Laugardagur 13.05.2017 - 11:48 - Ummæli ()

Sigurður Ingi: Enginn leiðari yfir stöðu Framsóknarflokksins

Sigurður Ingi Jóhannsson fer yfir stöðu Framsóknarflokksins.

Sigurður Ingi Jóhannsson formaður Framsóknarflokksins tjáði sig af hreinskilni um stöðu síns flokks í samtali við Björn Inga Hrafnsson í Eyjuþætti vikunnar.

Björn Ingi vísaði til stöðu Framsóknar í dag þar sem flokkurinn mælist með lítið fylgi og er þjakaður af innri deilum. Um næstu helgi fundar miðstjórn flokksins. Undanfarið hafa flokksfélög ályktað um stöðu flokksins.

Sigurður Ingi var spurður hvort honum hefði sem formanni mistekist að styrkja stöðu Framsóknarflokksins?

Við getum allavega sagt við erum ekki í ríkisstjórn og við erum ekki á fljúgandi ferð í skoðanakönnunum…Sá kjarni sem hefur fylgt okkur í skoðanakönnunum allt frá árinu 2009/10/11 hann hefur kannski ekkert verið mikið stærri [en nú mælist í könnunum]. Við eigum hins vegar ekki að sætta okkur við það. Við eigum að horfa á að flokkurinn sé stærri og njóti meira fylgis í samfélaginu vegna þess að við erum með skynsama stefnu, stefnu sem hentar mjög vel Íslandi við þær aðstæður sem eru uppi í dag.

Björn Ingi: „Sérðu eftir því að hafa boðið þig fram gegn honum?“

Ég hef velt því fyrir mér núna sex mánuðum síðar, að þá sé einhver hópur Framsóknarmanna enn ósáttur við það sem gerðist á flokksþinginu. Auðvitað eru líka einhverjir í sárum yfir því sem gerðist í byrjun apríl 2016 þegar Panama-fárið og Wintris-málið gengu hér yfir samfélagið. Tuttugu þúsund manns mæta hér á Austurvöll. Þingið í uppnámi og við sátum í þeirri stöðu að standa frammi fyrir þeim afarkostum að annað hvort yrðu kosningar strax í maí síðastliðið vor, með væntanlega mjög afdrifaríkri útkomu fyrir okkur Framsóknarmenn…

Heldur þú að flokkurinn hefði hreinlega getað þurrkast út?

Ég veit það ekki auðvitað, það er alltaf hægt að segja ef og ef, en ég hafði allavega…, við höfðum allavega miklar áhyggjur af því. En við höfðum ekki síður áhyggjur af því í þingflokknum, að þau stóru mál sem við vorum að vinna að og höfðum ekki náð að ljúka, að við þyrftum viðbótarmánuði til þess.

Í þessu samhengi nefndi Sigurður Ingi breytingar á húsnæðislöggjöfinni,  almannnatryggingum og undirbúninginn að afnámi hafta.

Það hefði verið afleitt, og Alþjóða gjaldeyrissjóðurinn staðfesti það að ef við hefðum haft kosningar síðastliðið vor, þá hefði það ferli allt farið í uppnám. Og við værum væntanlega ekki í þeirri efnahagslegu velmegum sem við erum stödd í, í dag ef við hefðum ekki tekið þessa ákvörðun. Þess vegna ákvað þingflokkurinn að segja hingað og ekki lengra, við viljum biðja þig varaformaður góður, að taka við keflinu og við fórum á fund formanns Sjálfstæðisflokksins þáverandi þingflokksformaður og ég, sem sagðist vera tilbúinn að starfa með okkur áfram að ljúka þessum málum en kosningar yrðu í haust.

Sigurður Ingi sagði ljóst að Framsóknarflokkurinn hefði ekki náð að rétta úr kútnum þegar kom að kosningum. Þar fékk flokkurinn aðeins 11,5 prósent og átta þingmenn kjörna. Í fyrri kosningum hafði flokkurinn hlotið 24,4 prósent og 19 þingmenn.

Við höfðum ekki náð því trausti í samfélaginu sem til þurfti og eins mikið og ég var sannfærður um í byrjun 2016 að það væri hægt að endurreisa traust á formanni okkar, og ég gekk manna lengst í að verja hann í marga mánuði opinberlega, að þá virtist það ekki hafa gengið hvorki meðal almennings né flokksmanna. Og vaxandi þrýstingur var á mig að bjóða mig fram og gefa þennan valkost. Ég veit það auðvitað ekki Björn Ingi hvort það hefði orðið einhver önnur niðurstaða í kosningunum ef við hefðum ekki gert það.

Formaður Framsóknarflokksins sagðist í þættinum sannfærður að sagan ætti eftir að fjalla lofsamlega um tíð Sigmundur Davíðs Gunnlaugssonar á stól forsætisráðherra á síðasta kjörtímabili.

Ég hef aldrei verið í vafa um það, og heldur ekki á fyrstu dögunum í apríl eða í ágúst eða þegar ég býð mig fram, að það sem við unnum undir stjórn Sigmundar Davíðs og að einhverju leyti undir hans frumkvæði voru frábærir hlutir sem munu skila honum mjög sterkri stöðu á dóm sögunnar.

Björn Ingi: „En ertu þá undrandi á stöðunni innan flokksins, þessum sárindum, það er hreinn klofningur. Þú þekkir það eins og ég, þú heyrir í fólki innan flokksins. Það eru margir með mjög miklar áhyggjur af þessu. Mjög margir mjög leiðir yfir þessu, mjög margir orðnir þreyttir á þessu. Þú hlýtur að upplifa þetta?“

Já, kannski enginn eins leiður og ég. Ég vildi gjarnan að þingflokkurinn okkar gengi í takt. Við erum með öflugan þingflokk, við erum með tvo fyrrverandi forsætisráðherra. Fimm af átta eru fyrrverandi ráðherrar og hinir þrír með reynslu. Það er enginn málefnaágreiningur…það er ágreiningur, það er pirringur, það er leiði. Bæði yfir niðurstöðu flokksþings, jafnvel einhverjar sögusagnir um að þar hafi verið eitthvað eins og hefði ekki átt að vera, sem er sem betur fer alrangt.

Björn Ingi spurði Sigurð hvort hann hefði íhugað sína stöðu, – hvort á honum sem flokksformanni væri bilbugur?

Nei, það er það ekki.

Sigurður Ingi var einnig spurður hvort hann hafi velt því fyrir þér hvort það sé best að núverandi varaformaður Lilja Dögg taki við formennsku og hann og Sigmundur Davíð sem átt hafa í útistöðum yrðu áfram og „báðar þessar svokölluðu fylkingar dragi sig í hlé?“

Ég vil nú reyndar halda því fram að það séu ekki beint fylkingar. Það eru engir að slást. Það eru hins vegar ákveðinn hópur sem er alltaf að gefa upp boltann í slagsmál. Ég hef hins vegar engann séð slást við þann hóp.

Að lokum spurði Björn Ingi formann Framsóknarflokksins að því hvort hann teldi að Sigmundur Davíð gæti orðið formaður Framsóknarflokksins á nýjan leik:

Nú veit ég auðvitað ekkert hvað framtíðin ber í skauti sér. Þegar ég bauð mig fram sem varaformann vorið 2013 og sagði Sigmundi þá að hann þyrfti ekki að vænta þess að ég væri að sækjast eftir formannsskapnum, þá hvarflaði ekki að mér og hafði ekki græna hugmynd um, hvað gerðist síðan þremur árum síðar með Panama-fárinu og öllu því sem þá gerðist.

Hér er seinni hluti viðtalsins við Sigurð Inga í Eyjunni, en í þeim hluta ræddi hann stöðu Framsóknarflokksins: 

«
»

Ummæli ()

Vinsamlegast athugið:
Ummæli eru á ábyrgð þeirra sem þau skrifa. Eyjan áskilur sér þó rétt til að fjarlægja óviðeigandi og meiðandi ummæli. Tilkynna má óviðeigandi ummæli í netfangið ritstjorn@eyjan.is

Ban Ki-moon segir að læra megi af Íslendingum í jafnréttismálum

Sjálfbærnistofnun Ban Ki-moon var sett á fót árið 2017 með það markmið að styðja við innleiðingu heimsmarkmiða Sameinuðu þjóðanna þar sem sérstök áhersla er lögð á málefni kvenna og ungs fólks. Ban Ki-moon, sem var aðalritari Sameinuðu þjóðanna árin 2007-2016, átti fund með Lilju Alfreðsdóttur, mennta- og menningarmálaráðherra, og Líney Rut Halldórsdóttur framkvæmdastjóra ÍSÍ, í […]

1000 milljarðar króna undanþegnir skatti

Kristinn H. Gunnarsson ritar: Það er kallað á meira framlag frá ríkinu til óteljandi málaflokka. Þrátt fyrir að ríkissjóður hafi bólgnað út vegna aukinna tekna sem fylgja uppsveiflunni í hagkerfinu þá er víða kvartað sáran undan naglaskap í fjárveitingum til velferðar- og heilbrigðismála. Framlög til menntamála eru skorin við nögl og erlendar athuganir sýna hnignandi […]

Starfsgreinarsambandið fagnar launaskriðstryggingu

Laun þeirra ríkisstarfsmanna sem eru í aðildarfélögum Starfsgreinasambands Íslands fá nú í fyrsta sinn svokallaða launaskriðstryggingu sem gefur að meðaltali 1,8% hækkun á laun afturvirkt frá 1. janúar 2017. Leiðréttingin kemur til útborgunar á flestum stöðum þann 1. mars. Þetta er gert á grundvelli rammasamkomulags í tengslum við síðustu kjarasamninga til að tryggja að launaskrið […]

Guðlaugur Þór: Bretar vilja tryggja réttindi íslenskra borgara í Brexit

Samkvæmt Guðlaugi Þór Þórðarsyni, utanríkisráðherra, er það vilji breskra yfirvalda að virða og tryggja réttindi íslendinga, svo þeir sitji við sama borð og aðrir. Brexit sé forgangsmál. „Brexit er og verður forgangsmál hjá okkur í utanríkisráðuneytinu og mikil vinna fer nú fram í ráðuneytum hér á landi við að vernda hagsmuni okkar vegna útgöngu Breta […]

Íbúðum fjölgaði um 1.800 í fyrra – Lítil fjölgun milli ára

Íbúðum hér á landi fjölgaði um 1.759 í fyrra. Til samanburðar fjölgaði þeim um 1.580 árið 2016 og er aukningin því einungis tæplega 200 íbúðir milli ára. Þetta má sjá í nýjum tölum sem Þjóðskrá Íslands hefur birt. Eins og sjá má á meðfylgjandi mynd hefur orðið aukning í fjölgun íbúða undanfarin ár. Fjölgunin hefur […]

Brynjar baunar á Halldór: „Svona menn eiga bara að vinna á vernduðum vinnustað“

Brynjar Níelsson þingmaður Sjálfstæðisflokksins segir að þeir sem kalli á afsökunarbeiðni vegna veru Eyþórs Arnalds á fundi borgarstjórnar og þingmanna eigi bara vinna á vernduðum vinnustað. Halldór Auðar Svansson borgarfulltrúi Pírata sendi í gær harðort bréf til allra borgarfulltrúa og þingmanna Reykjavíkurkjördæmanna tveggja þar sem hann fer fram á að Guðlaugur Þór Þórðarson utanríkisráðherra bæðist […]

„Þingmenn sem þegið hafa bætur og ráðstafað því í kaup á húsnæði ættu að skila því, ella vera bornir út“

Þórólfur Júlían Dagsson, stjórnarmeðlimur Pírata á Suðurnesjum, spyr hvort það sé ekki réttmæt krafa að fólk sem búi ekki í því sveitarfélagi sem það vinnur, fái sömu kjör og þingmenn. Þá vill hann að allar upplýsingar um fjárveitingar til þingmanna síðustu 20 árin verði gerð opinber. Þetta kemur fram í tilkynningu frá Þórólfi. Hann segir […]

Styrmir: Evrópuríkin treysta Bandaríkjunum ekki lengur

Styrmir Gunnarsson, fyrrum ritstjóri Morgunblaðsins, lætur öryggismál Evrópu sig varða í dag. Þar segir hann að ríki Evrópusambandsins ætli sér að stórauka samstarf sitt í öryggis- og varnarmálum, þar sem þau treysti ekki lengur á NATO með sama hætti og áður. Ástæðan fyrir því sé Donald Trump Bandaríkjaforseti. Það er rétt hjá Styrmi að heimurinn […]

Gunnar Smári segir Samtök atvinnulífsins aðeins þjóna fámennri auðklíku

Gunnar Smári Egilsson, stofnandi Sósíalistaflokks Íslands, setur fram áhugaverða tölfræði á Facebooksíðu sinni um skiptingu auðs á Íslandi. Þar segir að aðeins 50 manneskjur á Íslandi eigi 53% alls eiginfjár íslenskra fyrirtækja og 950 manns til viðbótar eiga önnur 45 prósent alls eiginfjár fyrirtækja. Þá eigi restin af þjóðinni, um 339,000 manns, tvö prósentin sem […]

Mesta fólksfjölgunin á Norðurlöndunum

Fólki fjölgar meira á Norðurlöndum en annars staðar í Evrópu. Þá er þróun aldursdreifingar afdráttarlaust á þann veg að eldri árgangar fólks eru hér stærri en að meðaltali annars staðar í álfunni. Greinileg tilhneiging er til meiri fjölgunar á þéttbýlissvæðum á öllum Norðurlöndunum og ástæða þess er ekki síst samspil milli aðflutnings fólks frá frá […]

Andrés Ingi opnar bókhaldið og upplýsir um endurgreiðslur ferðakostnaðar

Andrés Ingi Jónsson, þingmaður Vinstri grænna, birtir á Facebook síðu sinni bókhaldsgögn um endurgreiðslur frá Alþingi vegna ferðakostnaðar hans innanlands á árinu 2017. Upphæðin er tæpar 300.000 krónur vegna fimm viðburða. Andrés Ingi segir sjálfsagt að útgjöldin verði opinber líkt og til standi að hálfu Alþingis: „Umræðan um starfskostnað þingmanna undanfarna daga er af hinu […]

Arnaldur Hjartarson metinn hæfastur umsækjenda um dómarastöðu við Héraðsdóm Reykjavíkur

Dómnefnd um hæfni umsækjenda um embætti dómara hefur skilað umsögn sinni um umsækjendur um eitt embætti dómara með fast sæti við Héraðsdóm Reykjavíkur. Arnaldur Hjartarson, aðstoðarmaður dómara við EFTA dómstólinn, var metinn hæfastur af umsækjendum. Þetta kemur fram á vef dómsmálaráðuneytisins. Í umsögn um Arnald segir meðal annars að Arnaldur hafi almenna og víðtæka lögfræðiþekkingu, eigi […]

Utanríkisráðherra: „Meiri áhersla verður lögð á eftirlit og viðbragð á þessari lífæð milli Evrópu og Norður-Ameríku”

Varnarmálaráðherrar aðildarríkja Atlantshafsbandalagsins ræddu aukinn varnarviðbúnað og framlög til varnarmála, eflingu herstjórna NATO og stuðning við umbætur í Írak á tveggja daga fundi sínum sem lauk í Brussel í dag. Þá funduðu ráðherrarnir með varnarmálaráðherrum Finnlands og Svíþjóðar og utanríkismálastjóra ESB um vaxandi samvinnu NATO og ESB. Þetta kemur fram í tilkynningu: „Bandalaginu hefur á […]

Smári McCarthy skólar Ásmund til: Segir þingmannsstarfið ekki snúast um keyrslu og kaffistofuröfl

Smári McCarthy, þingmaður Pírata, er einn fjölmargra sem hafa gagnrýnt frammistöðu Ásmundar Friðrikssonar, þingmanns Sjálfstæðisflokksins, í Kastljósinu í gær. Smári skrifar á Facebooksíðu sína að hann hafi meiri áhuga á að vera skilvirkur í sínum störfum, heldur en að vera popúlisti: „Nú vill svo til að ég er þingmaður Suðurkjördæmis, en bý einmitt í 101 […]

Frjáls fjölmiðlun ehf. - Kringlunni 4-12, 103 Reykjavík - eyjan (hjá) eyjan.is