Fimmtudagur 06.04.2017 - 22:29 - Ummæli ()

Í áfalli yfir hækkun á vsk: Segir algjör kosningasvik blasa við ferðaþjónustunni

Þórir Garðarsson hefur mikla reynslu og þekkingu á ferðaþjónustunni hér á landi.

Ferðaþjónustufólk telur sig illa svikið af fölskum kosningaloforðum stjórnarflokkanna, og ekki síst Sjálfstæðisflokksins, í skattamálum sem snúa að atvinnugreininni.

Þórir Garðarsson stjórnarformaður Gray Lines-ferðaþjónustufyrirtækisins og varaformaður Samtaka ferðaþjónustunnar segir að frambjóðendur flokkanna hafi hvergi talað um að skattar á greinina yrðu stórhækkaðir strax á nýju ári. Þetta sé þó að gerast nú með boðuðum breytingum á virðisaukaskattkerfinu gagnvart ferðaþjónustunni.

Þórir var tekinn tali af Birni Inga Hrafnssyni í þættinum Eyjan sem var frumsýndur á ÍNN nú í kvöld.

Björn Ingi sagði í upphafi viðtalsins að ferðaþjónustuaðilar væru lítt hrifnir af því „sem ríkisstjórnin hefur kynnt sem forsendur fjármálaáætlunar ríkisins til næstu ára, sem eru gjörbreyting á virðisaukaskattkerfinu sem snýr að ferðaþjónustunni. Þeir ætla að ná sér í 15 milljarða með því á ári. Sumir segja, kominn tími til að ferðaþjónustan borgi sinn skerf af kökunni en þú ert ekki sammála því?“

Í samtali við Björn Inga í Eyjuþættinum sem frumsýndur var í kvöld. Þátturinn er endursýndur reglulega á stöðinni. Sjá nánar heimasíðu ÍNN (inntv.is).

Nei, það verður að segjast eins og er að við erum enn í nettu áfalli yfir þessari framgöngu ríkisstjórnarinnar…Þessu var haldið mjög leyndu. Það er alveg óhætt að segja það. Þetta er eitthvað sem við áttum ekki von á. Ef við förum aðeins aftur í tímann, og nú er nýbúið að heyja hér kosningabaráttu og annað, þá kom þetta hvergi fram hjá þessum flokkum í aðdraganda Alþingiskosninganna. Sjálfstæðisflokkurinn gekk svo langt, frambjóðendur, að segja að það yrðu ekki hækkaðir skattar á ferðaþjónustuna,

svaraði Þórir. Með hugtakinu ferðaþjónustu sagðist hann eiga við fyrirtækin, starfsfólkið og ferðamennina sjálfa.

Þeir tilheyra ferðaþjónustunni eins og þorskurinn tilheyrir sjávarútvegnum.

Þórir benti líka á að samþykkt hefði verið á síðasta landsfundi Sjálfstæðisflokksins að ekki ætti að leggja stein í götu ferðaþjónustunnar með hækkunum skatta eða gjalda.

Þetta er nú æðsta stofnun Sjálfstæðisflokksins þannig að við gerðum ráð fyrir því að það væri innistæða fyrir þessum orðum sem að frambjóðendurnir fóru með á kosningafundum og eru náttúrulega til á bandi.

Hann sagði að þetta væru hrein kosningasvik. Viðreisn hefði talað um að flokkurinn vildi einfalda virðisaukaskattkerfið og fara út í eitt skattþrep.

Það er ekki verið að gera það, þetta er eingöngu skattahækkun og ekkert annað.

Efri prósentan væri vissulega lækkuð um eitt og hálft prósent en ríkið væri þó samkvæmt útreikningum ferðaþjónustunnar að ná til sín aukalega 16 til 20 milljörðum króna með hækkun neðra þreps virðisaukaskattsins.

Þau rök sem spunameistarar fjármálaráðuneytisins hafa búið til þau halda ekki vatni, því miður.

Hér fyrir neðan má sjá afar áhugavert viðtal Björns Inga við Þóri um mikilvægustu atvinnugrein Íslendinga nú um stundir:

«
»

Ummæli ()

Vinsamlegast athugið:
Ummæli eru á ábyrgð þeirra sem þau skrifa. Eyjan áskilur sér þó rétt til að fjarlægja óviðeigandi og meiðandi ummæli. Tilkynna má óviðeigandi ummæli í netfangið ritstjorn@eyjan.is

Útlendingastofnun endurskoðar ákvörðun sína – Ráðherra ánægður

Útlendingastofnun mun endurskoða ákvörðun sína um að synja fjárfestinum Bala Kamallakharaner um íslenskan ríkisborgararétt. Samkvæmt fréttatilkynningu vegna málsins er stofnunin nú að skoða hvort upplýsingar sem lögreglu um Bala séu réttar en hann sagði sjálfur á Fésbók að hann hafi verið sektaður fyrir hraðaakstur í febrúar og því hafi honum verið synjað um ríkisborgararétt þrátt […]

Hvalur hf. dæmdur til að greiða starfsmanni hálfa milljón

Rétt í þessu var kveðinn upp dómur í Héraðsdómi Vesturlands í máli Verkalýðsfélags Akraness gegn Hvali hf. Kröfuliðir stefnunnar voru í fjórum liðum og vannst aðalkröfuliðurinn en Hvalur var sýknaður af hinum þremur kröfuliðunum. Þetta kemur fram á vefsíðu VLFA. Krafan sem vannst og var aðalkrafa félagsins laut að sérstakri greiðslu sem getið er um […]

Víðtæk tölvuárás í Úkraínu, Rússlandi og annars staðar í Evrópu

Eftir Björn Bjarnason: Með víðtækri árás síðdegis þriðjudaginn 27. júní tókst tölvuþrjótum að lama fyrirtæki, flugvelli, banka og stjórnarskrifstofur í Úkraínu. Tölvuþrjótarnir réðust síðan á kerfi annars staðar í Evrópu meðal annars Rosneft-olíufélagið í Rússlandi og Maersk-skipafélagið í Kaupmannahöfn. Talið er að 80 fyrirtæki í Rússlandi og Úkraínu hafi orðið fyrir barðinu á vírusnum Petja, […]

Ómar Ragnarsson: Við getum lært af Las Vegas

Ómar Ragnarsson fjölmiðlamaður segir að Íslendingar og íslensk ferðaþjónusta geti lært af bandarísku borginni Las Vegas. Las Vegas er heimsþekktur áfangastaður ferðamanna og vinsæll staður til að halda ráðstefnur, þá sér í lagi fyrir lögleg fjárhættuspil, skemmtikrafta og aðra afþreyingu, fyrir utan ljósadýrðina: Ekki verður um það deilt að borgin Las Vegas í Nevada í […]

Fjárfesti synjað um ríkisborgararétt vegna einnar hraðasektar – Hefur búið á Íslandi í 11 ár

Fjárfestirinn Bala Kamallakharan fær ekki íslenskan ríkisborgararétt og verður vísað úr landi eftir að hafa búið á Íslandi í 11 ár. Ástæðan er hraðasekt sem hann fékk í febrúar þegar hann keyrði á milli Selfoss og Reykjavíkur. Bala er upprunalega frá Indlandi, hann hefur mikið látið til sín taka í íslensku atvinnulífi síðastliðinn áratug, þar […]

Í kröppum krónudansi

Björgvin G. Sigurðsson skrifar: Mikil og hröð styrking krónunnar hefur grafið undan útflutningsgreinum okkar og skyndilega eru blikur á lofti í ferðaþjónustunni. Gengisbreytingarnar koma harkalega niður á greininni sem á sama tíma hefur verið í fordæmislausum uppbyggingarfasa, til að mæta auknum gestakomum til landsins. Hæstu vextir í heimi og ófyrirsjáanlegar sveiflur örmynntarinnar herða að helstu […]

Mismunun dáinna

Sr. Magnús Erlingsson skrifar:  Á Íslandi er í gildi jafnræðisregla og er hún tryggð í stjórnarskránni. Reglan kveður á um að allir skuli jafnir fyrir lögum og allir skuli njóta mannréttinda. Þetta er ein af grundvallarreglum í vestrænum lýðræðissamfélögum. Kannski mætta túlka þessa reglu, útvíkka hana svolítið og segja að í henni felist það að […]

Nýr framkvæmdastjóri iðnrekenda: „Sigurður býr yfir yfirgripsmikilli þekkingu á íslensku efnahagslífi“

Sigurður Hannesson hefur verið ráðinn framkvæmdastjóri Samtaka iðnaðarins.  Hann tekur við starfinu af Almari Guðmundssyni sem lét af störfum fyrir skömmu. Samtök iðnaðarins eru regnhlíf sex samtaka sem sameinuðust á sínum tíma, en það voru Félag íslenskra iðnrekenda, Landssamband iðnaðarmanna, Meistara- og verktakasamband byggingamanna, Verktakasamband Íslands, Félag íslenska prentiðnaðarins og Samband málm- og skipasmiðja. Sigurður […]

Vilhjálmur og Ragnar: Óhjákvæmilegt að segja upp kjarasamningum – Takk fyrir að slátra SALEK

„Það er morgunljóst að fjölmargir af okkar félagsmönnum eru agndofa og æfir af reiði yfir þeirri ákvörðun kjararáðs að hækka enn og aftur þá sem heyra undir kjararáð um allt að 300 þúsund á mánuði með afturvirkni sem nær í sumum tilfellum allt að eitt og hálft ár aftur í tímann.“ Þetta segir í pistli […]

Sturgeon frestar annarri þjóðaratkvæðagreiðslu fram yfir Brexit

Nicola Sturgeon ráðherra skosku heimastjórnarinnar segir að annarri þjóðaratkvæðagreiðslu um sjálfstæði Skotlands verði frestað þangað til að Bretland er búið að segja sig úr Evrópusambandinu. Sturgeon stefndi á að halda aðra þjóðaratkvæðagreiðslu haustið 2018 eða vorið 2019, þess í stað ætlar hún og heimstjórnin að einbeita sér að því að tryggja „mjúkt Brexit“ og hagsmuni […]

May sökuð um að múta DUP til að halda forsætisráðherrastólnum

Theresa May forsætisráðherra Bretlands er harðlega gagnrýnd fyrir samkomulag sitt við norður-írska DUP flokkinn, í skiptum fyrir að verja minnihlutastjórn Íhaldsflokksins fær heimstjórn Norður-Írlands einn milljarð punda í aukaframlag á næstu tveimur árum. Íhaldsflokknum vantar einungis níu þingmenn til að ná meirihluta á breska þinginu, með samkomulaginu fær Íhaldsflokkurinn stuðning þeirra tíu þingmanna sem DUP […]

Börn í nýju Vogabyggðinni þurfa að fara langar leiðir og yfir stofnbrautir til að komast á íþróttasvæði

Börn sem munu eiga heima í Vogabyggð sem fyrirhugað er að byggja munu þurfa að ferðast nokkra kílómetra til að komast á nálægasta íþróttasvæði. Í óformlegri mælingu Stefáns Pálssonar sagnfræðings kemur í ljós að börn sem kæmu til með að búa í nýja hverfinu munu þurfa að ferðast rúmlega fjóra til fimm kílómetra til að […]

„Það hlýtur að vera gaman að fá eingreiðslu upp á 4,7 milljónir“

Ríkisendurskoðandi fær rúmar 4,7 milljónir í eingreiðslu vegna afturvirkrar hækkunar launa, forstjóri Fjármálaeftirlitsins fær að sama skapi rúmar fjórar milljónir króna. Þetta kemur fram í úrskurði Kjararáðs frá því í síðustu viku, RÚV greindi frá útreikningum BSRB sem sýna jafnframt að forsetaritari fær rúmar 1,8 milljón króna í eingreiðslu, Hagstofustjóri fær rúma 1,2 milljón króna […]

Hörður: Markaðssetningin á lambakjöti hefur brugðist

„Það hefur greinilega brugðist markaðssetning á lambakjöti undanfarin ár. Ef skoðað er aftur í tímann hefur fátt verið gert til að auka sölu, mest kveður að því að Íslendingar uppgötvuðu grillið.“ Þetta segir Hörður Jónasson áhugamaður um íslenska matvöruframleiðslu í grein sem hann skrifar í Bændablaðið. Hörður starfar í ferðaþjónustu og býr á hótelum víða […]

Eyjan Miðlar ehf. - Kringlunni 4-12, 103 Reykjavík - eyjan (hjá) eyjan.is