Föstudagur 17.02.2017 - 13:06 - Ummæli ()

Gústaf Níelsson vill að Bjarni Benediktsson setji formanni Varðar stólinn fyrir dyrnar vegna málaferla múslima

Gústaf Níelsson. Mynd/DV

Gústaf Níelsson sagnfræðingur er ekki alls kostar sáttur við að Stofnun múslima á Íslandi og tveir stjórnarmenn hennar hér á landi, þeir Karim Askari og Hussein Aldaoudi, hafi nú höfðað mál gegn 365 miðlum og RUV. Tilefnið mun vera fréttir frá síðasta sumri. Þessi fjölmiðlafyrirtæki eru sökuð um að hafa í þeim tengt Stofnun múslima við Osama Krayem. Hann er 23 ára sænskur ríkisborgari sem grunaður er um að hafa átt þátt í mannskæðum hryðjuverkárásum íslamista í París og Brussel.

Krayen mun á sínum tíma hafa starfað fyrir samtökin Al Risalah en þau eru móðurfélag Stofnunar múslima á Íslandi.

Salmani Tamimi formanni Félags múslima mun einnig hafa verið stefnt fyrir sömu sakir og 365 og RUV.

Gústaf Níelsson skrifar um þetta mál á Facebook-síðu sinni:

Skjáskot af Facebook-síðu Gústafs Níelssonar. Fréttin sem hann vitnar í er af mbl.is.

Þeir láta ekki að sér hæða á Íslandi frekar en annarsstaðar, málsvarar Múhammeðs spámanns. Nú skal lagt til atlögu, með fullar hendur fjár, við íslenska fjölmiðla, sem ekki dansa eftir réttri línu. Þetta er háttur þeirra um alla Evrópu. Hvað sem þessu máli líður mætti lögmaður þeirra Gísli Kr. Björnsson átta sig á því að þetta mál snýst ekki um lögfræði, heldur pólitík og meginþorri Íslendinga lítur á háttarlagið sem ígildi árásar á íslenska menningu og þjóðlíf.

Gísli Kr. Björnsson hérðaðsdómslögmaður var í janúar sl. kosinn formaður Varðar, fulltrúaráðs Sjálfstæðisflokksins í Reykjavík. Í athugasemdum við færslu sína kemur Gústaf Níelsson inn á þetta:

Hjá þessu liði er val á lögmanni úthugsað. Það er til marks um pólitískan dómgreindarskort hjá Gísla að taka málsvörnina að sér, en „peningarnir tala“, gömul saga og ný.

Gísli lögmaður tekur til andmæla og svarar Gústafi:

 Gústaf Níelsson, þótt þér þyki það ótrúlegt þá eiga allir mannréttindi, þótt þér kunni að vera illa við það… Góðar stundir

Áfram er Gústaf ekki par sáttur og þungt í honum hljóðið. Hann telur að Bjarni Benediktsson formaður Sjálfstæðisflokksins og forsætisráðherra eigi að grípa inn:

Þetta hefur bara ekkert með mannréttindi að gera. Væri ég formaður Sjálfstæðisflokksins myndi ég gera þér þann kost að segja þig frá þessu máli eða segja þig frá formennsku í Verði. Hvorugur ykkar virðist hafa dómgreind til að taka þá ákvörðun sýnist mér.

Lögmaðurinn spyr þá Gústaf hvort hann sé ekki búinn að segja sig úr Sjálfstæðisflokknum?

Gústaf Níelsson var í ársbyrjun 2015 skipaður sem varafulltrúi Framsóknar og flugvallarvina í mannréttindaráð Reykjavíkurborgar.  Framsókn og flugvallarvinir sættu mjög harðri gagnrýni fyrir þessa ráðagjörð þar sem Gústaf var þekktur fyrir hvöss ummæli í garð múslima og yfirlýstur andstæðingur þess að moska risi í Reykjavík. Fór svo að skipan Gústafs var afturkölluð af flokknum.

Fyrir Alþingiskosingar síðasta haust leiddi Gústaf lista Íslensku þjóðfylkingarinnar í Reykjavíkurkjördæmi norður. Hann sagði sig frá því nokkrum vikum fyrir kjördag eftir hatrammar deilur við Helga Helgason formann flokksins. Íslenska þjóðfylkingin bauð á endanum aðeins fram í tveimur kördæmum og fékk 0,2% atkvæða á landsvísu í kosningunum.

«
»

Ummæli ()

Vinsamlegast athugið:
Ummæli eru á ábyrgð þeirra sem þau skrifa. Eyjan áskilur sér þó rétt til að fjarlægja óviðeigandi og meiðandi ummæli. Tilkynna má óviðeigandi ummæli í netfangið ritstjorn@eyjan.is

Teigsskógur – 2% af birkikjarri

Teigsskógur er við vestanverðan Þorskafjörð. Í skýrslu vegagerðarinnar frá febrúar 2017 um mat á umhverfisáhrifum af lagningu nýs vegar milli Bjarkalundar og Skálaness kemur fram í umsögn Skógræktar ríkisins að skógurinn nái frá Þórisstöðum um Gröf og langleiðina að gömlum túngarði við bæinn Hallsteinsstaði yst á skaganum, sem gengur fram milli Þorskafjarðar og Djúpafjarðar. Orðið […]

Þingmaður Sjálfstæðisflokksins: Ríkisútvarpið olli töfunum á birtingu gagnanna

Vilhjálmur Árnason þingmaður Sjálfstæðisflokksins segir það sé Ríkisútvarpinu að kenna að gögnin um þá sem fengið hafa uppreist æru hafi ekki verið opinberuð í sumar. Vilhjálmur sagði í viðtali í þættinum Harmageddon í morgun að eftir að RÚV kærði ákvörðunina um afhenda ekki gögnin þá hafi Úrskurðarnefnd um upplýsingamál brugðist skjótt við og að mesta […]

Þórunn vill sæti Sigmundar Davíðs

Þórunn Egilsdóttir þingmaður Framsóknarflokksins vill leiða lista Framsóknarflokksins í Norðausturkjördæmi. Sigmundur Davíð Gunnlaugsson er oddviti flokksins í kjördæminu, hann ætlar í framboð, en það liggur ekki fyrir hvort hann muni áfram sækjast eftir því að leiða listann í komandi kosningum. Þórunn segir í færslu á Fésbók að kosningarnar 28. október næstkomandi muni snúast um trúverðugleika […]

Björn vill útlendingamálin á dagskrá í kosningabaráttunni: „Þeir eiga ekkert erindi hingað“

„Með hliðsjón af því hve miklu af skatt­fé al­menn­ings er varið til hæl­is­mála er stórund­ar­legt að umræðan sé ekki meiri um út­lend­inga­mál­in á stjórn­mála­vett­vangi. Það er engu lík­ara en ís­lensk­ir stjórn­mála­menn forðist mála­flokk­inn og vilji helst að um hann ríki póli­tísk þögn,“ segir Björn Bjarnason fyrrverandi ráðherra Sjálfstæðisflokksins í grein í Morgunblaðinu í dag. Segir […]

Davíð spyr: „Munu æsingamennirnir biðjast afsökunar á ósköpunum?“

Davíð Oddsson ritstjóri Morgunblaðsins vill vita hvort þeir sem slitu ríkisstjórnarsamstarfinu og æstu sig muni nú biðjast afsökunar á ósköpunum. Í Staksteinum Morgunblaðsins í dag, þar sem Davíð heldur öllum líkindum á penna, er spurt í ljósi þess að umboðsmaður Alþingis komst að þeirri niðurstöðu í gær að Sigríður Á. Andersen dómsmálaráðherra hafi ekki brotið […]

Björt sendir Sjálfstæðismönnum tóninn: Siðferði og samskiptareglur snúast ekki um lögfræði eða reglur um trúnað

Björt Ólafsdóttir umhverfisráðherra og þingmaður Bjartrar framtíðar segir að traustið milli Bjartrar framtíðar til Sjálfstæðisflokksins hafi horfið þegar flokkurinn varð þess áskynja að neitun ráðuneytis um að veita lögbundna upplýsingagjöf til bæði fjölmiðla og fjölskyldu brotaþola í máli um uppreist æru gæti stafað af leyndarhyggju vegna álíka máls sem kom illa við Sjálfstæðisflokkinn. Í gær […]

Þór Saari vill á þing fyrir Pírata: „Losum okkur við spillt, sjálfhverf og hrunin stjórnmál“

Þór Saari hagfræðingur og fyrrverandi þingmaður Borgarahreyfingarinnar og Hreyfingarinnar gefur kost á sér í prófkjöri Pírata sem hefst á morgun. Þór segir í fréttatilkynningu að vegna fjölda áskorana innan sem og utan Pírata mun hann sækjast eftir því að komast á þing fyrir Pírata í Suðvesturkjördæmi. Þór gaf kost á sér í prófkjöri Pírata fyrir […]

Ásta: Skipulag miðbæjar

Ásta S. Stefánsdóttir skrifar um málefni miðbæjarins: Skipulagsferli vegna miðbæjar Selfoss er nú að komast á lokastig. Fresti til að gera athugasemdir lauk í lok ágúst og voru athugasemdir þær sem bárust lagðar fram á fundi skipulags- og byggingarnefndar sl. miðvikudag. Nefndin fól formanni nefndarinnar, skipulags- og byggingarfulltrúa og lögmanni sveitarfélagsins að gera drög að […]

Þorvaldur er bjartsýnn: „Ég veit að okkar stefna á talsverðan hljómgrunn“

„Við ætlum að bjóða fram allsstaðar þar sem við getum, við stefnum á að bjóða fram um allt land ef okkur tekst það. Það er ekki alveg fyrirséð vegna þess hve tíminn er stuttur,“ segir Þorvaldur Þorvaldsson formaður Alþýðufylkingarinnar í samtali við Eyjuna. Flokkurinn, sem var stofnaður 2013, bauð fram í öllum kjördæmum nema Norðvesturkjördæmi […]

Sigríður braut ekki trúnað með því að segja Bjarna

Sigríður Á. Andersen dómsmálaráðherra braut ekki reglur um trúnað með því að segja Bjarna Benediktssyni forsætisráðherra að faðir hans, Benedikt Sveinsson, hafi skrifað undir umsögn fyrir Hjalta Sigurjón Hauksson til að hann gæti fengið uppreist æru. Samkvæmt heimildum RÚV mun Tryggi Gunnarsson umboðsmaður Alþingis hafa sagt þetta á lokuðum fundi stjórnskipunar- og eftirlitsnefndar í morgun. […]

Framsóknarflokkurinn boðar ekki til flokksþings fyrir kosningar

Framsóknarflokkurinn mun ekki boða til flokksþings fyrir kosningar, tíminn sé of knappur til það sé hægt í samræmi við lög flokksins. Þetta segir Einar Gunnar Einarsson framkvæmdastjóri Framsóknarflokksins í samtali við Eyjuna. Ákveðið var á fundi miðstjórnar flokksins síðastliðið vor að halda flokksþing í janúar en í kjölfar stjórnarslita og kosninga í lok október fóru […]

Ragnar Þór svarar Halldóri: „Lægstu laun á Íslandi eru skammarlega lág“

Ragnar Þór Ingólfsson formaður VR segir það mikla einföldun að halda því fram að hækkun á ráðstöfunartekjum launafólks í formi hærri persónuafsláttar sé eingöngu tekjumissir fyrir ríkið. Líkt og greint var frá í gær sagði Halldór Benjamín Þorbergsson framkvæmdastjóri Samtaka atvinnulífsins að tillaga VR um að endurskoða upphæð persónuafsláttar til að miða við þróun launa […]

Logi kannast ekki við þrýsting: „Ég er ekki að skipta mér af vinnu uppstillinganefnda“

Logi Már Einarsson formaður Samfylkingarinnar segir að hann hafi heyrt það útundan sér að hann eigi að færa sig um set og bjóða sig fram í öðru Reykjavíkurkjördæmanna í stað Norðausturkjördæmis, en að enginn innan flokksins hafi komið að máli við sig um það. Vefur Hringbrautar segist hafa öruggar heimildir fyrir því að Samfylkingarfólk í […]

Bjarni býst við óvæginni kosningabaráttu

Bjarni Benediktsson formaður Sjálfstæðisflokksins segir að kosningabaráttan verði vafalaust óvægin á köflum en að Sjálfstæðisflokkurinn hafi aldrei óttast kjósendur og sé ævinlega tilbúinn til kosninga. Í bréfi sem Bjarni sendir flokksmönnum sínum í dag segir hann að hann geti ekki svarað fyrir ákvörðun föður síns um að veita Hjalta Sigurjóni Haukssyni umsögn þegar Hjalti sótti […]

Eyjan Miðlar ehf. - Kringlunni 4-12, 103 Reykjavík - eyjan (hjá) eyjan.is