Laugardagur 15.04.2017 - 10:24 - Ummæli ()

Jón Baldvin: „Þetta er alltaf sama vitleysan“

Jón Baldvin Hannibalsson. Mynd/Þormar Vignir Gunnarsson

Jón Baldvin Hannibalsson segir að Sósíalistaflokkur Gunnars Smára Egilssonar sé ekki frumlegur og stefnumál flokksins séu öll eitthvað sem jafnaðarmenn á Íslandi hafi komið á, barist fyrir eða eigi að berjast fyrir. Sósíalistaflokkurinn Íslands hefur fengið nokkuð mikinn meðbyr ef marka má netheima og fullyrðir Gunnar Smári Egilsson stofnandi að aldrei hafi fleiri skráð sig í einn stjórnmálaflokk á jafn skömmum tíma í Íslandssögunni.

Jón Baldvin var formaður Alþýðuflokksins undir lok síðustu aldar, segir hann í viðtali í útvarpsþættinum Harmageddon, að jafnaðarmenn þurfi afl hér á landi til að ná árangri en til þess þurfi þeir að snúa bökum saman. Segir hann sósíalista á fyrri hluta tuttugustu aldar vera ábyrgir fyrir því að hafa klofið vinstrihreyfinguna á Íslandi:

Það var einu sinni til flokkur sem hér Sósíalistaflokkur Íslands, stofnaður ´38, fjaraði út einhverntímann á áttunda áratugnum. Hann varð til af því að gáfnaljós á Íslandi á kreppuárum, margt mjög gott fólk, vel innrætt, vildi vel, hafði ekki trú á því að kratarnir dygðu til stórræðna og tóku trú á Sovétið. En, eins og oft hendir gáfað velviljað fólk, ef það missir tengslin við veruleikann, þá breyttu þeir þessari skoðun sinni í trúarbrögð sem leiddi til þess að þeir afneituðu staðreyndum, sjáandi sáu þeir ekki hvernig þróunin var í Sovétríkjunum. Þeir ollu miklum skaða í verkalýðshreyfingunni, klufu hana í tætlur út á trúarbrögð sín og þar með komu þeir íhaldinu til valda.

Ekki sérlega frumlegt

Gunnar Smári Egilsson.

Hann segir Sósíalistaflokk Íslands, sem verður stofnaður 1.maí næstkomandi, ekki vera frumlegan:

„Þetta hefur verið gert áður, ég hef mætur á Gunnari Smára, maðurinn er skarpur og gerir margt gott í blaðamennsku. Vel fókuseraður á aðalatriði, hann er talnaglöggur og kann að sjá samhengi. Þó menn séu að skamma hann fyrir að honum hafi eitthvað orðið á í lífinu, ég segi stundum við sjálfan mig, hefur nokkurn tímann orðið eitthvað úr kapítalistum sem hafa ekki einhvern tímann orðið gjaldþrota? En þetta er ekki sérlega frumlegt.“

Þegar farið er yfir fyrstu baráttumál Sósíalistaflokks Íslands, líkt og sjá má á heimasíðu flokksins segir Jón Baldvin þau öll eitthvað sem jafnaðarmenn hafi komið á, berjist fyrir eða eigi að berjast fyrir á Íslandi:

Róttækur sósíaldemókrataflokkur núna á að berjast fyrir því af fullum krafti að loka öllum þessum helvítis skattundanskotabúllum og taka á fjármálakerfinu. Það er það sem varð Samfylkingunni að falli, hún hrundi ekki bara af því að allir voru svo vondir við hana, hún brást.

„Og hverjir eru þessir Vinstri grænir?“

Á tíð Jóns Baldvins í Alþýðuflokknum klofnaði flokkurinn tvisvar, og hafði hann klofnað þrisvar fyrr á 20.öld, klofnaði flokkurinn í Bandalag jafnaðarmanna árið 1983 og í Þjóðvaka árið 1994, í bæði skiptin var Alþýðuflokkurinn ekki að . Þegar rætt er um hvort þetta sé rétti tíminn til að stofna nýjan vinstriflokk þegar Vinstri grænir mælist með rúm 25% í skoðanakönnunum sagði Jón Baldvin:

Þetta er alltaf sama vitleysan. Og hverjir eru þessir Vinstri grænir? Er þetta sprottið upp úr rót róttækra vinstrisinnaðra Framsóknarmanna í kringum hann Skallagrím vin minn. Þetta er landsbyggðarfólk, vel innrætt og gott fólk. En íhaldssamt því miður. Þetta fólk sem er á móti því að taka upp auðlindagjöld er algjörlega fordæmanlegt og Vinstri græn sitja uppi með þá hneisu. Þessu var ekki komið á á síðasta kjörtímabili því þeir telja sér trú um að þetta sé skattur á landsbyggðina,

segir Jón Baldvin, eigendur kvóta séu orðnir að forréttinda lénsaðli og svo valdamiklir að það væri pólitískt harakírí að bjóða sig fram í Vestmannaeyjum og í Norðausturkjördæmi með það markmið að hækka álögur á útgerðina.

Ef við horfum á samhengi sögunnar, kommúnistar, sósíaldemókratar og þessi þjóðfélagsmódel á seinustu öld, og spyrjum okkar einnar spurningar, hvaða módel, óbeislaður kapítalismi, Sovétkommúnismi eða siðvæðing og beislun á kapítalisma skilaði besta samfélaginu. Niðurstaðan er einföld, það þarf ekkert að rífast um það, að norræna módelið ber af. Það er eina módelið sem hefur staðist dóm reynslunnar. Hananú. Af hverju geta menn ekki lært af þessu?

Mannkynsfrelsarar koma í veg fyrir samstöðu gegn íhaldinu

Í grunninn hafi norræna módelið sem Jón Baldvin talar um, byggst upp af flokkum með sterka tengingu við verkalýðshreyfinguna og komið í veg fyrir að fjármálaöflin hafi völdin:

Þeir sem að splundra því afli sem þarf til að gera þetta eru ekki á réttri leið.

Hann vill þó ekki slá því föstu að Sósíalistaflokkur Íslands splundri því afli. Nú sé landið í pólitískri eyðimörk, sjö flokkar á þingi og það stefni í annan tug framboða fyrir næstu þingkosningar. Jón Baldvin sér hins vegar jafnaðarmannastefnuna víða í þessum flokkum, til dæmis sé Inga Sæland í Flokki fólksins að tala fyrir jafnaðarstefnu.

Munið þið eftir Reykjavíkurlistanum? Íhaldið var búið að vera við völd í Reykjavík frá því að Ingólfur Arnarson steig á land, í þúsund ár eða svo. Alltaf voru einhverjir mannkynsfrelsarar, Albaníu-Valdar og aðrir slíkir, sem komu í veg fyrir það að þeir sem gættu almannahagsmuna stæðu saman upp gegn sérhagsmunaveldinu. Það tókst ekki fyrr en með Reykjavíkurlistanum.

Þá hafi flokkar grafið stríðsaxirnar og sameinast um aðalatriðin, það þurfi afl til umbóta og það fæst ekki nema með því að snúa bökum saman.

Flokkar þurfa grasrót

Að mati Jóns Baldvins þá sé nauðsynlegt fyrir stjórnmálaflokk að hafa grasrót, það dugi ekki til að hafa bara sterkan leiðtoga. Jafnvel í rústum Samfylkingarinnar sé grasrót, fólk með vilja og reynslu sem hægt sé að treysta líka í mótlæti, fyrir utan styrk í sveitarstjórnum. Vill Jón Baldvin fá að vita hvar fólkið í kringum Gunnar Smára sé.

Að lokum, varðandi nafnið á flokknum, Sósíalistaflokkur Íslands, segir Jón Baldvin:

Það er sjálfsmark. Ég bað hann í guðanna bænum, hættu þessu. Hann [Gunnar Smári] er bara of einþykkur, hann á að hlusta á gamla reynda menn.

«
»

Ummæli ()

Vinsamlegast athugið:
Ummæli eru á ábyrgð þeirra sem þau skrifa. Eyjan áskilur sér þó rétt til að fjarlægja óviðeigandi og meiðandi ummæli. Tilkynna má óviðeigandi ummæli í netfangið ritstjorn@eyjan.is

Velferðarráðuneytið vænir Barnaverndarstofu um ósannsögli

Líkt og komið hefur fram í fjölmiðlum hefur forstjóri Barnaverndarstofu, Bragi Guðbrandsson,  legið undir ámæli vegna starfshátta sinna. Barnaverndarstofa sendi frá sér yfirlýsingu á föstudag, þar sem beðið var um frest til að svara Velferðarráðuneytinu, meðan aflað væri frekari gagna, því það hafi gengið erfiðlega að fá gögnin í hendur. Nú hefur Velferðarráðuneytið sent frá […]

Búið að ráða aðstoðarmenn dómara við Landsrétt

Samkvæmt öruggum heimildum Eyjunar er búið að ráða aðstoðarmenn dómara við Landsrétt. Auglýst var eftir fimm löglærðum aðstoðarmönnum dómara við Landsrétt í sumar, en Landsréttur tekur til starfa 1. janúar 2018 og er gert ráð fyrir að aðstoðarmenn hefji störf frá þeim tíma. Alls sóttu 116 manns um störfin fimm en eftirtaldir einstaklingar fengu starfið: […]

Stjórnarandstaðan þiggur formennsku þriggja fastanefnda Alþingis- „Ekki nema hæfilega ánægð“

Stjórnarandstaðan ákvað í morgun að taka við formennsku í þeim þremur fastanefndum sem ríkisstjórnin hafði boðið þeim. Þetta staðfesti Logi Einarsson formaður Samfylkingarinnar við Eyjuna. Að sögn Loga mun Samfylkingin fara með formennsku í stjórnskipunar- og eftirlitsnefnd fyrstu tvö árin, en skiptast síðan á við Pírata, sem fara fyrir velferðarnefnd fyrstu tvö árin. Þá mun […]

Hæstaréttarlögmaður ýjar að vanhæfi umhverfisráðherra

Hæstaréttarlögmaðurinn Jón Jónsson skrifar grein í Morgunblaðið um helgina, hvar hann veltir fyrir sér hæfi, eða eftir atvikum, vanhæfi Guðmundar I. Guðbrandssonar umhverfisráðherra, sökum sinna fyrri starfa hjá Landvernd. Spyr Jón hvort umhverfisráðherra sé til dæmis hæfur til að skipa til dæmis starfshóp um málefni Teigsskógar, eða hvort hann sé hæfur að fjalla um aðalskipulag tengt […]

Benedikt Jóhannesson: „Vúdú hagfræði Kampavínsstjórnarinnar“

Benedikt Jóhannesson, fyrrum formaður Viðreisnar og fjármálaráðherra, skrifar harðorðan pistil á Facebook síðu sína í gær undir yfirskriftinni „Vúdú-Hagfræði Kampavínsstjórnarinnar.“ Þar gagnrýnir hann fyrirhugaðar útgjaldaaukningar nýrrar ríkisstjórnar og skýtur föstum skotum á frænda sinn, forvera og eftirmann, Bjarna Benediktsson fjármálaráðherra.     „Þegar Ronald Reagan bauð sig fram sem forseti Bandaríkjanna setti hann fram þrjú […]

„Þessi gjaldtaka er án fordæma og án alls samtals við ferðaþjónustuna“

Fyrirtæki í ferðaþjónustu ráða nú ráðum sínum eftir að Isavia tilkynnti um fyrirhugaða gjaldtöku á stæðum fyrir hóferðabíla við flugstöð Leifs Eiríkssonar sem hefst þann 1. mars. Mun gjaldið vera 7,900 krónur fyrir hópbifreiðar með 19 eða færri  sæti en 19,900 fyrir bifreiðar með fleiri en 20 sæti. Fyrir hvert skipti. Samtök ferðaþjónustunnar gagnrýna gjaldtökuna […]

Um hvað snúast deilurnar í Katalóníu?

Það eru margar ástæður  fyrir því að Katalónía er ekki Spánn, eða hluti af Spáni og að Spánn sé ekki Katalónía. Sögulega séð er Katalónía þjóð með landamæri miklu eldri en hugmyndin um Spán sem ríki eða þjóð. Katalónar voru þjóð í eigin landi í nokkrar aldir eða allt þar til að þeir töpuðu stríði […]

Uppgjör við reiðina

Kolbrún Bergþórsdóttir skrifar: Það er bæði rétt og skylt að rifja upp hruntímann þegar óstjórnleg reiði greip um sig á svo sterkan hátt að öll siðferðisviðmið röskuðust. Það var öskrað og æpt, lögreglu var ögrað og stjórnmálamenn áttu sumir ekki lengur skjól á eigin heimili. Kvöld eftir kvöld fylltust sjónvarpsfréttatímar af myndum af fólki sem […]

„Það er gott að búa í Kópavogi“

Bæjarstjórinn góðkunni, Gunnar I. Birgisson, hefur nú fest ævisögu sína á blað með dyggri aðstoð skrásetjarans Orra Páls Ormarssonar. Gunnar þekkja flestir sem hinn djúpróma bæjarstjóra Kópavogs, nú Fjallabyggðar, en hann var einnig þingmaður Sjálfstæðisflokksins og formaður bæjarráðs Kópavogs til margra ára. Þá þekkja allir hið sígilda slagorð, „Það er gott að búa í Kópavogi,“ […]

Björn Valur um prósentin 78: Áfall fyrir Samfylkinguna

Björn Valur Gíslason, skipstjóri og fyrrum þingmaður Vinstri grænna, hefur verið einn einlægasti stuðningsmaður nýrrar ríkisstjórnar. Hann segir það ekki koma sér á óvart að stuðningur við stjórnina mælist í 78%. „Ég skrifaði um það fyrir skömmu að ríkisstjórnin yrði geysivinsæl. Ég hefði viljað sjá hana myndaða fyrr en kannski voru ekki aðstæður til þess. […]

Loftslagsviðurkenningar veittar í fyrsta sinn

Í dag voru veitt loftslagsviðurkenningar Festu og Reykjavíkurborgar í fyrsta sinn. Markmið viðurkenninganna er að vekja athygli á því sem vel er gert í loftslagsmálum og vera hvatning til annarra. Að þessu sinni hlaut HB Grandi loftslagsviðurkenningu Festu og Reykjavíkurborgar, vefurinn loftslag.is hlaut fræðslu- og upplýsingaviðurkenningu vegna loftslagsmála og þá hlaut ISAVIA hvatningarviðurkenningu.   HB […]

Flateyjabók liggur undir skemmdum- Árnastofnun fær styrk til viðgerðar

Ríkistjórnin hefur ákveðið að styrkja Stofnun Árna Magnússonar í íslenskum fræðum um 5 millj. kr. til að ráðast í brýna viðgerð á Flateyjarbók, einu merkasta handriti Íslendinga. Að sögn Guðrúnar Nordal, forstöðumanns Árnastofnunar er danskt lím sökudólgurinn. „Flateyjarbók var færð í nýtt band á átjándu öld sem nú þarfnast áríðandi viðgerðar en auk þess þarf […]

Fiskeldi Austfjarða leiðréttir Loðnuvinnsluna – Segir misskilnings gæta um mengun

Líkt og Eyjan fjallaði um, þá sendi Loðnuvinnslan í Fáskrúðsfirði frá sér yfirlýsingu í vikunni, þar sem þeir lýstu áhyggjum sínum yfir fyrirhuguðu laxeldi í firðinum og menguninni sem af því hlytist. Var fullyrt að mengunin af 15.000 tonna laxeldi jafngilti skólpi frá 120.000 manna byggð og hefði þar með áhrif á hrognavinnsluna, sem reiðir […]

Reykjavíkurborg eykur stuðning við utangarðsfólk – Tólf nýjar íbúðir á þremur árum

Velferðarráð samþykkti á fundi sínum 7. desember að auka stuðning við utangarðsfólk. Þetta kemur fram í tilkynningu. Það verður gert með því að fjölga um tólf íbúðum fyrir fólk í jaðarstöðu á grundvelli hugmyndafræðinnar Housing first. Einnig verður starfsmönnum í vettvangs- og ráðgjafarteymi sem veitir utangarðsfólki þjónustu fjölgað úr sjö í þrettán. Teymið mun starfa út frá […]

Frjáls fjölmiðlun ehf. - Kringlunni 4-12, 103 Reykjavík - eyjan (hjá) eyjan.is