Laugardagur 18.03.2017 - 11:30 - Ummæli ()

Landsbyggðin nötrar af reiði

ramkvæmdir við Kjósarskarðsveg. Myndin var tekin sl. vor. Ekki verður sett meira fé að svo stöddu í þann veg en slíkt hefði að óbreyttu leitt til mikilvægra bóta á þessari tengingu milli Suður- og Vesturlands.

Víða um land er fólk orðið ansi langeygt eftir vegabótum. Nýsamþykkt samgönguáætlun Alþingis sem afgreidd var örfáum vikum fyrir þingkosningar í október sl. vakti bjartsýni og vonir margra. Því var trúað að nú yrði loks farið í margar langþráðar framkæmdir sem staðið hafa á hakanum mörg undanfarin mögur ár. Nú kemur svo í ljós að samgönguáætlunin var að mörgu leyti marklítið plagg. Fregnir um fyrirhugaðan tíu milljarða króna niðurskurð á þessari samgönguáætlun sem samþykkt var á Alþingi örfáum vikum fyrir þingkosningarnar í október sl. hafa vakið mikið uppnám. Ekki síst meðal margra íbúa landsbyggðarinnar. Fólk spyr sig hvort ekkert sé yfir höfuð að marka stjórnmálamenn landsins?

Haldlítill pappír

Fjölmargar framkvæmdir sem beðið hefur verið eftir árum saman, og loks hillti undir að yrðu að veruleika, verða nú flautaðar af. Samgönguáætlun sem veifað var nýsamþykktri framan í kjósendur fyrir nokkrum vikum síðan, rétt áður en þeir fóru á kjörstaði, reynist nú haldlítið plagg.

Gunnar Bragi Sveinsson þingmaður Framsóknarflokksins í Norðvesturkjördæmi og fyrrum ráðherra í fyrri ríkisstjórn Sjálfstæðisflokks og Framsóknarflokks, og nú í stjórnarandstöðu er ekki par sáttur eftir yfirlýsingar Jóns Gunnarssonar. Hann situr í umhverfis- og samgöngunefnd Alþingis. Gunnar Bragi lét þessi orð falla um leið og heyrinkunnugt varð hvað stæði til: „Samgönguráðherra svíkur landsbyggðina.“

Fimm þingmenn Sjálfstæðisflokks og Framsóknarflokks í Norðvesturkjördæmi fá í nýjasta tölublaði Vestfjarða á sig þá spurningu í hvaða liði þeir eiginlega séu? Klippa úr blaðinu sem má lesa ókeypis í heild á vefnum fotspor.is.

Kristinn H. Gunnarsson ritstjóri og fyrrum þingmaður hefur á hinn bóginn bent á að Gunnar Bragi og Framsóknarflokkssystir hans Elsa Lára Arnardóttir hafi ásamt Sjálfstæðisflokksþingmönnunum Haraldi Benediktssyni, Teiti Einarssyni og Hafdísi Gunnarsdóttur, öll greitt atkvæði með fjárlagafrumvarpi fyrir 2017. Þar hafi fjármunir til samgönguframkvæmda samkvæmt samgönguáætlun að stórum hluta verið strikaðir út. Ritstjórinn spyr í hvaða liði þessir þingmenn séu?

Afhroð í vestri

Þessi fimm eru þingmenn Norðvesturkjördæmis sem fer illa út úr niðurskurðinum. Til að mynda verða Vestfirðir fyrir miklum skakkaföllum. Afnumin verður 1200 milljóna framkvæmd við Vestfjarðaveg um Gufudalssveit. Þar er umdeildur vegur um Teigsskóg. Sömuleiðis verða 400 milljónir sem áttu að fara í Dynjandisheiði strikaðar út.

Á Vesturlandi verða meðal annars fjárveitingar til Uxahryggjavegar og Skógarstrandarvegar flautaðar af. Í Kjós þurfa menn svo á horfa á stöðvun endurbóta á veginum um Svínaskarð. Uxahryggjavegur og Svínaskarðsvegur áttu ekki síst að gagnast ferðaþjónustunni með betri tenginum milli suður- og norðvesturhluta landsins. Skógarstrandarvegur hefur lengi beinlínis verið talinn hættulegur vegna bágs ástands. Hann er bæði vinsæll ferðamannavegur og almenningsleið milli Snæfellsness og Dala.

Hörð mótmæli víða um land

Stjórn Samtaka sveitarfélaga á Vesturlandi (SSV) sendi frá sér ályktun þegar fregnir bárust af því sem framundan er í vegamálum. Þar er niðurskurðinum mótmælt harðlega og segir meðal annars: „Á undanförnum árum hefur verið lítið um fjárveitingar til vegabóta á Vesturlandi og ljóst að ekki eru stórar framkvæmdir fyrirhugaðar á allra næstu árum…Því er óásættanlegt að horfa upp á það að þær fjárveitingar sem þó áttu að fara til framkvæmda á Vesturlandi séu skornar af. Gríðarleg umferðaraukning hefur orðið í landshlutanum með fjölgun ferðamanna.“

Einnig er bent á að Vestlendingar hafi lagt mikla vinnu í að búa til sameiginlega samgönguáætlun fyrir landshlutann. Sátt hafi náðst um forgangsröðun framkvæmda þar sem vegir um Uxahryggi og Skógarströnd voru í meðal forgangsverkefna. Ályktun stjórnar SSV má lesa í heild á heimasíðu samtakanna (ssv.is).

Ofangreind dæmi af vestanverðu landinu og á Vestfjörðum eru aðeins smjörþefurinn af niðurskurðinum sem er afar blóðugur, enda skal eins og fyrr sagði flauta af framkvæmdir fyrir tíu milljarða. Ekkert fer t. a. m. í nýja brú yfir Hornafjarðarfljót en þar var búið að heita einum milljarði í framkvæmdir. Vegabætur um Berufjörð eru einnig fyrir bí. Síðustu daga hafa íbúar á Vestfjörðum í Hornafirði og Berufirði staðið fyrir mótmælum.

Birtist fyrst í Vesturland. Smelltu hér til að lesa blaðið í heild sinni.

«
»

Ummæli ()

Vinsamlegast athugið:
Ummæli eru á ábyrgð þeirra sem þau skrifa. Eyjan áskilur sér þó rétt til að fjarlægja óviðeigandi og meiðandi ummæli. Tilkynna má óviðeigandi ummæli í netfangið ritstjorn@eyjan.is

Samið um þorskafla Íslands í Smugunni

Haldinn var samningafundur í fiskveiðinefnd Íslands og Rússlands daganna 19.-20. febrúar. Umræðuefnið var að venju framkvæmd svokallaðs Smugusamnings frá 1999 milli Íslands, Noregs og Rússlands um þorskveiðar íslenskra skipa í lögsögu Noregs og í þessu tilviki í lögsögu Rússlands fyrir árið 2018. Í samningnum er um tvenns konar kvóta að ræða. Annars vegar þann sem […]

Landvernd vill virkja vindorku

Engin stefna hefur verið mörkuð um vindorkuvirkjanir á Íslandi og því réðst Landvernd í það verkefni að semja stefnu sem byggist á náttúruverndar-sjónarmiðum með almannahagsmuni að leiðarljósi. Vonast er til aðframkvæmdaaðilar og sveitarfélög geti nýtt sér þessa stefnumörkun til að lágmarka neikvæð umhverfisáhrif slíkra framkvæmda og til að koma í veg fyrir að ráðist verði […]

Kaupskil kaupa 13% í Arion banka af ríkinu

Fjármála- og efnahagsráðherra hefur, að undangengnu samráði við ráðherranefnd um efnahagsmál og endurskipulagningu fjármálakerfisins og ríkisstjórn, fallist á tillögu Bankasýslu ríkisins um sölu á 13% hlut ríkissjóðs í Arion banka til Kaupskila ehf. (dótturfélags Kaupþings ehf.) fyrir 23,4 milljarða króna. Salan fer fram á grunni kaupréttar á hlutnum samkvæmt hluthafasamkomulagi frá árinu 2009 og lögum um […]

Áslaug sakar Sjálfstæðisflokkinn um svindl: „Leikreglum er breytt og uppstillingarvaldið sett í fárra hendur“

Borgarfulltrúi Sjálfstæðisflokksins, Áslaug Friðriksdóttir, sem fékk ekki sæti á framboðslista flokksins fyrir komandi borgarstjórnakosningar, skrifar á Facebooksíðu sína í dag. Þar segir hún farir sínar ekki sléttar í samskiptum við Sjálfstæðisflokkinn:   „Kæru vinir, enginn getur gengið að neinu vísu í pólitík. Góður stuðningur í hefðbundnum prófkjörum hefur litla þýðingu, þegar leikreglum er breytt og […]

Ríkisendurskoðun gagnrýnir ráðuneytið fyrir skort á heildarstefnu í orkumálum

Ríkisendurskoðun ítrekar ekki fimm ábendingar sem beint var til atvinnuvega- og nýsköpunarráðuneytis og Landsnets hf. árið 2015. Þetta kemur fram í nýrri eftirfylgniskýrslu Ríkisendurskoðunar, Landsnet hf. Hlutverk, eignarhald og áætlanir. Ráðuneytið hefur enn ekki brugðist við þeirri ábendingu Ríkisendurskoðunar að marka heildstæða stefnu í orkumálum til að tryggja að uppbygging og rekstur flutningskerfis raforku sé í […]

Heilbrigðisráðherra vill lögleiða rafrettur

Svandís Svavarsdóttir heilbrigðisráðherra segir frumvarp um rafrettur stuðla að lögmætum viðskiptum með þessa vöru og tryggja eftirlit og mikilvæga neytendavernd. Aðgengi fólks að rafrettum og reglur um notkun þeirra samkvæmt frumvarpinu geri þeim hægt um vik sem vilja hætta tóbaksnotkun með aðstoð þeirra. Ráðherra mælti fyrir frumvarpinu á Alþingi í gær. Eins og fram kom í ræðu […]

Hagstofan áætlar 2,9% hagvöxt á árinu

Hagstofa Íslands hefur gefið út endurskoðaða þjóðhagsspá að vetri í ritröð sinni, Hagtíðindum. Spáin spannar árin 2017–2023. Hægt hefur á hagvexti frá árinu 2016 en áætlað er að hagkerfið hafi vaxið um 3,8% árið 2017. Meiri kraftur var í þjóðarútgjöldum sem áætlað er að hafi aukist um rúmlega 7% á síðasta ári. Talið er að […]

Afgerandi meirihluti vill afsögn dómsmálaráðherra

Samkvæmt könnun Maskínu sem unnin var í samstarfi við Stundina, kemur fram að 72,5% þjóðarinnar vilja að Sigríður Á. Andersen dómsmálaráðherra segi af sér. Þeir sem vilja að hún sitji áfram eru 27,5 prósent. Hlutfallið er yfir 67% hjá fylgjendum allra stjórnmálaflokka, nema Sjálfstæðisflokksins og Miðflokksins, en 23% Sjálfstæðismanna vilja afsögn Sigríðar og rúm 44 […]

Haraldur hugsar málið varðandi framboð til varaformennsku

Haraldur Benediktsson, fyrsti þingmaður Norð-vestur kjördæmis fyrir Sjálfstæðisflokkinn, segist ætla að hugsa sig um hvort hann bjóði sig fram til varaformennsku í flokknum á landsfundi sjálfstæðisflokksins um miðjan mars, eftir fjölda áskorana. Þetta kemur fram í Morgunblaðinu í dag.   „Já, ég get staðfest það að margir hafa komið að máli við mig og skorað […]

Ingvar Mar leiðir lista Framsóknar

Ingvar Mar Jónsson, flugstjóri og fyrrum varaþingmaður- og borgarfulltrúi, mun leiða lista Framsóknarflokksins í komandi borgarstjórnarkosningum. Fjórar konur skipa næstu fimm sæti. Höfuðáhersla Framsóknarflokksins í Reykjavík verða skólamál samkvæmt tilkynningu, en þrír frambjóðendur eru með kennaramenntun. Viðskeytið flugvallarvinir er hvergi sjáanlegt í tilkynningu frá Framsóknarflokknum að þessu sinni og má því áætla að það verði ekki […]

Listi Eyþórs klár – Tveimur borgarfulltrúum bolað burt

Sjálfstæðismenn kynntu endanlegan framboðslista sinn í kvöld, fyrir borgarstjórnarkosningarnar í maí. Borgarfulltrúarnir Kjartan Magnússon og Áslaug Friðriksdóttir eru ekki á listanum, en Marta Guðjónsdóttir borgarfulltrúi er í fimmta sæti listans. Hildur Björnsdóttir lögfræðingur er í öðru sæti, Valgerður Sigurðardóttir því þriðja, og Egill Þór Jónsson í fjórða. Heildarlistinn er hér að neðan:   1. Eyþór Lax­dal […]

Fjárframlög til stjórnmálaflokka hækka um 127% : Sjálfstæðisflokkur fær mest – Viðreisn minnst

Fjármála- og efnahagsráðuneytið hefur tekið saman upplýsingar um greiðslur ríkisins til stjórnmálasamtaka fyrir árið 2018. Framlög fara eftir stærð flokkanna samkvæmt atkvæðafjölda og fær því Sjálfstæðisflokkurinn hæsta framlagið, eða rúmar 166 milljónir. Viðreisn fær minnsta framlagið, eða rétt tæpar 44 milljónir. Framlagið hækkar milli ára um 127 prósent. Tillaga um að hækka framlög til flokkanna […]

Björn Valur þjófkennir þingmenn-Segir marga vísvitandi brjóta reglurnar-Á pari við Árna Johnsen

Björn Valur Gíslason, fyrrum varaformaður VG, segir það gott mál að nú skuli greiðslur Alþingis til þingmanna verða gerðar opinberar, líkt og til stendur samkvæmt Steingrími J. Sigfússyni, forseta Alþingis. Hann telur einnig sjálfsagt að Alþingi endurgreiði útgjöld þingmanna, þeir eigi ekki að „verða fyrir útgjöldum vegna starfa sinna.“ Það sem er eftirtektavert er að […]

Pawel býður sig fram í borginni

Pawel Bartoszek, fyrrum þingmaður Viðreisnar, segist á Facebook síðu sinni hafa komið því áleiðis til uppstillingarnefndar Viðreisnar, að hann sækist eftir sæti ofarlega á lista flokksins í komandi borgarstjórnarkosningum.   „Reykjavík er frábær borg. Hún dregur til sín hæfileikaríkt fólk frá öllu landinu og öllum heimshornum. Hún er oftar en ekki aðdráttaraflið dregur þá Íslendinga […]

Frjáls fjölmiðlun ehf. - Kringlunni 4-12, 103 Reykjavík - eyjan (hjá) eyjan.is