Sunnudagur 14.05.2017 - 23:11 - Ummæli ()

Óhugnanlegt kennaramorð í Gautaborg skekur Svía: Skotinn með köldu blóði fyrir framan börnin

Knattspyrnumaðurinn og -þjálfarinn Alan Amin varð aðeins 27 ára gamall. Hann hafði vakið athygli fyrir að kenna innflytjendastúlkum knattspyrnu því hann vildi hjálpa þeim að aðlagast sænsku samfélagi.

Morð sem framið var í Gautaborg í Svíþjóð síðastliðinn fimmtudagsmorgun hefur vakið mikinn óhug. Þá var ungur aðstoðarkennari skotinn til bana af þremur grímuklæddum mönnum fyrir utan skólann þar sem hann starfaði.

Fjöldi nemenda varð vitni að því þegar hinn 27 ára gamli Alan Amin var myrtur með þaulskipulögðum hætti og aðferð sem líkt er við hreina aftöku. Morðingjarnir gengu að honum þar sem hann sat í bíl sínum og skutu hann margoft.

Ódæðismennirnir komust undan. Þeir hafa ekki enn fundist þrátt fyrir ákafa leit lögreglu.

Alan Amin starfaði við Lövgärdeskolan í Gautaborg. Ekki er vitað til þess að hann hafi verið flæktur í neina glæpastarfsemi, hann var vinsæll og virkur í sínu nærumhverfi meðal annars sem knattspyrnumaður og -þjálfari og frumkvöðull í því að fá ungar innflytjendastúlkur til að stunda íþróttina.

Í fyrrasumar vakti Alan athygli þegar hann kom af stað knattspyrnuiðkun meðal barna í sínum borgarhluta. Hann hafði séð að fæst þeirra fóru með fjölskyldum sínum í sumarfrí. Sjálfur spilaði hann með Svearud FC þar sem hann var einnig þjálfari fyrir kvennaliðið og sat í stjórn félagsins. Í viðtali við fjölmiðla sagði hann að það væri mikilvægt að stúlkur meðal innflytjenda hlytu aðlögun að sænsku samfélagi og fékk 45 slíkar til að hefja æfingar og leik í knattspyrnu.

Markmiðið er að þáttakendur fái að kynnast nýju fólki og aðlagist, forgangsverkefnið er að stúlkur í Angered [Lövgärdet]-hverfinu njóti aðlögunar,

sagði Alan Amin í viðtali við sænska ríkisútvarpið í júlí síðastliðinn.

Dagblaðið Göteborg-posten skrifar að ekki sé vitað hvað bjó að baki morðinu en Amin hafi borist hótanir. Blaðið upplýsir á vefsíðu sinni að lögreglan í Gautaborg telji ekki að hér hafi verið um að ræða uppgjör milli glæpahópa þar sem Alan Amin var ekki þekktur að neinu misjöfnu. Aftur á móti naut hann vinsælda og virðingar að því er kemur fram í frétt Expressen.

Göteborg-posten upplýsir að lögreglan rannsaki nú málið meðal annars út frá þeirri kenningu að um svokallað „heiðursmorð“ hafi verið að ræða. Ekki er þó tilgeint nánar um ástæður þess. Lövgärdet-hverfið er að sögn Göteborg-posten, eitt af sex hverfum borgarinnar sem lögregluyfirvöld telja áhættusöm með tilliti til félagslegra vandamála og afbrota.

Lögreglan í Gautaborg vinnur nú að rannsókn málsins en virðist lítt verða ágengt meðal annars vegna þess að fólk þorir ekki eða vill ekki veita upplýsingar. Í gær sendi hún út ákall til almennings:

Við leysum ekki þetta mál án aðstoðar almennings. Þöggunarmenningunni [meðal fólks] verður að linna. Við viljum að fólk sem hefur upplýsingar um málið hafi samband við okkur,

sagði Christer Fuxborg talsmaður Gautaborgarlögreglunnar við Göteborg-posten á laugardag.

 

 

«
»

Ummæli ()

Vinsamlegast athugið:
Ummæli eru á ábyrgð þeirra sem þau skrifa. Eyjan áskilur sér þó rétt til að fjarlægja óviðeigandi og meiðandi ummæli. Tilkynna má óviðeigandi ummæli í netfangið ritstjorn@eyjan.is

Velferðarráðuneytið vænir Barnaverndarstofu um ósannsögli

Líkt og komið hefur fram í fjölmiðlum hefur forstjóri Barnaverndarstofu, Bragi Guðbrandsson,  legið undir ámæli vegna starfshátta sinna. Barnaverndarstofa sendi frá sér yfirlýsingu á föstudag, þar sem beðið var um frest til að svara Velferðarráðuneytinu, meðan aflað væri frekari gagna, því það hafi gengið erfiðlega að fá gögnin í hendur. Nú hefur Velferðarráðuneytið sent frá […]

Búið að ráða aðstoðarmenn dómara við Landsrétt

Samkvæmt öruggum heimildum Eyjunar er búið að ráða aðstoðarmenn dómara við Landsrétt. Auglýst var eftir fimm löglærðum aðstoðarmönnum dómara við Landsrétt í sumar, en Landsréttur tekur til starfa 1. janúar 2018 og er gert ráð fyrir að aðstoðarmenn hefji störf frá þeim tíma. Alls sóttu 116 manns um störfin fimm en eftirtaldir einstaklingar fengu starfið: […]

Stjórnarandstaðan þiggur formennsku þriggja fastanefnda Alþingis- „Ekki nema hæfilega ánægð“

Stjórnarandstaðan ákvað í morgun að taka við formennsku í þeim þremur fastanefndum sem ríkisstjórnin hafði boðið þeim. Þetta staðfesti Logi Einarsson formaður Samfylkingarinnar við Eyjuna. Að sögn Loga mun Samfylkingin fara með formennsku í stjórnskipunar- og eftirlitsnefnd fyrstu tvö árin, en skiptast síðan á við Pírata, sem fara fyrir velferðarnefnd fyrstu tvö árin. Þá mun […]

Hæstaréttarlögmaður ýjar að vanhæfi umhverfisráðherra

Hæstaréttarlögmaðurinn Jón Jónsson skrifar grein í Morgunblaðið um helgina, hvar hann veltir fyrir sér hæfi, eða eftir atvikum, vanhæfi Guðmundar I. Guðbrandssonar umhverfisráðherra, sökum sinna fyrri starfa hjá Landvernd. Spyr Jón hvort umhverfisráðherra sé til dæmis hæfur til að skipa til dæmis starfshóp um málefni Teigsskógar, eða hvort hann sé hæfur að fjalla um aðalskipulag tengt […]

Benedikt Jóhannesson: „Vúdú hagfræði Kampavínsstjórnarinnar“

Benedikt Jóhannesson, fyrrum formaður Viðreisnar og fjármálaráðherra, skrifar harðorðan pistil á Facebook síðu sína í gær undir yfirskriftinni „Vúdú-Hagfræði Kampavínsstjórnarinnar.“ Þar gagnrýnir hann fyrirhugaðar útgjaldaaukningar nýrrar ríkisstjórnar og skýtur föstum skotum á frænda sinn, forvera og eftirmann, Bjarna Benediktsson fjármálaráðherra.     „Þegar Ronald Reagan bauð sig fram sem forseti Bandaríkjanna setti hann fram þrjú […]

„Þessi gjaldtaka er án fordæma og án alls samtals við ferðaþjónustuna“

Fyrirtæki í ferðaþjónustu ráða nú ráðum sínum eftir að Isavia tilkynnti um fyrirhugaða gjaldtöku á stæðum fyrir hóferðabíla við flugstöð Leifs Eiríkssonar sem hefst þann 1. mars. Mun gjaldið vera 7,900 krónur fyrir hópbifreiðar með 19 eða færri  sæti en 19,900 fyrir bifreiðar með fleiri en 20 sæti. Fyrir hvert skipti. Samtök ferðaþjónustunnar gagnrýna gjaldtökuna […]

Um hvað snúast deilurnar í Katalóníu?

Það eru margar ástæður  fyrir því að Katalónía er ekki Spánn, eða hluti af Spáni og að Spánn sé ekki Katalónía. Sögulega séð er Katalónía þjóð með landamæri miklu eldri en hugmyndin um Spán sem ríki eða þjóð. Katalónar voru þjóð í eigin landi í nokkrar aldir eða allt þar til að þeir töpuðu stríði […]

Uppgjör við reiðina

Kolbrún Bergþórsdóttir skrifar: Það er bæði rétt og skylt að rifja upp hruntímann þegar óstjórnleg reiði greip um sig á svo sterkan hátt að öll siðferðisviðmið röskuðust. Það var öskrað og æpt, lögreglu var ögrað og stjórnmálamenn áttu sumir ekki lengur skjól á eigin heimili. Kvöld eftir kvöld fylltust sjónvarpsfréttatímar af myndum af fólki sem […]

„Það er gott að búa í Kópavogi“

Bæjarstjórinn góðkunni, Gunnar I. Birgisson, hefur nú fest ævisögu sína á blað með dyggri aðstoð skrásetjarans Orra Páls Ormarssonar. Gunnar þekkja flestir sem hinn djúpróma bæjarstjóra Kópavogs, nú Fjallabyggðar, en hann var einnig þingmaður Sjálfstæðisflokksins og formaður bæjarráðs Kópavogs til margra ára. Þá þekkja allir hið sígilda slagorð, „Það er gott að búa í Kópavogi,“ […]

Björn Valur um prósentin 78: Áfall fyrir Samfylkinguna

Björn Valur Gíslason, skipstjóri og fyrrum þingmaður Vinstri grænna, hefur verið einn einlægasti stuðningsmaður nýrrar ríkisstjórnar. Hann segir það ekki koma sér á óvart að stuðningur við stjórnina mælist í 78%. „Ég skrifaði um það fyrir skömmu að ríkisstjórnin yrði geysivinsæl. Ég hefði viljað sjá hana myndaða fyrr en kannski voru ekki aðstæður til þess. […]

Loftslagsviðurkenningar veittar í fyrsta sinn

Í dag voru veitt loftslagsviðurkenningar Festu og Reykjavíkurborgar í fyrsta sinn. Markmið viðurkenninganna er að vekja athygli á því sem vel er gert í loftslagsmálum og vera hvatning til annarra. Að þessu sinni hlaut HB Grandi loftslagsviðurkenningu Festu og Reykjavíkurborgar, vefurinn loftslag.is hlaut fræðslu- og upplýsingaviðurkenningu vegna loftslagsmála og þá hlaut ISAVIA hvatningarviðurkenningu.   HB […]

Flateyjabók liggur undir skemmdum- Árnastofnun fær styrk til viðgerðar

Ríkistjórnin hefur ákveðið að styrkja Stofnun Árna Magnússonar í íslenskum fræðum um 5 millj. kr. til að ráðast í brýna viðgerð á Flateyjarbók, einu merkasta handriti Íslendinga. Að sögn Guðrúnar Nordal, forstöðumanns Árnastofnunar er danskt lím sökudólgurinn. „Flateyjarbók var færð í nýtt band á átjándu öld sem nú þarfnast áríðandi viðgerðar en auk þess þarf […]

Fiskeldi Austfjarða leiðréttir Loðnuvinnsluna – Segir misskilnings gæta um mengun

Líkt og Eyjan fjallaði um, þá sendi Loðnuvinnslan í Fáskrúðsfirði frá sér yfirlýsingu í vikunni, þar sem þeir lýstu áhyggjum sínum yfir fyrirhuguðu laxeldi í firðinum og menguninni sem af því hlytist. Var fullyrt að mengunin af 15.000 tonna laxeldi jafngilti skólpi frá 120.000 manna byggð og hefði þar með áhrif á hrognavinnsluna, sem reiðir […]

Reykjavíkurborg eykur stuðning við utangarðsfólk – Tólf nýjar íbúðir á þremur árum

Velferðarráð samþykkti á fundi sínum 7. desember að auka stuðning við utangarðsfólk. Þetta kemur fram í tilkynningu. Það verður gert með því að fjölga um tólf íbúðum fyrir fólk í jaðarstöðu á grundvelli hugmyndafræðinnar Housing first. Einnig verður starfsmönnum í vettvangs- og ráðgjafarteymi sem veitir utangarðsfólki þjónustu fjölgað úr sjö í þrettán. Teymið mun starfa út frá […]

Frjáls fjölmiðlun ehf. - Kringlunni 4-12, 103 Reykjavík - eyjan (hjá) eyjan.is