Mánudagur 20.03.2017 - 19:24 - Ummæli ()

Segir frumvarpið geta leitt til lokunar 45 mjólkurbúa: „Froðu- og frasastjórnmál“

Arnar Árnason formaður Landssambands kúabænda og Þorgerður Katrín Gunnarsdóttir sjávarútvegs- og landbúnaðarráðherra. Samsett mynd/Sigtryggur Ari

Arnar Árnason formaður Landssambands kúabænda segir markmið frumvarps Þorgerðar Katrínar Gunnarsdóttur sjávarútvegs- og landbúnaðarráðherra um endurskoðun á samkeppnisumhverfi landbúnaðarins séu nú þegar í lögum. Vísar hann til viðtals við Þorgerði Katrínu í kvöldfréttum RÚV í gærkvöldi þar sem hún viðurkenndi að aukin samkeppni geti bæði hækkað og lækkað afurðaverð. Arnar tekur undir þau orð en bætir við:

En lítum nú aðeins á það hvaða vörur það eru sem sannarlega og óumdeilanlega eru seldar undir framleiðslukostnaði og þurfa því að hækka nokkuð í verði ef verðtilfærsla verður bönnuð. Þessar vörur eru nýmjólk, smjör og mjólkurduft,

segir Arnar:

Neytendur myndu sjá hækkunina á nýmjólkinni og smjörinu með beinum hætti þegar þessar vörur eru verslaðar útí búð. Hafa skal í huga að yfirleitt hefur verið litið á mjólk og smjör sem svokallaðar grunnvörur og er það ástæðan fyrir því hvers vegna verðinu á þeim hefur hingað til verið haldið lágu. Er þessi breyting virkilega neytendum til hagsbóta? Hækkunin á duftinu gæti orðið afar mikil eða um 40-57% verðhækkun. Sú hækkun myndi endurspeglast í hærra verði á innlendum ís, súkkulaði o.fl. matvörum sem framleiddar eru úr dufti. Aftur spyr ég, er það neytendum til hagsbóta?

Ef dæmið sé hugsað tvö skref  fram í tímann þá hlyti slík verðhækkun að leiða til meiri þrýstings á aukinn innflutning á dufti til innlendrar matvælaframleiðslu sem hefði bein áhrif á bændur og byggðalög landsins:

„Gleymum því ekki að neytendur búa alls staðar á landinu, ekki bara á einu svæði. Hér á ég við að ef við tökum t.d. árið 2016 þá var framleitt mjólkurduft úr um 11 milljón lítrum af mjólk. Það er meiri mjólk en framleidd er í báðum Húnavatnssýslunum til samans eða rúmlega það sem framleitt er á öllum Austfjörðum, allt frá Möðrudalsöræfum og suður að Skeiðarársandi. Ef sala á innlendu mjólkurdufti hyrfi þá hyrfu með því um 45 kúabú.“

Í tlikynningu á vef ráðuneytisins sem birtist 6. mars síðastliðinn segir að ef frumvarpið verði að lögum muni allir aðilar í mjólkuriðnaði geta keypt mjólk með sama tilkostnaði og markaðsráðandi afurðastöð. Þar segir einnig að framleiðsluhluti markaðsráðandi afurðastöðvar skuli vera fjárhagslega og stjórnunarlega aðskilin frá annarri starfsemi afurðastöðvarinnar. Þar segir ennfremur að aftirlit með markaðsráðandi afurðastöð samkvæmt búvörulögum verði í höndum Samkeppniseftirlitsins. Arnar segir þetta allt nú þegar í lögum og ekkert nýtt sé á ferðinni. Fjölbreytt vöruúrval og lægra verð séu vissulega vænleg markmið og síst minna hagsmunamál bænda en neytenda:

 Það þarf hins vegar annað en fögur orð og fyrirheit til að ná slíkum markmiðum. Ráðherra segir sjálf að mjólkuriðnaðurinn standi sterkt en í stað þess að vinna með því kerfi sem hefur virkað afar vel og skilað þeim árangri sem við sjáum í dag, virðist hún kjósa að gjörbylta því í einu vetfangi án þess að svo liggi mikið fyrir sem örlítil greiningarvinna á raunverulegum afleiðingum þess fyrir neytendur og bændur. Það er eðlilegt að endurskoða samkeppnisumhverfi landbúnaðarins og ekkert við það að athuga í sjálfu sér. Hins vegar þarf það að vera gert í góðu tímarúmi, með faglegum og viðamiklum undirbúningi og af réttum ástæðum. Froðu- og frasastjórnmál eru ekki vænleg til árangurs!

«
»

Ummæli ()

Vinsamlegast athugið:
Ummæli eru á ábyrgð þeirra sem þau skrifa. Eyjan áskilur sér þó rétt til að fjarlægja óviðeigandi og meiðandi ummæli. Tilkynna má óviðeigandi ummæli í netfangið ritstjorn@eyjan.is

Teigsskógur – 2% af birkikjarri

Teigsskógur er við vestanverðan Þorskafjörð. Í skýrslu vegagerðarinnar frá febrúar 2017 um mat á umhverfisáhrifum af lagningu nýs vegar milli Bjarkalundar og Skálaness kemur fram í umsögn Skógræktar ríkisins að skógurinn nái frá Þórisstöðum um Gröf og langleiðina að gömlum túngarði við bæinn Hallsteinsstaði yst á skaganum, sem gengur fram milli Þorskafjarðar og Djúpafjarðar. Orðið […]

Þingmaður Sjálfstæðisflokksins: Ríkisútvarpið olli töfunum á birtingu gagnanna

Vilhjálmur Árnason þingmaður Sjálfstæðisflokksins segir það sé Ríkisútvarpinu að kenna að gögnin um þá sem fengið hafa uppreist æru hafi ekki verið opinberuð í sumar. Vilhjálmur sagði í viðtali í þættinum Harmageddon í morgun að eftir að RÚV kærði ákvörðunina um afhenda ekki gögnin þá hafi Úrskurðarnefnd um upplýsingamál brugðist skjótt við og að mesta […]

Þórunn vill sæti Sigmundar Davíðs

Þórunn Egilsdóttir þingmaður Framsóknarflokksins vill leiða lista Framsóknarflokksins í Norðausturkjördæmi. Sigmundur Davíð Gunnlaugsson er oddviti flokksins í kjördæminu, hann ætlar í framboð, en það liggur ekki fyrir hvort hann muni áfram sækjast eftir því að leiða listann í komandi kosningum. Þórunn segir í færslu á Fésbók að kosningarnar 28. október næstkomandi muni snúast um trúverðugleika […]

Björn vill útlendingamálin á dagskrá í kosningabaráttunni: „Þeir eiga ekkert erindi hingað“

„Með hliðsjón af því hve miklu af skatt­fé al­menn­ings er varið til hæl­is­mála er stórund­ar­legt að umræðan sé ekki meiri um út­lend­inga­mál­in á stjórn­mála­vett­vangi. Það er engu lík­ara en ís­lensk­ir stjórn­mála­menn forðist mála­flokk­inn og vilji helst að um hann ríki póli­tísk þögn,“ segir Björn Bjarnason fyrrverandi ráðherra Sjálfstæðisflokksins í grein í Morgunblaðinu í dag. Segir […]

Davíð spyr: „Munu æsingamennirnir biðjast afsökunar á ósköpunum?“

Davíð Oddsson ritstjóri Morgunblaðsins vill vita hvort þeir sem slitu ríkisstjórnarsamstarfinu og æstu sig muni nú biðjast afsökunar á ósköpunum. Í Staksteinum Morgunblaðsins í dag, þar sem Davíð heldur öllum líkindum á penna, er spurt í ljósi þess að umboðsmaður Alþingis komst að þeirri niðurstöðu í gær að Sigríður Á. Andersen dómsmálaráðherra hafi ekki brotið […]

Björt sendir Sjálfstæðismönnum tóninn: Siðferði og samskiptareglur snúast ekki um lögfræði eða reglur um trúnað

Björt Ólafsdóttir umhverfisráðherra og þingmaður Bjartrar framtíðar segir að traustið milli Bjartrar framtíðar til Sjálfstæðisflokksins hafi horfið þegar flokkurinn varð þess áskynja að neitun ráðuneytis um að veita lögbundna upplýsingagjöf til bæði fjölmiðla og fjölskyldu brotaþola í máli um uppreist æru gæti stafað af leyndarhyggju vegna álíka máls sem kom illa við Sjálfstæðisflokkinn. Í gær […]

Þór Saari vill á þing fyrir Pírata: „Losum okkur við spillt, sjálfhverf og hrunin stjórnmál“

Þór Saari hagfræðingur og fyrrverandi þingmaður Borgarahreyfingarinnar og Hreyfingarinnar gefur kost á sér í prófkjöri Pírata sem hefst á morgun. Þór segir í fréttatilkynningu að vegna fjölda áskorana innan sem og utan Pírata mun hann sækjast eftir því að komast á þing fyrir Pírata í Suðvesturkjördæmi. Þór gaf kost á sér í prófkjöri Pírata fyrir […]

Ásta: Skipulag miðbæjar

Ásta S. Stefánsdóttir skrifar um málefni miðbæjarins: Skipulagsferli vegna miðbæjar Selfoss er nú að komast á lokastig. Fresti til að gera athugasemdir lauk í lok ágúst og voru athugasemdir þær sem bárust lagðar fram á fundi skipulags- og byggingarnefndar sl. miðvikudag. Nefndin fól formanni nefndarinnar, skipulags- og byggingarfulltrúa og lögmanni sveitarfélagsins að gera drög að […]

Þorvaldur er bjartsýnn: „Ég veit að okkar stefna á talsverðan hljómgrunn“

„Við ætlum að bjóða fram allsstaðar þar sem við getum, við stefnum á að bjóða fram um allt land ef okkur tekst það. Það er ekki alveg fyrirséð vegna þess hve tíminn er stuttur,“ segir Þorvaldur Þorvaldsson formaður Alþýðufylkingarinnar í samtali við Eyjuna. Flokkurinn, sem var stofnaður 2013, bauð fram í öllum kjördæmum nema Norðvesturkjördæmi […]

Sigríður braut ekki trúnað með því að segja Bjarna

Sigríður Á. Andersen dómsmálaráðherra braut ekki reglur um trúnað með því að segja Bjarna Benediktssyni forsætisráðherra að faðir hans, Benedikt Sveinsson, hafi skrifað undir umsögn fyrir Hjalta Sigurjón Hauksson til að hann gæti fengið uppreist æru. Samkvæmt heimildum RÚV mun Tryggi Gunnarsson umboðsmaður Alþingis hafa sagt þetta á lokuðum fundi stjórnskipunar- og eftirlitsnefndar í morgun. […]

Framsóknarflokkurinn boðar ekki til flokksþings fyrir kosningar

Framsóknarflokkurinn mun ekki boða til flokksþings fyrir kosningar, tíminn sé of knappur til það sé hægt í samræmi við lög flokksins. Þetta segir Einar Gunnar Einarsson framkvæmdastjóri Framsóknarflokksins í samtali við Eyjuna. Ákveðið var á fundi miðstjórnar flokksins síðastliðið vor að halda flokksþing í janúar en í kjölfar stjórnarslita og kosninga í lok október fóru […]

Ragnar Þór svarar Halldóri: „Lægstu laun á Íslandi eru skammarlega lág“

Ragnar Þór Ingólfsson formaður VR segir það mikla einföldun að halda því fram að hækkun á ráðstöfunartekjum launafólks í formi hærri persónuafsláttar sé eingöngu tekjumissir fyrir ríkið. Líkt og greint var frá í gær sagði Halldór Benjamín Þorbergsson framkvæmdastjóri Samtaka atvinnulífsins að tillaga VR um að endurskoða upphæð persónuafsláttar til að miða við þróun launa […]

Logi kannast ekki við þrýsting: „Ég er ekki að skipta mér af vinnu uppstillinganefnda“

Logi Már Einarsson formaður Samfylkingarinnar segir að hann hafi heyrt það útundan sér að hann eigi að færa sig um set og bjóða sig fram í öðru Reykjavíkurkjördæmanna í stað Norðausturkjördæmis, en að enginn innan flokksins hafi komið að máli við sig um það. Vefur Hringbrautar segist hafa öruggar heimildir fyrir því að Samfylkingarfólk í […]

Bjarni býst við óvæginni kosningabaráttu

Bjarni Benediktsson formaður Sjálfstæðisflokksins segir að kosningabaráttan verði vafalaust óvægin á köflum en að Sjálfstæðisflokkurinn hafi aldrei óttast kjósendur og sé ævinlega tilbúinn til kosninga. Í bréfi sem Bjarni sendir flokksmönnum sínum í dag segir hann að hann geti ekki svarað fyrir ákvörðun föður síns um að veita Hjalta Sigurjóni Haukssyni umsögn þegar Hjalti sótti […]

Eyjan Miðlar ehf. - Kringlunni 4-12, 103 Reykjavík - eyjan (hjá) eyjan.is