Föstudagur 12.05.2017 - 09:02 - Ummæli ()

Sigmundur Davíð tuskar til gagnrýnendur – Píratar svara

Sigmundur Davíð Gunnlaugsson. Mynd: DV/Sigtryggur Ari

Sigmundur Davíð Gunnlaugsson þingmaður Framsóknarflokksins hefur svarað ásökunum um að mæta illa til vinnu á Alþingi. Í gær fór Fésbókarfærsla á flug þar sem kom fram að Sigmundur hafi alls verið viðstaddur einungis 12,8% atkvæðagreiðslna á þessu þingi og að Sigmundur hafi ekki verið viðstaddur atkvæðagreiðslu á þingi síðan 22. desember 2016. Þar að auki hafi hann aðeins mætt 4 sinnum á síðustu 13 fundum Utanríkismálanefndar, þar að auki ávallt of seint.

Færslunni deildu bæði þingmaður og varaþingmaður Pírata og var gert frétt um málið á Vísi. Segir Sigmundur á Fésbók að það sé langt síðan hann hætti að nenna að svara nettröllum, jafnvel þótt þau detti inn á Alþingi:

Ég ætla þó að gera smá undantekningu því frúin er að ergja sig á því að kunnuglegir hrekkjalómar séu að reyna að halda því fram að ég sinni ekki vinnunni. Hún er nefnilega orðin langþreytt á biðinni eftir að einhver skammi mig fyrir hið gagnstæða, þ.e. að vanrækja fjölskylduna. Henni fannst því fokið í flest skjól þegar að ónefndur fréttamaður Vísis hafði eftir varaþingmanni Pírata að ég væri ekki nógu mikið í vinnunni og það daginn eftir að hún spurði hvort ég væri alveg búinn að gleyma að ég ætti fjölskyldu.

Af því tilefni skrifaði Sigmundur pistill um starf þingmanns, er hann birtur hér í heild sinni:

Þingmenn eiga að fylgjast með umræðum í þingsal eins og kostur er. Salurinn er hins vegar oftast tómur eða því sem næst. Ég skal viðurkenna að það hendir stundum, alla vega í mínu tilviki, að starfið feli í sér verkefni sem eru meira aðkallandi en að hlusta á umræðu um fundarstjórn forseta (eða að taka þátt í slíkum uppákomum).

Þótt þetta séu áhugaverðir tímar í stjórnmálum hafa þingstörfin ekki endurspeglað það síðustu misseri.
Við stjórnvölinn er ríkisstjórn sem hefur einstaklega lítið fram að færa og hinum megin sundurlaus stjórnarandstaða sem veltir helst fyrir sér hvaða pólitísku leikatriði sé hægt að setja á svið þann daginn. -Æsa sig yfir einhverju aukaatriði sem engu máli skiptir í umræðu um fundarstjórn forseta eða leggja fram ályktun um að þingmenn meirihlutans mæti ekki nógu vel á nefndarfundi (þótt sumir þeirra eigi að vera á tveimur nefndarfundum samtímis).

Slík úrræði ætti að spara fyrir tilvik þar sem þeirra er raunverulega þörf. Hver er trúverðugleikinn þegar búið er að öskra um endalok lýðræðis af því formaður nefndar spurði stjórnarandstöðuþingmann í sakleysi sínu hvort hann teldi æskilegt að fresta máli?

Svo eru það atkvæðagreiðslurnar.
Fljótt á litið sýnist mér að það hafi verið þrír þingfundardagar á árinu þar sem atkvæðagreiðslur fóru fram um einhvern fjölda mála (auk tilfallandi atkvæðagreiðslna). Alls hafa fjögur ný mál orðið að lögum á árinu, öll á undanförnum dögum.

Það er hlutverk meirihluta að tryggja næga mætingu í atkvæðagreiðslur og tímasetja þær þannig að þingmenn meirihlutans séu á staðnum. En auðvitað er það leiðinlegt fyrir minnihlutaþingmann ef hann missir af tækifæri til að greiða atkvæði um framgang mála á miðju þingi.
Um helmingur þeirra atkvæðagreiðslna sem fram hafa farið á árinu var á fimmtudaginn fyrir viku. Þann dag var ég að sinna kjördæminu.

Auðvitað þykir manni vænt um það ef kollegar sem hafa ekki nóg að gera sakna manns. En það er samt ekki fallegt að skilja aðra út undan.
Hver man t.d. ekki eftir áfallinu sem tveir af brottföllnum þingmönnum Samfylkingarinnar urðu fyrir þegar ég tók mér þriggja daga frí með fjölskyldunni á síðasta kjörtímabili. Á meðan hverfa aðrir ráðherrar vikum saman án þess að vera saknað. Það hlýtur að vera leiðinlegt, getur jafnvel vakið höfnunartilfinningu.

Á þessu ári hef ég verið í vinnu sem þingmaður á hverjum einasta degi að frátöldum nýársdegi, páskadegi og öðrum degi páska. Á þingfundardögum mætir maður í þinghúsið eða á skrifstofuna nema maður sé á fundum eða í öðrum verkefnum annars staðar. Stundum eru þeir fundir annars staðar á landinu, langt frá Austurvelli. Þeir sem halda að starf þingmanns felist í að sitja allan daginn í sófunum í þinghúsinu eru ekki að vinna vinnuna sína.

Smári McCarthy þingmaður Pírata.

Þótt það geti verið áhugavert að bera saman hversu lengi hver og einn situr í þinghúsinu er líklega réttara að bera saman þann árangur sem menn skila. Ég er alltaf til í þann samanburð við hvern sem er.

Píratar svara

Smári McCarthy þingmaður Pírata svaraði svo Sigmundi í athugasemd:

Ef þú mættir aðeins oftar, eins og lög kveða á um, þá myndirðu vita að ég er ekki varaþingmaður. Öll sinnum við fundum og ýmiskonar störfum þingmanna langt frá Austurvelli (í augnablikinu er ég að sinna þingstörfum í 7400km fjarlægð frá Austurvelli, til dæmis), en flestir þingmenn sjá sér samt fært að mæta á nefndarfundi og atkvæðagreiðslur, þó ekki sé annað.

Viktor Orri Valgarðsson varaþingmaður Pírata

Viktor Orri Valgarðsson varaþingmaður Pírata svaraði honum einnig, segir Viktor það lítið vandamál fyrir aðra þingmenn, þó mismikið, að mæta á þingfundi og á nefndarfundi. Krefst Viktor svara:

„Hvað ertu eiginlega búinn að vera að gera svona miklu meira utan þingsins en aðrir þingmenn á þessu þingi, að þú hefur ómögulega getað mætt eða boðað forföll á fleiri en örfáa þingfundi, eða á fleiri en 4 nefndarfundi af 13?

Ertu að vinna að stofnun sprotafyrirtækis? Lækningu við kattaofnæmi? Friðarviðræðum í Mið-Austurlöndum? Það hlýtur að vera eitthvað gríðarlega tilkomumikið, verkefnið sem þú ert búinn að leggja nótt við dag við undanfarna mánuði…? Þú segist vera til í samanburð á árangri hvenær sem er – lát heyra!“

«
»

Ummæli ()

Vinsamlegast athugið:
Ummæli eru á ábyrgð þeirra sem þau skrifa. Eyjan áskilur sér þó rétt til að fjarlægja óviðeigandi og meiðandi ummæli. Tilkynna má óviðeigandi ummæli í netfangið ritstjorn@eyjan.is

Landssamband veiðifélaga krefst stjórnsýsluúttektar á Matvælastofnun

Landssamband veiðifélaga hefur skrifað Kristjáni Þór Júlíussyni ráðherra bréf þar sem þess er krafist að fram fari stjórnsýsluúttekt á eftirliti Matvælastofnunar með sjókvíaeldi á laxi. Í bréfinu er vísað til þess að í fjölmiðlum hefur verið greint frá því að í óveðri að undanförnu hafi búnaður fiskeldisfyrirtækisins Arnarlax orðið fyrir skemmdum og sjókví  hafi laskast […]

Fyrrum formaður Neytendasamtakanna hnýtir í framkvæmdarstjórann

Ólafur Arnarson, sem sagði af sér formennsku í Neytendasamtökunum í fyrra vegna ásakana um óhófleg útgjöld, gerir sér mat úr ummælum Brynhildar Pétursdóttur, framkvæmdarstjóra Neytendasamtakanna á RÚV í dag. Þar segir Brynhildur að samtökin styðji aukið frelsi á leigubílamarkaði svo framarlega sem öryggiskröfur séu í lagi.   Ólafur fullyrðir á Facebooksíðu sinni að Brynhildur hafi […]

Brynjar Níelsson: „Kannski réttara að leggja fram frumvarp sem leyfir umskurð“

Brynjar Níelsson, þingmaður Sjálfstæðisflokksins, kemur með áhugavert innlegg í umræðuna um bann við umskurði hér á landi á Facebook síðu sinni í dag. Frumvarp Silju Daggar Gunnarsdóttur hefur vakið mikla athygli hérlendis sem erlendis og sitt sýnist hverjum. Brynjar, sem er lögfræðingur að mennt, segir að almenn hegningarlög banni nú þegar líkamsmeiðingar og umskurður sé […]

Styrmir: Meðvirkni meira vandamál en mistökin í íslenskri pólitík

Styrmir Gunnarsson, fyrrum ritstjóri Morgunblaðsins, tekur undir þá skoðun að meðvirkni í íslenskri pólitík sé meira vandamál heldur en mistökin. Vísar hann til þar til orða Vilhjálms Árnasonar, prófessors í siðfræði, í Silfrinu á sunnudag. Styrmir segir: „Meðvirknin lýsir sér í því að flokksmenn þegja um mistök flokksfélaga sinna eða gagnrýna skoðanir forystumanna ekki, þótt þeir séu þeim ósammála, vegna þess […]

Umboðsmaður barna á Íslandi styður umskurðarfrumvarpið

Umboðsmaður barna á Íslandi, Salvör Nordal, segist styðja umskurðarfrumvarp Silju Daggar Gunnarsdóttur, þingmanns Framsóknarflokksins. Vísar hún til samnorrænar yfirlýsingar sem umboðsmenn barna á Norðurlöndunum skrifuðu undir fyrir fimm árum síðan, að 15 ára aldurstakmark yrði sett á slíkar aðgerðir. Salvör segist ekki hafa verið beðin um að skrifa umsögn við frumvarpið, en hafi þó verið […]

Alþjóðadagur móðurmálsins á morgun í Veröld – húsi Vigdísar

Á morgun (21. febrúar) verður haldið upp á alþjóðadag móðurmálsins í Veröld – húsi Vigdísar. Einkunnarorð alþjóðadags móðurmálsins í ár snúast um að viðhalda fjölbreytni tungumála og ýta undir fjöltyngi, sem eru einnig meginmarkmið Vigdísarstofnunar – alþjóðlegrar miðstöðvar tungumála og menningar. Haldið verður upp á daginn með áhugaverðu málþingi: „Orðabækur: Fjölbreytni tungumála, fjöltyngi og þýðingar“ þar sem rætt […]

Segir styttingu vinnuvikunnar hina nýju leiðréttingu

Börkur Gunnarsson, listamaður og fyrsti varaborgarfulltrúi Sjálfstæðisflokksins, tætir í sig verkefni vinstri meirihlutans í borginni um styttingu vinnuvikunnar í Morgunblaðinu í dag. Verkefnið sem innleitt var hjá hluta af starfsmönnum borgarinnar, um styttri vinnuviku fyrir sömu laun, kallar Börkur hina nýju leiðréttingu, með vísun í þegar Framsóknarflokkurinn undir forystu Sigmundar Davíðs Gunnlaugssonar, lofaði afmörkuðum hópi […]

Ísland vill í framkvæmdastjórn UNESCO

Framboð Íslands um setu í framkvæmdastjórn UNESCO, Menningarmálastofnun Sameinuðu þjóðanna, fyrir tímabilið 2021 til 2025 var samþykkt á ríkisstjórnarfundi síðastliðinn föstudag. Hlutverk UNESCO er að stuðla að friði og öryggi í heiminum með því að efla samvinnu þjóða í mennta-, vísinda- og menningarmálum og efla þannig almenna tiltrú og virðingu fyrir réttlæti, lögum og mannréttindum, […]

Arðgreiðslur sjávarútvegsfyrirtækja undir meðaltali

Samkvæmt samantekt Samtaka fyrirtækja í sjávarútvegi eru arðgreiðslur mun lægri til sjávarútvegsfyrirtækja en fyrirtækja í öðrum geirum atvinnulífsins frá árinu 2010-2016, byggt á tölum frá Hagstofu Íslands. Sjávarútvegurinn hefur á þessu tímabili greitt 21 prósent af hagnaði sínum í arð, en viðskiptahagkerfið án sjávarútvegs hefur greitt 31 prósent af hagnaði sínum í arð. Tekið skal […]

Vilja tryggja áframhaldandi útgáfu Bæjarins besta

Haldin var stofnfundur nýs útgáfufélags Bæjarins besta á Ísafirði um helgina. Markmiðið er að glæða fjölmiðilinn nýju lífi, en hann hefur legið í láginni undanfarið vegna fjárhagsvandræða og útgáfa prentmiðilsins verið stopul. Bæjarins besta var stofnað árið 1984, en vefmiðillinn bb.is leit dagsins ljós árið 2000. Að sögn Shiran Þórissonar, sem kosinn var í stjórn […]

Björn bölsótast út í Helgu Völu og Helga Hrafn vegna vinnubragða á Alþingi

Björn Bjarnason, fyrrum ráðherra Sjálfstæðisflokksins, fjallar um vinnubrögð Alþingis í pistli á heimasíðu sinni. Tilefnið er ummæli Helgu Völu Helgadóttur, þingmanns Samfylkingarinnar í Fréttablaðinu í dag, þar sem hún segir að lagasetning á Íslandi sé oft „óttalegt fúsk sem unnin er í fljótheitum“ og ummæli Helga Hrafns, þingmanns Pírata, um að erfitt sé að sjá […]

Óvíst hvort kæruleið barna til barnaréttarnefndar Sameinuðu þjóðanna verði tekin upp hér á landi

Árið 2011  ákvað allsherjarþing Sameinuðu þjóðanna að setja á stofn svokallaða kæruleið fyrir börn og fulltrúa þeirra sem telja að aðildarríki hafi brotið  gegn rétti barnsins, samkvæmt ákvæðum Barnasáttmálans. Bókunin tók þó ekki gildi fyrr en árið 2014. Árið 2013 var Barnasáttmáli Sameinuðu þjóðanna lögfestur á Íslandi. Hinsvegar hafa stjórnvöld á Íslandi enn ekki sótt […]

Jeremy Corbyn, leiðtogi breska Verkamannaflokksins, sakaður um njósnir fyrir Sovétríkin

Leiðtogi breska Verkamannaflokksins, Jeremy Corbyn, er í miklum vandræðum þessa dagana. The Sun birti á fimmtudag gögn sem segja að Corbyn hafi þrívegis hitt Tékkóslavneskan njósnara á árunum 1986-1987, þar af tvívegis í fulltrúardeild breska þingsins. Njósnaranum, Ján Sarkocy, var síðar vísað frá Bretlandi af Margaret Thatcher, vegna njósna fyrir Sovétríkin. Corbyn hefur viðurkennt að […]

Morgunblaðið fagnar þjóðaratkvæðisgreiðslu um svissnesk afnotagjöld

Leiðarahöfundur Morgunblaðsins í dag fjallar um tilvonandi þjóðaratkvæðisgreiðslu Svisslendinga um ríkisútvarp heimamanna, SRG, í næsta mánuði, en kosið er um hvort leggja eigi afnotagjöldin þar í landi af. Svissneska ríkisútvarpið- og sjónvarpið hefur sætt gagnrýni fyrir aukin umsvif og að „draga taum vinstrimanna“, segir leiðari Morgunblaðsins og tekur fram að slík gagnrýni eigi ekki að […]

Frjáls fjölmiðlun ehf. - Kringlunni 4-12, 103 Reykjavík - eyjan (hjá) eyjan.is