Föstudagur 07.04.2017 - 13:41 - Ummæli ()

Meint hryðjuverk í miðborg Stokkhólms: Vörubíl ekið inn í mannfjölda – Fólk látið og slasað

Minnst þrír eru látnir og fjöldi fólks slasað eftir það sem sænsk yfirvöld líta nú á sem hryðjuverkaárás í miðborg Stokkhólms.

Mikill glundroði og ótti ríkir nú í miðborg Stokkhólms eftir að flutningabíl var ekið inn í verslunina Åhlens i Drottninggatan. Samfélagsmiðlar hafa sýnt myndir þar sem rýkur úr versluninni.

Greint var frá því í sænskum fjölmiðlum að skothríð hefði heyrst. Norskir fjölmiðlar segja að skothríð hafi heyrst á fleiri en einum stöðum í Stokkhólmi.

Lögreglan hefur samkvæmt myndum fjölmiðla handtekið tvo menn í miðborginni. Nú hefur Stokkhólmslögreglan hins vegar greint frá því að enginn hafi verið handtekinn enn í tengslum við þetta mál.

Fjölmiðlar brugðust mjög hratt við þegar ljóst var að hryðjuverkaárás stæði sennilega yfir. Beinar útsendingar hófust á netinu og í útvarpi. Enn er margt á huldu og frekari fréttir berast stöðugt.

Ég sá minnst þrjá látna, en það eru sennilega fleiri. Hér ríkir algert öngþveiti,

sagði fréttamaður við útvarpsstöðina Ekot skömmu eftir atburðinn.

Lögreglan fékk tilkynningu klukkan 14:53 að staðartíma. Nú hefur hún staðfest að minnst þrír séu látnir og átta slasaðir. Fjölmiðlar segja að fimm manns hafi týnt lífi.

Fréttamaður SVT sagði að lögreglubíll færi um miðborgina með kallbúnað þar sem varað var við því að hryðjuverkaárás stæði yfir. Fréttamaður Expressen sagði að lögreglan aðvaraði fólk á vettvangi og segði því að „sleppa öllu sem það hafi í höndum og forða sér á hlaupum.“

Við gengum eftir Kungsgatan að Drottninggatan og heyrðum í vörubíl. Við gengum fram að tveimur manneskjum sem lágu á götunni. Vörubíllinn hélt áfram niður Drottninggatan,

sagði vitni sem SVT ræddi við. SVT ræddi einnig við starfsmann Åhlens i Drottninggatan. Hann sagði að vörubíll heði ekið gegnum glugga verslunarinnar eftir að hafa keyrt niður umferðarljós. Nú er staðfest að bílinn var stolinn. Svo virðist sem um sé að ræða bjórflutningabíl sem búið var að leggja fyrir utan veitingahús í Drottninggatan. Hann var tekinn traustataki, fólk á götunni keyrt niður áður en ferðinni lauk inni í Åhlens-versluninni.

Lögreglan hefur rannsakað bílinn til að ganga úr skugga um hvort búið væri að koma fyrir sprengiefnum í honum. Svo reyndist ekki vera.

Expressen haefur rætt við fleiri vitni sem segja að nokkrar lífvana manneskjur liggi á götunni.

Stefan Löfven forsætisráðherra segir nú í viðtali við fjölmiðla að allt bendi til að um hryðjuverkaárás sé að ræða. Verið er að loka götum inn í miðborgina. Fólki er ráðlagt að halda sig heima og reyna hvorki að fara í miðborgina né í gamla borgarhluta Stokkhólms (Gamla Stan). Þinghúsinu Riksdagen var lokað og ráðherrar fluttir á brott. Einhverjar aðrar opinberar byggingar munu einnig hafa verið rýmdar. Einnig var aðaljárnbrautastöðin í Stokkhólmi rýmd af fólki og neðanjarðarlestakerfinu lokað. Þungvopnaðir lögreglumenn eru á lestarstöðinni. Síðustu fréttir herma að sérsveitir lögreglunnar séu nú að á leið inn í járnbrautastöðina en ekki er vitað hvert verkefni þeirra er.

Í Noregi er öryggislögreglan þar í landi í viðbragðsstöðu.

Smellið hér til að sjá beina útsendingu Expressen á netinu.

Fréttin verður uppfærð.

Sjá einnig umfjöllun á Pressunni.

 

«
»

Ummæli ()

Vinsamlegast athugið:
Ummæli eru á ábyrgð þeirra sem þau skrifa. Eyjan áskilur sér þó rétt til að fjarlægja óviðeigandi og meiðandi ummæli. Tilkynna má óviðeigandi ummæli í netfangið ritstjorn@eyjan.is

Guðlaugur Þór gaf Íslendingasögurnar í sænskri þýðingu

Guðlaugur Þór Þórðarson, utanríkisráðherra, afhenti Alice Bah Kunke, menningarmálaráðherra Svíþjóðar, til gjafar Íslendingasögurnar í sænskri þýðingu við hátíðlega athöfn í Uppsölum í dag. Í ræðu sinni rakti ráðherra sagnaarfinn og þýðingu Íslendingasagnanna enn þann dag í dag. „“Ber er hver að baki nema bróður sér eigi“, segir í sögnunum og er þar vísað til vopnaðra […]

Ríkisstjórnin lýsir yfir vantrausti á kjararáð- Myndar starfshóp um „breytt fyrirkomulag“ og „úrbætur“

Ríkisstjórnin hefur skipað starfshóp um kjararáð, í samráði við „heildarsamtök á vinnumarkaði“, líkt og segir í tilkynningu frá forsætisráðuneytinu. „Hópurinn skal bera saman fyrirkomulag um ákvörðun launa hjá kjörnum fulltrúum, dómurum og embættismönnum í nágrannalöndum og leggja fram tillögur að breyttu fyrirkomulagi launaákvarðana kjararáðs, sé annað fyrirkomulag talið líklegra til betri sáttar í þjóðfélaginu til […]

Gunnar Atli ráðinn aðstoðarmaður Kristjans Þórs

Kristján Þór Júlíusson, sjávarútvegs- og landbúnaðarráðherra, hefur ráðið Gunnar Atla Gunnarsson sem aðstoðarmann sinn. Hann hefur störf í ráðuneytinu í dag. Kristján Þór mun þar með hafa tvo aðstoðarmenn en fyrir er Inga Hrefna Sveinbjarnardóttir sem er sem stendur í fæðingarorlofi. Gunnar Atli er stúdent frá Menntaskólanum á Ísafirði, með Mag. Jur. í lögfræði frá […]

Vilhjálmur Bjarnason: „Borgin stundar mikinn fjandskap við íbúa sína“

Vilhjálmur Bjarnason, frambjóðandi í leiðtogakjöri Sjálfstæðisflokksins fyrir næstu borgarstjórnarkosningar, skrifar grein í Morgunblaðið í dag, hvar hann fer yfir helstu hugðarefni sín í borgarmálunum. Eru þar húsnæðis- og velferðarmál ofarlega á baugi, en athygli vekur að Vilhjálmur minnist lítið sem ekkert á samgöngumál eða borgarlínu, en hann hefur þó áður lýst yfir efasemdum um hana, […]

Strætó að eldast – Um helmingur 10 ára eða eldri

Samgöngumál borgarinnar eru nú í brennidepli, þegar styttist í sveitastjórnarkosningar. Ljóst er að samgöngumál verða eitt af stóru kosningamálunum, ekki síst almenningssamgöngur, þar sem Borgarlínan hefur verið í forgrunni. En hvernig stendur Strætó ? Samkvæmt Jóhannesi Rúnarssyni, framkvæmdarstjóra Strætó, eru 49 af 95 strætisvögnum fyrirtækisins 10 ára eða meira og eru tveir þeirra 18 ára […]

Borgin úthlutaði lóðum fyrir 1711 íbúðir árið 2017

Alls voru samþykktar lóðaúthlutanir fyrir 1.711 íbúðir í borgarráði á síðasta ári. Mikill meirihluti úthlutaðra lóða var fyrir byggingarfélög sem starfa án hagnaðarsjónarmiða. Borgarráð fékk kynningu á úthlutunum lóða á fundi sínum í gær. Þetta kemur fram í tilkynningu frá borginni. Úthlutað var lóðum fyrir 1.711 íbúðir í borgarráði í fyrra. Af þeim eru 1.422 […]

Forsætisráðherra í heimsóknarhug

Katrín Jakobsdóttir forsætisráðherra var á faraldsfæti í gær, en hún heimsótti bæði umboðsmann barna og Seðlabankann. Umboðsmaður barna, Salvör Nordal, gerði Katrínu grein fyrir stefnumótun og áherslum embættisins fyrir tímabilið 2018 til 2022. Fram kom að embættið telur brýnt að efla stefnumótun á mörgum sviðum sem tengjast börnum. Grunnur að því sé greining á stöðu […]

Þórir Guðmundsson ráðinn fréttastjóri Stöðvar 2, Bylgjunnar og Vísis

Þórir Guðmundsson hefur verið ráðinn fréttastjóri Stöðvar 2, Bylgjunnar og vísir.is. Þetta kemur fram í tilkynningu frá Vodafone. Þórir er með meistaragráðu í alþjóðlegum samskiptum frá Boston University og B.A. gráðu í Blaða- og fréttamennsku frá University of Kansas. Þórir starfaði sem fréttamaður á fréttastofu Stöðvar 2, fyrst á árunum 1986 til 1999 og svo […]

Dauðans alvara – eftir Jón Pál Hreinsson og Pétur G. Markan

Þegar þessi orð eru skrifuð hefur einangrun Djúpsins verið viðvarandi frá laugardagskvöldi 13. janúar. Hvað þýðir það í nútímasamfélagi? Frá 13. janúar hafa allir vegir verið lokaðir til svæðisins, vegna ófærðar og snjóflóða, og flugsamgöngur verið stopular til landshlutans, vegna óhagstæðra vinda. Tvær megin orsakir eru til grundvallar þessari eingangrun; erfitt flugvallarstæði á Ísafirði og […]

ESB ræðst gegn plastmengun: Meira af plasti en fiski í sjónum árið 2050 með sama áframhaldi

Samkvæmt nýrri áætlun Evrópusambandsins verða allar plastumbúðir gerðar úr endurvinnanlegu efni fyrir árið 2030, dregið verður verulega úr notkun einnota plasts og skorður settar við notkun örplasts. Áætlun Evrópusambandsins til að bregðast við plastmengun er ætlað að vernda náttúruna, verja íbúana og styrkja fyrirtækin. Áætlunin er sú fyrsta sinnar tegundar og á að stuðla að […]

Stefnt að opnun neyslurýma fyrir vímuefnaneytendur

Svandís Svavarsdóttir heilbrigðisráðherra hefur sett af stað vinnu í velferðarráðuneytinu til að undirbúa opnun neyslurýma fyrir langt leidda vímuefnaneytendur. Neyslurými sem þessi eru þekkt úrræði erlendis og byggjast á hugmyndafræði skaðaminnkunar. Alþingi samþykkti í maí árið 2014 ályktun um að stefna í vímuefnamálum skyldi endurskoðuð „á grundvelli lausnamiðaðra og mannúðlegra úrræða, á forsendum heilbrigðiskerfisins og […]

Arnar Þór Sævarsson verður aðstoðarmaður félags- og jafnréttismálaráðherra

Ásmundur Einar Daðason félags- og jafnréttismálaráðherra hefur ráðið Arnar Þór Sævarsson, fráfarandi sveitarstjóra á Blönduósi aðstoðarmann sinn í velferðarráðuneytinu. Arnar Þór útskrifaðist úr lögfræði frá Háskóla Íslands árið 1999 og tók ári síðar réttindi til að gegna lögmennsku. Hann hefur gegnt stöðu sveitarstjóra á Blönduósi frá árinu 2007. Áður var hann aðstoðarmaður Jóns Sigurðssonar, þáverandi […]

Virtur læknir óttast að Trump fái hjartaáfall-Mældist með hættulega hátt kólesteról

Donald Trump Bandaríkjaforseti var sagður við hestaheilsu í reglubundinni læknisskoðun sinni á dögunum, þegar hann var skoðaður af lækni Hvíta hússins, Dr. Ronny L. Jackson. Sagði læknirinn að hjarta- og æðakerfi Trumps væri í fínu standi, þrátt fyrir að LDL kólesteról magnið mældist 143, sem er langt yfir viðmiðunarmörkum. LDL kólesteról er gjarnan nefnt „vonda“ […]

Una María kosin formaður Miðflokksfélags Suðvesturskjördæmis

Miðflokkurinn stofnaði flokksfélag Suðvesturkjördæmis í gærkvöldi í Glersalnum í Kópavogi, samkvæmt tilkynningu frá Miðflokknum. Gestir fundarins voru þeir Sigmundur Davíð Gunnlaugsson formaður Miðflokksins og Gunnar Bragi Sveinsson þingmaður Suðvesturkjördæmis. Miðflokksfélag Suðvesturkjördæmis er annað kjördæmafélag Miðflokksins sem stofnað er, en nýlega var stofnað Miðflokksfélag í Suðurkjördæmi. Félagið hefur, samkvæmt nýsamþykktum lögum þess, þann tilgang að vinna […]

Frjáls fjölmiðlun ehf. - Kringlunni 4-12, 103 Reykjavík - eyjan (hjá) eyjan.is