Föstudagur 10.03.2017 - 19:46 - Ummæli ()

Reykvíkingarnir Kolbrún og Arnþrúður mjög óánægðar með borgarmálin: Sigmundur Davíð nýr oddviti Framsóknar?

Þær Kolbrún og Arnþrúður í Eyjunni á ÍNN.

Kolbrún Bergþórsdóttir ritstjóri DV og Arnþrúður Karlsdóttir útvarpsstjóri á Útvarpi Sögu sem báðar eru búsettar í Reykjavík, lýstu megnri óánægju með stjórnmálin í Reykjavíkurborg þegar þær áttu spjall við Björn Inga Hrafnsson í þættinum Eyjan á ÍNN.

Borgarmálin voru tekin til umræðu þar sem nú er aðeins rétt rúmt ár til næstu sveitarstjórnarkosninga.

Komið var inn á samgöngumál, skipulagsmál, möguleika núverandi borgarstjórnarmeirihluta og borgarstjóra á að halda stöðu sinni. Einnig var rætt um frammistöðu minnihlutans í borginni og þeirri spurningu varpað fram hvort Sigmundur Davíð Gunnlaugsson alþingismaður og fyrrum forsætisráðherra og formaður Framsóknarflokksins muni taka keflið sem oddviti lista Framsóknarsflokksins í borgarstjórnarkosningunum sem nálgast nú hratt.

Ritstjóri DV hóf mál sitt með því að lýsa mikilli óánægju með frammistöðu núverandi borgarstjórnarmeirihluta:

Ég er alveg hundóánægð. Það er margt sem ég er óánægð með. Ég er óánægð með samgöngustefnuna. Ég tek strætó á hverjum degi og mér finnst það móðgun við borgarbúa að segja að þeir eigi bara að leggja einkabílnum og taka strætó vegna þess að ég veit alveg hvernig strætósamgöngur eru hér í Reykjavík. Þú getur sagt þetta við fólk ef strætó kemur á tíu mínútna fresti. Þá geturðu sagt: „Heyrðu, það borgar sig fyrir ykkur.“ Það er bara ekki þannig.

Kolbrún sagði að borgarstjórnarmeirihutinn í Reykjavík talaði af fullkomnum hroka til borgarbúa og fjölskyldufólks. Henni þætti ágætt að fara í strætó en hún ráðlegði engum að gera það, meðan samgöngurnar væru eins og þær eru. Sem dæmi mætti nefna að fólk með börn gæti ekki notað strætó.

Kolbrún Bergþórsdóttir tjáði sig einni um þróun byggðar í Reykjavík.

Annað er það, kannski er ég bara of mikill fagurkeri. Þessi borg er að verða alveg forljót og það er öllum sama. Það er verið að rífa gömul hús, hótel vaxa hérna eins og gorkúlur. Það er verið að byggja hérna hús sem eru skrímsli, þau bara æpa á mann í ljótleika sínum. Enginn segir neitt við þessu. Eftir áratug, hvar á að verða eftir fallegur blettur í þessari borg? Þurfum við að fara til Prag í gamla bæinn þar? Hérna er algert gullgrafaraæði og það er eins og verktakar ráði borginni en ekki borgarstjórn, eins og verkakar hafi eitthvað vald á meirihlutanum í borgarstjórn. Og hvar er minnihlutinn? Finnst honum þetta allt í lagi? Sem borgarbúi þá er þetta eitthvað sem ég hef miklar áhyggjur af.

Arnþrúður lýsti sig mjög sammála mörgu því sem Kolbrún hefði komið inn á.

Ég veit satt að segja ekki á hvaða vegferð þessi borgarstjórn er. Þetta eru mikil vonbrigði að þeir skuli hafa haldið svona á málum.

Sem yfirlýstur sósíaldemókrati var Kolbrún spurð hvað henni þætti um stöðu Samfylkingarinnar og Dags B. Eggertssonar:

Í tökuveri ÍNN þar sem Björn Ingi Hrafnsson ræddi við þær Kolbrúnu og Arnþrúði.

Það þyrfti svo margt að breytast til þess að Samfylkingin fengi hljómgrunn. Pólitísk rétthugsun held ég að sé eitt af því hafi orðið henni að falli. Maður vissi alltaf nákvæmlega hvaða afstöðu flokkurinn myndi taka til mála. Það var ákveðin þröngsýni þarna. Þetta var svona ákveðinn hópur sem að stjórnaði Samfylkingunni og skildi svo aldrei þegar maður var að tala um að „þið þurfið að fara meira inn á miðjuna, inn til fólksins.“ Þau skildu það ekki.

Kolbrún taldi þó staða Dags væri ekki vonlaus þó flokkur hans lægi í sárum:

Ég held hins vegar að það sem geti bjargað Degi [B. Eggertssyni] í borginni er það hvað minnihlutinn er arfaslappur. Það er eiginlega einn mesti skandall bara í pólitík seinni ára, hvað minnihlutinn í borginni er máttlaus og áhugalítill.

Björn Ingi spurði hvað ylli þessu? Þetta væri undarlegt í ljósi þess að eitt sinn hefði Reykjavík þótt sjálf krúnan í djásni Sjálfstæðisflokksins þar sem flokkurinn fór með forystu í borgarstjórn um áratuga skeið. Nú er Sjálfstæðisflokkurinn sem kunnugt er í minnihluta.

Þarna hefur vantað hreinlega leiðtoga, sem að þjóðin tekur mark á. Einhvern með útgeislun, sannfæringarkraft. Hann er ekki þarna og þeir virðast eiga í miklum erfiðleikum með að finna þannig manneskju,

sagði Kolbrún Bergþórsdóttir. Arnþrúður lagði orð í belg og spurði hvaða sérstöðu Dagur B. Eggertsson ætlaði að sýna fram á í borginni í komandi kosningabaráttu? Ýmislegt ætti eftir að koma til umfjöllunar á næstu mánuðum. Hún spurði einnig hvort Dagur ætlaði að halda áfram að kvarta undan því að hann hafi ekki getað staðið við kosningaloforð og það sé ríkisstjórninni að kenna að ungt fólk getur ekki eignast húsnæði?

Það kaupir enginn þennan flugmiða lengur.

 

Leiðir Sigmundur Davíð Framsókn í Reykjavíkurborg?

Kolbrún Bergþórsdóttir sagði að kjósendur yrðu að sjá einhvern annan valkost gegn núverandi borgarstjóra en það sé reyndar ekkert í boði. Síðan varpaði ritstjóri DV, sem líklega fréttir sitt lítið af hverju, fram spurningu sem fékk vafalítið marga til að sperra eyrun:

Ég hef reyndar heyrt það, ég veit ekki hvort þú [Björn Ingi] hefur heyrt það, að Framsóknarmenn vilji Sigmund Davíð í borgina?

Björn Ingi Hrafnsson svaraði engu um þetta og Kolbrún bætti við:

Það má ýmislegt segja um Sigmund Davíð, hann er umdeildur og allt það, en í skipulagsmálun þá talaði hann máli skynseminnar. En af því að það var hann, þá var ekki hægt að hlusta, þá varð að hlæja hæðnislega og gera grín að honum.

Arnþrúður sagði þá að þetta væri hluti af hinni breyttu umræðuhefð í landinu. Ekki síst á netinu, þar sem ríkti offors með persónulegum árásum á fólk ef það væri ekki skoðanalega í takt við það sem önnur öfl kysu.

Hér má sjá viðtalið við þær Kolbrúnu Bergþórsdóttur og Arnþrúði Karlsdóttur:

«
»

Ummæli ()

Vinsamlegast athugið:
Ummæli eru á ábyrgð þeirra sem þau skrifa. Eyjan áskilur sér þó rétt til að fjarlægja óviðeigandi og meiðandi ummæli. Tilkynna má óviðeigandi ummæli í netfangið ritstjorn@eyjan.is

Ban Ki-moon segir að læra megi af Íslendingum í jafnréttismálum

Sjálfbærnistofnun Ban Ki-moon var sett á fót árið 2017 með það markmið að styðja við innleiðingu heimsmarkmiða Sameinuðu þjóðanna þar sem sérstök áhersla er lögð á málefni kvenna og ungs fólks. Ban Ki-moon, sem var aðalritari Sameinuðu þjóðanna árin 2007-2016, átti fund með Lilju Alfreðsdóttur, mennta- og menningarmálaráðherra, og Líney Rut Halldórsdóttur framkvæmdastjóra ÍSÍ, í […]

1000 milljarðar króna undanþegnir skatti

Kristinn H. Gunnarsson ritar: Það er kallað á meira framlag frá ríkinu til óteljandi málaflokka. Þrátt fyrir að ríkissjóður hafi bólgnað út vegna aukinna tekna sem fylgja uppsveiflunni í hagkerfinu þá er víða kvartað sáran undan naglaskap í fjárveitingum til velferðar- og heilbrigðismála. Framlög til menntamála eru skorin við nögl og erlendar athuganir sýna hnignandi […]

Starfsgreinarsambandið fagnar launaskriðstryggingu

Laun þeirra ríkisstarfsmanna sem eru í aðildarfélögum Starfsgreinasambands Íslands fá nú í fyrsta sinn svokallaða launaskriðstryggingu sem gefur að meðaltali 1,8% hækkun á laun afturvirkt frá 1. janúar 2017. Leiðréttingin kemur til útborgunar á flestum stöðum þann 1. mars. Þetta er gert á grundvelli rammasamkomulags í tengslum við síðustu kjarasamninga til að tryggja að launaskrið […]

Guðlaugur Þór: Bretar vilja tryggja réttindi íslenskra borgara í Brexit

Samkvæmt Guðlaugi Þór Þórðarsyni, utanríkisráðherra, er það vilji breskra yfirvalda að virða og tryggja réttindi íslendinga, svo þeir sitji við sama borð og aðrir. Brexit sé forgangsmál. „Brexit er og verður forgangsmál hjá okkur í utanríkisráðuneytinu og mikil vinna fer nú fram í ráðuneytum hér á landi við að vernda hagsmuni okkar vegna útgöngu Breta […]

Íbúðum fjölgaði um 1.800 í fyrra – Lítil fjölgun milli ára

Íbúðum hér á landi fjölgaði um 1.759 í fyrra. Til samanburðar fjölgaði þeim um 1.580 árið 2016 og er aukningin því einungis tæplega 200 íbúðir milli ára. Þetta má sjá í nýjum tölum sem Þjóðskrá Íslands hefur birt. Eins og sjá má á meðfylgjandi mynd hefur orðið aukning í fjölgun íbúða undanfarin ár. Fjölgunin hefur […]

Brynjar baunar á Halldór: „Svona menn eiga bara að vinna á vernduðum vinnustað“

Brynjar Níelsson þingmaður Sjálfstæðisflokksins segir að þeir sem kalli á afsökunarbeiðni vegna veru Eyþórs Arnalds á fundi borgarstjórnar og þingmanna eigi bara vinna á vernduðum vinnustað. Halldór Auðar Svansson borgarfulltrúi Pírata sendi í gær harðort bréf til allra borgarfulltrúa og þingmanna Reykjavíkurkjördæmanna tveggja þar sem hann fer fram á að Guðlaugur Þór Þórðarson utanríkisráðherra bæðist […]

„Þingmenn sem þegið hafa bætur og ráðstafað því í kaup á húsnæði ættu að skila því, ella vera bornir út“

Þórólfur Júlían Dagsson, stjórnarmeðlimur Pírata á Suðurnesjum, spyr hvort það sé ekki réttmæt krafa að fólk sem búi ekki í því sveitarfélagi sem það vinnur, fái sömu kjör og þingmenn. Þá vill hann að allar upplýsingar um fjárveitingar til þingmanna síðustu 20 árin verði gerð opinber. Þetta kemur fram í tilkynningu frá Þórólfi. Hann segir […]

Styrmir: Evrópuríkin treysta Bandaríkjunum ekki lengur

Styrmir Gunnarsson, fyrrum ritstjóri Morgunblaðsins, lætur öryggismál Evrópu sig varða í dag. Þar segir hann að ríki Evrópusambandsins ætli sér að stórauka samstarf sitt í öryggis- og varnarmálum, þar sem þau treysti ekki lengur á NATO með sama hætti og áður. Ástæðan fyrir því sé Donald Trump Bandaríkjaforseti. Það er rétt hjá Styrmi að heimurinn […]

Gunnar Smári segir Samtök atvinnulífsins aðeins þjóna fámennri auðklíku

Gunnar Smári Egilsson, stofnandi Sósíalistaflokks Íslands, setur fram áhugaverða tölfræði á Facebooksíðu sinni um skiptingu auðs á Íslandi. Þar segir að aðeins 50 manneskjur á Íslandi eigi 53% alls eiginfjár íslenskra fyrirtækja og 950 manns til viðbótar eiga önnur 45 prósent alls eiginfjár fyrirtækja. Þá eigi restin af þjóðinni, um 339,000 manns, tvö prósentin sem […]

Mesta fólksfjölgunin á Norðurlöndunum

Fólki fjölgar meira á Norðurlöndum en annars staðar í Evrópu. Þá er þróun aldursdreifingar afdráttarlaust á þann veg að eldri árgangar fólks eru hér stærri en að meðaltali annars staðar í álfunni. Greinileg tilhneiging er til meiri fjölgunar á þéttbýlissvæðum á öllum Norðurlöndunum og ástæða þess er ekki síst samspil milli aðflutnings fólks frá frá […]

Andrés Ingi opnar bókhaldið og upplýsir um endurgreiðslur ferðakostnaðar

Andrés Ingi Jónsson, þingmaður Vinstri grænna, birtir á Facebook síðu sinni bókhaldsgögn um endurgreiðslur frá Alþingi vegna ferðakostnaðar hans innanlands á árinu 2017. Upphæðin er tæpar 300.000 krónur vegna fimm viðburða. Andrés Ingi segir sjálfsagt að útgjöldin verði opinber líkt og til standi að hálfu Alþingis: „Umræðan um starfskostnað þingmanna undanfarna daga er af hinu […]

Arnaldur Hjartarson metinn hæfastur umsækjenda um dómarastöðu við Héraðsdóm Reykjavíkur

Dómnefnd um hæfni umsækjenda um embætti dómara hefur skilað umsögn sinni um umsækjendur um eitt embætti dómara með fast sæti við Héraðsdóm Reykjavíkur. Arnaldur Hjartarson, aðstoðarmaður dómara við EFTA dómstólinn, var metinn hæfastur af umsækjendum. Þetta kemur fram á vef dómsmálaráðuneytisins. Í umsögn um Arnald segir meðal annars að Arnaldur hafi almenna og víðtæka lögfræðiþekkingu, eigi […]

Utanríkisráðherra: „Meiri áhersla verður lögð á eftirlit og viðbragð á þessari lífæð milli Evrópu og Norður-Ameríku”

Varnarmálaráðherrar aðildarríkja Atlantshafsbandalagsins ræddu aukinn varnarviðbúnað og framlög til varnarmála, eflingu herstjórna NATO og stuðning við umbætur í Írak á tveggja daga fundi sínum sem lauk í Brussel í dag. Þá funduðu ráðherrarnir með varnarmálaráðherrum Finnlands og Svíþjóðar og utanríkismálastjóra ESB um vaxandi samvinnu NATO og ESB. Þetta kemur fram í tilkynningu: „Bandalaginu hefur á […]

Smári McCarthy skólar Ásmund til: Segir þingmannsstarfið ekki snúast um keyrslu og kaffistofuröfl

Smári McCarthy, þingmaður Pírata, er einn fjölmargra sem hafa gagnrýnt frammistöðu Ásmundar Friðrikssonar, þingmanns Sjálfstæðisflokksins, í Kastljósinu í gær. Smári skrifar á Facebooksíðu sína að hann hafi meiri áhuga á að vera skilvirkur í sínum störfum, heldur en að vera popúlisti: „Nú vill svo til að ég er þingmaður Suðurkjördæmis, en bý einmitt í 101 […]

Frjáls fjölmiðlun ehf. - Kringlunni 4-12, 103 Reykjavík - eyjan (hjá) eyjan.is