Föstudagur 03.03.2017 - 09:30 - Ummæli ()

Landsbyggðin nötrar af reiði vegna niðurskurðar í vegamálum: „Samgönguráðherra svíkur landsbyggðina“

Víða um land er fólk orðið ansi langeygt eftir vegabótum. Nýsamþykkt samgönguáætlun Alþingis vakti vonir margra um að nú yrði loks farið í margar langþráðar framkæmdir en nú kemur í ljós að hún var að mörgu leyti marklítið plagg. Mynd úr Njarðvíkurskriðum: Hafþór Snjólfur Helgason.

Frétt kvöldfrétta Stöðvar 2 í gær um fyrirhugaðan tíu milljarða króna niðurskurð á samgönguáætlun sem samþykkt var á Alþingi örfáum vikum fyrir þingkosningarnar í október sl. hefur vakið mikið uppnám. Ekki síst meðal margra íbúa landsbyggðarinnar.

Fjölmargar framkvæmdir sem beðið hefur verið eftir árum saman, og loks hillti undir að yrðu að veruleika, verða nú flautaðar af. Samgönguáætlun sem veifað var nýsamþykktri framan í kjósendur fyrir nokkrum vikum síðan reynist nú haldlítið plagg. Samfélagsmiðlar loga nú víða eftir fréttaflutning Stöðvar 2 og viðtal um vegatolla við Jón Gunnarsson nýjan samgönguráðherra.

Gunnar Bragi Sveinsson þingmaður Framsóknarflokksins í Norðvesturkjördæmi og fyrrum ráðherra í fyrri ríkisstjórn Sjálfstæðisflokks og Framsóknarflokks, og nú í stjórnarandstöðu er ekki par sáttur eftir yfirlýsingar Jóns Gunnarssonar. Hann situr í umhverfis- og samgöngunefnd Alþingis. Gunnar Bragi skrifað strax í gærkvöldi á Facebook:

Ég hef óskað eftir því að þingmenn kjördæmisins hittist hið fyrsta vegna þessa. Þá hef ég einnig óskað eftir því að ráðherra verði kallaður fyrir Umhverfis- og samgöngunefnd. Sjálfstæðisflokkurinn skuldar skýringar á þessu framferði ráðherrans.

Þá sagði Gunnar Bragi einnig: „Samgönguráðherra svíkur landsbyggðina“

Jón Gunnarsson samgönguráðherra.

Norðvesturkjördæmi fer illa út úr niðurskurðinum. Til að mynda verða Vestfirðir fyrir miklum skakkaföllum. Afnumin verður 1200 milljóna framkvæmd við Vestfjarðaveg um Gufudalssveit. Þar er umdeildur vegur um Teigsskóg. Sömuleiðis verða 400 milljónir sem áttu að fara í Dynjandisheiði strikaðar út. Einnig verða fjárveitingar til Uxahryggjavegar og Kjósarskarðsvegar flautaðar af. Þessar vegabætur áttu ekki síst að gagnast ferðaþjónustunni með betri tenginum milli suður- og norðvesturhluta landsins.

Strax í gærkvöldi urðu stjórnarþingmenn að mæta vonsviknum kjósendum og jafnvel eigin flokksfélögum. Ásthildur Sturludóttir bæjarstjóri í Vesturbyggð (Sjálfstæðisflokkur) skrifaði til að mynda á Facebook-vegg Haraldar Benediktssonar flokksbróður síns, alþingismanns Norðvesturkjördæmis og formanns fjárlaganefndar:

Þetta er svo yfirgengilegt. Fyrst þarf að berjast við opinberar stofnanir vegna veglagningarinnar um Teigskóg og svo loksins þegar það er u.þ.b að klárast þá þurfum við að berjast aftur fyrir fjárveitingu. Eigum við sum sé ekkert að fá þennan veg ágætu þingmenn? Er það raunin?

Haraldur Benediktsson svaraði Ásthildi:

Von að spurt sé Ásthildur. Vegurinn hefur verið árum saman undirbúningi. Það liggur ekki enn fyrir framkvæmdaleyfi. Það er varla hægt að svipta vegaframkvæmd fjármunum sem ekki hefur komist á framkvæmdastig. En við ætlum að slíkt leyfi fari að koma – þá hlýtur í rúmlega 20 milljarða málaflokki að vera til fjármagn til að byrja á vegi sem svo lengi hefur staðið til að ráðast í. Í haust voru það Dýrafjarðargöngin – núna Teigskógur. Þetta er alltaf sama sagan. Jón Gunnarsson er með ályktun alþingis sem kostar 9 milljörðum meira en hann hefur úr að spila. Það er þessi staða sem Jón er að reyna að brjótast úr – þegar hann vill skoða veggjöld. Það eru ekki ótakmarkaðir fjármunir – annan daginn er kallað á útgjöld til heilbrigðismála – þá menntamála og framvegis. Það er allavega ljóst að verður að hugsa þetta uppá nýtt.

Ofangreind dæmi úr Norðvesturkjördæmi eru aðeins smjörþefurinn af niðurskurðinum sem er afar blóðugur enda skal eins og fyrr sagði flauta af framkvæmdir fyrir tíu milljarða. Ekkert fer t. a. m. í nýja brú yfir Hornafjarðarfljót en þar var búið að heita einum milljarði í framkvæmdir. Vegabætur um Berufjörð eru einnig fyrir bí.

«
»

Ummæli ()

Vinsamlegast athugið:
Ummæli eru á ábyrgð þeirra sem þau skrifa. Eyjan áskilur sér þó rétt til að fjarlægja óviðeigandi og meiðandi ummæli. Tilkynna má óviðeigandi ummæli í netfangið ritstjorn@eyjan.is

Tiltrú á Ísland hefur stóraukist að mati seðlabankastjóra – Höftin ekki haft stórkostleg áhrif á gengi krónunnar

Már Guðmundsson seðlabankastjóri var gestur Björns Inga Hrafnssonar í þættinum Eyjan á ÍNN í kvöld. Þar fóru þeir yfir efnahagsmálin sem ávallt eru á milli tannana á fólki, einkum og sér í lagi nú þegar fjármagnshöft hafa verið afnumin. Már segir að viðbrögðin við þeim áfanga hafi verið góð og ,,ekki hafa haft stórkostleg áhrif […]

Bryndís: Mamma vann aldrei úti

Mamma vann aldrei úti – Mamma sagði ósjaldan: Æ, ég var aldrei mikið fyrir börn! Samt eignaðist hún sjö krakka og féll aldrei verk úr hendi. Saumaði á okkur, prjónaði á okkur, fór í ber á hverju ári, sultaði, tók slátur, bakaði reglulega og eldaði mat upp úr danskri kokkabók, sem lá alltaf á eldhúsborðinu. […]

„Körlum er óskað atvinnumissi. Konum? Að þeim sé nauðgað eða að þær missi börnin sín“

„Þrjátíu og sjö ára gamall þingmaður heldur jómfrúarræðu. Hann talar um að á Íslandi sé umfang hins opinbera stórt ef litið er til heildarútgjalda og lífeyrisgreiðslur dregnar frá. Tuttugu og sjö ára gömul þingkona heldur jómfrúarræðu. Hún talar um að á Íslandi sé umfang hins opinbera stórt ef litið er til heildarútgjalda og lífeyrisgreiðslur dregnar […]

Birgitta: Sjálfstæðisflokkurinn ræður öllu – Viðreisn og Björt framtíð umboðslausir

Sjálfstæðisflokkurinn ræður öllu í ríkisstjórninni og á þingi á meðan Viðreisn og Björt framtíð eru nánast umboðslausir. Þetta sagði Birgitta Jónsdóttir þingmaður Pírata í útvarpsþættinum Harmageddon á X-inu í morgun. Ræddi hún nýjustu skoðanakönnunina þar sem kom fram að Sjálfstæðisflokkurinn hefur bætt við sig fylgi frá kosningum en bæði Björt framtíð og Viðreisn myndu ekki […]

„Íslenska með hreim er líka íslenska“ – Til skammar að nota frávik á viðurkenndu máli til að gera lítið úr fólki

„Íslenska með hreim er líka íslenska. Íslenska með beygingarvillum er líka íslenska. Íslenska með rangri orðaröð er líka íslenska;“ segir Eiríkur Rögnvaldsson prófessor í íslenskri málfræði í stuttum pistli á Facebook-síðu sinni. Hann deilir frétt Eyjunnar um svívirðingar sem Nichole Leigh Mosty þingmaður Bjartrar framtíðar hefur orðið fyrir. Nichole hefur mátt þola mikla gagnrýni í […]

„Alþingi á ekki að vera með starfmenn sem tala ekki Íslennsku“ – Ráðherra og þingmenn koma Nichole til varnar

Svívirðingar hafa fallið um Nichole Leigh Mosty þingmann Bjartrar framtíðar á samskiptamiðlum undanfarna daga og hefur fólk sagt að hún eigi að læra íslensku áður en hún taki sæti á þingi. Nichole hefur mátt þola mikla gagnrýni í vikunni, eða allt frá því að hún tjáði sig um ummæli Mikaels Torfasonar um fátækt á Íslandi. […]

Geta greitt sér 70 milljarða í arð úr Arion banka

Með því að endurskipuleggja fjármagnsskipan Arion banka, geta eigendur hans greitt sér allt að 70 milljarða króna arð. Eiginfjárstaða bankans er mjög sterk um þessar mundir, nam ríflega 211 milljörðum um áramótin. Eiginfjárhlutfallið stóð í 27% en eiginfjárkröfurnar sem ríkið krefst nemur 20,7%. Greint er frá þessu í Morgunblaðinu í dag. Bankanum er einnig heimilt […]

Fylgishrun hjá Bjartri framtíð og Viðreisn

Fylgishrun blasir við stjórnarflokkunum Viðreisn og Bjartri framtíð, myndi hvorugur flokkurinn ná manni inn á þing ef kosið væri í dag. Samkvæmt könnun Fréttablaðsins í dag myndi Viðreisn fá 3,1 prósent atkvæða og Björt framtíð 3,8 prósent. Fylgi Sjálfstæðisflokksins eykst og myndi hann fá 32 prósent atkvæða og verða stærsti flokkurinn á þingi. Vinstri grænir […]

Kosningabaráttan í Frakklandi er hafin fyrir alvöru – Hnífjafnt samkvæmt könnunum

Mikil spenna í loftinu í Frakklandi þessa dagana en fram undan eru forsetakosningar þar. Fyrsta umferð þeirra fer fram þann 23. apríl næstkomandi og er óhætt að segja að ráðamenn í Evrópu, sérstaklega í Brussel, haldi niðri í sér andanum. Marine Le Pen, leiðtogi Þjóðfylkingarinnar nýtur mikils fylgis ef marka má skoðanakannanir og allt bendir […]

Útvarp Saga segir þingmann Pírata ráðast á sig

Útvarp Saga segir að Þórhildur Sunna Ævarsdóttir þingmaður Pírata hafi ráðist á sig úr ræðustól Alþingis í gær, en Þórhildur sagði gagnrýni talsmanna Útvarps Sögu á Evrópunefnd gegn kynþáttafordómum og umburðarleysi, ECRI, vera ómaklega. Í byrjun mánaðarins kom út skýrsla nefndarinnar í kjölfar reglubundinnar eftirlitsferðar hingað til lands, þar var greint frá áhyggjum af því […]

Páll uppljóstrar óknyttasögum – Ekki æskilegt viðkvæmum sálum

Páll Magnússon þingmaður Sjálfstæðisflokksins hefur deilt myndbandi þar sem hann segir sögur af vafasamri fortíð sinni sem ungur maður í Vestmannaeyjum. Vinur Páls stalst til að ná sögunum á myndband þar sem Páll rifjaði þær upp í Safnahúsinu í Vestmannaeyjum nýverið: Ég sagði þarna nokkrar óknyttasögur úr æsku minni og vina minna undir fyrirsögninni Miðbæjarvillingarnir, […]

Erdogan hótar Evrópubúum

Tayyp Erdogan forseti Tyrklands gaf í dag út aðvörun til íbúa Evrópu. Það gerði hann á fundi með tyrkneskum blaðamönnum í höfuðborginni Ankara. Orð hans féllu vegna deilna tyrkneska stjórnvalda við stjórnvöld í Hollandi og Þýskalandi um það hvort háttsettir tyrkneskir stjórnmálamenn megi halda kosningafundi fyrir tyrkneska íbúa í þessum löndum. Í næsta mánuði fer […]

Ruglingur um árásarmanninn í London

Mikil ringulreið er í bresku pressunni í kvöld vegna árásarinnar á breska þinghúsið í dag. Fullyrt var að Abu Izzadeen múslimaklerkur og talsmaður Al Ghurabaa-samtakanna hafi verið maðurinn sem var skotinn til bana af lögreglu fyrir utan breska þinghúsið í Lundúnum í dag en samkvæmt BBC er hann enn í fangelsi. Al Ghurabaa-samtökin eru bönnuð […]

Árni Páll: Eru 6% eðlileg fyrir framsækna vinstrið?

Kosningarnar í Hollandi voru léttir þar sem hægrisinnaðir útlendingahatandi popúlistar náðu ekki þeim árangi sem þeim hafði verið spáð. Það var líka gott að sjá góða kosningaþáttöku, sem sneri dæminu við. En hræðileg niðurstaða Verkamannaflokksins, PvdA, dregur enn og aftur upp þá mynd að það er rótgróinn jafnaðarmannaflokkur sem geldur fyrir vonbrigði og tilfinningar valdleysis […]

Eyjan Miðlar ehf. - Kringlunni 4-12, 103 Reykjavík - eyjan (hjá) eyjan.is