Þriðjudagur 16.05.2017 - 18:46 - Ummæli ()

Kæfandi faðmlag íhaldsins

Mynd: DV/Sigtryggur Ari

Kolbrún Bergþórsdóttir skrifar:

Það verður æ forvitnilegra að fylgjast með stjórnarsamstarfinu. Ekki verður betur séð en Viðreisn og Björt framtíð eigi í nokkru basli við að halda sérstöðu sinni, hægt og hljótt virðast þessir litlu flokkar vera að týna sjálfum sér í kæfandi faðmlagi við hið valdamikla íhald í Sjálfstæðisflokknum. Það var viðbúið að einmitt þetta myndi gerast. Trúir til dæmis einhver því raunverulega að mikilvægar breytingar á fiskveiðistjórnunarkerfinu verði að veruleika? Það er ekki nóg að búa til nefnd, eins og sjávarútvegsráðherra hefur gert, það þarf að koma hlutum í framkvæmd. Staðreyndin er einfaldlega sú að þegar kemur að breytingum á kvótakerfinu þá er andstaða Sjálfstæðisflokksins algjör. Áhuginn á því að halda í núverandi kerfi er svo ríkur og fyrirferðarmikill að hann nálgast það að vera þráhyggjukenndur.

Nefndinni sem sjávarútvegsráðherra hefur skipað er ætlað að móta tillögur um það hvernig tryggja beri sanngjarna gjaldtöku fyrir afnot af fiskveiðiauðlindinni. Af frétt í Morgunblaðinu að dæma starfar þessi nefnd í mikilli óþökk nokkurra þingmanna Sjálfstæðismanna. Ekki höfðu þeir dug í sér til að koma fram undir nafni í frétt Morgunblaðsins en nafnleysingjarnir spá því að lítið muni koma út úr starfi nefndarinnar, en segja að ef svo ólíklega vildi til að komið yrði með tillögur til grundvallarbreytinga þá muni þeir stöðva þær í þinginu.

Frá því stofnað var til ríkisstjórnar Sjálfstæðisflokks, Viðreisnar og Bjartrar framtíðar hafa einstaka þingmenn Sjálfstæðisflokksins talað á þann hátt að stórlega má efast um að þeir hafi nokkurn áhuga á að viðhalda stjórnarsamstarfinu. Og nú hafa þingmenn þessa sama flokks enn á ný opinberað þetta áhugaleysi sitt. Þingmenn Viðreisnar og Bjartrar framtíðar vita nú af því, sem ætti  sannarlega ekki að koma þeim á óvart, að þingmenn Sjálfstæðisflokks munu berjast gegn úrbótum á sjávarútvegskerfinu. Og hvernig ætla Viðreisn og Björt framtíð að bregðast við því? Farsæld lands og þjóðar byggist ekki á þessu ríkisstjórnarsamstarfi, það eru aðrir kostir í stöðunni. Eða ætla litlu flokkarnir að búa við það þegjandi að Sjálfstæðisflokkurinn berji reglulega á þeim?

Kolbrún Bergþórsdóttir ritstjóri DV.

Það er gríðarlega óábyrgt af þingmönnum Sjálfstæðisflokks að gaspra út og suður um að þessi og hin mál, sem Viðreisn og Björt framtíð leggja áherslu á, muni aldrei koma til framkvæmda. Digurbarkalegar yfirlýsingar í þessa átt eru afleit aðferð við að byggja upp traust og samstöðu innan ríkisstjórnarinnar. Ef einhver dugur er í þingmönnum Viðreisnar og Bjartrar framtíðar þá hljóta þeir að rísa upp og veita viðnám.

Ríkisstjórnin er sögð vera ríkisstjórn Sjálfstæðisflokks, Viðreisnar og Bjartrar framtíðar, en það er einungis í orði kveðnu. Þarna er einn flokkur við stjórn: Sjálfstæðisflokkurinn.

«
»

Ummæli ()

Vinsamlegast athugið:
Ummæli eru á ábyrgð þeirra sem þau skrifa. Eyjan áskilur sér þó rétt til að fjarlægja óviðeigandi og meiðandi ummæli. Tilkynna má óviðeigandi ummæli í netfangið ritstjorn@eyjan.is

Ban Ki-moon segir að læra megi af Íslendingum í jafnréttismálum

Sjálfbærnistofnun Ban Ki-moon var sett á fót árið 2017 með það markmið að styðja við innleiðingu heimsmarkmiða Sameinuðu þjóðanna þar sem sérstök áhersla er lögð á málefni kvenna og ungs fólks. Ban Ki-moon, sem var aðalritari Sameinuðu þjóðanna árin 2007-2016, átti fund með Lilju Alfreðsdóttur, mennta- og menningarmálaráðherra, og Líney Rut Halldórsdóttur framkvæmdastjóra ÍSÍ, í […]

1000 milljarðar króna undanþegnir skatti

Kristinn H. Gunnarsson ritar: Það er kallað á meira framlag frá ríkinu til óteljandi málaflokka. Þrátt fyrir að ríkissjóður hafi bólgnað út vegna aukinna tekna sem fylgja uppsveiflunni í hagkerfinu þá er víða kvartað sáran undan naglaskap í fjárveitingum til velferðar- og heilbrigðismála. Framlög til menntamála eru skorin við nögl og erlendar athuganir sýna hnignandi […]

Starfsgreinarsambandið fagnar launaskriðstryggingu

Laun þeirra ríkisstarfsmanna sem eru í aðildarfélögum Starfsgreinasambands Íslands fá nú í fyrsta sinn svokallaða launaskriðstryggingu sem gefur að meðaltali 1,8% hækkun á laun afturvirkt frá 1. janúar 2017. Leiðréttingin kemur til útborgunar á flestum stöðum þann 1. mars. Þetta er gert á grundvelli rammasamkomulags í tengslum við síðustu kjarasamninga til að tryggja að launaskrið […]

Guðlaugur Þór: Bretar vilja tryggja réttindi íslenskra borgara í Brexit

Samkvæmt Guðlaugi Þór Þórðarsyni, utanríkisráðherra, er það vilji breskra yfirvalda að virða og tryggja réttindi íslendinga, svo þeir sitji við sama borð og aðrir. Brexit sé forgangsmál. „Brexit er og verður forgangsmál hjá okkur í utanríkisráðuneytinu og mikil vinna fer nú fram í ráðuneytum hér á landi við að vernda hagsmuni okkar vegna útgöngu Breta […]

Íbúðum fjölgaði um 1.800 í fyrra – Lítil fjölgun milli ára

Íbúðum hér á landi fjölgaði um 1.759 í fyrra. Til samanburðar fjölgaði þeim um 1.580 árið 2016 og er aukningin því einungis tæplega 200 íbúðir milli ára. Þetta má sjá í nýjum tölum sem Þjóðskrá Íslands hefur birt. Eins og sjá má á meðfylgjandi mynd hefur orðið aukning í fjölgun íbúða undanfarin ár. Fjölgunin hefur […]

Brynjar baunar á Halldór: „Svona menn eiga bara að vinna á vernduðum vinnustað“

Brynjar Níelsson þingmaður Sjálfstæðisflokksins segir að þeir sem kalli á afsökunarbeiðni vegna veru Eyþórs Arnalds á fundi borgarstjórnar og þingmanna eigi bara vinna á vernduðum vinnustað. Halldór Auðar Svansson borgarfulltrúi Pírata sendi í gær harðort bréf til allra borgarfulltrúa og þingmanna Reykjavíkurkjördæmanna tveggja þar sem hann fer fram á að Guðlaugur Þór Þórðarson utanríkisráðherra bæðist […]

„Þingmenn sem þegið hafa bætur og ráðstafað því í kaup á húsnæði ættu að skila því, ella vera bornir út“

Þórólfur Júlían Dagsson, stjórnarmeðlimur Pírata á Suðurnesjum, spyr hvort það sé ekki réttmæt krafa að fólk sem búi ekki í því sveitarfélagi sem það vinnur, fái sömu kjör og þingmenn. Þá vill hann að allar upplýsingar um fjárveitingar til þingmanna síðustu 20 árin verði gerð opinber. Þetta kemur fram í tilkynningu frá Þórólfi. Hann segir […]

Styrmir: Evrópuríkin treysta Bandaríkjunum ekki lengur

Styrmir Gunnarsson, fyrrum ritstjóri Morgunblaðsins, lætur öryggismál Evrópu sig varða í dag. Þar segir hann að ríki Evrópusambandsins ætli sér að stórauka samstarf sitt í öryggis- og varnarmálum, þar sem þau treysti ekki lengur á NATO með sama hætti og áður. Ástæðan fyrir því sé Donald Trump Bandaríkjaforseti. Það er rétt hjá Styrmi að heimurinn […]

Gunnar Smári segir Samtök atvinnulífsins aðeins þjóna fámennri auðklíku

Gunnar Smári Egilsson, stofnandi Sósíalistaflokks Íslands, setur fram áhugaverða tölfræði á Facebooksíðu sinni um skiptingu auðs á Íslandi. Þar segir að aðeins 50 manneskjur á Íslandi eigi 53% alls eiginfjár íslenskra fyrirtækja og 950 manns til viðbótar eiga önnur 45 prósent alls eiginfjár fyrirtækja. Þá eigi restin af þjóðinni, um 339,000 manns, tvö prósentin sem […]

Mesta fólksfjölgunin á Norðurlöndunum

Fólki fjölgar meira á Norðurlöndum en annars staðar í Evrópu. Þá er þróun aldursdreifingar afdráttarlaust á þann veg að eldri árgangar fólks eru hér stærri en að meðaltali annars staðar í álfunni. Greinileg tilhneiging er til meiri fjölgunar á þéttbýlissvæðum á öllum Norðurlöndunum og ástæða þess er ekki síst samspil milli aðflutnings fólks frá frá […]

Andrés Ingi opnar bókhaldið og upplýsir um endurgreiðslur ferðakostnaðar

Andrés Ingi Jónsson, þingmaður Vinstri grænna, birtir á Facebook síðu sinni bókhaldsgögn um endurgreiðslur frá Alþingi vegna ferðakostnaðar hans innanlands á árinu 2017. Upphæðin er tæpar 300.000 krónur vegna fimm viðburða. Andrés Ingi segir sjálfsagt að útgjöldin verði opinber líkt og til standi að hálfu Alþingis: „Umræðan um starfskostnað þingmanna undanfarna daga er af hinu […]

Arnaldur Hjartarson metinn hæfastur umsækjenda um dómarastöðu við Héraðsdóm Reykjavíkur

Dómnefnd um hæfni umsækjenda um embætti dómara hefur skilað umsögn sinni um umsækjendur um eitt embætti dómara með fast sæti við Héraðsdóm Reykjavíkur. Arnaldur Hjartarson, aðstoðarmaður dómara við EFTA dómstólinn, var metinn hæfastur af umsækjendum. Þetta kemur fram á vef dómsmálaráðuneytisins. Í umsögn um Arnald segir meðal annars að Arnaldur hafi almenna og víðtæka lögfræðiþekkingu, eigi […]

Utanríkisráðherra: „Meiri áhersla verður lögð á eftirlit og viðbragð á þessari lífæð milli Evrópu og Norður-Ameríku”

Varnarmálaráðherrar aðildarríkja Atlantshafsbandalagsins ræddu aukinn varnarviðbúnað og framlög til varnarmála, eflingu herstjórna NATO og stuðning við umbætur í Írak á tveggja daga fundi sínum sem lauk í Brussel í dag. Þá funduðu ráðherrarnir með varnarmálaráðherrum Finnlands og Svíþjóðar og utanríkismálastjóra ESB um vaxandi samvinnu NATO og ESB. Þetta kemur fram í tilkynningu: „Bandalaginu hefur á […]

Smári McCarthy skólar Ásmund til: Segir þingmannsstarfið ekki snúast um keyrslu og kaffistofuröfl

Smári McCarthy, þingmaður Pírata, er einn fjölmargra sem hafa gagnrýnt frammistöðu Ásmundar Friðrikssonar, þingmanns Sjálfstæðisflokksins, í Kastljósinu í gær. Smári skrifar á Facebooksíðu sína að hann hafi meiri áhuga á að vera skilvirkur í sínum störfum, heldur en að vera popúlisti: „Nú vill svo til að ég er þingmaður Suðurkjördæmis, en bý einmitt í 101 […]

Frjáls fjölmiðlun ehf. - Kringlunni 4-12, 103 Reykjavík - eyjan (hjá) eyjan.is