Fimmtudagur 06.04.2017 - 11:47 - Ummæli ()

Framsóknarmenn vilja að Sigmundur Davíð stofni nýjan flokk

Sigmundur Davíð og Anna Sigurlaug eiginkona hans þegar úrslit formannskjörs á flokksþingi voru ljós. Mynd: DV/Sigtryggur Ari

Væringar og óróleiki virðist innan raða Framsóknarflokksins ef marka má viðtal í þættinum Reykjavík síðdegis á Bylgjunni í gær. Þar var rætt við Gunnar Kristinn Þórðarson stjórnsýslufræðing og félaga í Framsóknarflokknum. Hann sagðist einn þeirra sem vilja nú eindregið að Sigmundur Davíð Gunnlaugsson fyrrum formaður og forsætisráðherra yfirgefi Framsóknarflokkinn og stofni nýjan flokk. Gunnar sagðist hafa ljáð máls á þessari hugmynd eftir að hann sat síðasta flokksþing Framsóknar. Þar var Sigmundur felldur úr sæti formanns en við tók Sigurður Ingi Jóhannsson sem áður hafði tekið sæti forsætisráðherra eftir Sigmund.

Það er ekki eins og ég sé rödd hrópandi í eyðimörk hvað þetta varðar heldur erum við fjölmargir,

sagði Gunnar Kristinn í þættinum. Hann bætti svo við:

Gunnar Kristinn Þórðarson stjórnsýslufræðingur og félagi í Framsóknarflokknum.

Framsóknarmenn sem er misboðið hvernig ástandið er í flokknum. Hvernig farið hefur með málin og hvernig þetta flokksþing var framkvæmt. Margt hefur komið í ljós síðan þá og öllum er ljóst í flokknum að þeir sem stóðu að baki því að koma Sigmundi frá, það er flokkseigendafélagið, það er klíkan. Ef við setjum það í samhengi og kontrat við það sem að rannsóknarnefnd Alþingis kom fram með um einkavæðingu Búnaðarbankans, þá sjáum við þetta í ákveðnu samhengi við flokkseigendafélagið sem að stóð að baki einkavæðingunni. Það var búið aðsigla flokknum í strand áður en Sigmundur kom til skjalanna og reisti flokkinn við. Og það kemur svo aftur upp og fellir hann á flokksþingi með undarlegum brögðum og síðan stefnir hraðbyri í það að þeir eru að fara að sigla flokknum í strand aftur.

Spurður að því hvað hann ætti við með því að tala um flokkseigendafélag svaraði Guðmundur:

Það eru svona þessi klíka…Þið sjáið hvernig þetta var, umfjöllunin um einkavæðingu Búnaðarbankans, að þar kemur kaupfélagsstjórinn Þórólfur og Valgerður og Finnur og einstaklingar, persónur og leikendur og fleiri náttúrulega sem tilheyra þessu flokkseigendafélagi sem var náttúrulega ekkert alltof hrifið af því að Sigmundur varð formaður sem kom svona nánast af götunni og bjó til þennan trúverðugleika að hann varði íslenska hagsmuni gagnvart erlendum fjármálaöflum. Við sjáum það núna líka hvernig þetta fór allt saman með Búnaðarbankann að Framsóknarmenn held ég munu ekkert sætta sig við það. Að það sé hægt að halda þeim trúverðugleika áfram með það óútkljáð.

Gunnar sagði að Sigmundur Davíð hafi gríðarlegt persónufylgi.

Við sáum það í kosningunum að það fylgi fór til Sjálfstæðisflokksins. Hann hefur sótt svolítið frá hægri, hægra megin við miðju, og hann er náttúrulega – persónufylgi hans er ennþá innan Framsóknar og sækir hægra megin í stjórnmálin. Ég er alveg viss um það að hann á mjög mikið fylgi ef hann ákveður að kljúfa sig frá flokknum. Ég vil þó taka það fram að þetta er ekki ákall um það að koma samvinnuhugsjóninni fyrir kattarnef, heldur þveröfugt, að bjarga henni.

Að þessu sögðu sagði Gunnar ákveðið að Sigmundur væri ótvíræður leiðtogi.

Gunnar Kristinn segir að Sigmundur Davíð sé sá sem leiði stjórnarandstöðuna á þingi nú um stundir.

Það er hann sem er að leiða stjórnarandstöðuna. Þið takið eftir því að það er hann sem að leiða gagnrýni á meirihlutann og ríkisstjórnina og við heyrum ekki múkk í formanninum [Sigurði Inga Jóhannssyni]. Hann er bara að fletta blöðum einhvers staðar. Þannig að það er bara hann [Sigmundur Davíð] sem er leiðtogi í stjórnmálunum sem veldur því að það heyrist svona mikið í honum. Og það er líka það náttúrulega að þetta var hans stefna og hún var að spara þjóðarbúinu tugi milljarða ef ekki hundraði. Menn sjá það líka núna að það sem hann er að leggja til skiptir ótvíræðu máli varðandi efnahagslega þróun á landinu og möguleika okkar til að koma á velferðakerfi, byggja spítala og svo framvegis.

Gunnar sagðist ekki vera einn á báti í því að hvetja til þess að Sigmundur stofnaði nýjan flokk. Hann ætti sér skoðanabræður.

Sigurður Ingi Jóhannsson núverandi formaður Framsóknarflokksins.

Ég er nú ekki að tala fyrir þá en við komum saman og drekkum kaffi og tölum saman um þetta. Það er stór hópur innan Framsóknar. Þetta er hópurinn sem að var á flokksþinginu og fékk ekki að kjósa Sigmund jafnvel. Flokksmenn til áratuga. Mjög tryggir einstaklingar sem eru búnir að vera virkir í Framsóknarflokknum alla tíð. Mönnum er misboðið. Menn sjá það að dæmið gengur ekki upp. Flokkurinn er klofinn og menn vilja hvetja Sigmund til þess að taka ákvarðanir til þess að bjarga samvinnuhugsjóninni.

Nú væri komið að vatnaskilum.

Ég myndi vilja sjá Sigmund stofna flokk á fæðingarstað samvinnuhugsjónarinnar á Seyðisfirði, bara á vormánuðum og skera á hnútinn. Það vita það allir sem eru að starfa að félagsstarfi í Framsóknarflokknum að þetta gengur ekki lengur. Það verður eitthvað að gerast. Ef ekkert verður gert þá fer Framsóknarflokkurinn sömu leið og Samfylkingin. Ég er alveg viss um það.

Með því að smella hér má heyra viðtalið við Gunnar Kristinn Þórðarson á Bylgjunni.

«
»

Ummæli ()

Vinsamlegast athugið:
Ummæli eru á ábyrgð þeirra sem þau skrifa. Eyjan áskilur sér þó rétt til að fjarlægja óviðeigandi og meiðandi ummæli. Tilkynna má óviðeigandi ummæli í netfangið ritstjorn@eyjan.is

Guðlaugur Þór gaf Íslendingasögurnar í sænskri þýðingu

Guðlaugur Þór Þórðarson, utanríkisráðherra, afhenti Alice Bah Kunke, menningarmálaráðherra Svíþjóðar, til gjafar Íslendingasögurnar í sænskri þýðingu við hátíðlega athöfn í Uppsölum í dag. Í ræðu sinni rakti ráðherra sagnaarfinn og þýðingu Íslendingasagnanna enn þann dag í dag. „“Ber er hver að baki nema bróður sér eigi“, segir í sögnunum og er þar vísað til vopnaðra […]

Ríkisstjórnin lýsir yfir vantrausti á kjararáð- Myndar starfshóp um „breytt fyrirkomulag“ og „úrbætur“

Ríkisstjórnin hefur skipað starfshóp um kjararáð, í samráði við „heildarsamtök á vinnumarkaði“, líkt og segir í tilkynningu frá forsætisráðuneytinu. „Hópurinn skal bera saman fyrirkomulag um ákvörðun launa hjá kjörnum fulltrúum, dómurum og embættismönnum í nágrannalöndum og leggja fram tillögur að breyttu fyrirkomulagi launaákvarðana kjararáðs, sé annað fyrirkomulag talið líklegra til betri sáttar í þjóðfélaginu til […]

Gunnar Atli ráðinn aðstoðarmaður Kristjans Þórs

Kristján Þór Júlíusson, sjávarútvegs- og landbúnaðarráðherra, hefur ráðið Gunnar Atla Gunnarsson sem aðstoðarmann sinn. Hann hefur störf í ráðuneytinu í dag. Kristján Þór mun þar með hafa tvo aðstoðarmenn en fyrir er Inga Hrefna Sveinbjarnardóttir sem er sem stendur í fæðingarorlofi. Gunnar Atli er stúdent frá Menntaskólanum á Ísafirði, með Mag. Jur. í lögfræði frá […]

Vilhjálmur Bjarnason: „Borgin stundar mikinn fjandskap við íbúa sína“

Vilhjálmur Bjarnason, frambjóðandi í leiðtogakjöri Sjálfstæðisflokksins fyrir næstu borgarstjórnarkosningar, skrifar grein í Morgunblaðið í dag, hvar hann fer yfir helstu hugðarefni sín í borgarmálunum. Eru þar húsnæðis- og velferðarmál ofarlega á baugi, en athygli vekur að Vilhjálmur minnist lítið sem ekkert á samgöngumál eða borgarlínu, en hann hefur þó áður lýst yfir efasemdum um hana, […]

Strætó að eldast – Um helmingur 10 ára eða eldri

Samgöngumál borgarinnar eru nú í brennidepli, þegar styttist í sveitastjórnarkosningar. Ljóst er að samgöngumál verða eitt af stóru kosningamálunum, ekki síst almenningssamgöngur, þar sem Borgarlínan hefur verið í forgrunni. En hvernig stendur Strætó ? Samkvæmt Jóhannesi Rúnarssyni, framkvæmdarstjóra Strætó, eru 49 af 95 strætisvögnum fyrirtækisins 10 ára eða meira og eru tveir þeirra 18 ára […]

Borgin úthlutaði lóðum fyrir 1711 íbúðir árið 2017

Alls voru samþykktar lóðaúthlutanir fyrir 1.711 íbúðir í borgarráði á síðasta ári. Mikill meirihluti úthlutaðra lóða var fyrir byggingarfélög sem starfa án hagnaðarsjónarmiða. Borgarráð fékk kynningu á úthlutunum lóða á fundi sínum í gær. Þetta kemur fram í tilkynningu frá borginni. Úthlutað var lóðum fyrir 1.711 íbúðir í borgarráði í fyrra. Af þeim eru 1.422 […]

Forsætisráðherra í heimsóknarhug

Katrín Jakobsdóttir forsætisráðherra var á faraldsfæti í gær, en hún heimsótti bæði umboðsmann barna og Seðlabankann. Umboðsmaður barna, Salvör Nordal, gerði Katrínu grein fyrir stefnumótun og áherslum embættisins fyrir tímabilið 2018 til 2022. Fram kom að embættið telur brýnt að efla stefnumótun á mörgum sviðum sem tengjast börnum. Grunnur að því sé greining á stöðu […]

Þórir Guðmundsson ráðinn fréttastjóri Stöðvar 2, Bylgjunnar og Vísis

Þórir Guðmundsson hefur verið ráðinn fréttastjóri Stöðvar 2, Bylgjunnar og vísir.is. Þetta kemur fram í tilkynningu frá Vodafone. Þórir er með meistaragráðu í alþjóðlegum samskiptum frá Boston University og B.A. gráðu í Blaða- og fréttamennsku frá University of Kansas. Þórir starfaði sem fréttamaður á fréttastofu Stöðvar 2, fyrst á árunum 1986 til 1999 og svo […]

Dauðans alvara – eftir Jón Pál Hreinsson og Pétur G. Markan

Þegar þessi orð eru skrifuð hefur einangrun Djúpsins verið viðvarandi frá laugardagskvöldi 13. janúar. Hvað þýðir það í nútímasamfélagi? Frá 13. janúar hafa allir vegir verið lokaðir til svæðisins, vegna ófærðar og snjóflóða, og flugsamgöngur verið stopular til landshlutans, vegna óhagstæðra vinda. Tvær megin orsakir eru til grundvallar þessari eingangrun; erfitt flugvallarstæði á Ísafirði og […]

ESB ræðst gegn plastmengun: Meira af plasti en fiski í sjónum árið 2050 með sama áframhaldi

Samkvæmt nýrri áætlun Evrópusambandsins verða allar plastumbúðir gerðar úr endurvinnanlegu efni fyrir árið 2030, dregið verður verulega úr notkun einnota plasts og skorður settar við notkun örplasts. Áætlun Evrópusambandsins til að bregðast við plastmengun er ætlað að vernda náttúruna, verja íbúana og styrkja fyrirtækin. Áætlunin er sú fyrsta sinnar tegundar og á að stuðla að […]

Stefnt að opnun neyslurýma fyrir vímuefnaneytendur

Svandís Svavarsdóttir heilbrigðisráðherra hefur sett af stað vinnu í velferðarráðuneytinu til að undirbúa opnun neyslurýma fyrir langt leidda vímuefnaneytendur. Neyslurými sem þessi eru þekkt úrræði erlendis og byggjast á hugmyndafræði skaðaminnkunar. Alþingi samþykkti í maí árið 2014 ályktun um að stefna í vímuefnamálum skyldi endurskoðuð „á grundvelli lausnamiðaðra og mannúðlegra úrræða, á forsendum heilbrigðiskerfisins og […]

Arnar Þór Sævarsson verður aðstoðarmaður félags- og jafnréttismálaráðherra

Ásmundur Einar Daðason félags- og jafnréttismálaráðherra hefur ráðið Arnar Þór Sævarsson, fráfarandi sveitarstjóra á Blönduósi aðstoðarmann sinn í velferðarráðuneytinu. Arnar Þór útskrifaðist úr lögfræði frá Háskóla Íslands árið 1999 og tók ári síðar réttindi til að gegna lögmennsku. Hann hefur gegnt stöðu sveitarstjóra á Blönduósi frá árinu 2007. Áður var hann aðstoðarmaður Jóns Sigurðssonar, þáverandi […]

Virtur læknir óttast að Trump fái hjartaáfall-Mældist með hættulega hátt kólesteról

Donald Trump Bandaríkjaforseti var sagður við hestaheilsu í reglubundinni læknisskoðun sinni á dögunum, þegar hann var skoðaður af lækni Hvíta hússins, Dr. Ronny L. Jackson. Sagði læknirinn að hjarta- og æðakerfi Trumps væri í fínu standi, þrátt fyrir að LDL kólesteról magnið mældist 143, sem er langt yfir viðmiðunarmörkum. LDL kólesteról er gjarnan nefnt „vonda“ […]

Una María kosin formaður Miðflokksfélags Suðvesturskjördæmis

Miðflokkurinn stofnaði flokksfélag Suðvesturkjördæmis í gærkvöldi í Glersalnum í Kópavogi, samkvæmt tilkynningu frá Miðflokknum. Gestir fundarins voru þeir Sigmundur Davíð Gunnlaugsson formaður Miðflokksins og Gunnar Bragi Sveinsson þingmaður Suðvesturkjördæmis. Miðflokksfélag Suðvesturkjördæmis er annað kjördæmafélag Miðflokksins sem stofnað er, en nýlega var stofnað Miðflokksfélag í Suðurkjördæmi. Félagið hefur, samkvæmt nýsamþykktum lögum þess, þann tilgang að vinna […]

Frjáls fjölmiðlun ehf. - Kringlunni 4-12, 103 Reykjavík - eyjan (hjá) eyjan.is