Föstudagur 21.04.2017 - 14:46 - Ummæli ()

Embætti ríkislögreglustjóra tekur gagnrýni yfirlögregluþjóns illa: Togstreita almennrar lögreglu og sérsveitarinnar

Í vikunni var skýrt frá því að sérsveit ríkislögreglustjóra væri að fá fjóra sérútbúna bíla til notkunar. Bílarnir eru af gerðinni Ford Police Interceptor og eru mjög kraftmiklir og vel búnir tækjum. Hver þeirra kostar 15 milljónir. Þessu til viðbótar er sérsveitin að taka nýjan einkennisfatnað í notkun. Morgunblaðið skýrði frá þessu. Í framhaldi af þessum fréttaflutningi hafði Morgunblaðið eftir yfirlögregluþjóni á Suðurlandi að einnig sé nauðsynlegt að endurnýja bíla og búnað almennrar lögreglu. Þessu tekur embætti ríkislögreglustjóra illa og sendi frá sér tilkynningu til Morgunblaðsins í gær vegna þessa.

Í Morgunblaðinu í gær var haft eftir Sveini Kr. Rúnarssyni, yfirlögregluþjóni hjá lögreglunni á Suðurlandi, að það væri mikilvægt að efla sérsveitina en einnig sé mikilvægt að endur bíla og annan búnað almennra lögregluliða. Haft er eftir Sveini að lögreglan á Suðurlandi sé með 13 merkta lögreglubíla til notkunar. Þremur þeirra, allt Skoda Superb, hefur verið ekið 300.000 til 400.000 kílómetra og eru orðnir ansi viðhaldsfrekir að sögn Sveins. Einn dagur í notkun mest eknu bílanna hafi í för með sér að þeir séu á verkstæði í einn dag, það sé lítið vit í slíku. Hann sagði að fimm bílar hjá embættinu væru komnir á endurnýjunartíma en líklega fái embættið ekki nema einn nýjan bíl á árinu.

Gamall fatnaður á nýja lögreglumenn

Lögreglan á Suðurlandi fékk tvo nýja Skoda Superb bíla til notkunar og þurfti ekki að láta neinn bíl af hendi í staðinn. Þetta var að sögn Sveins nauðsynlegt þar sem verkefni lögreglunnar í umdæminu séu alltaf að aukast. Eftirlit hafi verið aukið vegna ferðamannastraumsins en embættið hefur fengið aukalegar fjárveitingar til að sinna þessu.

Sveinn vakti einnig athygli á að nú sé lögreglan ekki með neina samninga um kaup á einkennisfatnaði handa lögreglumönnum og því þurfi að grafa upp gamlan fatnað til að láta nýja lögreglumenn fá.

Hvað varðar bílamál lögreglunnar þá ráða embættin engu um endurnýjun bílaflotans því hún er háð fjárveitingum sem fara til embættis ríkislögreglustjóra. Ríkislögreglustjóraembættið kaupir síðan ný ökutæki og leigir lögregluembættunum en þau greiða kílómetragjald fyrir hvert ökutæki. Ríkislögreglustjóri fer með æðstu stjórn lögreglunnar í landinu í umboði innanríkisráðherra.

Í Morgunblaðinu í dag er aftur fjallað um málið og athugasemd sem Bílamiðstöð ríkislögreglustjóra sendi blaðinu. Þar kemur fram að lögreglan á Suðurlandi hafi fengið tvo nýja og vel búna Skoda Superb bíla á síðasta ári. Auk þess sé embættið með Ford Transit sem er nýttur við umferðareftirlit auk þriggja breyttra jeppa.

Í athugasemdinni kemur fram að lögreglan á Suðurlandi sé með þrjá ágætis Skoda Superb bíla, árgerðir 2011-2012 til notkunar. Þar er væntanlega um sömu bíla að ræða og Sveinn Kr. nefndi til sögunnar í gær og sagði vera ekna 300.000 til 400.000 kílómetra. Í athugasemdinni er einnig tekið fram að lögreglan á Suðurlandi fái nýjan bíl síðar á árinu auk þess sem hún fái einn af bílum sérsveitarinnar í maí. Þar er væntanlega um notaða lögregubifreið að ræða. Bílamiðstöðin hefur gert töluvert af því í gegnum tíðina að senda lögreglubíla á milli lögregluliða og hefur þá engu gilt hversu mikið þeir hafa verið eknir.

Bílar til að friða lögreglumenn

Heimildir Eyjunnar á meðal lögreglumanna herma að þetta hafi oft vakið mikla undrun lögreglumanna og oft á tíðum hafi virst sem friða hafi átt lögreglumenn og embættin með því að láta þá fá „nýja“ lögreglubíla. Það er þó rétt að hafa í huga að í vissum tilfellum getur hentað að senda notaða lögreglubíla á milli embætta, til dæmis getur myndast þörf hjá einu embætti fyrir að fá jeppa til umráða um tíma á meðan annað embætti þarf frekar á fólksbíl að halda.

Í athugasemdinni frá Bílamiðstöðinni segir að samkvæmt áætlun sé fyrirhugað að kaupa níu sérútbúna lögreglubíla fyrir embættin úti á landi á þessu ári auk þess sem þrjú mótorhjól og tveir sendibílar verði keyptir fyrir lögregluna á höfuðborgarsvæðinu. Í athugasemdinni, sem Morgunblaðið fjallaði um í dag, er ekkert sem hrekur orð Sveins um ástand bílaflota lögreglunnar á Suðurlandi eða endurnýjun hans.

Samtals verða því keyptir 15 nýir lögreglubílar á árinu ef nýju bílar sérsveitarinnar eru teknir með í reikninginn. Ljóst má vera að stór hluti þeirrar fjárveitingar sem á að verja til bílakaupa á árinu fer í bíla sérsveitarinnar. Það er hins vegar fjárveitingarvaldið sem ákveður hversu háum fjárhæðum er varið til bílakaupa og úr þeim fjármunum verður ríkislögreglustjóraembættið að spila.

Gremja í garð embættis ríkislögreglustjóra

Lögreglumenn hafa rætt þessi mál nokkuð sín á milli enda þykir þeim mörgum sem bílaflotinn sé orðinn ansi lúinn. Eyjan hefur heimildir fyrir að nokkur kergja ríki oft á milli almennra lögreglumanna og sérsveitarinnar, þó ekki persónuleg gremja manna á milli heldur gremja í garð ríkislögreglustjóraembættisins. Sumum þykir embættið hygla sérsveitinni á köflum og það á kostnað almennrar lögreglu í landinu sem þurfi að búa við þröngan kost á meðan sérsveitin virðist oft hafa úr nægu að spila.

Lögreglumenn eru þó almennt þeirrar skoðunnar að sérsveitin þurfi að vera vel búin og hafa besta fáanlega tækjabúnað til umráða enda er sveitin nauðsynleg við margvísleg hættuleg verkefni sem lögreglan þarf að takast á við. Þeim þykir þó oft sem hin almenna lögregla gleymist þegar kemur að búnaðar- og þjálfunarmálum. Þar má eflaust kenna fjárveitingarvaldinu um að hluta að minnsta kosti enda skammtar það lögreglunni peninga. Hitt er svo kannski annað mál hvernig ríkislögreglustjóri spilar úr þeim fjármunum sem ætlaðir eru til tækja- og búnaðarkaupa fyrir lögregluna í landinu.

«
»

Ummæli ()

Vinsamlegast athugið:
Ummæli eru á ábyrgð þeirra sem þau skrifa. Eyjan áskilur sér þó rétt til að fjarlægja óviðeigandi og meiðandi ummæli. Tilkynna má óviðeigandi ummæli í netfangið ritstjorn@eyjan.is

Forsætisráðherra á leiðtogafundi í París – Kynnti kolefnislaust Ísland 2040

Katrín Jakobsdóttir, forsætisráðherra, tók þátt í leiðtoga-fundi í París í dag undir yfirskriftinni „One Planet Summit“.  Fundurinn var haldinn í tilefni af því að í dag, 12. desember, eru tvö ár liðin frá samþykkt Parísarsamkomulagsins og lýkur fundinum síðar í kvöld. Megintilgangur fundarins er að fagna þeim áfanga sem Parísarsamkomulagið er og vekja athygli á markmiðum […]

Áform um hverfisskipulag Grafarvogs kynnt – Starfsemi fyrir kvikmyndaiðnað, verslun og þjónustu

Umhverfis- og skipulagssvið Reykjavíkurborgar hélt kynningarfund á dögunum vegna fyrsta áfanga skipulags í Gufunesi. Fundurinn var haldinn í Hlöðunni við Gufunesbæ. Stuðla á að fjölbreyttari byggð og starfsemi og styðja við og styrkja Grafarvog sem hverfisheild. Á svæðinu er einkum gert ráð fyrir starfsemi á sviði afþreyingar- og kvikmyndaiðnaðar og þjónustu tengdri slíkri starfsemi. Einnig […]

Trump verst ásökunum um kynferðislega áreitni á Twitter

Donald Trump Bandaríkjaforseti, sagði í dag að allur sá fjöldi ásakana á hendur honum varðandi kynferðislega áreitni, væri liður í samsæri Demókrata og kallaði þær falsfréttir. Orð Trump féllu degi eftir að þrjár konur ásökuðu Trump um að hafa áreitt sig kynferðislega í viðtali á NBC sjónvarpsstöðinni og á blaðamannafundi í New York í gær. […]

Herdís kjörin næst-æðsti stjórnandi Feneyjanefndar Evrópuráðsins -Fyrst Íslendinga

Dr. Herdís Kjerulf Þorgeirsdóttir hefur kjörin næst-æðsti stjórnandi Feneyjanefndar Evrópuráðsins, nefndar Evrópuráðsins um lýðræði með lögum. Á aðalfundi nefndarinnar nú í desember var Herdís kjörin fyrsti varaforseti nefndarinnar en hún hafði í tvígang verið kjörin ein þriggja varaforseta hennar. Hún er fyrsti Íslendingurinn sem kjörin er í stjórn Feneyjarnefndarinnar.     Aðspurð um hvaða þýðingu þetta […]

Kristinn H reiðir til höggs – Sakar umhverfisráðherra um „veruleikafirringu“ og tilheyra „öfgasamtökum“

Kristinn H. Gunnarsson, fyrrum þingmaður og nú ritstjóri Vestfirðings, gagnrýnir nýskipaðan umhverfisráðherra harðlega í leiðara blaðs síns í dag. Guðmundur I. Guðbrandsson, sem áður var framkvæmdarstjóri Landverndar, var skipaður sem fagráðherra af Vinstri grænum eftir síðustu kosningar, en sú ráðning virðist ekki vekja lukku hjá Kristni H. sem sakar umhverfisráðherra um að beita sér af […]

Kristján Þór gerir hreint fyrir sínum dyrum varðandi Samherjatengsl

Sjávarútvegs- og landbúnaðarráðherra, Kristján Þór Júlíusson, birti á Facebook síðu sinni í morgun yfirlýsingu, þar sem hann gerir grein fyrir tengslum sínum við Þorstein Má Baldvinsson, forstjóra Samherja sem og tengsl hans við fyrirtækið, en hann hefur legið undir ámæli vegna þessa, sökum stöðu sinnar og embættis. Flest, ef ekki allt það sem Kristján týnir […]

Olíunotkun sjávarútvegsins fer minnkandi – Nálgast markmið Parísarsamkomulagsins

Samkvæmt skýrslu Samtaka fyrirtækja í sjávarútvegi um olíunotkun greinarinnar til 2030, sem unnin er að hluta af stærstu sjávarútvegsfyrirtækjum landsins, kemur í ljós að eldsneytisnotkun hefur minnkað töluvert frá árinu 1990, eða um 43% Í skýrslunni kemur fram að „sterkir fiskistofnar, framfarir í veiðum og betra skipulag veiða hafa leitt til verulega minni olíunotkunar í […]

Dapurleg upprifjun

Jón Steinar Gunnlaugsson skrifar: Það var sorglegt að fylgjast með upprifjun á því í fréttum í síðustu viku hvernig margir Íslendingar höguðu sér fyrst eftir bankahrunið 2008. Menn fóru í ógnandi hópum að heimilum fólks, sem það taldi í fávisku sinni að borið hefði einhverja óskilgreinda ábyrgð á hörmungunum. Þar urðu meðal annars stjórnmálamenn og […]

„Tímabært að teikna upp mynd af því hvernig hann og hans nánustu hafa hagað sér“

Karl Th. Birgisson, ritstjóri Herðubreiðar, gaf út á dögunum bók er nefnist Hinir Ósnertanlegu, saga um auð, völd og spillingu. Þar er fjallað um viðskiptasögu Bjarna Benediktssonar, fjármálaráðherra og ítök föðurættar Bjarna í viðskiptalífinu í gegnum árin, sem höfundur kallar „eitrað samband stjórnmála og viðskipta.“       En af hverju réðst Karl í gerð […]

Aldrei munað eins litlu á WOW og Icelandair í farþegum talið

Aldrei hefur munað jafn litlu á stærð íslensku flugfélaganna tveggja, Icelandair og WOW, í farþegum talið. Icelandair flutti í nóvember 249 þúsund farþega, meðan Wow flaug með 224 þúsund farþega á sama tíma. Munurinn er 25 þúsund farþegar, sem er minnsti mælanlegi munur hingað til. Þar áður var munurinn minnstur í febrúar, eða 33,657 farþegar. […]

Velferðarráðuneytið vænir Barnaverndarstofu um ósannsögli

Líkt og komið hefur fram í fjölmiðlum hefur forstjóri Barnaverndarstofu, Bragi Guðbrandsson,  legið undir ámæli vegna starfshátta sinna. Barnaverndarstofa sendi frá sér yfirlýsingu á föstudag, þar sem beðið var um frest til að svara Velferðarráðuneytinu, meðan aflað væri frekari gagna, því það hafi gengið erfiðlega að fá gögnin í hendur. Nú hefur Velferðarráðuneytið sent frá […]

Búið að ráða aðstoðarmenn dómara við Landsrétt

Samkvæmt öruggum heimildum Eyjunar er búið að ráða aðstoðarmenn dómara við Landsrétt. Auglýst var eftir fimm löglærðum aðstoðarmönnum dómara við Landsrétt í sumar, en Landsréttur tekur til starfa 1. janúar 2018 og er gert ráð fyrir að aðstoðarmenn hefji störf frá þeim tíma. Alls sóttu 116 manns um störfin fimm en eftirtaldir einstaklingar fengu starfið: […]

Stjórnarandstaðan þiggur formennsku þriggja fastanefnda Alþingis- „Ekki nema hæfilega ánægð“

Stjórnarandstaðan ákvað í morgun að taka við formennsku í þeim þremur fastanefndum sem ríkisstjórnin hafði boðið þeim. Þetta staðfesti Logi Einarsson formaður Samfylkingarinnar við Eyjuna. Að sögn Loga mun Samfylkingin fara með formennsku í stjórnskipunar- og eftirlitsnefnd fyrstu tvö árin, en skiptast síðan á við Pírata, sem fara fyrir velferðarnefnd fyrstu tvö árin. Þá mun […]

Hæstaréttarlögmaður ýjar að vanhæfi umhverfisráðherra

Hæstaréttarlögmaðurinn Jón Jónsson skrifar grein í Morgunblaðið um helgina, hvar hann veltir fyrir sér hæfi, eða eftir atvikum, vanhæfi Guðmundar I. Guðbrandssonar umhverfisráðherra, sökum sinna fyrri starfa hjá Landvernd. Spyr Jón hvort umhverfisráðherra sé til dæmis hæfur til að skipa til dæmis starfshóp um málefni Teigsskógar, eða hvort hann sé hæfur að fjalla um aðalskipulag tengt […]

Frjáls fjölmiðlun ehf. - Kringlunni 4-12, 103 Reykjavík - eyjan (hjá) eyjan.is