Laugardagur 08.04.2017 - 14:54 - Ummæli ()

Norskir Framsóknarmenn í leiftursókn – Miðflokkurinn mælist þriðji stærsti flokkur Noregs

Norskir „Framsóknarmenn“ stefna í að margfalda fylgi síns flokks í Stórþingskosningum sem eiga að fara fram í september.

Norski Miðflokkurinn siglir í miklum meðbyr þessa dagana ef marka má skoðanakannanir í Noregi. Norðmenn ganga til Stórþingskosninga 11. september á þessu ári. Nú þegar aðeins sex mánuðir eru til kosninga má greina að spennan er að aukast í norskum stjórnmálum.

Miðflokkurinn telst systurflokkur Framsóknarflokksins á Íslandi. Hann hefur haft á sér yfirbragð flokks hinna dreifðu byggða og einkum sótt fylgi sitt til fólks í sveitum landsins. Við síðustu Stórþingskosningar 2013 fékk flokkurinn alls 5,5 prósent á landsvísu, einungis 10 af 169 sætum á þinginu og lenti í stjórnarandstöðu.

Árið eftir kom til uppgjörs í flokknum. Haldinn var auka landsfundur og skipt um formann. Ungur bóndi og þingmaður flokksins frá Austur-Noregi var kosinn formaður. Hann heitir Trygve Slagsvold Vedum. Aðeins 35 ára gamall varð hann yngsti formaður í sögu flokksins. Lítil merki sáust í fyrstu um að formannsskiptin hefðu áhrif á gengi flokksins, en um síðustu áramót fór eitthvað að gerast. Flokkurinn fór að færast hratt upp á við í skoðanakönnunum.

Trygve Slagsvold Vedum formaður Miðflokksins á landsfundi sem haldinn var fyrir tveimur vikum síðan. Ljósm. af vef Miðflokksins.

Nýjasta könnunin sem birtist í norska Dagbladet nú um mánaðarmótin sýnir Miðflokkinn með 13,4 prósenta fylgi. Ef það yrðu niðurstöður kosninga þá yrði Miðflokkurinn þriðji stærsti flokkur Noregs og fengi 25 þingmenn. Þetta þykja mikil tíðindi í Noregi. Miðflokkurinn stefnir í að verða sigurvegari kosninganna í haust.

Öðrum flokkum gengur ekki jafn vel.

Verkamannaflokkurinn sem er stærsti flokkur Noregs mælist aðeins með 30,9 prósent. Mælingar sýna að flokkurinn hefur átt í vök að verjast síðan um mitt ár 2015 þrátt fyrir að vera í stjórnarandstöðu. Fengi Verkamannaflokkurinn aðeins 30 prósent í kosningum yrði það túlkað sem mikill ósigur. Flokkurinn fékk reyndar ekki nema 30,8 prósent 2013. Formanninum Jónasi Gard Störe virðist ekki vera að takast að koma flokkinum í sókn.

Hægri flokkur Ernu Solberg forsætisráðherra mælist í könnun Dagbladet með 25,3 prósent. Það yrði 1,5 prósenta aukning frá 2013. Ernu virðist vera að takast að verja stöðu flokks síns.

Bygging norska Stórþingsins í miðborg Óslóar.

Hinn hægri flokkurinn í norskum stjórnmálum, Framfaraflokkurinn undir forystu Siv Jensen fjármálaráðherra, er í vandræðum. Hann mælist aðeins með 10,6 prósent. Árið 2013 fékk flokkurinn 16,3 prósent. Yrðu niðurstöður könnunar Dagbladet að veruleika þá myndi Framfaraflokkurinn missa sæti sitt sem þriðji stærsti flokkur Noregs til Miðflokksins.

Minni flokkar mælast svo með enn minna. Kristilegi þjóðarflokkurinn er með 5,3 prósent og Vinstri með 4,2 prósent. Athygli vekur að Sósíalíski vinstriflokkurinn (SV) sem er systurflokkur Vinstri grænna á Íslandi mælist einungis með 3,9 prósent en kemur kannski ekki á óvart í ljósi þess að flokkurinn fékk aðeins 4,1 prósent atkvæða í Stórþingskosninunum 2013.

 

Umdeildur flokkur sem sankar að sér fylgi

Skyndileg velgengni norska Miðflokksins hefur eðlilega vakið athygli. Flokkurinn hefur haldið fram þjóðernisstefnu og lagt áherslu á norsk gildi. Formaðurinn segist ætla að fella hægristjórn Ernu Solberg og býður hinum núverandi stjórnarandstöðuflokkunum upp í dans þar sem búin yrði til „rauðgræn ríkisstjórn.“

Trygve Slagsvold Vedum talar fyrir stefnu sem á að fá Norðmenn til að treysta á eigin land, gögn þess og gæði. Ekki spillir heldur fyrir að þeir séu einfaldlega stoltir af að vera Norðmenn. Ljósm. af vef Miðflokksins.

Miðflokkurinn segist berjast gegn hvers kyns miðstýringu og valdaafsali hinna dreifðu byggða til miðstýrrar stjórnsýslu ríkisvaldsins. Hann boðar byggðastefnu „með ljósi í hverjum bæ“ og fullveldi Noregs með fána á hverri flaggstöng, þjóðbúningum og öðru sem heyrir til sem flokksmenn kalla „heilbrigða þjóðernisstefnu.“ Miðflokkurinn er einnig gegn aðild Noregs að Evrópusambandinu.

Formaður flokksins hefur einnig lýst því yfir að Miðflokkurinn muni ekki setjast í ríkisstjórn í Noregi nema farið verið í að ganga frá nýjum samningi um aðild landins að samningnum um Evrópska efnhagssvæðið í ljósi breyttra aðstæðna eftir að Bretland gengur úr Evrópusambandinu.

Flokkurinn hefur einnig látið til sín taka í innflytjendamálum. Á síðasta landsfundi sínum sem haldinn var seinustu helgina í mars sl. samþykkti flokkurinn bann við því að múslimskar konur notuðu andlitshyljandi blæjur í skólum Noregs, þar með talið háskólum. Varaformaður flokksins lýsti því einnig yfir að honum líkaði ekki að múslimakonur bæru slæður.

Andstæðingar Miðflokksins saka hann um þjóðrembu og jafnvel um kynþáttahatur. Formaðurinn Trygve Slagsvold Vedum hefur verið uppnefndur sem „norska útgáfan af Donaldi Trump.“ Miðflokkurinn standi fyrir herferð þar sem flokkurinn færi sér í nyt óróleika og óvissu meðal fólks með því að mála skrattann á vegginn í öllum málum gefist færi á slíku.

Bylgja þjóðernisíhaldsstefnu fer nú um Evrópu, þó við verðum aðeins vör við lítils háttar öldur hér heima [í Noregi]. Flokkar sem eru uppteknir af þjóðerniskennd í ýmsum myndum eru í sókn. Ég lít svo á að Miðflokkurinn sé mesti þjóðernisíhaldsflokkur Noregs,

sagði Kristin Clemet fyrrverandi ráðherra Hægriflokksins fyrr í vetur í viðtali við norska netmiðilinn Nettavisen.

Það eru fleiri flokkar sem halda á lofti strangri stefnu í innflytjendamálum hvað varðar lönd utan evrópska efnahagssvæðisins [EES], en Miðflokkurinn vill líka segja upp EES-samningnum. Framfaraflokkurinn hefur fram til þessa ekki haft uppi neinar óskir um að segja upp EES-samningnum og slíta tengslin við regluverk sem færir okkur frjálsa för manneskja og vinnuafls.

Svona gagnrýnisraddir virðast enn sem komið er ekki gera annað en að færa Miðflokknum stöðugt meira fylgi og formaðurinn Trygve Slagsvold Vedum sjálfsagt farinn að máta sig í stólinn sem næsti forsætisráðherra Noregs.

 

 

 

 

«
»

Ummæli ()

Vinsamlegast athugið:
Ummæli eru á ábyrgð þeirra sem þau skrifa. Eyjan áskilur sér þó rétt til að fjarlægja óviðeigandi og meiðandi ummæli. Tilkynna má óviðeigandi ummæli í netfangið ritstjorn@eyjan.is

Kolbrún: Barátta Viðreisnar

Kolbrún Bergþórsdóttir skrifar: Ekki verður annað séð en að ráðherrar Viðreisnar séu í baráttuhug og ætli ekki að sitja lengur þegjandi undir ásökunum um að vera taglhnýtingar Sjálfstæðisflokksins. Um leið er eins og Björt framtíð sé orðin hálflömuð af meðvirkni í ríkisstjórnarsamstarfi þar sem Sjálfstæðisflokkurinn er hið ráðandi afl. Hið kæfandi faðmlag íhaldsins er að […]

Dagur B. áhorfandi að mengunarhneyksli

Björn Bjarnason skrifar: Nú er ljóst að ekkert var ofsagt hér á þessum stað um fúskið sem einkenndi viðbrögð Veitna, heilbrigðiseftirlits Reykjavíkur og yfirstjórnar borgarinnar vegna mengunarhneykslisins. Nú er ljóst að ekkert var ofsagt hér á þessum stað um fúskið sem einkenndi viðbrögð Veitna, heilbrigðiseftirlits Reykjavíkur og yfirstjórnar borgarinnar vegna mengunarhneykslisins sem fréttastofa ríkisútvarpsins skýrði fyrst frá 5. júlí 2017. Ætlun allra […]

Lilja Alfreðsdóttir gagnrýnir fjármálaráðherra: Þjóðin á betri vinnubrögð skilið

Það vakti nokkra athygli í gær þegar grein eftir Benedikt Jóhannesson fjármálaráðherra undir yfirskriftinni „Má fjármálaráðherra hafna krónunni“ birtist í Fréttablaðinu. Sitt sýnist hverjum um skrif ráðherrans og í svargrein sagði Björn Bjarnason Benedikt „fjármálaráðherra á evru-villigötum“. Nú hefur Lilja Alfreðsdóttir fyrrum utanríkisráðherra og þingkona Framsóknarflokks svarað Benedikt í grein í Fréttablaðinu undir yfirskriftinni „Leiksýning […]

Þóttist japanska forsætisráðherrafrúin ekki kunna ensku til að þurfa ekki að tala við Trump?

Fyrr í þessum mánuði hittust leiðtogar G-20 ríkjanna, tuttugu stærstu iðnríkja heims, á fundi í Hamborg í Þýskalandi. Eftir ráðstefnuna var haldin vegleg veisla þar sem valdamesta fólk heims snæddi saman kvöldverð. Sætaröðunin var á þann veg að Donald Trump Bandaríkjaforseti sat hliðina á Akie Abe, eiginkonu Shinzo Abe forsætisráðherra Japans, einnar helstu bandalagsþjóðar Bandaríkjana. […]

Fjármálaráðherra á evru-villigötum

Björn Bjarnason skrifar: Röksemdafærsla fjármálaráðherra Íslands með vísan til fjármálaráðherra í nítján Evrópulöndum er reist á sandi. Benedikt Jóhannesson fjármálaráðherra hætti að boða seðlalaus viðskipti eftir að ljóst var að þau áttu hvergi hljómgrunn nema í nefnd sem skilaði honum áliti þar sem afnám seðla með hátt gildi var talið sporna gegn skattsvikum. Í grein […]

Þorbjörn: Sjaldgæft í norrænum samfélögum að ríkisvaldið sjálft ýti undir ójöfnuð

Fjárfestingarleiðin svokallaða er mikið í umræðunni þessa dagana og sitt sýnist hverjum um ágæti þessarar aðgerðar, þar sem Seðlabanki Íslands gerði ríkum Íslendingum kleift að flytja gjaldeyri til landsins og kaupa íslenskar krónur með miklum afslætti. Þorbjörn Þórðarson gerir þetta að umfjöllunarefni sínum í leiðara Fréttablaðsins í dag sem ber yfirskriftina „Tvær þjóðir“. Þorbjörn segir […]

Varaborgarfulltrúi Sjálfstæðisflokks hjólar í Kára og Gunnar Smára: Hugsa um rassgatið á sjálfum sér

Börkur Gunnarson varaborgarfulltrúi Sjálfstæðisflokks og nefndarmaður í velferðar- og innkauparáði Reykjavíkurborgar lét þá Gunnar Smára Egilsson fyrrum ritstjóra Fréttatímans og Kára Stefánsson forstjóra Íslenskrar Erfðagreiningar heyra það á Facebook síðu sinni í gær. Tilefnið var frétt Eyjunnar um stórviðskipti Kára í gegnum fjárfestingarleið Seðlabanka Íslands en þar kom fram að fyrirtæki græddi þrjá milljarða króna […]

Kannski hann ætti að skipta út bjórnum fyrir þorskalýsi

Dr. Kári Stefánsson hefur sent Eyjunni svofellt skeyti í tilefni af frétt fyrr í kvöld um viðskipti Íslenskrar erfðagreiningar gegnum fjárfestingaleið Seðlabankans: Kannski hann ætti að skipta út bjórnum fyrir þorskalýsi — Svar við fésbókarfærslu Sigmundar Davíðs Bjartur í Sumarhúsum brást ókvæða við þegar kvenfélagið færði honum kú til þess að börn hans fengju mjólk í […]

Kári stórtækastur í fjárfestingaleiðinni: Gengishagnaður yfir þremur milljörðum króna

Kári Stefánsson er sá íslenski athafnamaður sem flutti mest af evrum inn til landsins með afslætti gegnum svonefnda fjárfestingaleið Seðlabankans. Sigmundur Davíð Gunnlaugsson fv. forsætisráðherra bendir á að Kári hafi síðan verið flestum duglegri við að fordæma alla aðra fyrir að vera ekki nógu samfélagslega sinnaðir. Í Markaðnum, viðskiptariti Fréttablaðsins, birtist í morgun úttekt á […]

Eymdin í byggðarkvótanum

Kristinn H. Gunnarsson skrifar: Starfshópur um byggðakvóta kynnti tillögur sínar á fundi á Þingeyri fyrr í vikunni. Breytingum voru settar þröngar skorður, í grautarpottinum er sama súpugutlið og áður og engu kjarngóðu má bæta við það. Aðeins á að hræra aftur og aftur með sömu sleifinni. Nefndarmenn eru ekki öfundsverðir við það starf að finna […]

Kjalvegur í fúlustu alvöru

Eftir Guðna Ágústsson: Ég skrapp á sunnudaginn í fallegu veðri norður Kjöl inn í Kerlingarfjöll og á Hveravelli. Ég var farþegi í lítilli rútu með skemmtilegu fólki, við lögðum snemma upp og ekki vantaði að ferðamennirnir væru komnir á fætur — allt troðfullt á Geysi og við Gullfoss. Við okkur blasti hin mikla fjallafegurð Bláfellið […]

Fjárfestingaleiðin: Ólafur og Hjörleifur gætu innleyst ríflegan gengishagnað

Félag í eigu Ólafs Ólafssonar, aðaleiganda Samskipa, og Hjörleifs Jakobssonar fjárfestis kom með tæplega tvo milljarða króna til landsins í gegnum fjárfestingarleið Seðlabanka Íslands í desember 2012. Miðað við núverandi gengi gæti félagið innleyst um 809 milljónir í gengishagnað, samkvæmt útreikningum Markaðar Fréttablaðsins, en blaðið skýrir frá þessu í dag í úttekt á fjárfestingaleiðinni. Fjármunir Ólafs […]

Afkoma sveitarfélaga með besta móti

Árið 2016 var gott hjá flestum sveitarfélögum landsins og var afkoma margra mun betri en spáð hafði verið. Af 74 sveitarfélögum landsins hafa 63 skilað ársreikningum en í þeim sveitarfélögum sem skilað hafa ársreikningum búa um 99% þjóðarinnar. Þetta kemur fram í úttekt Agnesar Bragadóttur í Morgunblaðinu í dag. Orðið hefur tæplega 24 milljarða króna […]

Mafían mokgræðir á flóttafólki

Ítölsk stjórnvöld hafa eytt hundruðum milljón evra í móttöku flóttafólks sem kemur til landsins sjóleiðina frá Afríku en engu að síður eru aðstæður þess oft bágbornar. Nú hefur yfirgripsmikil lögreglurannsókn leitt í ljós að ítalska mafían hefur fengið í sinn hlut milljónatugi frá ríkinu, fjármagn sem átti að fara til að veita flóttafólki sæmilegan mat […]

Eyjan Miðlar ehf. - Kringlunni 4-12, 103 Reykjavík - eyjan (hjá) eyjan.is