Fimmtudagur 16.03.2017 - 08:26 - Ummæli ()

Frelsisflokkur Geert Wilders fékk minna fylgi en spáð hafði verið: Flóknar stjórnarmyndunarviðræður framundan

Geert Wilders, formaður hollenska Frelsisflokksins. Mynd/Getty images

VVD, miðju-hægri flokkur Mark Rutte, forsætisráðherra Hollands, vann varnarsigur í þingkosningunum í gær og er áfram stærsti flokkur landsins. Frelsisflokkur Geert Wilders hafði sótt fast að VVD en náði ekki þeim árangri sem flokknum hafði verið spáð. VVD tapaði fylgi ef miðað er við kosningarnar 2012 en forsætisráðherrann er samt sem áður ánægður með niðurstöðuna og segir að „popúlismi“ hafi verið stöðvaður.

Evrópskir stjórnmálaleiðtogar hafa fagnað niðurstöðunni og sagði talsmaður Angelu Merkel, kanslara Þýskalands, að úrslitin væru „frábær“.  Jean-Claude Juncker, formaður framkvæmdastjórnar ESB, sagði þetta hafa verið „atkvæði fyrir Evrópu, atkvæði gegn öfgasinnum“.

Frelsisflokkurinn, sem er hægri sinnaður þjóðernisflokkur, fékk um 13 prósent atkvæða og 19 þingsæti. VVD fékk um 21 prósent atkvæða, tapaði 6 prósentustigum frá kosningunum 2012, og 31 þingsæti en 150 þingmenn sitja á hollenska þinginu. Frelsisflokkurinn bætti við sig fylgi frá síðustu kosningum en besta árangri sínum náði flokkurinn 2010 þegar hann fékk 24 þingmenn kjörna.

Sky-fréttastofan segir að Rutte hafi sagt að úrslitin sýni að Hollendingar vilji halda sig við þá stefnu sem hefur verið rekin undanfarin ár, „örugga, stöðuga og bjarta“. Hann sagði einnig að „slæm útgáfa popúlisma“ hafi verið stöðvuð núna í kjölfar Brexit úrslitanna og með kjöri Donald Trump sem forseta Bandaríkjanna.

Wilders, sem vill loka moskum, banna kóraninn og yfirgefa ESB, fékk mikla athygli fjölmiðla í kosningunum. í færslu á Twitter í nótt þakkaði hann stuðningsmönnum sínum og sagði að Rutte væri ekki laus við hann.

Flokkur græningja vann góðan sigur en flokkurinn fékk 11 prósent atkvæða og 16 þingsæti. Í kosningunum fyrir fimm árum fékk flokkurinn 2 prósent atkvæða.

Kosningaþátttaka var mjög góð en 28 flokkar buðu fram.

Erfið stjórnarmyndun framundan

Reiknað er með að erfiðar stjórnarmyndunarviðræður séu framundan og gætu þær tekið margar vikur eða mánuði. Flestir flokkanna hafa þó lýst því yfir að þeir muni ekki starfa með Frelsisflokknum.

Rutte verður að finna nýjan samstarfsflokk í ríkisstjórn því núverandi samstarfsflokkur, vinstri flokkurinn PvdA, beið afhroð og fékk aðeins 9 þingmenn kjörna en hafði 38 áður. Stjórnarmyndunarviðræður í Hollandi taka yfirleitt langan tíma og flestir eiga von á að sú verði raunin að þessu sinni enda er staðan flókin.

Wilders og flokkur hans eru nánast útilokaðir frá stjórnarmyndunarviðræðum vegna afstöðu annarra flokka og stefnir því að flokkur hans verði áhrifalítill á þinginu. En þrátt fyrir það geta Wilders og stuðningsmenn hans fagnað því að kosningabaráttan hafi verið óbeinn sigur fyrir flokkinn og stefnumál hans.

Margir hinna flokkanna hafa tekið stefnumál Frelsisflokksins til sín og gert að sínum og hafa færst til hægri. VVD hefur til dæmis staðið á bak við margar tillögur um hertar reglur í innflytjendamálum. Með þessu hafa margir kjósendur með góðri samvisku getað kosið aðra flokka en Frelsisflokkinn en margir eru sammála málflutningi og stefnu flokksins en framkoma Wilders og á tíðum öfgafull ummæli hans gætu hafa skemmt fyrir flokknum að mati sumra fréttaskýrenda.

«
»

Ummæli ()

Vinsamlegast athugið:
Ummæli eru á ábyrgð þeirra sem þau skrifa. Eyjan áskilur sér þó rétt til að fjarlægja óviðeigandi og meiðandi ummæli. Tilkynna má óviðeigandi ummæli í netfangið ritstjorn@eyjan.is

Stefnt að opnun neyslurýma fyrir vímuefnaneytendur

Svandís Svavarsdóttir heilbrigðisráðherra hefur sett af stað vinnu í velferðarráðuneytinu til að undirbúa opnun neyslurýma fyrir langt leidda vímuefnaneytendur. Neyslurými sem þessi eru þekkt úrræði erlendis og byggjast á hugmyndafræði skaðaminnkunar. Alþingi samþykkti í maí árið 2014 ályktun um að stefna í vímuefnamálum skyldi endurskoðuð „á grundvelli lausnamiðaðra og mannúðlegra úrræða, á forsendum heilbrigðiskerfisins og […]

Arnar Þór Sævarsson verður aðstoðarmaður félags- og jafnréttismálaráðherra

Ásmundur Einar Daðason félags- og jafnréttismálaráðherra hefur ráðið Arnar Þór Sævarsson, fráfarandi sveitarstjóra á Blönduósi aðstoðarmann sinn í velferðarráðuneytinu. Arnar Þór útskrifaðist úr lögfræði frá Háskóla Íslands árið 1999 og tók ári síðar réttindi til að gegna lögmennsku. Hann hefur gegnt stöðu sveitarstjóra á Blönduósi frá árinu 2007. Áður var hann aðstoðarmaður Jóns Sigurðssonar, þáverandi […]

Virtur læknir óttast að Trump fái hjartaáfall-Mældist með hættulega hátt kólesteról

Donald Trump Bandaríkjaforseti var sagður við hestaheilsu í reglubundinni læknisskoðun sinni á dögunum, þegar hann var skoðaður af lækni Hvíta hússins, Dr. Ronny L. Jackson. Sagði læknirinn að hjarta- og æðakerfi Trumps væri í fínu standi, þrátt fyrir að LDL kólesteról magnið mældist 143, sem er langt yfir viðmiðunarmörkum. LDL kólesteról er gjarnan nefnt „vonda“ […]

Una María kosin formaður Miðflokksfélags Suðvesturskjördæmis

Miðflokkurinn stofnaði flokksfélag Suðvesturkjördæmis í gærkvöldi í Glersalnum í Kópavogi, samkvæmt tilkynningu frá Miðflokknum. Gestir fundarins voru þeir Sigmundur Davíð Gunnlaugsson formaður Miðflokksins og Gunnar Bragi Sveinsson þingmaður Suðvesturkjördæmis. Miðflokksfélag Suðvesturkjördæmis er annað kjördæmafélag Miðflokksins sem stofnað er, en nýlega var stofnað Miðflokksfélag í Suðurkjördæmi. Félagið hefur, samkvæmt nýsamþykktum lögum þess, þann tilgang að vinna […]

Rúnar Björn kjörinn formaður Pírata í Reykjavík – Berst fyrir réttindum fatlaðra

Aðalfundur Pírata í Reykjavík var haldinn á dögunum, þar sem Rúnar Björn Herrera Þorkelsson, garðyrkjufræðingur og formaður NPA miðstöðvarinnar, var kjörinn formaður. Aðrir stjórnarmenn voru kosnir Þorgerður Ösp Arnþórsdóttir ritari, Björn Þór Jóhannesson gjaldkeri og Unnar Þór Sæmundsson. Elsa Nore hlaut kjör sem aðalmaður í stjórn en lækkaði sig um sæti og er nú fyrsti […]

Ráðherranefnd skipar samráðshóp um úrbætur er varðar kynferðislegt ofbeldi

Ráðherranefnd sem skipuð var af ríkisstjórninni í desember til að vinna að markmiðum sínum í jafnréttismálum, ákvað í dag að skipa samráðshóp um heildstæðar úrbætur er varðar kynferðislegt ofbeldi, en hópnum verður m.a. falið að fylgja eftir nýrri aðgerðaáætlun um úrbætur í meðferð kynferðisbrota. Þetta kemur fram í tilkynningu. Þá var farið yfir lög um […]

Hannes býðst til að skrifa skýrsluna á íslensku

Hannes Hólmsteinn Gissurason er höfundur skýrslu um bankahrunið, hvers útgáfa hefur ítrekað frestast. Skýrslan átti fyrst að koma út fyrir um þremur árum, síðan lofaði Hannes útgáfu hennar síðla í nóvember, en frestaði þá útgáfu hennar aftur til 16. janúar, þar sem hann vildi veita þeim sem skýrslan fjallar um, ráðrúm til að koma með […]

Guðmundur Andri líkir Davíð Oddssyni við Jónas frá Hriflu

Það fór framhjá fáum sem fylgjast með fréttum, að Davíð Oddsson varð sjötugur í gær. Afmæli þessa þaulsetnasta forsætisráðherra okkar og líklega umdeildasta stjórnmálamanns Íslands var tilefni greinar Guðmundar Andra Thorssonar, rithöfundar og þingmanns Samfylkingarinnar, á vef Herðubreiðar. Greinin heitir „Höfundur Hrunsins er sjötugur í dag. Honum skal óskað til hamingju.“ Guðmundur byrjar á því […]

Ný Gallup könnun: Tiltrú jarðarbúa á forystuhlutverki Bandaríkjanna aldrei mælst minni

Samkvæmt nýjustu mælingum Gallup, hefur tiltrú fólks á forystuhlutverki Bandaríkjanna fallið hratt á heimsvísu, eftir að Donald Trump tók við embætti forseta landsins, því hún hefur aldrei verið minni. Skoðanakönnunin tekur til 134 landa og telja 30 prósent þeirra sem svöruðu að Bandaríkin væri helsta forystuþjóðin á síðasta ári, sem er hlutfallslega lægsta einkunn sem […]

Fjögur nýsköpunarfyrirtæki hljóta viðurkenningar fyrir samstarf

Í dag afhenti Kristján Þór Júlíusson sjávarútvegsráðherra viðurkenningar til fjögurra fyrirtækja innan Íslenska sjávarklasans sem skarað hafa framúr við að efla samstarf við önnur fyrirtæki. Fyrirtækin sem hlutu viðurkenningu eru Navis, Evris, Iceland Sustainable Fisheries og Knarr Maritime. Navis hlýtur viðurkenningu fyrir að efla samstarf tæknifyrirtækja um hönnun á umhverfisvænum skipum. Evris hlýtur viðurkenningu fyrir […]

Grein Hannesar á skjön við skýrslu Rannsóknarnefndar – „Því var bjargað sem bjargað varð“

Í tilefni 70 ára afmælis Davíðs Oddssonar ritar Hannes Hólmsteinn Gissurason eina og hálfa opnu um aðkomu Davíðs að bankahruninu í Morgunblaðinu í dag. Í Stundinni kemur fram að Hannes sé ósammála niðurstöðum rannsóknarnefndar Alþingis og lýsi Davíð sem bjargvætti Íslands í hruninu, en það sé söguskýring sem Hannes kenni í skyldunámskeiði í Háskóla Íslands. […]

Samkeppniseftirlitið hafnar kröfu Símans – Skilyrði samnings verða óbreytt

Samkeppniseftirlitið hefur hafnað kröfu Símans um að breyta skilyrðum samnings milli Fjarskipta hf. (Vodafone) og 365 miðla hf. Þetta kemur fram í tilkynningu frá Samkeppniseftirlitinu. Þann 9. október sl. heimilaði Samkeppniseftirlitið kaup Fjarskipta hf. (Vodafone) á tilteknum eignum og rekstri 365 miðla hf. Samruninn er háður skilyrðum sem Samkeppniseftirlitið og samrunaaðilar gerðu sátt um.   […]

Forsætisráðherra fundaði með formanni landsstjórnar Grænlands

Katrín Jakobsdóttir, forsætisráðherra, átti fund með Kim Kielsen, formanni landsstjórnar Grænlands í dag. Á fundinum var rætt um góð samskipti Íslands og Grænlands, stöðu efnahagsmála og stjórnmála. Þetta kemur fram í tilkynningu frá forsætisráðuneytinu. Mikilvægi Vestnorræna ráðsins kom til umræðu og aukin samvinna Íslands og Grænlands, meðal annars á sviði ferðamála.Vaxandi straumur ferðamanna er fyrirliggjandi […]

Skúli Helgason stefnir á 3. sætið hjá Samfylkingunni

Borgarfulltrúinn Skúli Helgason gefur kost á sér í 3. sæti í flokksvali Samfylkingarinnar fyrir komandi borgarstjórnarkosningar sem fram fer 10. febrúar næstkomandi. Þetta kemur fram í tilkynningu. Skúli hefur verið borgarfulltrúi í eitt kjörtímabil, í meirihlutasamstarfi undir forystu Samfylkingarinnar og stýrir einum viðamesta málaflokknum í borgarmálunum, skóla- og frístundamálum.   Skúli er menntaður stjórnmálafræðingur frá […]

Frjáls fjölmiðlun ehf. - Kringlunni 4-12, 103 Reykjavík - eyjan (hjá) eyjan.is