Föstudagur 03.03.2017 - 20:11 - Ummæli ()

Gunnar Hrafn svarar Ernu: Gagnrýndur fyrir uppistand í í veikindaleyfi – „Ég vona að henni líði sjálfri vel“

Gunnar Hrafn Jónsson, þingmaður Pírata.

„Þetta dæmir sig bara sjálft, ég vona að henni líði sjálfri vel. Annars sný ég væntanlega formlega aftur á miðvikudaginn, tvíefldur og læt svona rugl ekki á mig fá.“

Þetta segir Gunnar Hrafn Jónsson þingmaður Pírata. Frétt Eyjunnar frá því í gær þar sem greint var frá því að Gunnar Hrafn ætli að snúa aftur til starfa í næstu viku hefur vakið mikla athygli en þingmaðurinn hefur verið í veikindaleyfi vegna þunglyndis síðan í desember. Hann hyggst berjast fyrir geðheilbrigðismálum þegar hann snýr aftur á þing.

Sjá einnig: Gunnar Hrafn snýr aftur á þing

Á samfélagsmiðlum hefur Gunnar verið gagnrýndur fyrir að vera með uppistand á Herrakvöldi Þróttar næstkomandi laugardag. Málflutningur þeirra sem hafa gagnrýnt hann snýst um að Gunnar Hrafn sé að skemmta fólki á sama tíma og hann sé í launuðu veikindaleyfi frá Alþingi. Gunnar Hrafn sagði að það væri skiljanlegt að fólk væri að setja spurningarmerki við uppistandið.

Ég skil það alveg að fólk heldur bara að maður sé frá til langs tíma og að taka að sér uppistand á milli þá lítur það furðulega út. Ég er búinn að vera að mæta á þing undanfarið og það er verið að ganga frá því að þetta verði formlegt í næstu viku.

Gunnar Hrafn bætti við: Ég hef það bara fínt, allt annar maður en ég var. Ég er búinn að fá ótrúlega mikla hjálp úr öllum áttum, alls konar fólki þvert á flokka. Það eru allir rosalega jákvæðir.

Erna Ýr Öldudóttir fyrrverandi formaður framkvæmdaráðs Pírata og nú starfsmaður Útvarps Sögu tjáði sig á Facebook og hafa þau skrif farið víða. Erna skrifaði:

Gunnari Hrafni er nú bötnuð geðveilan, en hann getur nú farið og skemmt á karlakvöldum og ásamt því að droppa aftur inn á þing til að reyna að stöðva frjálsa verslun og frjálst val einstaklinganna um sína einkahagi. Píratar, hvar hafa dagar lífs ykkar lit sínum glatað? Til hamingju með að hafa raðað þessum lukkuriddara með efstu mönnum á lista.

Sjá einnig: Fylgið lekur af Pírötum

Erna Ýr Öldudóttir viðskiptafræðingur.

Þá sagði Erna að það væri langt fyrir neðan virðingu þingmanna að byrja í aukavinnu áður en veikindaleyfi væri lokið og um leið birtast á krítískum tímapunkti í vinnunni til að greiða atkvæði um umdeild frumvarp. Varamaður Gunnars Hrafns, Viktor Orri Valgarðsson er fylgjandi því að áfengi verði selt í búðum. Gunnar Hrafn lýsti yfir við Eyjuna að hann sé mótfallinn því. Tekið skal fram að ekki er hægt að segja um það á þessum tímapunkti hvenær atkvæðagreiðsla fer fram. Erna Ýr kveðst fagna því að Gunnar hafi náð sér af veikindum en lýsir yfir vonbrigðum með afstöðu hans til áfengisfrumvarpsins.

Ég held að endurkoma þín á þessum tímapunkti geti ekki verið tilviljun.

Gunnar Hrafn svarar Ernu og segir:

Don’t worry, be happy. Ég er viss um að þetta fer allt á besta veg. Ég var ekki búinn að semja um neina greiðslu við bumbuboltakarlana, þetta er meira greiði fyrir gamlan félaga, en ef mér áskotnast einhverjir þúsundkallar fyrir að segja brandara þetta kvöld mun ég láta þá renna til Olnbogabarna, virkilega flott samtök foreldra barna með áhættuhegðun sem ég vona að fólk kynni sér.

«
»

Ummæli ()

Vinsamlegast athugið:
Ummæli eru á ábyrgð þeirra sem þau skrifa. Eyjan áskilur sér þó rétt til að fjarlægja óviðeigandi og meiðandi ummæli. Tilkynna má óviðeigandi ummæli í netfangið ritstjorn@eyjan.is

Tiltrú á Ísland hefur stóraukist að mati seðlabankastjóra – Höftin ekki haft stórkostleg áhrif á gengi krónunnar

Már Guðmundsson seðlabankastjóri var gestur Björns Inga Hrafnssonar í þættinum Eyjan á ÍNN í kvöld. Þar fóru þeir yfir efnahagsmálin sem ávallt eru á milli tannana á fólki, einkum og sér í lagi nú þegar fjármagnshöft hafa verið afnumin. Már segir að viðbrögðin við þeim áfanga hafi verið góð og ,,ekki hafa haft stórkostleg áhrif […]

Bryndís: Mamma vann aldrei úti

Mamma vann aldrei úti – Mamma sagði ósjaldan: Æ, ég var aldrei mikið fyrir börn! Samt eignaðist hún sjö krakka og féll aldrei verk úr hendi. Saumaði á okkur, prjónaði á okkur, fór í ber á hverju ári, sultaði, tók slátur, bakaði reglulega og eldaði mat upp úr danskri kokkabók, sem lá alltaf á eldhúsborðinu. […]

„Körlum er óskað atvinnumissi. Konum? Að þeim sé nauðgað eða að þær missi börnin sín“

„Þrjátíu og sjö ára gamall þingmaður heldur jómfrúarræðu. Hann talar um að á Íslandi sé umfang hins opinbera stórt ef litið er til heildarútgjalda og lífeyrisgreiðslur dregnar frá. Tuttugu og sjö ára gömul þingkona heldur jómfrúarræðu. Hún talar um að á Íslandi sé umfang hins opinbera stórt ef litið er til heildarútgjalda og lífeyrisgreiðslur dregnar […]

Birgitta: Sjálfstæðisflokkurinn ræður öllu – Viðreisn og Björt framtíð umboðslausir

Sjálfstæðisflokkurinn ræður öllu í ríkisstjórninni og á þingi á meðan Viðreisn og Björt framtíð eru nánast umboðslausir. Þetta sagði Birgitta Jónsdóttir þingmaður Pírata í útvarpsþættinum Harmageddon á X-inu í morgun. Ræddi hún nýjustu skoðanakönnunina þar sem kom fram að Sjálfstæðisflokkurinn hefur bætt við sig fylgi frá kosningum en bæði Björt framtíð og Viðreisn myndu ekki […]

„Íslenska með hreim er líka íslenska“ – Til skammar að nota frávik á viðurkenndu máli til að gera lítið úr fólki

„Íslenska með hreim er líka íslenska. Íslenska með beygingarvillum er líka íslenska. Íslenska með rangri orðaröð er líka íslenska;“ segir Eiríkur Rögnvaldsson prófessor í íslenskri málfræði í stuttum pistli á Facebook-síðu sinni. Hann deilir frétt Eyjunnar um svívirðingar sem Nichole Leigh Mosty þingmaður Bjartrar framtíðar hefur orðið fyrir. Nichole hefur mátt þola mikla gagnrýni í […]

„Alþingi á ekki að vera með starfmenn sem tala ekki Íslennsku“ – Ráðherra og þingmenn koma Nichole til varnar

Svívirðingar hafa fallið um Nichole Leigh Mosty þingmann Bjartrar framtíðar á samskiptamiðlum undanfarna daga og hefur fólk sagt að hún eigi að læra íslensku áður en hún taki sæti á þingi. Nichole hefur mátt þola mikla gagnrýni í vikunni, eða allt frá því að hún tjáði sig um ummæli Mikaels Torfasonar um fátækt á Íslandi. […]

Geta greitt sér 70 milljarða í arð úr Arion banka

Með því að endurskipuleggja fjármagnsskipan Arion banka, geta eigendur hans greitt sér allt að 70 milljarða króna arð. Eiginfjárstaða bankans er mjög sterk um þessar mundir, nam ríflega 211 milljörðum um áramótin. Eiginfjárhlutfallið stóð í 27% en eiginfjárkröfurnar sem ríkið krefst nemur 20,7%. Greint er frá þessu í Morgunblaðinu í dag. Bankanum er einnig heimilt […]

Fylgishrun hjá Bjartri framtíð og Viðreisn

Fylgishrun blasir við stjórnarflokkunum Viðreisn og Bjartri framtíð, myndi hvorugur flokkurinn ná manni inn á þing ef kosið væri í dag. Samkvæmt könnun Fréttablaðsins í dag myndi Viðreisn fá 3,1 prósent atkvæða og Björt framtíð 3,8 prósent. Fylgi Sjálfstæðisflokksins eykst og myndi hann fá 32 prósent atkvæða og verða stærsti flokkurinn á þingi. Vinstri grænir […]

Kosningabaráttan í Frakklandi er hafin fyrir alvöru – Hnífjafnt samkvæmt könnunum

Mikil spenna í loftinu í Frakklandi þessa dagana en fram undan eru forsetakosningar þar. Fyrsta umferð þeirra fer fram þann 23. apríl næstkomandi og er óhætt að segja að ráðamenn í Evrópu, sérstaklega í Brussel, haldi niðri í sér andanum. Marine Le Pen, leiðtogi Þjóðfylkingarinnar nýtur mikils fylgis ef marka má skoðanakannanir og allt bendir […]

Útvarp Saga segir þingmann Pírata ráðast á sig

Útvarp Saga segir að Þórhildur Sunna Ævarsdóttir þingmaður Pírata hafi ráðist á sig úr ræðustól Alþingis í gær, en Þórhildur sagði gagnrýni talsmanna Útvarps Sögu á Evrópunefnd gegn kynþáttafordómum og umburðarleysi, ECRI, vera ómaklega. Í byrjun mánaðarins kom út skýrsla nefndarinnar í kjölfar reglubundinnar eftirlitsferðar hingað til lands, þar var greint frá áhyggjum af því […]

Páll uppljóstrar óknyttasögum – Ekki æskilegt viðkvæmum sálum

Páll Magnússon þingmaður Sjálfstæðisflokksins hefur deilt myndbandi þar sem hann segir sögur af vafasamri fortíð sinni sem ungur maður í Vestmannaeyjum. Vinur Páls stalst til að ná sögunum á myndband þar sem Páll rifjaði þær upp í Safnahúsinu í Vestmannaeyjum nýverið: Ég sagði þarna nokkrar óknyttasögur úr æsku minni og vina minna undir fyrirsögninni Miðbæjarvillingarnir, […]

Erdogan hótar Evrópubúum

Tayyp Erdogan forseti Tyrklands gaf í dag út aðvörun til íbúa Evrópu. Það gerði hann á fundi með tyrkneskum blaðamönnum í höfuðborginni Ankara. Orð hans féllu vegna deilna tyrkneska stjórnvalda við stjórnvöld í Hollandi og Þýskalandi um það hvort háttsettir tyrkneskir stjórnmálamenn megi halda kosningafundi fyrir tyrkneska íbúa í þessum löndum. Í næsta mánuði fer […]

Ruglingur um árásarmanninn í London

Mikil ringulreið er í bresku pressunni í kvöld vegna árásarinnar á breska þinghúsið í dag. Fullyrt var að Abu Izzadeen múslimaklerkur og talsmaður Al Ghurabaa-samtakanna hafi verið maðurinn sem var skotinn til bana af lögreglu fyrir utan breska þinghúsið í Lundúnum í dag en samkvæmt BBC er hann enn í fangelsi. Al Ghurabaa-samtökin eru bönnuð […]

Árni Páll: Eru 6% eðlileg fyrir framsækna vinstrið?

Kosningarnar í Hollandi voru léttir þar sem hægrisinnaðir útlendingahatandi popúlistar náðu ekki þeim árangi sem þeim hafði verið spáð. Það var líka gott að sjá góða kosningaþáttöku, sem sneri dæminu við. En hræðileg niðurstaða Verkamannaflokksins, PvdA, dregur enn og aftur upp þá mynd að það er rótgróinn jafnaðarmannaflokkur sem geldur fyrir vonbrigði og tilfinningar valdleysis […]

Eyjan Miðlar ehf. - Kringlunni 4-12, 103 Reykjavík - eyjan (hjá) eyjan.is