Fimmtudagur 09.03.2017 - 23:31 - Ummæli ()

Kolbrún og Arnþrúður fóru á kostum: Önnur taldi kjör Trump skelfilegt en hin sagði það tæra snilld

Í myndveri ÍNN. Kolbrún Bergþórsdóttir og Arnþrúður Karlsdóttir voru gestir hjá Birni Inga Hrafnssyni í Eyjunni.

Þær Kolbrún Bergþórsdóttir ritstjóri DV og Arnþrúður Karlsdóttir útvarpsstjóri Útvarps Sögu voru gestir hjá Birni Inga Hrafnssyni í fyrri hluta Eyjunnar á ÍNN nú í kvöld. Óhætt er að segja að þær stöllur hafi farið á kostum þegar þær ræddu þjóðmálin.

Björn Ingi spurði Kolbrúnu hvernig henni litist á byrjunina hjá nýrri ríkisstjórn, fólk talaði um að pólitíkin væri jafnvel dálítið skrítin nú um stundir.

Já, hún er dálítið skrítin því þarna er nýtt fólk sem þarf að læra hlutina. Mér finnst dálítið mikið um að menn hafi hreinlega talað af sér. Það er ágætt að segja kannski ekki of mikið. Ég held þetta verði ekki starfsöm ríkisstjórn vegna þess það er dálítið mikið í húfi fyrir litlu flokkana. Það blasir eiginlega við þeim við næstu kosningar, næstum því gjöreyðing, ef þeir vanda sig ekki.

Kolbrún sagði að það hefði kannski verið klókt að fá Framsóknarflokkinn með til að styrkja stjórnina þó slíkt hefði kannski ekki orðið til vinsælda fallið. Mesta klúðrið í íslenskri pólitík sagði Kolbrún hinsvegar að væri Vinstri grænna:

Sem höfðu möguleika á því að fara bæði í vinstri stjórn og stjórn með Sjálfstæðisflokki og Framsókn og þeir hikuðu vegna þess að það er einhver hreinlífisstefna þar í bæ, eins og það séu sko alger svik að semja um stefnumál. Það er eitthvað sem þeir gátu ekki hugsað sér. Ég held þeir stórsjái eftir því núna.

Arnþrúður Karlsdóttir sagði að nú stæði yfir baráttan um Ísland. Umræðan væri að breytast mjög mikið og mjög hratt.

Þetta er baráttan um Ísland. Það er verið að reyna að þvinga Ísland inn í eitthvað sem heitir alríkið. Það er bara Evrópusambandið og alríkið, við eigum að lúta því sem þaðan kemur, leynt og ljóst, hvort sem það kemur gegnsætt eða hvort það kemur bakdyramegin inn til stjórnvalda. Ráðherrum og stjórnmálamönnum er gert mjög margt erfitt fyrir.

Útvarpsstjórinn á Sögu talaði um að á Íslandi væri falið vald.

Menn eru alltaf að segja að við fjölmiðlar séum fjórða valdið. En það er falda valdið. Gamlir ráðherrar, gamlir þingmenn, margvísilegir hagsmunaaðilar að því er varðar fjármuni. Þeir toga í spotta og stýra þessu þannig að þingið er tiltölulega valdalaust. Það er með mjög lítil völd. Það er graf alvarlegt mál, vegna þess að embættismannakerfið og stjórnsýslan – framkvæmdavaldið er með miklu meiri völd.

Talið barst í framhaldi að þessu að útslitum forsetakosninga í Bandaríkjunum. Arnþrúður sagði að þau á Útvarpi Sögu hefðu spáð Donald Trump sigri þvert á það sem aðrir fjölmiðlar og álitsgjafar gerðu hér á landi.

Hann var talsmaður fjöldans í Bandaríkjunum sem sagði: „Við viljum ekki lengur að falda valdið sé að stjórna.“ Alveg það sama og er að gerast hér á Íslandi núna. Falda valdið er orðið svo sýnilegt.

Kolbrún Bergþórsdóttir

Má ég koma pínu að Arnþrúður mín, að kjör Trumps var náttúrulega skelfilegur atburður og úrslitin í Bretlandi þau voru líka skelfileg. Ég held að mjög margir geri sér grein fyrir því, og Bretar sjálfir, að þetta voru vond úrslit.

Arnþrúður Karlsdóttir var ekki sammála þessu.

Úrslitin með Trump voru snilld. Þau eru alger snilld! Ég get sagt þér það að Trump er að senda skilaboð til umheimsins, gjörsamlega. Hann er bara að segja, ég vil ekki þessa flatneskju: það eiga allir að vera eins, það eiga allir að fá sömu einkunnir í skólum, það má enginn skara framúr, það má enginn geta neitt. Heyrðu, hættum þessu. Verum við sjálf áfram. Munum eftir uppruna okkar. Hann er bara að senda þessi skilaboð til umheimsins. Hann er að taka á málum og segir: Við ætlum ekki að vera alríki, við ætlum að vera Bandaríkin – Make Amerika Great Again.

Þá sagði Kolbrún:

Hann er stórhættulegur!

Arnþrúður á móti:

Nei! Hann er snilld! Hann er alger snilld!

Hér fyrir neðan er spjallið við þær stöllur í heild sinni þar sem fjölmargt fleira áhugavert kom fram en greint er frá hér fyrir ofan:

«
»

Ummæli ()

Vinsamlegast athugið:
Ummæli eru á ábyrgð þeirra sem þau skrifa. Eyjan áskilur sér þó rétt til að fjarlægja óviðeigandi og meiðandi ummæli. Tilkynna má óviðeigandi ummæli í netfangið ritstjorn@eyjan.is

Velferðarráðuneytið vænir Barnaverndarstofu um ósannsögli

Líkt og komið hefur fram í fjölmiðlum hefur forstjóri Barnaverndarstofu, Bragi Guðbrandsson,  legið undir ámæli vegna starfshátta sinna. Barnaverndarstofa sendi frá sér yfirlýsingu á föstudag, þar sem beðið var um frest til að svara Velferðarráðuneytinu, meðan aflað væri frekari gagna, því það hafi gengið erfiðlega að fá gögnin í hendur. Nú hefur Velferðarráðuneytið sent frá […]

Búið að ráða aðstoðarmenn dómara við Landsrétt

Samkvæmt öruggum heimildum Eyjunar er búið að ráða aðstoðarmenn dómara við Landsrétt. Auglýst var eftir fimm löglærðum aðstoðarmönnum dómara við Landsrétt í sumar, en Landsréttur tekur til starfa 1. janúar 2018 og er gert ráð fyrir að aðstoðarmenn hefji störf frá þeim tíma. Alls sóttu 116 manns um störfin fimm en eftirtaldir einstaklingar fengu starfið: […]

Stjórnarandstaðan þiggur formennsku þriggja fastanefnda Alþingis- „Ekki nema hæfilega ánægð“

Stjórnarandstaðan ákvað í morgun að taka við formennsku í þeim þremur fastanefndum sem ríkisstjórnin hafði boðið þeim. Þetta staðfesti Logi Einarsson formaður Samfylkingarinnar við Eyjuna. Að sögn Loga mun Samfylkingin fara með formennsku í stjórnskipunar- og eftirlitsnefnd fyrstu tvö árin, en skiptast síðan á við Pírata, sem fara fyrir velferðarnefnd fyrstu tvö árin. Þá mun […]

Hæstaréttarlögmaður ýjar að vanhæfi umhverfisráðherra

Hæstaréttarlögmaðurinn Jón Jónsson skrifar grein í Morgunblaðið um helgina, hvar hann veltir fyrir sér hæfi, eða eftir atvikum, vanhæfi Guðmundar I. Guðbrandssonar umhverfisráðherra, sökum sinna fyrri starfa hjá Landvernd. Spyr Jón hvort umhverfisráðherra sé til dæmis hæfur til að skipa til dæmis starfshóp um málefni Teigsskógar, eða hvort hann sé hæfur að fjalla um aðalskipulag tengt […]

Benedikt Jóhannesson: „Vúdú hagfræði Kampavínsstjórnarinnar“

Benedikt Jóhannesson, fyrrum formaður Viðreisnar og fjármálaráðherra, skrifar harðorðan pistil á Facebook síðu sína í gær undir yfirskriftinni „Vúdú-Hagfræði Kampavínsstjórnarinnar.“ Þar gagnrýnir hann fyrirhugaðar útgjaldaaukningar nýrrar ríkisstjórnar og skýtur föstum skotum á frænda sinn, forvera og eftirmann, Bjarna Benediktsson fjármálaráðherra.     „Þegar Ronald Reagan bauð sig fram sem forseti Bandaríkjanna setti hann fram þrjú […]

„Þessi gjaldtaka er án fordæma og án alls samtals við ferðaþjónustuna“

Fyrirtæki í ferðaþjónustu ráða nú ráðum sínum eftir að Isavia tilkynnti um fyrirhugaða gjaldtöku á stæðum fyrir hóferðabíla við flugstöð Leifs Eiríkssonar sem hefst þann 1. mars. Mun gjaldið vera 7,900 krónur fyrir hópbifreiðar með 19 eða færri  sæti en 19,900 fyrir bifreiðar með fleiri en 20 sæti. Fyrir hvert skipti. Samtök ferðaþjónustunnar gagnrýna gjaldtökuna […]

Um hvað snúast deilurnar í Katalóníu?

Það eru margar ástæður  fyrir því að Katalónía er ekki Spánn, eða hluti af Spáni og að Spánn sé ekki Katalónía. Sögulega séð er Katalónía þjóð með landamæri miklu eldri en hugmyndin um Spán sem ríki eða þjóð. Katalónar voru þjóð í eigin landi í nokkrar aldir eða allt þar til að þeir töpuðu stríði […]

Uppgjör við reiðina

Kolbrún Bergþórsdóttir skrifar: Það er bæði rétt og skylt að rifja upp hruntímann þegar óstjórnleg reiði greip um sig á svo sterkan hátt að öll siðferðisviðmið röskuðust. Það var öskrað og æpt, lögreglu var ögrað og stjórnmálamenn áttu sumir ekki lengur skjól á eigin heimili. Kvöld eftir kvöld fylltust sjónvarpsfréttatímar af myndum af fólki sem […]

„Það er gott að búa í Kópavogi“

Bæjarstjórinn góðkunni, Gunnar I. Birgisson, hefur nú fest ævisögu sína á blað með dyggri aðstoð skrásetjarans Orra Páls Ormarssonar. Gunnar þekkja flestir sem hinn djúpróma bæjarstjóra Kópavogs, nú Fjallabyggðar, en hann var einnig þingmaður Sjálfstæðisflokksins og formaður bæjarráðs Kópavogs til margra ára. Þá þekkja allir hið sígilda slagorð, „Það er gott að búa í Kópavogi,“ […]

Björn Valur um prósentin 78: Áfall fyrir Samfylkinguna

Björn Valur Gíslason, skipstjóri og fyrrum þingmaður Vinstri grænna, hefur verið einn einlægasti stuðningsmaður nýrrar ríkisstjórnar. Hann segir það ekki koma sér á óvart að stuðningur við stjórnina mælist í 78%. „Ég skrifaði um það fyrir skömmu að ríkisstjórnin yrði geysivinsæl. Ég hefði viljað sjá hana myndaða fyrr en kannski voru ekki aðstæður til þess. […]

Loftslagsviðurkenningar veittar í fyrsta sinn

Í dag voru veitt loftslagsviðurkenningar Festu og Reykjavíkurborgar í fyrsta sinn. Markmið viðurkenninganna er að vekja athygli á því sem vel er gert í loftslagsmálum og vera hvatning til annarra. Að þessu sinni hlaut HB Grandi loftslagsviðurkenningu Festu og Reykjavíkurborgar, vefurinn loftslag.is hlaut fræðslu- og upplýsingaviðurkenningu vegna loftslagsmála og þá hlaut ISAVIA hvatningarviðurkenningu.   HB […]

Flateyjabók liggur undir skemmdum- Árnastofnun fær styrk til viðgerðar

Ríkistjórnin hefur ákveðið að styrkja Stofnun Árna Magnússonar í íslenskum fræðum um 5 millj. kr. til að ráðast í brýna viðgerð á Flateyjarbók, einu merkasta handriti Íslendinga. Að sögn Guðrúnar Nordal, forstöðumanns Árnastofnunar er danskt lím sökudólgurinn. „Flateyjarbók var færð í nýtt band á átjándu öld sem nú þarfnast áríðandi viðgerðar en auk þess þarf […]

Fiskeldi Austfjarða leiðréttir Loðnuvinnsluna – Segir misskilnings gæta um mengun

Líkt og Eyjan fjallaði um, þá sendi Loðnuvinnslan í Fáskrúðsfirði frá sér yfirlýsingu í vikunni, þar sem þeir lýstu áhyggjum sínum yfir fyrirhuguðu laxeldi í firðinum og menguninni sem af því hlytist. Var fullyrt að mengunin af 15.000 tonna laxeldi jafngilti skólpi frá 120.000 manna byggð og hefði þar með áhrif á hrognavinnsluna, sem reiðir […]

Reykjavíkurborg eykur stuðning við utangarðsfólk – Tólf nýjar íbúðir á þremur árum

Velferðarráð samþykkti á fundi sínum 7. desember að auka stuðning við utangarðsfólk. Þetta kemur fram í tilkynningu. Það verður gert með því að fjölga um tólf íbúðum fyrir fólk í jaðarstöðu á grundvelli hugmyndafræðinnar Housing first. Einnig verður starfsmönnum í vettvangs- og ráðgjafarteymi sem veitir utangarðsfólki þjónustu fjölgað úr sjö í þrettán. Teymið mun starfa út frá […]

Frjáls fjölmiðlun ehf. - Kringlunni 4-12, 103 Reykjavík - eyjan (hjá) eyjan.is