Mánudagur 10.04.2017 - 17:12 - Ummæli ()

Norðmenn óttast hryðjuverk á þjóðhátíðardaginn 17. maí – Herða öryggisráðstafanir

Hátíðarhöld í Noregi á 17. maí. Enginn þorir að hugsa þá hugsun til enda ef vörubílaárás yrði gerð á skrúðgöngur eða mannfjölda á þeim degi. Ljóst er að í Ósló og jafnvel víðar verða mjög hertar öryggisráðstafanir í ár.

Stjórnvöld í Noregi telja að framundan sé aukin hætta á því að hryðjuverk verði framin í landinu. Þau hafa hækkað viðbúnaðarstig í samræmi við það. Meðal annars báru allir lögreglumenn í stærstu borgum landsins og á Gardemoen-flugvelli skotvopn við störf sín um helgina. Þeir tóku vopnin fram eftir hryðjuverkið í Stokkhólmi á föstudag.

Norska öryggislögreglan hækkaði um helgina hættumat sitt á hryðjuverkum í Noregi. Hættan er nú talin „líkleg,“ en áður var hún skilgreind sem „möguleg.“

Um helgina eyddi Óslóarlögreglan því sem talið var sprengja í Grönland-hverfinu í Ósló. Í tengslum við það mál var 17  ára gamall rússneskur hælisleitandi handtekinn. Hann er grunaður um að hafa haft sprengju undir höndum og misjafnt í hyggju sem meintur öfgamúslimi. Ungi maðurinn situr í yfirheyrslum en segist alsaklaus af öfgum og hryðjuverkaásökunum. Verjandi hans segir að um strákapör hafi verið að ræða og krefst þess að maðurinn verði látinn laus.

Nú síðdegis var pilturinn færður fyrir dómara þar sem hann var dæmdur í tveggja vikna einangrunargæsluvarðhald án rétts til að taka móti gestum eða skilaboðum. Þar kom fram að hann hefði haft í fórum sínum brúsa með kveikjaragasi. Utan á brúsann var búið að líma fjölmarga nagla sem hefðu væntanlega dreifst víða við sprengingu, og þannig valdið meiðslum eða jafnvel dauða.

 

Margir „varasamir“ hátíðadagar framundan

Í morgun fundaði yfirstjórn norsku lögreglunnar með lögreglustjórum í helstu borgum Noregs. Þar var ákveðið að löreglumenn mættu bera skotvopn áfram þar til annað er ákveðið. Það verður þó í valdi hvers lögregluumdæmis fyrir sig að ákveða um þetta þar sem lögreglustjórar eiga að meta hvort þeir telji þörf á slíku. Þannig segir norska ríkisútvarpið NRK frá því að lögreglumenn í Drammen suður af Ósló verði t. a. m. óvopnaðir en kollegar þeirra í Þrændalögum og í Þrándheimi beri áfram skotvopn.

Samhliða þessu hafa norsk stjórnvöld áhyggjur af því að nú fara í hönd páskar. Fólk í fríi fjölmennir þá oft á opinberum stöðum. Síðan er þjóðhátíðardagur Norðmanna 17. maí. Þá er mikið um dýrðir þar sem almenningur gengur í skrúðgöngum um stræti og torg um gervallan Noreg. Þar eiga börnin sérstakan sess.

Hryðjuverkamenn eru uppteknir af hinu táknræna. Mikil táknræn áhersla getur legið í því að ganga til aðgerða á hátíðadögum svo sem á þjóðhátíðardegi eða þegar mikið stendur til,

segir Cato Hemmingby sérfræðingur við Lögregluháskóla Noregs í samtali við NRK.

Borgaryfirvöld í Ósló funduð í dag með lögregluyfirvöldum. Þar var rætt hvernig hægt verði að auka öryggi í borginni svo draga megi úr hættu á hryðjuverkum á borð við þau sem hafa orðið síðustu mánuði í Nice, París, Brussel, Berlín, Lundúnum og nú síðast í Stokkhólmi. Í þeirri umræðu er ofarlega á blaði hvernig koma megi í veg fyrir árásir þar sem bílum er ekið á miklum hraða inn í mannfjölda sem á sér einskis ills von.

Raymond Johansen formaður borgarráðs Óslóar segir við Aftenposten að þess megi vænta að öryggisgæsla verði aukin í borginni fyrir 17. maí.

Í ár munu þessar aðgerðir verða með öðru sniði en almenningur hefur séð á síðustu árum,

segir Johansen án þess að upplýsa nánar hvernig þessu verði háttað. Þegar er byrjað að tala um hvernig loka megi fjölförnum götum fótgangandi vegfarenda, á borð við Karl Johan-stræti í miðborg Óslóar, og setja upp tálma þannig að ekki verði hægt að keyra niður fólk. Þetta er þó hægara sagt en gert því jafnframt verður að tryggja að lögregla, sjúkrabílar og slökkvilið komist um göturnar ef hættuástand skapast.

Við stefnum á að halda flott flott hátíðarhöld á 17. maí með barnaskrúðgöngum eins og venjan er. Síðan mun lögreglan gera þær ráðstafanir sem þykja nauðsynlegar til að við getum verið örugg á þjóðhátíðardaginn. Við berum fullt traust til þess að lögreglan geri það með góðum hætti,

segir Björnar Moxnes formaður 17. maí þjóðhátíðarnefndarinnar í Ósló við Aftenposten.

«
»

Ummæli ()

Vinsamlegast athugið:
Ummæli eru á ábyrgð þeirra sem þau skrifa. Eyjan áskilur sér þó rétt til að fjarlægja óviðeigandi og meiðandi ummæli. Tilkynna má óviðeigandi ummæli í netfangið ritstjorn@eyjan.is

Fjögur nýsköpunarfyrirtæki hljóta viðurkenningar fyrir samstarf

Í dag afhenti Kristján Þór Júlíusson sjávarútvegsráðherra viðurkenningar til fjögurra fyrirtækja innan Íslenska sjávarklasans sem skarað hafa framúr við að efla samstarf við önnur fyrirtæki. Fyrirtækin sem hlutu viðurkenningu eru Navis, Evris, Iceland Sustainable Fisheries og Knarr Maritime. Navis hlýtur viðurkenningu fyrir að efla samstarf tæknifyrirtækja um hönnun á umhverfisvænum skipum. Evris hlýtur viðurkenningu fyrir […]

Grein Hannesar á skjön við skýrslu Rannsóknarnefndar – „Því var bjargað sem bjargað varð“

Í tilefni 70 ára afmælis Davíðs Oddssonar ritar Hannes Hólmsteinn Gissurason eina og hálfa opnu um aðkomu Davíðs að bankahruninu í Morgunblaðinu í dag. Í Stundinni kemur fram að Hannes sé ósammála niðurstöðum rannsóknarnefndar Alþingis og lýsi Davíð sem bjargvætti Íslands í hruninu, en það sé söguskýring sem Hannes kenni í skyldunámskeiði í Háskóla Íslands. […]

Samkeppniseftirlitið hafnar kröfu Símans – Skilyrði samnings verða óbreytt

Samkeppniseftirlitið hefur hafnað kröfu Símans um að breyta skilyrðum samnings milli Fjarskipta hf. (Vodafone) og 365 miðla hf. Þetta kemur fram í tilkynningu frá Samkeppniseftirlitinu. Þann 9. október sl. heimilaði Samkeppniseftirlitið kaup Fjarskipta hf. (Vodafone) á tilteknum eignum og rekstri 365 miðla hf. Samruninn er háður skilyrðum sem Samkeppniseftirlitið og samrunaaðilar gerðu sátt um.   […]

Forsætisráðherra fundaði með formanni landsstjórnar Grænlands

Katrín Jakobsdóttir, forsætisráðherra, átti fund með Kim Kielsen, formanni landsstjórnar Grænlands í dag. Á fundinum var rætt um góð samskipti Íslands og Grænlands, stöðu efnahagsmála og stjórnmála. Þetta kemur fram í tilkynningu frá forsætisráðuneytinu. Mikilvægi Vestnorræna ráðsins kom til umræðu og aukin samvinna Íslands og Grænlands, meðal annars á sviði ferðamála.Vaxandi straumur ferðamanna er fyrirliggjandi […]

Skúli Helgason stefnir á 3. sætið hjá Samfylkingunni

Borgarfulltrúinn Skúli Helgason gefur kost á sér í 3. sæti í flokksvali Samfylkingarinnar fyrir komandi borgarstjórnarkosningar sem fram fer 10. febrúar næstkomandi. Þetta kemur fram í tilkynningu. Skúli hefur verið borgarfulltrúi í eitt kjörtímabil, í meirihlutasamstarfi undir forystu Samfylkingarinnar og stýrir einum viðamesta málaflokknum í borgarmálunum, skóla- og frístundamálum.   Skúli er menntaður stjórnmálafræðingur frá […]

Gjörbreyting á Kringlusvæðinu – Fyrirhuguð uppbygging gerir ráð fyrir Borgarlínu

Í dag skrifuðu Dagur B. Eggertsson borgarstjóri og Guðjón Auðunsson forstjóri Reita undir viljayfirlýsingu Reykjavíkurborgar og Reita um uppbyggingu á Kringlureitnum og verður það umfangsmesta uppbygging á svæðinu frá því verslunarmiðstöðin Kringlan var opnuð árið 1987. Reitir og Reykjavíkurborg munu vinna saman að nýju rammaskipulagi fyrir svæðið og breyta gildandi skipulagsáætlunum. Miðað er við að […]

Björn Valur: „Árni Páll til liðs við stjórnina?“

Björn Valur Gíslason, fyrrum varaformaður Vinstri grænna, veltir því fyrir sér á heimasíðu sinni hvort að Árni Páll Árnason, fyrrum formaður Samfylkingarinnar, sé ekki vel til þess fallinn að liðsinna ríkisstjórninni þegar kemur að málefnum ESB og Brexit.   Björn Valur dáðist að framgöngu Árna Páls í Silfrinu um helgina, hvar hann ræddi Brexit af […]

Reykjavíkurborg fær falleinkunn í þjónustukönnun Gallup

Reykjavíkurborg fær lægstu einkunn í nýrri þjónustukönnun Gallup, þegar þjónusta borgarinnar við leik- og grunnskóla, eldri borgara og fatlaða er borin saman við önnur sveitafélög. Þetta kemur fram á Kjarnanum.   Mælist Reykjavíkurborg einnig neðst í heildaránægju íbúa af sveitafélagi sínu. Hún mælist þó ekki neðst í öllum flokkum, þó litlu muni. Garðabær mælist efstur […]

Davíð Oddsson sjötugur í dag – „Ég er ekk­ert að hugsa um að hætta“

Davíð Oddsson, ritstjóri Morgunblaðsins og fyrrverandi forsætisráðherra, er sjötugur í dag. Af því tilefni fór hann í viðtal á útvarpsstöð Árvakurs, K100, í morgun. Þar kvaðst hann ekki ætla að setjast í helgan stein, líkt og tveir forverar hans, þeir Styrmir Gunnarsson og Matthías Johannessen gerðu þegar þeir urðu sjötugir. Davíð var hress og kátur […]

Kjartan vill endurskoða samning ríkis og borgar um samgöngumál

Kjartan Magnússon, borgarfulltrúi Sjálfstæðisflokksins, flutti tillögu þess efnis á borgarstjórnarfundi í gær, að endurskoða þyrfti samning ríkis og borgar um samgöngumál frá árinu 2013, með því augnarmiði að hægt verði að fara í stórframkvæmdir í samgöngumálum í borginni. Samningurinn kveður á um svokallað „framkvæmdarstopp í samgöngumálum Reykjavíkurborgar“ að sögn Kjartans og að ríkið veiti borginni […]

Konur brjóta blað í Atvinnuveganefnd Alþingis

Atvinnuveganefnd hefur störf á morgun að loknu jólaleyfi. Nú ber svo við að eingöngu konur stýra starfi nefndarinnar. Lilja Rafney Magnúsdóttir VG, er formaður, Inga Sæland Flokki fólksins er 1. varaformaður og Halla Signý Kristjánsdóttir Framsóknarflokki er 2. varaformaður.   Mun það ekki hafa áður gerst að eingöngu konur veittu þessari nefnd eða fyrirrennurum hennar […]

Kjartan vill vera áfram bæjarstjóri í Reykjanesbæ: „Ég er alveg til í það“

Kjartan Már Kjartansson, bæjarstjóri í Reykjanesbæ, segist áfram vilja starfa sem slíkur, en hann var ráðinn af núverandi meirihluta eftir sveitastjórnarkosningarnar árið 2014, en meirihluta skipa Bein leið, Frjálst afl og Samfylking. Kjartan er fyrrum bæjarfulltrúi Framsóknarflokksins en var ráðinn á faglegum forsendum, ekki pólitískum. Þetta kemur fram í Víkurfréttum.       Aðspurður hvort […]

Helgi Seljan sakar formann Varðar um seinheppni – Formaðurinn býður Helga í Valhöll til að læra um húmor

Í dag byrjaði utan-kjörfundaratkvæða-greiðsla í leiðtogakjöri Sjálfstæðisflokksins í Reykjavík, en leiðtogakjörið sjálft er þann 27. janúar. Vörður, fulltrúaráð sjálfstæðisfélaganna í Reykjavík, sér um framkvæmdina, en formaður hennar, Gísli Kr. Björnsson, greiddi atkvæði sitt í morgun.   Gísli birti mynd af sér við athöfnina, líkt og tíðkast. Birti hann myndina á Facebooksíðu sinni. Netverjum brá sumum […]

Stofna á ungmennaráð Heimsmarkmiða sameinuðu þjóðanna

Greint var frá fyrirhugaðri stofnun ungmennaráðs Heimsmarkmiða Sameinuðu þjóðanna á ríkisstjórnarfundi í morgun. Forsætisráðuneytið mun óska eftir umsóknum í ungmennaráð Heimsmarkmiða Sameinuðu þjóðanna 31. janúar nk. og mun sérfræðingur í þátttöku barna og ungmenna hjá UNICEF á Íslandi halda utan um skipulag og vinnu ráðsins. Eitt af meginstefum Heimsmarkmiðanna er samvinna milli ólíkra hagsmunaaðila, þ.á […]

Frjáls fjölmiðlun ehf. - Kringlunni 4-12, 103 Reykjavík - eyjan (hjá) eyjan.is