margaret Thatcher, vegna njósna fyrir Sovétríkin. Corbyn hefur viðurkennt að […]

Morgunblaðið fagnar þjóðaratkvæðisgreiðslu um svissnesk afnotagjöld

Leiðarahöfundur Morgunblaðsins í dag fjallar um tilvonandi þjóðaratkvæðisgreiðslu Svisslendinga um ríkisútvarp heimamanna, SRG, í næsta mánuði, en kosið er um hvort leggja eigi afnotagjöldin þar í landi af. Svissneska ríkisútvarpið- og sjónvarpið hefur sætt gagnrýni fyrir aukin umsvif og að „draga taum vinstrimanna“, segir leiðari Morgunblaðsins og tekur fram að slík gagnrýni eigi ekki að […]

Frjáls fjölmiðlun ehf. - Kringlunni 4-12, 103 Reykjavík - eyjan (hjá) eyjan.is