Þriðjudagur 14.03.2017 - 22:07 - Ummæli ()

Er búið að leysa ráðgátuna um hver myrti Olof Palme?

Olof Palme forsætisráðherra Svíþjóðar 1969-1976 og 1982-1986.

Háttsettir sænskir lögreglumenn og sérfræðingur hjá bandarísku alríkislögreglunni FBI eru sannfærðir um að búið sé að leysa gátuna um hver myrti Olof Palme, þáverandi forsætisráðherra Svíþjóðar í mars 1986.

Morðið á Palme er líklegast umtalaðasta morðmálið á Norðurlöndunum síðustu áratugi. Það hefur ekki verið upplýst enn opinberlega þrátt fyrir mikla rannsóknarvinnu sænsku lögreglunnar en málið hefur margoft verið tekið til rannsóknar á nýjan leik.

Christer Pettersson var dæmdur fyrir morðið árið 1988 en eiginkona Palme hafði borið kennsl á hann og sagði hann hafa verið við morðvettvanginn. Hann var síðan sýknaður á æðra dómsstigi. Pettersson lést í september 2014. Málið er formlega enn óleyst og margar samsæriskenningar hafa verið á lofti um hver myrti Palme.

Í nýrri bók eftir Paul Smith, Palmemordet – historier & gøglebilleder fra en postfaktuel verden, segir Smith frá því hver hann telur að hafi myrt Palme og byggir það á niðurstöðum rannsóknar sem rannsóknarnefnd á vegum sænsku ríkisstjórnarinnar gerði. Smith eignar sér því ekki heiðurinn af málinu heldur vill hann aðeins segja frá hver hann telur að hafi myrt Palme.  2012 gaf Smith út bókina Palmes Morder? þar sem hann nafngreindi hinn meinta morðingja og birti mynd af honum.

Í nýju bókinni fer hann aftur yfir málið og er að vissu leyti reiður yfir að fyrri bók hans hafi ekki vakið meiri athygli almennings og fjölmiðla en það verða að teljast mikil tíðindi ef Smith hefur í raun og veru upplýst hver myrti Palme.

Hver skaut Olof Palme?

Smith segir í bók sinni að það hafi verið Anders Christer Henning Andersson sem myrti Palme. Andersson var 33 ára þegar morðið var framið. Nafn hans kom strax upp þegar rannsókn hófst á morðinu og á lista yfir grunaða var hann settur í áttunda sæti þegar raðað var eftir hversu líklegt þótti að viðkomandi hefði myrt Palme.

Þegar morðið var framið bjó Andersson í um 15 mínútna göngufjarlægð frá morðvettvanginum. Hann var félagi í skotklúbbi og átti skammbyssu af gerðinni Smith&Wesson .357 Magnum en það er mjög öflugt skotvopn. Það var einmitt skammbyssa af þessari gerð sem Palme var skotinn með.

Forsíða Dagens Nyheter eftir morðið.

Nokkrum árum fyrir morðið hafði lögreglan haldlagt byssuna eftir að Andersson hafði skotið á sjónvarpstæki sitt þegar Palme birtist á skjánum. Hann fékk byssuna síðan aftur. En enginn hugsaði út í þetta dagana eftir að Palme var myrtur. Lögreglunni barst ábending um að Andersson væri grunsamlegur og gæti tengst morðinu en hún týndist í allri þeirri ringulreið sem var í kringum rannsóknina.

Andersson fór ekki að tilmælum lögreglunnar sem hvatti alla eigendur Smith&Wesson .357 skammbyssa til að afhenda lögreglunni þær svo hægt væri að skjóta úr þeim og bera saman við þau sönnunargögn sem lögreglan hafði aflað á morðvettvanginum. Lögreglan sendi Andersson aðra beiðni um að gera þetta en hann svaraði ekki. Níu árum eftir morðið var Andersson yfirheyrður vegna málsins. Þá sagðist hann hafa selt byssuna fyrir löngu en hún hefur aldrei fundist. Andersson var ekki kærður fyrir ólöglega meðferð skotvopns eða ólöglega sölu þess. Smith telur að lögreglan hafi ekki viljað gera mál úr þessu því það hefði beint athyglinni að slælegum vinnubrögðum hennar.

En af þeim sem lágu og liggja undir grun um að hafa myrt Palme er Andersson sá eini sem uppfyllir öll skilyrði þess að hafa getað myrt Palme. Hann hafði tækifæri til að myrða Palme, hann átti vopn eins og notað var við morðið, hann hafði einnig ástæðu til að vilja Palme feigan. Ástæðan var að Andersson hafði stundað fjárfestingar í hlutabréfum og þegar ríkisstjórn Palme samþykkti mikla skattlagningu á hagnað af hlutabréfaviðskiptum hrundi verðmæti þeirra. Andersson fór illa út úr því en hann hafði tekið lán fyrir fjárfestingum sínum. Skattlagningin var samþykkt daginn áður en Palme var myrtur.

Andersson hataði Palme frá því áður og þegar hann sá Palme við kvikmyndahúsið við Sveavägen þann 28. febrúar 1986 hafði hann nægan tíma til að fara heim, sækja byssuna, fara aftur að kvikmyndahúsinu og elta Palme þegar hann kom út og skjóta hann.

2008 hafði bróðir Andersson áhyggjur af andlegri heilsu hans. Hann bað lögregluna um að kanna með ástand hans. Lögreglumenn fóru heim til hans en þegar lögreglumennirnir knúðu dyra og báðu hann um að opna heyrðu þeir skothvell. Andersson hafði skotið sig í höfuðið með haglabyssu. Þetta var 22 árum eftir að Palme var myrtur.

Hvað segja sérfræðingar?

Jan Olsson og Ulf Åsgård, sem unnu báðir að rannsókn morðsins á vegum sænsku lögreglunnar, eru sömu skoðunar og Smith um hver hafi myrt Palme. James W. Clarke, sérfræðingur hjá FBI kom að rannsókn málsins á sínum tíma, er einnig sama sinnis og í bréfi sem hann sendi Smith lýsti hann þeirri skoðun sinni.

Åsgård segir að ef hann ætti að gera lista núna yfir grunaða og raða þeim eftir hversu líklegt honum þykir að þeir hafi myrt Palme þá myndi hann setja Andersson í fyrsta sæti og engan á eftir honum fyrr en kannski í fimmta sæti. Andersson sé áhugaverðastur í þessu sambandi.

Åsgård segir einnig að hann hafi hitt Andersson einu sinni og að það hafi komið á óvart hversu vel hann svaraði til lýsinga vitna á morðingjanum. Eiginlega allt við hann hafi fallið vel að því sem vitnin sögðu.

«
»

Ummæli ()

Vinsamlegast athugið:
Ummæli eru á ábyrgð þeirra sem þau skrifa. Eyjan áskilur sér þó rétt til að fjarlægja óviðeigandi og meiðandi ummæli. Tilkynna má óviðeigandi ummæli í netfangið ritstjorn@eyjan.is

Siðmennt fylgjandi umskurðarfrumvarpi

Siðmennt, félag siðrænna húmanista á Íslandi, hvetur Alþingi til að samþykkja frumvarp Silju Daggar Gunnarsdóttur, þingmanns Framsóknarflokksins, sem bannar umskurð drengja, í umsögn sinni um frumvarpið.   „Þar sem um er að ræða alvarlegt og óafturkræft inngrip er óásættanlegt að börn undir lögaldri séu umskorin,“ segir meðal annars í umsögninni. Siðmennt segir að brotið sé […]

Ban Ki-moon segir að læra megi af Íslendingum í jafnréttismálum

Sjálfbærnistofnun Ban Ki-moon var sett á fót árið 2017 með það markmið að styðja við innleiðingu heimsmarkmiða Sameinuðu þjóðanna þar sem sérstök áhersla er lögð á málefni kvenna og ungs fólks. Ban Ki-moon, sem var aðalritari Sameinuðu þjóðanna árin 2007-2016, átti fund með Lilju Alfreðsdóttur, mennta- og menningarmálaráðherra, og Líney Rut Halldórsdóttur framkvæmdastjóra ÍSÍ, í […]

1000 milljarðar króna undanþegnir skatti

Kristinn H. Gunnarsson ritar: Það er kallað á meira framlag frá ríkinu til óteljandi málaflokka. Þrátt fyrir að ríkissjóður hafi bólgnað út vegna aukinna tekna sem fylgja uppsveiflunni í hagkerfinu þá er víða kvartað sáran undan naglaskap í fjárveitingum til velferðar- og heilbrigðismála. Framlög til menntamála eru skorin við nögl og erlendar athuganir sýna hnignandi […]

Starfsgreinarsambandið fagnar launaskriðstryggingu

Laun þeirra ríkisstarfsmanna sem eru í aðildarfélögum Starfsgreinasambands Íslands fá nú í fyrsta sinn svokallaða launaskriðstryggingu sem gefur að meðaltali 1,8% hækkun á laun afturvirkt frá 1. janúar 2017. Leiðréttingin kemur til útborgunar á flestum stöðum þann 1. mars. Þetta er gert á grundvelli rammasamkomulags í tengslum við síðustu kjarasamninga til að tryggja að launaskrið […]

Guðlaugur Þór: Bretar vilja tryggja réttindi íslenskra borgara í Brexit

Samkvæmt Guðlaugi Þór Þórðarsyni, utanríkisráðherra, er það vilji breskra yfirvalda að virða og tryggja réttindi íslendinga, svo þeir sitji við sama borð og aðrir. Brexit sé forgangsmál. „Brexit er og verður forgangsmál hjá okkur í utanríkisráðuneytinu og mikil vinna fer nú fram í ráðuneytum hér á landi við að vernda hagsmuni okkar vegna útgöngu Breta […]

Íbúðum fjölgaði um 1.800 í fyrra – Lítil fjölgun milli ára

Íbúðum hér á landi fjölgaði um 1.759 í fyrra. Til samanburðar fjölgaði þeim um 1.580 árið 2016 og er aukningin því einungis tæplega 200 íbúðir milli ára. Þetta má sjá í nýjum tölum sem Þjóðskrá Íslands hefur birt. Eins og sjá má á meðfylgjandi mynd hefur orðið aukning í fjölgun íbúða undanfarin ár. Fjölgunin hefur […]

Brynjar baunar á Halldór: „Svona menn eiga bara að vinna á vernduðum vinnustað“

Brynjar Níelsson þingmaður Sjálfstæðisflokksins segir að þeir sem kalli á afsökunarbeiðni vegna veru Eyþórs Arnalds á fundi borgarstjórnar og þingmanna eigi bara vinna á vernduðum vinnustað. Halldór Auðar Svansson borgarfulltrúi Pírata sendi í gær harðort bréf til allra borgarfulltrúa og þingmanna Reykjavíkurkjördæmanna tveggja þar sem hann fer fram á að Guðlaugur Þór Þórðarson utanríkisráðherra bæðist […]

„Þingmenn sem þegið hafa bætur og ráðstafað því í kaup á húsnæði ættu að skila því, ella vera bornir út“

Þórólfur Júlían Dagsson, stjórnarmeðlimur Pírata á Suðurnesjum, spyr hvort það sé ekki réttmæt krafa að fólk sem búi ekki í því sveitarfélagi sem það vinnur, fái sömu kjör og þingmenn. Þá vill hann að allar upplýsingar um fjárveitingar til þingmanna síðustu 20 árin verði gerð opinber. Þetta kemur fram í tilkynningu frá Þórólfi. Hann segir […]

Styrmir: Evrópuríkin treysta Bandaríkjunum ekki lengur

Styrmir Gunnarsson, fyrrum ritstjóri Morgunblaðsins, lætur öryggismál Evrópu sig varða í dag. Þar segir hann að ríki Evrópusambandsins ætli sér að stórauka samstarf sitt í öryggis- og varnarmálum, þar sem þau treysti ekki lengur á NATO með sama hætti og áður. Ástæðan fyrir því sé Donald Trump Bandaríkjaforseti. Það er rétt hjá Styrmi að heimurinn […]

Gunnar Smári segir Samtök atvinnulífsins aðeins þjóna fámennri auðklíku

Gunnar Smári Egilsson, stofnandi Sósíalistaflokks Íslands, setur fram áhugaverða tölfræði á Facebooksíðu sinni um skiptingu auðs á Íslandi. Þar segir að aðeins 50 manneskjur á Íslandi eigi 53% alls eiginfjár íslenskra fyrirtækja og 950 manns til viðbótar eiga önnur 45 prósent alls eiginfjár fyrirtækja. Þá eigi restin af þjóðinni, um 339,000 manns, tvö prósentin sem […]

Mesta fólksfjölgunin á Norðurlöndunum

Fólki fjölgar meira á Norðurlöndum en annars staðar í Evrópu. Þá er þróun aldursdreifingar afdráttarlaust á þann veg að eldri árgangar fólks eru hér stærri en að meðaltali annars staðar í álfunni. Greinileg tilhneiging er til meiri fjölgunar á þéttbýlissvæðum á öllum Norðurlöndunum og ástæða þess er ekki síst samspil milli aðflutnings fólks frá frá […]

Andrés Ingi opnar bókhaldið og upplýsir um endurgreiðslur ferðakostnaðar

Andrés Ingi Jónsson, þingmaður Vinstri grænna, birtir á Facebook síðu sinni bókhaldsgögn um endurgreiðslur frá Alþingi vegna ferðakostnaðar hans innanlands á árinu 2017. Upphæðin er tæpar 300.000 krónur vegna fimm viðburða. Andrés Ingi segir sjálfsagt að útgjöldin verði opinber líkt og til standi að hálfu Alþingis: „Umræðan um starfskostnað þingmanna undanfarna daga er af hinu […]

Arnaldur Hjartarson metinn hæfastur umsækjenda um dómarastöðu við Héraðsdóm Reykjavíkur

Dómnefnd um hæfni umsækjenda um embætti dómara hefur skilað umsögn sinni um umsækjendur um eitt embætti dómara með fast sæti við Héraðsdóm Reykjavíkur. Arnaldur Hjartarson, aðstoðarmaður dómara við EFTA dómstólinn, var metinn hæfastur af umsækjendum. Þetta kemur fram á vef dómsmálaráðuneytisins. Í umsögn um Arnald segir meðal annars að Arnaldur hafi almenna og víðtæka lögfræðiþekkingu, eigi […]

Utanríkisráðherra: „Meiri áhersla verður lögð á eftirlit og viðbragð á þessari lífæð milli Evrópu og Norður-Ameríku”

Varnarmálaráðherrar aðildarríkja Atlantshafsbandalagsins ræddu aukinn varnarviðbúnað og framlög til varnarmála, eflingu herstjórna NATO og stuðning við umbætur í Írak á tveggja daga fundi sínum sem lauk í Brussel í dag. Þá funduðu ráðherrarnir með varnarmálaráðherrum Finnlands og Svíþjóðar og utanríkismálastjóra ESB um vaxandi samvinnu NATO og ESB. Þetta kemur fram í tilkynningu: „Bandalaginu hefur á […]

Frjáls fjölmiðlun ehf. - Kringlunni 4-12, 103 Reykjavík - eyjan (hjá) eyjan.is