Föstudagur 12.05.2017 - 12:29 - Ummæli ()

Þorgerður Katrín: Sótt verður að kvótakerfinu sem aldrei fyrr ef ekki næst sátt um gjaldtöku

Þorgerður Katrín Gunnarsdóttir í myndveri Eyjunnar.

Þorgerður Katrín Gunnarsdóttir sjávarútvegs- og landbúnaðarráðherra var gestur Björns Inga Hrafnssonar í Eyjunni á ÍNN en þáttur vikunnar var frumsýndur í gærkvöldi. Þar var meðal annars rætt um nýskipaða þverpólitísk nefnd, sem hún skipaði í byrjun vikunnar.

Nefndin er undir forystu Þorsteins Pálssonar. Hún á að móta tillögur um hvernig tryggja megi sanngjarna gjaldtöku fyrir afnot af fiskveiðiauðlindinni og skila tillögum sínum til ráðherra í formi lagafrumvarps eigi síðar en 1. desember 2017.

Þorgerður sagði að það sem fyrir henni vaki með skipun nefndarinnar sé að gera breytingar varðandi gjaldtökuna fyrir aflaheimildir. Kvótakerfið sjálft vill hún verja með ráðum og dáð.

Ég vil halda kvótakerfinu. Ég vil halda þessari stjórnun sem við höfum. Reyndar er ég með hópi sem er að skoða byggðakvótann, hvernig við getum styrkt þessar tengingar við byggðakvótann. Ég ætla ekki að leggja hann niður. En mér hefur þótt vanta á síðustu misserum að raunverulegt markmið byggðakvótans, það er að segja að tryggja byggðafestu brothættra byggða eða sveitarfélaga úti á landsbyggðinni, að það markmið hafi verið uppfyllt.

Þorgerður ítrekaði þá skoðun sína að kvótakerfið sjálft væri gott en nú þyrfti að ná samstöðu:

Í það heila tekið þá er þetta mjög öflugt stjórnkerfi…Ég er sannfærð um að við eigum að byggja á því sem fyrir er, og svona þeim tækjum sem eru þar. Þess vegna er svo mikilvægt að við náum þessari umræðu og vonandi endaniðurstöðu, eins mikilli sátt og hægt er um kerfið varðandi gjaldtökuna. Þegar það gerist þá fáum við stöðugleika, enn meiri stöðugleika í sjávarútveginn.

Sjávarútvegsráðherra svaraði þeirri gagnrýni sem kom fram í Staksteinum Morgunblaðsins í gær um það að Sjálfstæðisflokkurinn sem stærsti flokkur á þingi og í ríkisstjórn ætti aðeins einn fulltrúa í þessari nefnd.

Það sem ég er að reyna að ná fram með þessu er að við verðum búin að setja þetta mál í ákveðinn farveg, þetta er farvegur málamiðlana. Ég er gagnrýnd meðal annars af Morgunblaðinu, fyrir það að hafa ekki tekið tillit til hlutfallslegs vægis á Alþingi. Ég held einmitt að það sé lykillinn að því að reyna að ná sáttinni. [Það er] að fá allar raddirnar sem eru í hinum ólíku þingflokkum, ekki háð því hverjir eru í stjórn og stjórnarandstöðu, heldur bara þingflokkanna. Mismundani stefnur, mismunandi sjónarmið. Fá þær allar jafnar að borðinu.

Þorgerður Katrín kom einnig inn á sitt val á formanni nefndarinnar:

Og síðan fæ ég Þorstein Pálsson. Já vissulega, hann er í Viðreisn. En þetta er sá maður sem er lifandi sem hefur verið hvað lengst sjávarútvegsráðherra, þekkir þetta kerfi út og inn, og fyrrverandi formaður Sjálfstæðisflokksins. Það er frekar hægt að gagnrýna mig fyrir það að hafa valið mann sem að er kannski of mikið með skoðanir á sjávarútvegnum í þessa veru. En ég fann það að það sem skiptir máli er að finna einstakling sem fólk ber traust til, veit að hann hefur þekkingu, yfirburðaþekkingu á þessu sviði og er flinkur að fá fólk til þess að komast að niðurstöðu. Af því að markmiðið er að ná niðurstöðu til hagbóta fyrir sjávarútveginn en líka sanngjarnt gjald fyrir aðganginn auðlindinni sem fólkið í samfélaginu sættir sig við. Ef við gerum það ekki Björn Ingi, þá er ég hrædd um að eftir þrjú, fjögur, fimm, átta ár, þá er hugsanlegt að sótt verði allavega kvótakerfinu sem aldrei fyrr. Þess vegna er mikilvægt fyrir okkur sem erum talsmenn þessarar auðlindarnýtingar, fiskveiðistjórnunar, að við reynum að gera allt sem í okkar valdi stendur til þess að ná þessu samkomulagi.

Auðheyrt var á máli Þorgerðar Katrínar að hún telur að það sé sjávarútvegnum sjálfum fyrir bestu að sátt náist um gjaldtöku fyrir fiskveiðiheimildirnar:

Ég held að það séu mjög miklir og stórir hagsmunir fyrir útgerðina að þessi niðurstaða fáist.

Hér fyrir neðan má sjá fyrri hluta viðtals Björns Inga við Þorgerði Katrínu þar sem sjávarútvegsmálin voru til umræðu: 

«
»

Ummæli ()

Vinsamlegast athugið:
Ummæli eru á ábyrgð þeirra sem þau skrifa. Eyjan áskilur sér þó rétt til að fjarlægja óviðeigandi og meiðandi ummæli. Tilkynna má óviðeigandi ummæli í netfangið ritstjorn@eyjan.is

Af hverju eru allir stóreignamenn í Sjálfstæðisflokknum?

Einar Kárason skrifar: Því hefur stundum verið haldið fram að tími stéttastjórnmála sé liðinn, og vissulega hljóma sumir gamlir frasar um öreiga og verkalýð ærið forneskjulega í eyrum nútímafólks. En staðreyndin er hinsvegar merkilegt nokk sú að næstum allir þeir hér á landi sem gamlar skilgreiningar sortera í auðstétt, eru í hægriflokkunum, og þar af […]

Ásmundur Einar Daðason: Hvernig á að auka sjávarútveg á Vestfjörðum?

Blaðið Vestfirðir sendi frambjóðanda í efsta sæti á öllum níu listum í Norðvesturkjördæmi svohljóðandi spurningu: Aðeins um 7% af framleiðslunni í sjávarútvegi var 2015 á Vestfjörðum, en hlutfallið var um 16% fram til um 1995. Hvaða breytingar telur þú að þurfi að gera, m. a. á löggjöf um stjórn fiskveiða, til þess að sjávarútvegur vaxi […]

Áherslur flokkanna: Samgöngumálin

Eyjan mun fram að kjördegi bjóða framboðum sem taka þátt í Alþingiskosningunum 28. október næstkomandi að svara spurningum um ýmis málefni, allt frá landbúnaðarmálum til afstöðu flokkanna til veru Þjóðkirkjunnar á fjárlögum. Í dag er spurt: Hver er stefnan í samgöngumálum? Svörum flokkanna er raðað eftir listabókstaf framboðsins.   Björt framtíð – X-A   Björt […]

Nýr Þjóðarpúls: Vinstri græn og Sjálfstæðisflokkur áfram langstærst

Vinstri græn og Sjálfstæðisflokkur mælast með langmest fylgi, samkvæmt nýjum Þjóðarpúlsi Gallup. Fjallað var um hann í kvöldfréttum RÚV. Vinstri græn mældust með rúmlega 23 prósenta fylgi á meðan Sjálfstæðisflokkur mældist með tæplega 23 prósenta fylgi. Í niðurstöðum könnunar sem MMR birti í vikunni var fylgi Sjálfstæðisflokks 19,9 prósent en fylgi Vinstri grænna 19,1 prósent. […]

Deilt á skattablekkingarleik vinstri flokkana: „Kjósendur eru ekki fífl“

Hörður Ægisson ritstjóri Markaðarins deilir harkalega á tillögur Vinstri grænna og Samfylkingarinnar um verulega aukningu ríkisútgjalda í leiðara Fréttablaðsins í dag, segir hann að málflutningur um að það eigi ekki að hækka skatta á almenning standist enga skoðun: „Fyrir liggur að tveir stjórnmálaflokkar – Vinstri grænir og Samfylkingin – hafa lagt til að útgjöld ríkissjóðs […]

Hannes og Gunnar Smári í átökum: Öfund, dóni, mykjudreifari og ruglukollur

Hannes Hólmsteinn Gissurarson prófessor í stjórnmálafræði við Háskóla Íslands deilir á gagnrýnendur Bjarna Benediktssonar formann Sjálfstæðisflokksins, segir Hannes á Fésbók að öfund vinstrimanna í garð Bjarna sé öflugri en allar vatnsafls- og jarðvarmavirkjanir á Íslandi. Þeim orðum svaraði Gunnar Smári Egilsson Sósíalistaforingi og fyrrverandi útgefandi á eftirfarandi hátt: Áttu við að andstyggð fólks á þeim […]

Þetta miklu eyða flokkarnir í kosningabaráttuna

Aðeins átta dagar eru til kosninga og því naumur tími til að koma stefnumálum sínum á framfæri. Boðað var til kosningar með mun skemmri fyrirvara en venjan er og því hafa flokkarnir ekki haft mikinn tíma til að undirbúa kosningabaráttuna. Flokkarnir hafa ekki úr jafn miklum fjármunum að moða líkt og sjá má þegar kosningabaráttan […]

Þingmaður Pírata um Sjálfstæðisflokkinn: „Þessir lygarar hafa blóð á höndum sínum – Blóð vina minna“

„Þetta er ljótasta lygi sem ég hef séð í þessari kosningabaráttu. Það var Sjálfstæðisflokkurinn sem bannaði Óttari og Viðreisn að gera umbætur,“ segir Gunnar Hrafn Jónsson þingmaður Pírata í umræðu inni í Fésbókarhópnum Geðsjúk þar sem meðlimur hópsins setti inn færslu Sjálfstæðisflokksins þar sem segir að flokkurinn vilji ljúka framkvæmd geðheilbrigðisstefnunnar og fylgja henni eftir. […]

Bjarni Ben um nýjan þjóðarleikvang – Við erum að hugsa til langs tíma

,,Við erum að hugsa til langs tíma, það er einfaldlega kominn tími til þess að við tökum ákvarðanir,“ sagi Bjarni Benediktsson sitjandi forsætisráðherra um þau áform að byggja nýjan Laugardalsvöll.

Viðskiptablaðið borgar Facebook til að dreifa óhróðri um Kötu Jak

Viðskiptablaðið er komið í kosningaham. Í nokkuð harðorðum nafnlausum pistli sem merktur er Týr er spjótunum beint að Katrínu Jakobsdóttur, formanni VG, og skattahugmyndum flokks hennar. Vísað er á pistilinn af Facebook-síðu Viðskiptablaðsins og athygli vekur að ritstjórnin hefur greitt Facebook fyrir þjónustu sem tryggir að pistillinn berist sem víðast. Fjallað er um leiðtogaumræður á […]

Áherslur flokkanna: Heilbrigðismálin

Eyjan mun fram að kjördegi bjóða framboðum sem taka þátt í Alþingiskosningunum 28. október næstkomandi að svara spurningum um ýmis málefni, allt frá samgöngumálum til afstöðu flokka til uppreist æru. Í dag er spurt: Hverjar eru áherslurnar í heilbrigðismálum? Svörum flokkanna er raðað eftir listabókstaf framboðsins.   Björt framtíð – X-A   Heilbrigðisráðherra Óttarr Proppé […]

Meirihluti landsmanna á móti lögbanninu – Sjálfstæðismenn mest fylgjandi

Meirihluti Íslendinga er andvígur lögbanni Sýslumannsins í Reykjavík á fréttaflutning Stundarinnar úr gögnum Glitnis, eða 77%. Einungis 11,4% Íslendinga var fylgjandi lögbanninu og kváðust 11,6% hvorki fylgjandi né andvígir. Þetta kemur fram í niðurstöðum nýrrar könnunar MMR. Athygli vekur að stuðningsfólk Sjálfstæðisflokksins var líklegra til að segjast fylgjandi lögbanninu, borið saman við aðra stjórnmálaflokka. Þannig […]

„Mannætunni“ Jóni Trausta er ekki skemmt

Helgi Sigurðsson, skopmyndateiknari Morgunblaðsins, teiknar Jón Trausta Reynisson, ritstjóra Stundarinnar, sem mannætu í mynd dagsins í blaðinu. Aðalrétturinn hjá Jóni Trausta er svo Bjarni Benediktsson forsætisráðerra sem situr í súpunni í mannætupottinum, Jón Trausti sér ekkert fyndið við teikninguna sem hann birtir á Facebook og spyr: „Hvers vegna er ég teiknaður sem mannæta í skopmynd […]

Þingmaður Sjálfstæðisflokksins gekk af nefndarfundi: „Ég nenni ekki að sitja undir svona bulli“

Vilhjálmur Bjarnason þingmaður Sjálfstæðisflokksins sagði svar lögmanns Stundarinnar vera bull og yfirgaf fund stjórnskipunar- og eftirlitsnefndar. Líkt og greint var frá í morgun fundar nefndin vegna lögbanns sýslumanns á Stundina. Fram kom í máli sýslumanns í morgun að lögbannið byggi á lögum og væri ekki frábrugðið öðrum lögbönnum, lögbannið sneri ekki að umfjöllun Stundarinnar um […]

Eyjan Miðlar ehf. - Kringlunni 4-12, 103 Reykjavík - eyjan (hjá) eyjan.is