Þriðjudagur 14.03.2017 - 10:59 - Ummæli ()

Sigmundur óttast um viðbrögð kröfuhafa – Bjarni skilur ekki áhyggjurnar

Bjarni og Sigmundur Davíð, þegar allt lék í lyndi.

Fjármagnshöft á einstaklinga, fyrirtæki og lífeyrissjóði heyra sögunni til frá með deginum í dag. Þetta var tilkynnt af þeim Bjarna Benediktssyni forsætisráðherra, Benedikt Jóhannessyni fjármálaráðherra og Má Guðmundssyni seðlabankastjóra á blaðamannafundi um liðna helgi. Þá kom einnig fram að seðlabankinn hefði gert eigendum aflandskróna tilboð um kaup á þeim. Flestir hafa tekið vel í afnám haftanna en tilboð Seðlabanka Íslands hefur ekki hlotið jafn góðar viðtökur. Meðal þeirra sem gert hafa athugasemdir við það eru Sigmundur Davíð Gunnlaugsson, fyrrum forsætisráðherra og formaður Framsóknarflokksins og núverandi þingmaður flokksins. Þetta kemur fram á vefsíðu DV.

Í júní gerði seðlabankinn eigendum aflandskróna tilboð sem hljóðaði upp á 190 krónur fyrir hverja evru en er nú einungis 137,5 krónur fyrir hverja evru.

Sigmundur segir að með þessum gjörningi séu aflandskrónueigendur, sem að stærstum hluta eru bandarískir vogunarsjóðir, leystir út með gjöfum.

„Það stendur til að verðlauna hrægammana sem vildu ekki spila með (í útboðinu í fyrra) og ákváðu þess í stað að beita áróðri og undirróðri til að hafa áhrif á íslensk stjórnmál,“ skrifaði Sigmundur á Facebook síðu sinni.

Í samtali við DV segir Sigmundur að hann sé engu að síður ánægður með að höftum sé loks lyft og því beri að fagna. Það gangi að hins vegar að hans mati gegn áætlun um afnám hafta að bjóða út aflandskrónur með þessum hætti. Útboðið sé allt of seint á ferðinni og mistök hafi verið gerð með að halda það ekki þegar þrýstingur var enn til staðar á vogunarsjóðina eins og hann orðar það.

Það hefði átt að senda út þau skilaboð að annaðhvort gengju menn að þessum 190 krónum fyrir hverja evru eða þeir væru bara fastir. Frá því átti aldrei að hvika.

Sigmundur hefur auk þess af því áhyggjur af því að þeir aðilar sem þátt tóku í útboðum seðlabankans í júní hafi í hyggju að sækja bætur vegna forsendubrests.

„Það hlýtur að sjóða á þeim núna. Það hlýtur að vera að þeir velti því fyrir sér hvort þeir hafi slíka stöðu í ljósi þess að fullyrðingar íslenskra stjórnvalda hafi ekki reynst réttar.“

Bjarni ekki sammála Sigmundi og skilur ekki samúðina með aflandskrónueigendum

Við höfum enga ástæðu til að ætla að það að við skulum semja við aflandskrónueigendur á þessum tímapunkti muni valda neinni röskun á því sem liðið er, enda höfðu menn frjálst val um það hvort þeir tóku þátt í útboðinu í fyrra,

sagði Bjarni Benediktsson forsætisráðherra í samtali við DV. Allar þær aðgerðir sem nú sé ráðist í séu gerðar í samræmi við áætlanir sem unnið hafi verið eftir frá árinu 2015.

Ég á erfitt með að skilja hvers vegna hjarta manna slær með þeim sem tóku þátt í útboðinu í fyrra. Það er bara þannig að menn sáu ekki fyrir að það yrði jafn mikil styrking á gengi krónunnar og raun er orðin.

Eigendur aflandskróna að verðmæti 90 milljón króna hafa veitt jákvæð svör við hugmyndum um uppboð. Þeir sem hafa neitað verða því áfram fastir inni með sínar krónur, á reikningum með lágum vöxtum. Þeir eru að sögn Bjarna að taka áhættu hvað gengisþróun varðar.

«
»

Ummæli ()

Vinsamlegast athugið:
Ummæli eru á ábyrgð þeirra sem þau skrifa. Eyjan áskilur sér þó rétt til að fjarlægja óviðeigandi og meiðandi ummæli. Tilkynna má óviðeigandi ummæli í netfangið ritstjorn@eyjan.is

Einar: „Boðið upp í dans“

Á tímanum upp úr 1970 mátti greina bæði nýjungar og gerjun í íslenskum skáldskap, þá rann upp gullöld sjálfsútgáfunnar, ekki síst á ljóðabókum, með nýrri prent- og fjölritunartækni, menntaskólablöð voru full af ljóðum og styttri prósum, og það var einhver gleði sem sveif yfir vötnum í þessu öllu, svo að kannski er ekki að undra […]

Múslimsk kona fórnarlamb hatursáróðurs eftir árásina við breska þinghúsið í Lundúnum

Ljósmynd af múslimskri konu sem heldur á farsíma og gengur fram hjá slasaðri kynsystur sinni sem liggur og nýtur aðhlynningar vegfarenda á Westminster-brúnni í Lundúnum hefur síðustu daga verið misnotuð af múslimahöturum víða um heim. Ljósmyndin var tekin síðdegis á miðvikudag rétt eftir að íslamskur hryðjuverkamaður hafði ekið bifreið á miklum hraða á gangandi vegfarendur […]

Eliza Reid forsetafrú: ,,Ég tala með hreim, beygi orð rangt, segi stundum tóma vitleysu sem fær fólk til að hlæja“

Miklar umræður hafa verið um íslenska tungu undanfarin misseri og sitt sýnist hverjum. Á samskiptamiðlum hafa einhverjir vegið hart að íslenskukunnáttu Nicole Leigh Mosty, þingkonu Bjartar framtíðar sem ekki er fædd hér á landi. Nú hefur Eliza Reid, forsetafrú, lagt orð í belg en það gerir hún í pistli á Facebook síðu sinni er hún […]

Jóhanna ætlar að rukka ferðamenn og Árni hótar að taka áfangastaðinn úr bókinni: „400kr fyrir 12 ára og eldri“

Gjaldtaka á vinsælum áfangastöðum ferðamanna veldur deilum. Jóhanna Kristin Hjartardóttir, ábúandi á jörðinni Helgafelli við Stykkishólm hefur tilkynnt að þar verði framvegis rukkað viðhalds- og þjónustugjald af þeim ferðamönnum sem vilji koma og njóta staðarins. Jörðin er sögufrægur staður en þar er Guðrún Ósvífursdóttir grafin, ein af aðal sögupersónum Laxdælu. Þetta mælst mis vel fyrir […]

Ísland veitir meiri styrki til nýsköpunar og þróunar

Útgjöld Íslands til ríkisaðstoðar jukust um 10,5% á árinu 2015. Þrátt fyrir þessa aukningu er hlutfall ríkisaðstoðar af landsframleiðslu fremur lágt á Íslandi og talsvert lægra en meðaltal ríkja Evrópusambandsins. Þetta kemur fram í nýjustu samanburðarskýrslu Eftirlitsstofnunar EFTA, ESA, um útgjöld til ríkisaðstoðar í EFTA-ríkjunum sem birt var í morgun. Aukninguna árið 2015 má helst […]

Már viðurkennir að mistök hafi verið gerð

Már Guðmundsson seðlabankastjóri var gestur Björns Inga Hrafnssonar í Eyjunni í gær. Þar fóru þeir um víðan völl og ræddu efnahagsmál Íslands í víðu samhengi, allt frá afnámum gjaldeyrishafta til ferðamannastraumsins. Gjaldeyriseftirlit Seðlabanka Íslands bar einnig á góma en eins og frægt er orðið stóð voru hafðar uppi miklar sakargiftir gegn fyrirtækinu um brot á […]

Jón Baldvin: „EES-samningurinn eins og skraddarasaumaður handa Skotum“

Ný bók um það sem Skotar geta lært af reynslu Norðurlandaþjóða um samskipti við Evrópusambandið er komin út  í Edinborg. Bókin ber heitið McSmörgåsbord  – What post-Brexit Scotland can Learn from the Nordics. Bókin hefur að geyma ritgerðir eftir höfunda frá öllum Norðurlöndum, þeirra á meðal frá Færeyjum og Grænlandi. Höfundur íslenska kaflans er Jón […]

Hjálmar: Upphrópanir byggjast á misskilningi eða rangtúlkunum

„Í tilefni af fjölmiðlaumræðu um 5 daga legudeild Klíníkurinnar vill undirritaður árétta að hvorki Velferðarráðuneytið né Embætti landlæknis hafa neinar athugasemdir við starfsemina sem heldur áfram ótrufluð þrátt fyrir ýmis konar upphrópanir síðustu daga sem flestar byggjast á misskilningi eða rangtúlkunum.“ Svona hefst fréttatilkynning frá Hjálmari Þorsteinssyni bæklunarskurðlækni og framkvæmdastjóra Klíníkurinnar í Ármúla. Segir hann […]

„Óveðurský yfir Akranesi“

Í gærkvöldi hrönnuðust upp óveðurský yfir Akranesi sem endaði með gríðarlegum þrumum og eldingum sem lýsti upp allan bæinn. Nú skal ég fúslega viðurkenna að ég óttast innilega að það séu að hrannast upp óveðurský í atvinnumálum okkar Akurnesinga og núna er bara spurning hvort það endi með þrumum og eldingum, segir Vilhjálmur Birgisson formaður […]

Þórhildur mætti Arnþrúði og Pétri í beinni: „Þið stundið hér hatursáróður“

Harðorðar og fjörugar umræðu sköpuðust þegar Þórhildur Sunna Ævarsdóttir þingmaður Pírata mætti Arnþrúði Karlsdóttur útvarpsstjóra og Pétri Gunnlaugssyni dagskrárgerðarmanni í beinni útsendingu á Útvarpi Sögu síðdegis í gær. Líkt og Eyjan greindi frá fyrr í vikunni hafa þingmaðurinn og aðstandendur Útvarp Sögu eldað grátt silfur, Þórhildur sagði á Alþingi að gagnrýni talsmanna Útvarps Sögu á […]

Þórarinn hækkaði laun starfsmanna um 30% og lækkaði þannig launakostnað um 20%

Þórarinn Ævarsson, framkvæmdastjóri IKEA, er andlit fyrirtækisins. Hann er einarður talsmaður lágs vöruverðs og hefur ákveðnar skoðanir á því hvers konar starfsmannastefna sé árangursríkust. Hann er í viðtali í DV sem kom út í dag. Þar fjallar hann einnig um tíma sinn á Dominos og hvernig hann lækkaði launakostnað með því að hækka laun starfsmanna. […]

Bjarni hafnar ásökunum úr netheimum: „Ég hef hvergi sagt að geðlyf virki ekki“

Bjarni Benediktsson forsætisráðherra hafnar því að hafa nokkurn tímann sagt að geðlyf virki ekki eða að hafa líkt lyfjagjöf við að vökva dáið blóm. Þetta sagði Bjarni í Twitter-færslu sem birtist um miðnætti. Málið má rekja til meints myndbands, sem nú hefur verið fjarlægt, þar sem Bjarni á að láta slík orð falla í stjórnmálafræðitíma […]

Bankaráð krafði Má um að láta af umræðu í fjölmiðlum eftir viðtal á Eyjunni

Bankaráð Seðlabanka Íslands krafðist þess að Már Guðmundsson seðlabankastjóri léti af umræðu um málarekstur bankans gegn Samherja. Bókunin var samþykkt í kjölfar umræðu á fyrri fundum bankaráðsins þar sem framganga Más í fjölmiðlum var til umræðu. Hafði Már lengi vel á undan rætt opinberlega um málareksturinn gegn Samherja. Morgunblaðið hefur bókunina undir höndum, þar segir: […]

Tiltrú á Ísland hefur stóraukist að mati seðlabankastjóra – Höftin ekki haft stórkostleg áhrif á gengi krónunnar

Már Guðmundsson seðlabankastjóri var gestur Björns Inga Hrafnssonar í þættinum Eyjan á ÍNN í kvöld. Þar fóru þeir yfir efnahagsmálin sem ávallt eru á milli tannana á fólki, einkum og sér í lagi nú þegar fjármagnshöft hafa verið afnumin. Már segir að viðbrögðin við þeim áfanga hafi verið góð og ,,ekki hafa haft stórkostleg áhrif […]

Eyjan Miðlar ehf. - Kringlunni 4-12, 103 Reykjavík - eyjan (hjá) eyjan.is