Föstudagur 12.05.2017 - 15:35 - Ummæli ()

Aldraðir í heimahúsum: Lausn eða syndaaflausn?

Mynd/Getty

Ögmundur Jónasson skrifar:

Um aldamótin var fyrir alvöru farið að tala fyrir því að í stað þess að aldraðir flyttust á stofnanir þegar heilsan gæfi sig, skyldi róið að því öllum árum að þeir yrðu sem lengst heima. Það væri öllum fyrir bestu, hagkvæmari lausn fyrir hið opinbera og hagfelldari fyrir einstaklingana.

Þetta tókum við flest sem gott og gilt, enda hver vill ekki vera heima hjá sér eins lengi og kostur er?

Ekki sama lausn fyrir alla

Að sjálfsögðu er þetta ekki einhlítt. Íbúar á bóndabæ í afskekktri sveit eru líklegri til að njóta lakari heimaþjónustu en íbúar í þéttbýli. Og fjöldi fólks býr við einmanaleika og aðrir þrá margmennið og félagsskapinn á stofnunum. En síðan eru það öll hin sem best kunna við sig á sínu gamla heimili. En til þess að dæmið gangi upp hlaut góð heimaþjónusta að sjálfsögðu að vera óaðskiljanlegur hluti þessarar stefnu. Ef þarna yrði ekki stökkbreyting fram á við myndi þessi stefna aldrei verða annað en í skötulíki.

Eitt í orði, annað á borði

En hvað gerist svo? Stofnanaúrræðum er hlutfallslega fækkað og í samræmi við það dregið úr fjárveitingum til stofnana, enda eigi nú allir að vera heima. Samfara þessu er fólki sagt, alla vega á hátíðarstundum, að nú verði aldeilis gerð að því gangskör að veita öldruðu fólki, sem heldur sig við heimili sitt, aðstoð svo um muni til að reka heimili sitt og sinna líkamlegum og félagslegum þörfum heima við.

Ögmundur Jónasson.

Frábært starfsfólk en álagið of mikið!

Inn í heimahjúkrun og heimaaðhlynningu sækja að jafnaði kröftugir starfsmenn, einstaklingar sem treysta sér til að starfa sjálfstætt og sýnir reynslan að þeir eru einmitt traustsins verðir. Hins vegar er svo naumt skammtað fénu til þessa málaflokks að alltof mörg verkefni hvíla á öxlum alltof fámennrar sveitar starfmanna. Varla eru þeir búnir að sinna einu verkefni þegar þeir eru kallaðir í næsta. Og ef veikindi koma upp í starfsmannahópnum, að ekki sé minnst á sumarleyfistímann eða jól og páska, þegar viðbótar þörf er á afleysingum, þá kemur í ljós að ókunnandi og óvant fólk er ekki fært um að sinna þessu mjög svo vandasama verkefni.

Og niðurstaðan er …

Niðurstaðan er því sú að á meðan ekki er fjölgað verulega í þeim hópi sem þessu sinnir, mun það bitna á skjólstæðingum þjónustunnar með skertri þjónustu og einnig á starfsfólkinu með óbærilegu álagi.

Hið opinbera, ríki og sveitarfélög, þegja þunnu hljóði um þetta ófremdarástand. Í orði kveðnu er búið að „leysa vandann“ með nýrri stefnu – allir áfram heima. Það á að vera lausnin og í leiðinni væntanlega syndaaflausn fyrir fjárveitingarvaldið sem skammtar öldrunarstofnunum úr hnefa eins og raun ber vitni.

Bað einu sinni í viku!

Á sama tíma er ósjálfbjarga fólki á gamals aldri í heimahúsum sagt að því miður fái það ekki aðstoð við þvotta og böð nema einu sinni í viku! Og nú spyr ég um þessa annars ágætu stefnu, aldraðir heima, er þetta raunveruleg lausn eða er þetta syndaaflausn fyrir aðhaldssamt fjárveitingarvald?

«
»

Ummæli ()

Vinsamlegast athugið:
Ummæli eru á ábyrgð þeirra sem þau skrifa. Eyjan áskilur sér þó rétt til að fjarlægja óviðeigandi og meiðandi ummæli. Tilkynna má óviðeigandi ummæli í netfangið ritstjorn@eyjan.is

Hörður: Markaðssetningin á lambakjöti hefur brugðist

„Það hefur greinilega brugðist markaðssetning á lambakjöti undanfarin ár. Ef skoðað er aftur í tímann hefur fátt verið gert til að auka sölu, mest kveður að því að Íslendingar uppgötvuðu grillið.“ Þetta segir Hörður Jónasson áhugamaður um íslenska matvöruframleiðslu í grein sem hann skrifar í Bændablaðið. Hörður starfar í ferðaþjónustu og býr á hótelum víða […]

Kvótakerfið veldur hörðum stéttaátökum

Kristinn H. Gunnarsson skrifar: Sjómannadagurinn var haldinn hátíðlegur nýverið. Vel viðraði og tókust hefðbundin hátíðahöld með ágætum. Blaðið Vestfirðir sendir sjómönnum og fjölskyldum þeirra góðar kveðjur og þakkir fyrir framlag þeirra til góðra lífskjara landsmanna. Kvótakerfið er eldurinn sem logar undir sjávarútveginum og  hefur valdið hörðum deilum og átökum í þjóðfélaginu síðustu 30 ár. Forystumenn […]

Umburðarlynda þjóðin

Kolbrún Bergþórsdóttir skrifar: Samkvæmt samantekt stofnunarinnar Social Progress Imperative eru Íslendingar umburðarlyndasta þjóð í heimi. Umburðarlynt samfélag er gott samfélag og því er þessi niðurstaða staðfesting á því að okkur hefur tekist að skapa fyrirtaks samfélag. Vitaskuld er þar ekki allt fullkomið. Misrétti fyrirfinnst vissulega. Hagsmunaöfl láta stöðugt á sér kræla. Grátkór útgerðarinnar þagnar til […]

Snærós ráðin verkefnastjóri UngRÚV

Snærós Sindradóttir hefur verið ráðin í starf verkefnastjóra UngRÚV. Hún hefur störf í byrjun ágúst og leiðir uppbyggingu á þjónustu RÚV fyrir ungt fólk þvert á miðla, þetta hefur Eyjan eftir öruggum heimildum. Snærós er 25 ára og hefur starfað sem blaðamaður hjá Fréttablaðinu undanfarin ár. Hún hlaut blaðamannaverðlaun Blaðamannafélags Íslands fyrir viðtal ársins 2016 […]

Glæfrasókn smábáta

Miklar áhyggjur eru meðal sjómanna vegna stífrar sóknar smábáta á strandveiðum við vond veðurskilyrði. Í fyrra sökk bátur við Vestfirði og einn maður fórst. Í síðustu viku fóru flestir strandveiðibátar á sjó þrátt fyrir afleitt veður. Sjómenn sem hafa komið að máli við blaðið Vestfirði lýsa miklum áhyggjum af áhættusókninni og segja að síðastliðinn fimmtudag […]

Kafbátaleitaræfing NATO hafin undan ströndum Íslands

Eftir Björn Bjarnason: Æfing NATO til eftirlits með kafbátum, Dynamic Mongoose 2017, hófst undan ströndum Íslands mánudaginn 26. júní með þátttöku skipa, kafbáta, flugvéla og mannafla frá 10 NATO-löndum, segir í fréttatilkynningu MARCOM, flotastjórnar NATO sem gefin var út í Reykjavík að morgni mánudags 26. júní. Kafbátar frá Frakklandi, Þýskalandi, Hollandi, Noregi og Bandaríkjunum undir […]

Norður-Írar fá milljarð punda í skiptum fyrir að verja ríkisstjórn May – Íhaldsmenn uggandi yfir samstarfi við DUP

Breski Íhaldsflokkurinn hefur náð samkomulagi við norður-írska DUP flokkinn um að verja minnihlutastjórn Theresu May út kjörtímabilið. Í skiptum fyrir að útvega Íhaldsmönnum meirihluta á þingi fá Norður-Írar einn milljarð punda í styrki á næstu tveimur árum. DUP er með tíu þingmenn en Íhaldsflokkurinn með 317, 326 þingmenn þarf til að vera með meirihluta á […]

May semur við DUP um ríkisstjórnarsamstarf

Theresa May forsætisráðherra Bretlands og leiðtogi Íhaldsflokksins hefur tekist að semja við norður-írska DUP-flokkinn um ríkisstjórnarsamstarf þar sem May verður áfram forsætisráðherra. Arlene Foster leiðtogi DUP sagði í kjölfar fundar við May í Downingsstræti í morgun að hún væri himinlifandi með niðurstöðuna. May segir að Íhaldsflokkurinn og DUP séu samstíga í mörgum málum og búast […]

Prófessorar við Landspítala: Ráðherra skipi fagstjórn yfir spítalanum

Skipa þarf fjölskipaða fagstjórn yfir Landspítalanum sem fari með æðsta vald innan spítalans, það dragi úr völdum forstjóra og skapi traust milli stjórnenda og starfsfólks spítalans. Þetta kemur fram í grein prófessora við Landspítala og læknadeild Háskóla Íslands sem birt er í Morgunblaðinu í dag, höfundar hennar eru Pálmi V. Jónsson, Sigurður Guðmundsson, Steinn Jónsson, […]

Reykjavíkurborg hefur selt byggingarrétt sinn á Útvarpsreitnum

Á fimmtudag undirrituðu Dagur B. Eggertsson borgarstjóri og Hilmar Ágústsson forstjóri byggingarfélagsins Skugga samkomulag um uppbygginguna á Útvarpsreitnum svokallaða við Efstaleiti í Reykjavík. Fyrirtækið Skuggi 4 hefur þegar hafið framkvæmdir á reitnum. Þar munu 361 íbúðir rísa á næstu þremur árum auk um 1000 fm atvinnuhúsnæðis sem hannað verður að stórum hluta undir þjónustu við […]

Forsætisráðherra setur ofan í við aðra ráðherra: Ástandið er ekki boðlegt

Bjarni Benediktsson forsætisráðherra hefur skipað sér í flokk með Jóni Gunnarssyni samgönguráðherra í vörninni fyrir nýja flugstöð fyrir innanlandsflug í Vatnsmýrinni. Jón kynnti áform sín í vikunni og fékk þá heldur kaldar kveðjur frá áhrifafólki í Viðreisn sem vill láta loka Reykjavíkurflugvelli. Bjarni segir í viðtali við Ríkisútvarpið í dag, að þessi andstaða annarra ráðherra […]

Stjórn Alþjóða gjaldeyrissjóðsins gefur Íslandi háa einkunn

Stjórn Alþjóða gjaldeyrissjóðsins IMF fagnar frammistöðu íslenska hagkerfisins þar sem saman fari mikill hagvöxtur, lág verðbólga, uppbygging gjaldeyrisforða, afgangur á afkomu hins opinbera og á viðskiptajöfnuði, ásamt lækkandi skuldabyrði hins opinbera. Traust tök á hagstjórninni og uppgangur í ferðaþjónustu síðustu misserin hafi stuðlað að þessari hagfelldu þróun. Sendinefnd á vegum Alþjóðagjaldeyrissjóðsins var hér á landi […]

Ekki pólitískt gerlegt að ganga í Evrópusambandið og taka upp evru

Benedikt Jóhannesson fjármálaráðherra segir að ef ekki væri fyrir Viðreisn væri enginn að skoða breytta peningastefnu. Enginn stjórnmálaflokkur tali nú gegn stöðugra gengi og hans flokkur sé eini flokkurinn sem hafi bent á aðra leið en að skipta um gjaldmiðil til að ná því. Í viðtali við Kjarnann í dag segir fjármálaráðherra að hann myndi […]

„Engin dæmi um að ríkisstjórn sé komin niður í þriðjungs fylgi eftir hálft ár“

Í nýjustu skoðanakönnun MMR mælist ríkisstjórnin með 30,3% fylgi. Stjórnin var mynduð um miðjan janúar og hefur því nú starfað í rúmt hálft ár. Sjálfstæðisflokkur Bjarna Benediktssonar mælist sem fyrr stærsti flokkur landsins en ef kosið yrði í dag yrði mjög tvísýnt hvort Viðreisn Benedikts Jóhannessonar og Björt Framtíð Óttars Proppé næðu inn á þing. […]

Eyjan Miðlar ehf. - Kringlunni 4-12, 103 Reykjavík - eyjan (hjá) eyjan.is