Laugardagur 13.05.2017 - 08:07 - Ummæli ()

Dýrafjarðargöng – síðbúin en langþráð

Ólafur Bjarni Halldórsson, Ísafirði skrifar:

Þegar það var þjóðinni kynnt að framkvæmdir við Dýrafjarðargöng hæfust í ár kom mér fyrst í hug litla atviksorðið loksins eða, eins og Bretar myndu orða það, „at long last“. Svo lengi hafa íbúar Vestfjarða mátt þola að þessari brýnu framkvæmd hafi verið frestað, ýmist vegna mikillar þenslu í „góðæri“ eða fjárskorts eftir sögulegt fall fjármálakerfis okkar. Sömuleiðis hafa tvær fyrrum ráðherrar samgöngumála tjáð mér að „einkaframkvæmdin“ Vaðlaheiðargöng hafi beinlínis orsakað enn lengri frestun þess sem brýnna var að flestra mati. Því hefði mátt ætla að rétti tíminn væri „pólitískur ómöguleiki“. Nýjasta uppákoma stjórnmálanna var að samþykkja samgönguáætlun að hausti og fjárlög í sátt og samlyndi fyrir jól. Að loknu jólaleyfi kom síðan í ljós að það hafði „gleymst“ að fjármagna Dýrafjarðargöng. En þessu var síðan kippt í liðinn og vonandi lærðu alþingismenn af þessu hvaða vinnubrögð eru óboðleg, jafnvel að nýafstöðnum kosningum. Það er því vart hægt að hrósa stétt stjórnmálamanna fyrir frammistöðuna, þó vissulega hafi verið á þingi fólk sem barist hefur fyrir málinu, en heldur ekki hallmæla þeim alþingismönnum sem nú verma sæti Alþingis sem eru að uppistöðu til nýliðar.

En ég ætla ekki að dvelja lengur við neikvæðar hliðar þessarar langþráðu framkvæmdar heldur horfa til framtíðar og þeirra möguleika sem þessi nýja samgönguæð getur skapað. Fyrst og síðast er það undir Vestfirðingum sjálfum komið að virkja þá möguleika sem munu bjóðast eða með öðrum orðum að láta athafnir fylgja orðum. Hvað er átt við með því? Möguleikarnir felast fyrst og síðast í tveimur orðum samstöðu og samstarfi. Samstarfið getur náð til flestra þátta mannlífsins þ.e. atvinnumála, menntunar, heilsugæslu, menningar, íþrótta og afþreyingar.

Í atvinnumálum koma fyrst upp í hugann þær greinar sem eru í hvað hröðustum vexti, fiskeldi og ferðamál. Fiskeldið á sameiginlega hagsmuni með hefðbundnum sjávarútvegi hvað varðar flutninga. Þegar Vestfirðir verða samgöngulega tengdir hlýtur að koma til skoðunar hvort nauðsynlegt er að flytja gífurlegt fiskmagn á þéttsetinn Keflavíkurflugvöll 400-500 km. leið eða hvort það sé raunhæft að alþjóðlegur fragtflugvöllur verði byggður á Þingeyri eða Bíldudal eftir því á hvorum staðnum skilyrði eru betri.

Enginn vafi leikur á því að stoðir ferðaþjónustu munu styrkjast þegar greiður ársvegur liggur að náttúruperlum Vestfjarða eins og Látrabjargi, Dynjanda, Ísafjarðardjúpi og síðan fjölfarin sjóleið á Hornstrandir svo aðeins fátt eitt sé talið.

Í menntamálum þarf að efla bæði fjarnám og staðbundið nám fyrir tilstilli stofnana sem þegar eru til staðar eins og Menntaskólinn á Ísafirði, Háskólasetur Vestfjarða og Fræðslumiðstöð Vestfjarða ásamt tónlistar- og listaskólum. Allar þessar stofnanir eru að auka menntunarstigið og sumar starfa við hlið rannsóknarstofnana sem hafa gert sérmenntuðu fólki kleift að setjast að á Vestfjörðum.

Hvað varðar heilsugæslu þá geta flestir tekið undir þá staðhæfingu að þjóðarsjúkrahúsið okkar við Hringbraut er þjakað af of miklu álagi, á meðan mannvirki og mannauður víðs vegar um landið eru vannýtt. Það er því brýnt að breyta um stefnu og hugsun og efla sjúkrahús og heilsugæslustöðvar víðs vegar um landið. Þetta á því við um slíkar stofnanir á Vestfjörðum.

Það má alveg til sanns vegar færa að menning standi með blóma á Vestfjörðum bæði hvað varðar tónlist, sönglist og kórastarf og leiklist en með árssamgöngum stækkar menningarmarkaðurinn og öll þessi starfsemi fær nýja blóðgjöf.

Almennt er gildi íþrótta viðurkennt sem holl tómstundaiðja og heilsuefling uppvaxandi kynslóða og því keppast sveitarfélög við að koma upp íþróttamannvirkjum. Íþróttir eru því kjörinn vettvangur til aukins samstarfs Vestfirðinga og bættar samgöngur ættu að vera hvatning til að endurvekja eða efla íþróttafélög í öllum byggðum. Samnýting mannvirkja verður möguleg allt árið og því ekki að efna til Vestfjarðamóta á ný í helstu íþróttum? Íþróttir stuðla að kynnum og vinskap fólks.

Hér hefur aðeins verið tæpt á fáeinum hugmyndum sem árstenging byggða á Vestfjörðum getur leitt af sér ef þeir möguleikar sem opnast eru vel nýttir. Þó að náttúra Vestfjarða búi bæði yfir auðlindum og fegurð þá er ekkert dýrmætara en auðurinn sem býr í okkur sjálfum. Sé hann ræktaður munum við upplifa á komandi árum nýtt og áður óþekkt framfaraskeið. Mér finnst því við hæfi að enda þessar hugleiðingar á orðum þjóðskáldsins Matthíasar Jochumssonar sem óx úr grasi á Vestfjörðum. Tæpri öld eftir andlát hans syngja helstu afreksmenn okkar í íþróttum, sem etja kappi við stórþjóðir, lofsöng þann er hann lét sinni þjóð eftir. En með eftirfarandi ljóðlínum hvatti hann til þeirrar samstöðu sem við Vestfirðingar þurfum svo mjög á að halda:

Græðum saman mein og mein,
metumst ei við grannann,
fellum saman stein við stein,
styðjum hverjir annann;
plöntum, vökvum rein við rein,
ræktin skapar framann.
Hvað má höndin ein og ein?
Allir leggi saman!

Hafi þessi orð Matthíasar Jochumssonar átt við árið 1898 þá eiga þau við í dag. Ég óska Vestfirðingum, landsmönnum öllum og gestum okkar til hamingju með þessa framkvæmd. Verði hún nýtt svo sem vera ber mun atvinnulíf eflast, mannlíf og menning blómgast í fjörðum, víkum og dölum Vestfjarða.

Greinin birtist fyrst í Vestfjörðum.

«
»

Ummæli ()

Vinsamlegast athugið:
Ummæli eru á ábyrgð þeirra sem þau skrifa. Eyjan áskilur sér þó rétt til að fjarlægja óviðeigandi og meiðandi ummæli. Tilkynna má óviðeigandi ummæli í netfangið ritstjorn@eyjan.is

Teigsskógur – 2% af birkikjarri

Teigsskógur er við vestanverðan Þorskafjörð. Í skýrslu vegagerðarinnar frá febrúar 2017 um mat á umhverfisáhrifum af lagningu nýs vegar milli Bjarkalundar og Skálaness kemur fram í umsögn Skógræktar ríkisins að skógurinn nái frá Þórisstöðum um Gröf og langleiðina að gömlum túngarði við bæinn Hallsteinsstaði yst á skaganum, sem gengur fram milli Þorskafjarðar og Djúpafjarðar. Orðið […]

Þingmaður Sjálfstæðisflokksins: Ríkisútvarpið olli töfunum á birtingu gagnanna

Vilhjálmur Árnason þingmaður Sjálfstæðisflokksins segir það sé Ríkisútvarpinu að kenna að gögnin um þá sem fengið hafa uppreist æru hafi ekki verið opinberuð í sumar. Vilhjálmur sagði í viðtali í þættinum Harmageddon í morgun að eftir að RÚV kærði ákvörðunina um afhenda ekki gögnin þá hafi Úrskurðarnefnd um upplýsingamál brugðist skjótt við og að mesta […]

Þórunn vill sæti Sigmundar Davíðs

Þórunn Egilsdóttir þingmaður Framsóknarflokksins vill leiða lista Framsóknarflokksins í Norðausturkjördæmi. Sigmundur Davíð Gunnlaugsson er oddviti flokksins í kjördæminu, hann ætlar í framboð, en það liggur ekki fyrir hvort hann muni áfram sækjast eftir því að leiða listann í komandi kosningum. Þórunn segir í færslu á Fésbók að kosningarnar 28. október næstkomandi muni snúast um trúverðugleika […]

Björn vill útlendingamálin á dagskrá í kosningabaráttunni: „Þeir eiga ekkert erindi hingað“

„Með hliðsjón af því hve miklu af skatt­fé al­menn­ings er varið til hæl­is­mála er stórund­ar­legt að umræðan sé ekki meiri um út­lend­inga­mál­in á stjórn­mála­vett­vangi. Það er engu lík­ara en ís­lensk­ir stjórn­mála­menn forðist mála­flokk­inn og vilji helst að um hann ríki póli­tísk þögn,“ segir Björn Bjarnason fyrrverandi ráðherra Sjálfstæðisflokksins í grein í Morgunblaðinu í dag. Segir […]

Davíð spyr: „Munu æsingamennirnir biðjast afsökunar á ósköpunum?“

Davíð Oddsson ritstjóri Morgunblaðsins vill vita hvort þeir sem slitu ríkisstjórnarsamstarfinu og æstu sig muni nú biðjast afsökunar á ósköpunum. Í Staksteinum Morgunblaðsins í dag, þar sem Davíð heldur öllum líkindum á penna, er spurt í ljósi þess að umboðsmaður Alþingis komst að þeirri niðurstöðu í gær að Sigríður Á. Andersen dómsmálaráðherra hafi ekki brotið […]

Björt sendir Sjálfstæðismönnum tóninn: Siðferði og samskiptareglur snúast ekki um lögfræði eða reglur um trúnað

Björt Ólafsdóttir umhverfisráðherra og þingmaður Bjartrar framtíðar segir að traustið milli Bjartrar framtíðar til Sjálfstæðisflokksins hafi horfið þegar flokkurinn varð þess áskynja að neitun ráðuneytis um að veita lögbundna upplýsingagjöf til bæði fjölmiðla og fjölskyldu brotaþola í máli um uppreist æru gæti stafað af leyndarhyggju vegna álíka máls sem kom illa við Sjálfstæðisflokkinn. Í gær […]

Þór Saari vill á þing fyrir Pírata: „Losum okkur við spillt, sjálfhverf og hrunin stjórnmál“

Þór Saari hagfræðingur og fyrrverandi þingmaður Borgarahreyfingarinnar og Hreyfingarinnar gefur kost á sér í prófkjöri Pírata sem hefst á morgun. Þór segir í fréttatilkynningu að vegna fjölda áskorana innan sem og utan Pírata mun hann sækjast eftir því að komast á þing fyrir Pírata í Suðvesturkjördæmi. Þór gaf kost á sér í prófkjöri Pírata fyrir […]

Ásta: Skipulag miðbæjar

Ásta S. Stefánsdóttir skrifar um málefni miðbæjarins: Skipulagsferli vegna miðbæjar Selfoss er nú að komast á lokastig. Fresti til að gera athugasemdir lauk í lok ágúst og voru athugasemdir þær sem bárust lagðar fram á fundi skipulags- og byggingarnefndar sl. miðvikudag. Nefndin fól formanni nefndarinnar, skipulags- og byggingarfulltrúa og lögmanni sveitarfélagsins að gera drög að […]

Þorvaldur er bjartsýnn: „Ég veit að okkar stefna á talsverðan hljómgrunn“

„Við ætlum að bjóða fram allsstaðar þar sem við getum, við stefnum á að bjóða fram um allt land ef okkur tekst það. Það er ekki alveg fyrirséð vegna þess hve tíminn er stuttur,“ segir Þorvaldur Þorvaldsson formaður Alþýðufylkingarinnar í samtali við Eyjuna. Flokkurinn, sem var stofnaður 2013, bauð fram í öllum kjördæmum nema Norðvesturkjördæmi […]

Sigríður braut ekki trúnað með því að segja Bjarna

Sigríður Á. Andersen dómsmálaráðherra braut ekki reglur um trúnað með því að segja Bjarna Benediktssyni forsætisráðherra að faðir hans, Benedikt Sveinsson, hafi skrifað undir umsögn fyrir Hjalta Sigurjón Hauksson til að hann gæti fengið uppreist æru. Samkvæmt heimildum RÚV mun Tryggi Gunnarsson umboðsmaður Alþingis hafa sagt þetta á lokuðum fundi stjórnskipunar- og eftirlitsnefndar í morgun. […]

Framsóknarflokkurinn boðar ekki til flokksþings fyrir kosningar

Framsóknarflokkurinn mun ekki boða til flokksþings fyrir kosningar, tíminn sé of knappur til það sé hægt í samræmi við lög flokksins. Þetta segir Einar Gunnar Einarsson framkvæmdastjóri Framsóknarflokksins í samtali við Eyjuna. Ákveðið var á fundi miðstjórnar flokksins síðastliðið vor að halda flokksþing í janúar en í kjölfar stjórnarslita og kosninga í lok október fóru […]

Ragnar Þór svarar Halldóri: „Lægstu laun á Íslandi eru skammarlega lág“

Ragnar Þór Ingólfsson formaður VR segir það mikla einföldun að halda því fram að hækkun á ráðstöfunartekjum launafólks í formi hærri persónuafsláttar sé eingöngu tekjumissir fyrir ríkið. Líkt og greint var frá í gær sagði Halldór Benjamín Þorbergsson framkvæmdastjóri Samtaka atvinnulífsins að tillaga VR um að endurskoða upphæð persónuafsláttar til að miða við þróun launa […]

Logi kannast ekki við þrýsting: „Ég er ekki að skipta mér af vinnu uppstillinganefnda“

Logi Már Einarsson formaður Samfylkingarinnar segir að hann hafi heyrt það útundan sér að hann eigi að færa sig um set og bjóða sig fram í öðru Reykjavíkurkjördæmanna í stað Norðausturkjördæmis, en að enginn innan flokksins hafi komið að máli við sig um það. Vefur Hringbrautar segist hafa öruggar heimildir fyrir því að Samfylkingarfólk í […]

Bjarni býst við óvæginni kosningabaráttu

Bjarni Benediktsson formaður Sjálfstæðisflokksins segir að kosningabaráttan verði vafalaust óvægin á köflum en að Sjálfstæðisflokkurinn hafi aldrei óttast kjósendur og sé ævinlega tilbúinn til kosninga. Í bréfi sem Bjarni sendir flokksmönnum sínum í dag segir hann að hann geti ekki svarað fyrir ákvörðun föður síns um að veita Hjalta Sigurjóni Haukssyni umsögn þegar Hjalti sótti […]

Eyjan Miðlar ehf. - Kringlunni 4-12, 103 Reykjavík - eyjan (hjá) eyjan.is