Sunnudagur 12.03.2017 - 23:30 - Ummæli ()

Tyrkjaforseti hefur í heitingum við Hollendinga: „Nasistar og fasistar“

Erdogan Tyrklandsforseti hótar Hollandi hefndum eftir að hollensk stjórnvöld vísuðu tveimur ráðherrum hans frá landinu um helgina. Mynd/EPA

Tayyip Erdogan forseti Tyrklands hefur lýst því yfir að Holland „skuli fá það borgað“ eftir að hollensk stjórnvöld neituðu tveimur tyrkneskum ráðherrum að sækja landið heim og halda ræður á stjórnmálafundum meðal Tyrkja í Hollandi.

Þessa fundi hyggjast tyrknesk stjórnvöld halda víða um Vestur Evrópu á næstunni. Þar eiga háttsettir tyrkneskir stjórnmálamenn á bandi Erdogans  að afla stuðnings meðal Tyrkja sem hafa flutt úr landi, í þjóðaratkvæðagreiðslu um breytingar á tyrknesku stjórnarskránni. Verði af þessum breytingum þá myndu þær færa Tyrkjaforseta auknar valdheimildir. Eftir nokkru er að slægjast á Vesturlöndum. Alls er talið að um 5.5 milljónir Tyrkja búi utan Tyrklands. Þar af eru 1.4 milljónir í Þýskalandi. Erdogan og fylgismenn hans vilja meðal annars halda kosningafundi í þar í landi, í Austurríki, Svíþjóð og Hollandi.

Meðal ráðamanna á Vesturlöndum er ákveðinn varhugur gegn því að Erdogan Tyrklandsforseti skuli með þessum hætti færa víglínur í tyrkneskum innanríkismálum inn í þeirra þjóðríki. Bent er á að tyrknesk stjórnvöld nútímans séu ekki barnanna best þegar kemur að mannréttindamálum. Miklar hreinsanir áttu sér stað þar í landi í kjölfar valdaránstilraunar andstæðinga Erdogans í fyrrasumar. Fjöldi fólks var fangelsað og um 100.000 ríkisstarfsmönnum sagt upp störfum. Ekki bætir svo úr skák að ástandið er víða viðkvæmt í Vestur Evrópu þar sem mikilvægar kosningar eru á næsta leyti. Það á sérstaklega við um Holland þar sem kosið verður til þings á miðvikudag og síðan Frakkland sem heldur forsetakosningar í vor.

Í Hollandi ríkir mikil spenna þar sem horfur eru á að hinn þjóðernissinnaði Frelsisflokkur undir forystu Geert Wilders vinni sigur. Flokkurinn hefur lengi legið undir ásökunum um að standa fyrir lýðskrumsstefnu þar sem gert sé út á andúð gegn múslimskum innflytjendum. Í síðustu viku var efnt til mótmæla fyrir utan tyrkneska sendiráðið í Haag í Hollandi. Þar var Wilders mættur með stuðningsmönnum og mótmælaspjöld þar sem Erdogan var kallaður „harðstjóri“ og tyrkneskum stjórnmálamönnum sagt að halda sig fjarri Hollandi.

Geert Wilders, formaður hollenska Frelsisflokksins. Mynd/Getty images

Líklegt má telja að hollenska ríkisstjórnin óttist að stjórnmálafundir með tyrkneskum ráðherrum í Hollandi örfáum sólarhringum fyrir kjördag yrðu vatn á myllu Wilders og Frelsisflokksins. Wilders fengi þá meðal annars tækifæri til að fullyrða að hollenska ríkisstjórnin sé eins og mús undir fjalaketti gagnvart íslamistum Erdogans.

Um helgina var utanríkisráðherra Tyrklands bannað að koma fljúgandi til Hollands þar sem hann ætlaði að halda kosningafund. Þegar Betul Sayan Kaya fjölskyldumálaráðherra Tyrklands kom síðan akandi í sömu erindagjörðum frá Þýskalandi á laugardag var hún handsömuð af hollensku lögreglunni skammt frá ræðismannsskrifstofu Tyrklands í hafnarborginni Rotterdam og henni fylgt aftur til baka að þýsku landamærunum. Hún skrifaði um þetta á Twitter:

Talsmenn hollenskra stjórnvalda segjast hafa neyðst til að vísa tyrknesku ráðherrunum frá af öryggisástæðum.

Í kjölfarið urðu hörð og fjölmenn mótmæli fólks af tyrkneskum uppruna í Rotterdam þar sem lögregla beitti bæði vatnsbyssum og táragasi. Talið er að þúsund manns hafi tekið þátt.

Þeir eru taugaveiklaðir og huglausir. Þeir eru dreggjar nasismans, þeir eru fasistar,

sagði Erdogan við hóp stuðningsmanna sinna á fundi í Istanbul í gær og átti þar við Hollendinga. Hann hét því einnig að Hollandi skyldi launaður rauður belgur fyrir gráan. Erdogan virðist með þessu kynda undir þjóðerniskennd í sínu heimalandi þar sem hann stillir Tyrkjum upp sem fórnarlömbum illra afla á Vesturlöndum. Þar sé hann sjálfur vörnin sem viðhaldi reisn Tyrklands. Brottvísun ráðherra hans frá Hollandi gæti því nýst honum til að afla stuðnings við stjórnarskrárbreytingarnar.

Í Hollandi gæti málið einnig haft áhrif á úrslit þingkosninganna á miðvikudag.

«
»

Ummæli ()

Vinsamlegast athugið:
Ummæli eru á ábyrgð þeirra sem þau skrifa. Eyjan áskilur sér þó rétt til að fjarlægja óviðeigandi og meiðandi ummæli. Tilkynna má óviðeigandi ummæli í netfangið ritstjorn@eyjan.is

Af hverju eru allir stóreignamenn í Sjálfstæðisflokknum?

Einar Kárason skrifar: Því hefur stundum verið haldið fram að tími stéttastjórnmála sé liðinn, og vissulega hljóma sumir gamlir frasar um öreiga og verkalýð ærið forneskjulega í eyrum nútímafólks. En staðreyndin er hinsvegar merkilegt nokk sú að næstum allir þeir hér á landi sem gamlar skilgreiningar sortera í auðstétt, eru í hægriflokkunum, og þar af […]

Ásmundur Einar Daðason: Hvernig á að auka sjávarútveg á Vestfjörðum?

Blaðið Vestfirðir sendi frambjóðanda í efsta sæti á öllum níu listum í Norðvesturkjördæmi svohljóðandi spurningu: Aðeins um 7% af framleiðslunni í sjávarútvegi var 2015 á Vestfjörðum, en hlutfallið var um 16% fram til um 1995. Hvaða breytingar telur þú að þurfi að gera, m. a. á löggjöf um stjórn fiskveiða, til þess að sjávarútvegur vaxi […]

Áherslur flokkanna: Samgöngumálin

Eyjan mun fram að kjördegi bjóða framboðum sem taka þátt í Alþingiskosningunum 28. október næstkomandi að svara spurningum um ýmis málefni, allt frá landbúnaðarmálum til afstöðu flokkanna til veru Þjóðkirkjunnar á fjárlögum. Í dag er spurt: Hver er stefnan í samgöngumálum? Svörum flokkanna er raðað eftir listabókstaf framboðsins.   Björt framtíð – X-A   Björt […]

Nýr Þjóðarpúls: Vinstri græn og Sjálfstæðisflokkur áfram langstærst

Vinstri græn og Sjálfstæðisflokkur mælast með langmest fylgi, samkvæmt nýjum Þjóðarpúlsi Gallup. Fjallað var um hann í kvöldfréttum RÚV. Vinstri græn mældust með rúmlega 23 prósenta fylgi á meðan Sjálfstæðisflokkur mældist með tæplega 23 prósenta fylgi. Í niðurstöðum könnunar sem MMR birti í vikunni var fylgi Sjálfstæðisflokks 19,9 prósent en fylgi Vinstri grænna 19,1 prósent. […]

Deilt á skattablekkingarleik vinstri flokkana: „Kjósendur eru ekki fífl“

Hörður Ægisson ritstjóri Markaðarins deilir harkalega á tillögur Vinstri grænna og Samfylkingarinnar um verulega aukningu ríkisútgjalda í leiðara Fréttablaðsins í dag, segir hann að málflutningur um að það eigi ekki að hækka skatta á almenning standist enga skoðun: „Fyrir liggur að tveir stjórnmálaflokkar – Vinstri grænir og Samfylkingin – hafa lagt til að útgjöld ríkissjóðs […]

Hannes og Gunnar Smári í átökum: Öfund, dóni, mykjudreifari og ruglukollur

Hannes Hólmsteinn Gissurarson prófessor í stjórnmálafræði við Háskóla Íslands deilir á gagnrýnendur Bjarna Benediktssonar formann Sjálfstæðisflokksins, segir Hannes á Fésbók að öfund vinstrimanna í garð Bjarna sé öflugri en allar vatnsafls- og jarðvarmavirkjanir á Íslandi. Þeim orðum svaraði Gunnar Smári Egilsson Sósíalistaforingi og fyrrverandi útgefandi á eftirfarandi hátt: Áttu við að andstyggð fólks á þeim […]

Þetta miklu eyða flokkarnir í kosningabaráttuna

Aðeins átta dagar eru til kosninga og því naumur tími til að koma stefnumálum sínum á framfæri. Boðað var til kosningar með mun skemmri fyrirvara en venjan er og því hafa flokkarnir ekki haft mikinn tíma til að undirbúa kosningabaráttuna. Flokkarnir hafa ekki úr jafn miklum fjármunum að moða líkt og sjá má þegar kosningabaráttan […]

Þingmaður Pírata um Sjálfstæðisflokkinn: „Þessir lygarar hafa blóð á höndum sínum – Blóð vina minna“

„Þetta er ljótasta lygi sem ég hef séð í þessari kosningabaráttu. Það var Sjálfstæðisflokkurinn sem bannaði Óttari og Viðreisn að gera umbætur,“ segir Gunnar Hrafn Jónsson þingmaður Pírata í umræðu inni í Fésbókarhópnum Geðsjúk þar sem meðlimur hópsins setti inn færslu Sjálfstæðisflokksins þar sem segir að flokkurinn vilji ljúka framkvæmd geðheilbrigðisstefnunnar og fylgja henni eftir. […]

Bjarni Ben um nýjan þjóðarleikvang – Við erum að hugsa til langs tíma

,,Við erum að hugsa til langs tíma, það er einfaldlega kominn tími til þess að við tökum ákvarðanir,“ sagi Bjarni Benediktsson sitjandi forsætisráðherra um þau áform að byggja nýjan Laugardalsvöll.

Viðskiptablaðið borgar Facebook til að dreifa óhróðri um Kötu Jak

Viðskiptablaðið er komið í kosningaham. Í nokkuð harðorðum nafnlausum pistli sem merktur er Týr er spjótunum beint að Katrínu Jakobsdóttur, formanni VG, og skattahugmyndum flokks hennar. Vísað er á pistilinn af Facebook-síðu Viðskiptablaðsins og athygli vekur að ritstjórnin hefur greitt Facebook fyrir þjónustu sem tryggir að pistillinn berist sem víðast. Fjallað er um leiðtogaumræður á […]

Áherslur flokkanna: Heilbrigðismálin

Eyjan mun fram að kjördegi bjóða framboðum sem taka þátt í Alþingiskosningunum 28. október næstkomandi að svara spurningum um ýmis málefni, allt frá samgöngumálum til afstöðu flokka til uppreist æru. Í dag er spurt: Hverjar eru áherslurnar í heilbrigðismálum? Svörum flokkanna er raðað eftir listabókstaf framboðsins.   Björt framtíð – X-A   Heilbrigðisráðherra Óttarr Proppé […]

Meirihluti landsmanna á móti lögbanninu – Sjálfstæðismenn mest fylgjandi

Meirihluti Íslendinga er andvígur lögbanni Sýslumannsins í Reykjavík á fréttaflutning Stundarinnar úr gögnum Glitnis, eða 77%. Einungis 11,4% Íslendinga var fylgjandi lögbanninu og kváðust 11,6% hvorki fylgjandi né andvígir. Þetta kemur fram í niðurstöðum nýrrar könnunar MMR. Athygli vekur að stuðningsfólk Sjálfstæðisflokksins var líklegra til að segjast fylgjandi lögbanninu, borið saman við aðra stjórnmálaflokka. Þannig […]

„Mannætunni“ Jóni Trausta er ekki skemmt

Helgi Sigurðsson, skopmyndateiknari Morgunblaðsins, teiknar Jón Trausta Reynisson, ritstjóra Stundarinnar, sem mannætu í mynd dagsins í blaðinu. Aðalrétturinn hjá Jóni Trausta er svo Bjarni Benediktsson forsætisráðerra sem situr í súpunni í mannætupottinum, Jón Trausti sér ekkert fyndið við teikninguna sem hann birtir á Facebook og spyr: „Hvers vegna er ég teiknaður sem mannæta í skopmynd […]

Þingmaður Sjálfstæðisflokksins gekk af nefndarfundi: „Ég nenni ekki að sitja undir svona bulli“

Vilhjálmur Bjarnason þingmaður Sjálfstæðisflokksins sagði svar lögmanns Stundarinnar vera bull og yfirgaf fund stjórnskipunar- og eftirlitsnefndar. Líkt og greint var frá í morgun fundar nefndin vegna lögbanns sýslumanns á Stundina. Fram kom í máli sýslumanns í morgun að lögbannið byggi á lögum og væri ekki frábrugðið öðrum lögbönnum, lögbannið sneri ekki að umfjöllun Stundarinnar um […]

Eyjan Miðlar ehf. - Kringlunni 4-12, 103 Reykjavík - eyjan (hjá) eyjan.is