Sunnudagur 19.03.2017 - 17:49 - Ummæli ()

Bergsteinn um framgöngu Mikaels: „Ég hlustaði á Mikka lýsa því að 470 þúsund kall væru bara helvíti fín laun“

„Við búum bara ekki í sanngjörnu samfélagi þegar 370 þúsund krónur eru byrjunarlaun hjúkrunarfræðings. Þegar fólk á að lifa á örorku, sem er 129 og 180 þúsund á mánuð. Þegar við leggjumst á koddann í kvöld, þá eigum við að skammast okkar.“

Á þessum orðum endaði viðtal Egils Helgasonar við rithöfundinn Mikael Torfason í Silfrinu. Viðtal sem hefur vakið gífurlega athygli og nær öruggt að það hefur komið fyrir auga allra þeirra sem notað samskiptamiðilinn Facebook. Fær Mikael mikið hrós fyrir framgöngu sína. Í Silfrinu ræddi Mikael um fátækt á Íslandi en hann hefur undanfarið kynnt sér stöðu fátæks fólks á Íslandi og gert þætti sem nú eru fluttir á Rás 1. Mikael sagði einnig:

„Þetta er bara fólk sem við höfum skilið eftir á bótum sem eru skammarlegar. Og við viljum að þær séu skammarlegar, að þær séu lágar, því við viljum ná að kúga þetta fólk til að hætta þessu.“

Illugi og Mikael ritstýrðu DV

Hefur framgöngu Mikaels verið hrósað í hástert en í þeim hópi er Illugi Jökulsson en Illugi og Mikael ritstýrðu DV. „Helvíti er þetta flott hjá honum Mikka. Stjórnarandstaðan er hins vegar að dusta rykið af fötunum sínum. Ekki þarf að orðlengja um ríkisstjórnarfólkið,“ segir Illugi á Facebook. Þá sagði Gunnar Smári Egilsson lærifaðir Mikaels í blaðamennsku að Mikael hefði flutt eldmessu í þættinum og verkalýðsforinginn Vilhjálmur Birgisson segir í pistli á Pressunni:

Fyrirgefið orðbragðið, en djöfull er ég sammála Mikael Torfasyni að við eigum að skammast okkur hvernig við komum fram við þá sem höllustum fæti standa í íslensku samfélagi.

Þá sagði Mikael einnig að íslenskir kjósendur ættu að skammast sín fyrir að kjósa yfir sig verstu ríkisstjórn sem setið hefur í alþingishúsinu.

Mikael og Gunnar Smári hafa starfað lengi saman og báðir gagnrýnt ríkisstjórnina harðlega síðustu vikur

Ekki eru allir jafn hrifnir en Bergsteinn Sigurðsson sem starfaði lengi á Fréttablaðinu við afar góðan orðstír og er nú einn af umsjónarmönnum Kastljós tjáir sig á Facebook-síðu Illuga Jökulssonar. Þess má geta að Mikael var ritstjóri Bergsteins á Fréttablaðinu. Mikael var ráðinn ritstjóri Fréttablaðsins þann 5. mars 2013. Í maí sagði Bergsteinn upp á Fréttablaðinu. Þá var Mikael nokkuð umdeildur á meðal starfsmanna í Skaftahlíð. Segir Bergsteinn að skoðun Mikaels hafi verið önnur þegar hann sat hinum megin við borðið í valdastöðu á Fréttablaðinu. Bergsteinn segir um framgöngu Mikaels í Silfrinu:

„Mikið vatn runnið til sjávar síðan ég hlustaði á Mikka lýsa því að 470 þúsund kall væru bara helvíti fín laun fyrir blaðamann með níu ára starfsaldur á sama stað. (Fyrir nýliða þótti 350 þús helvíti rausnarlegt.)“

Bendir Bergsteinn á að þetta hafi verið fyrir aðeins fjórum árum síðan. Segir Bergsteinn að viðsnúningur Mikaels nú minni nánast á Sál frá Tarsus. En fyrir þá sem ekki vita gekk Sál hart fram í að ofsækja kirkjuna á tímum Jesús, ofsótti fólk sem var varpað í fangelsi og drepið, konur og karlar. Seinna eftir kynni við Jesú gerðist hann kristniboði af þeim sama krafti og hann hafði áður ofsótt hina kristnu. Bergsteinn segir að Mikael hafi lagt sitt af mörkum í að halda blaðamennsku í láglaunastétt.

„Það var fyrir fjórum árum síðan, á sama tíma og hann tók til við að reka allt fólk með reynslu (og laun yfir 470 þús væntanlega) af Fbl. og lagði sitt af mörkum í að halda blaðamennsku sem enn meiri láglaunastétt en hún hefur verið (væntanlega og vonandi hafa hans eigin laun verið eitthvað ríflegri).“

En eins og áður segir hefur viðtalið við Mikael vakið mikla athygli og verið deilt víða. Taka margir undir málflutning hans og gagnrýna ríkisstjórnina og launakjör alþýðunnar. Þætti Mikaels um fátækt má svo hlusta á hér.

«
»

Ummæli ()

Vinsamlegast athugið:
Ummæli eru á ábyrgð þeirra sem þau skrifa. Eyjan áskilur sér þó rétt til að fjarlægja óviðeigandi og meiðandi ummæli. Tilkynna má óviðeigandi ummæli í netfangið ritstjorn@eyjan.is

Samið um þorskafla Íslands í Smugunni

Haldinn var samningafundur í fiskveiðinefnd Íslands og Rússlands daganna 19.-20. febrúar. Umræðuefnið var að venju framkvæmd svokallaðs Smugusamnings frá 1999 milli Íslands, Noregs og Rússlands um þorskveiðar íslenskra skipa í lögsögu Noregs og í þessu tilviki í lögsögu Rússlands fyrir árið 2018. Í samningnum er um tvenns konar kvóta að ræða. Annars vegar þann sem […]

Landvernd vill virkja vindorku

Engin stefna hefur verið mörkuð um vindorkuvirkjanir á Íslandi og því réðst Landvernd í það verkefni að semja stefnu sem byggist á náttúruverndar-sjónarmiðum með almannahagsmuni að leiðarljósi. Vonast er til aðframkvæmdaaðilar og sveitarfélög geti nýtt sér þessa stefnumörkun til að lágmarka neikvæð umhverfisáhrif slíkra framkvæmda og til að koma í veg fyrir að ráðist verði […]

Kaupskil kaupa 13% í Arion banka af ríkinu

Fjármála- og efnahagsráðherra hefur, að undangengnu samráði við ráðherranefnd um efnahagsmál og endurskipulagningu fjármálakerfisins og ríkisstjórn, fallist á tillögu Bankasýslu ríkisins um sölu á 13% hlut ríkissjóðs í Arion banka til Kaupskila ehf. (dótturfélags Kaupþings ehf.) fyrir 23,4 milljarða króna. Salan fer fram á grunni kaupréttar á hlutnum samkvæmt hluthafasamkomulagi frá árinu 2009 og lögum um […]

Áslaug sakar Sjálfstæðisflokkinn um svindl: „Leikreglum er breytt og uppstillingarvaldið sett í fárra hendur“

Borgarfulltrúi Sjálfstæðisflokksins, Áslaug Friðriksdóttir, sem fékk ekki sæti á framboðslista flokksins fyrir komandi borgarstjórnakosningar, skrifar á Facebooksíðu sína í dag. Þar segir hún farir sínar ekki sléttar í samskiptum við Sjálfstæðisflokkinn:   „Kæru vinir, enginn getur gengið að neinu vísu í pólitík. Góður stuðningur í hefðbundnum prófkjörum hefur litla þýðingu, þegar leikreglum er breytt og […]

Ríkisendurskoðun gagnrýnir ráðuneytið fyrir skort á heildarstefnu í orkumálum

Ríkisendurskoðun ítrekar ekki fimm ábendingar sem beint var til atvinnuvega- og nýsköpunarráðuneytis og Landsnets hf. árið 2015. Þetta kemur fram í nýrri eftirfylgniskýrslu Ríkisendurskoðunar, Landsnet hf. Hlutverk, eignarhald og áætlanir. Ráðuneytið hefur enn ekki brugðist við þeirri ábendingu Ríkisendurskoðunar að marka heildstæða stefnu í orkumálum til að tryggja að uppbygging og rekstur flutningskerfis raforku sé í […]

Heilbrigðisráðherra vill lögleiða rafrettur

Svandís Svavarsdóttir heilbrigðisráðherra segir frumvarp um rafrettur stuðla að lögmætum viðskiptum með þessa vöru og tryggja eftirlit og mikilvæga neytendavernd. Aðgengi fólks að rafrettum og reglur um notkun þeirra samkvæmt frumvarpinu geri þeim hægt um vik sem vilja hætta tóbaksnotkun með aðstoð þeirra. Ráðherra mælti fyrir frumvarpinu á Alþingi í gær. Eins og fram kom í ræðu […]

Hagstofan áætlar 2,9% hagvöxt á árinu

Hagstofa Íslands hefur gefið út endurskoðaða þjóðhagsspá að vetri í ritröð sinni, Hagtíðindum. Spáin spannar árin 2017–2023. Hægt hefur á hagvexti frá árinu 2016 en áætlað er að hagkerfið hafi vaxið um 3,8% árið 2017. Meiri kraftur var í þjóðarútgjöldum sem áætlað er að hafi aukist um rúmlega 7% á síðasta ári. Talið er að […]

Afgerandi meirihluti vill afsögn dómsmálaráðherra

Samkvæmt könnun Maskínu sem unnin var í samstarfi við Stundina, kemur fram að 72,5% þjóðarinnar vilja að Sigríður Á. Andersen dómsmálaráðherra segi af sér. Þeir sem vilja að hún sitji áfram eru 27,5 prósent. Hlutfallið er yfir 67% hjá fylgjendum allra stjórnmálaflokka, nema Sjálfstæðisflokksins og Miðflokksins, en 23% Sjálfstæðismanna vilja afsögn Sigríðar og rúm 44 […]

Haraldur hugsar málið varðandi framboð til varaformennsku

Haraldur Benediktsson, fyrsti þingmaður Norð-vestur kjördæmis fyrir Sjálfstæðisflokkinn, segist ætla að hugsa sig um hvort hann bjóði sig fram til varaformennsku í flokknum á landsfundi sjálfstæðisflokksins um miðjan mars, eftir fjölda áskorana. Þetta kemur fram í Morgunblaðinu í dag.   „Já, ég get staðfest það að margir hafa komið að máli við mig og skorað […]

Ingvar Mar leiðir lista Framsóknar

Ingvar Mar Jónsson, flugstjóri og fyrrum varaþingmaður- og borgarfulltrúi, mun leiða lista Framsóknarflokksins í komandi borgarstjórnarkosningum. Fjórar konur skipa næstu fimm sæti. Höfuðáhersla Framsóknarflokksins í Reykjavík verða skólamál samkvæmt tilkynningu, en þrír frambjóðendur eru með kennaramenntun. Viðskeytið flugvallarvinir er hvergi sjáanlegt í tilkynningu frá Framsóknarflokknum að þessu sinni og má því áætla að það verði ekki […]

Listi Eyþórs klár – Tveimur borgarfulltrúum bolað burt

Sjálfstæðismenn kynntu endanlegan framboðslista sinn í kvöld, fyrir borgarstjórnarkosningarnar í maí. Borgarfulltrúarnir Kjartan Magnússon og Áslaug Friðriksdóttir eru ekki á listanum, en Marta Guðjónsdóttir borgarfulltrúi er í fimmta sæti listans. Hildur Björnsdóttir lögfræðingur er í öðru sæti, Valgerður Sigurðardóttir því þriðja, og Egill Þór Jónsson í fjórða. Heildarlistinn er hér að neðan:   1. Eyþór Lax­dal […]

Fjárframlög til stjórnmálaflokka hækka um 127% : Sjálfstæðisflokkur fær mest – Viðreisn minnst

Fjármála- og efnahagsráðuneytið hefur tekið saman upplýsingar um greiðslur ríkisins til stjórnmálasamtaka fyrir árið 2018. Framlög fara eftir stærð flokkanna samkvæmt atkvæðafjölda og fær því Sjálfstæðisflokkurinn hæsta framlagið, eða rúmar 166 milljónir. Viðreisn fær minnsta framlagið, eða rétt tæpar 44 milljónir. Framlagið hækkar milli ára um 127 prósent. Tillaga um að hækka framlög til flokkanna […]

Björn Valur þjófkennir þingmenn-Segir marga vísvitandi brjóta reglurnar-Á pari við Árna Johnsen

Björn Valur Gíslason, fyrrum varaformaður VG, segir það gott mál að nú skuli greiðslur Alþingis til þingmanna verða gerðar opinberar, líkt og til stendur samkvæmt Steingrími J. Sigfússyni, forseta Alþingis. Hann telur einnig sjálfsagt að Alþingi endurgreiði útgjöld þingmanna, þeir eigi ekki að „verða fyrir útgjöldum vegna starfa sinna.“ Það sem er eftirtektavert er að […]

Pawel býður sig fram í borginni

Pawel Bartoszek, fyrrum þingmaður Viðreisnar, segist á Facebook síðu sinni hafa komið því áleiðis til uppstillingarnefndar Viðreisnar, að hann sækist eftir sæti ofarlega á lista flokksins í komandi borgarstjórnarkosningum.   „Reykjavík er frábær borg. Hún dregur til sín hæfileikaríkt fólk frá öllu landinu og öllum heimshornum. Hún er oftar en ekki aðdráttaraflið dregur þá Íslendinga […]

Frjáls fjölmiðlun ehf. - Kringlunni 4-12, 103 Reykjavík - eyjan (hjá) eyjan.is