Miðvikudagur 17.05.2017 - 17:00 - Ummæli ()

Banatilræðið á Bar Ananas: Valdimar Jóhannesson fer hamförum á Útvarpi Sögu

Mikill kokteill: Valdimar Jóhannesson, Robert Spencer, Pétur Gunnlaugsson, Bar Ananas og Útvarp Saga.

Valdimar Jóhannesson fyrrverandi blaðamaður, og einn þeirra sem standa að hópnum „Vakur“ sem fékk fyrirlesarana Robert Spencer og Christine Williams til Íslands í síðustu viku, sat í spjalli og fyrir svörum símhringjenda í síðdegisþætti Útvarps Sögu í gær. Þáttarstjórnandi var Pétur Gunnlaugsson.

Í þættinum lýsti Valdimar því meðal annars hvernig hann hefði upplifað meinta tilraun til að eitra fyrir hinum umdeilda Robert Spencer sem þekktur er fyrir gagnrýni sína á íslam. Einnig tjáði Valdimar sig um ýmislegt er varðaði fyrirlestrarfund Spencer og Williams sem fór fram á Grand Hótel á fimmtudagskvöld.

Svona lýsti Valdimar því sem gerðist í aðdraganda þess sem Valdimar telur að hafi verið tilraun til morðs á Robert Spencer. Lýsingin hefst á sjálfum fundinum þar sem meðal annars kemur fram að Robert Spencer var svo hræddur um öryggi sitt á Íslandi að hann krafðist þess að sérstakur lífvörður yrði fluttur til landsins frá Bandaríkjunum. Við þeirri beiðni var orðið:

Valdimar Jóhannesson og Robert Spencer í púlti á fundinum fræga á Grand Hótel á fimmtudagskvöld í síðustu viku. Valdimar var fundarstjóri og einn af skipuleggjendum fundarins en Spencer hélt erindi. Seinna um kvöldið fullyrða þeir að Spencer hafi verið sýnt morðtilræði með því að ólyfjan var laumað í vínglas hans á Bar Ananas í Reykjavík. Skjáskot úr sjónvarpsfrétt RUV.

Það var 500 manns inni [á Grand Hótel] og svo voru 20 til 30 manns úti sem létu mjög ófriðlega. Það var eiginlega bara mjög óþægilegt hvernig þetta fólk lét. Það var með hótanir. Lögreglan mætti á staðinn þegar ég hringdi og vakti athygli á því að gestir okkar kæmust ekki inn í salinn vegna þess að fólk stæði fyrir innganginum. Þeir voru bókstaflega að reyna að hindra það að fólk kæmist inn. Ég labbaði nú út og hitti þar þá sem hafði fyrirsvar fyrir þessu fólki sem var Sema Erla Serdar. Ég heilsaði henni kurteislega og sagði: „Jæja, þið ætlið að nota ykkar rétt til þess að mótmæla og mér líst vel á það. En eigum við ekki að hafa þetta friðsamlegt þannig að fólk komist nú framhjá ykkur?“ Það varð til þess að einn maður, mjög illskeyttur, réðist að mér og var með…ég sá mér ekki annan kost vænstan heldur en að fara aftur inn í sal þar sem við vorum með all mikið lið af gæslumönnum [25 manns]. Mönnum sem voru, sem kunna að vera gæslumenn og höfðu verið, áður starfað í lögreglunni, verið útkastarar og menn stilltir og yfirvegaðir þannig að allt fór mjög vel fram. Fundurinn fór vel fram, það er ekki hægt að neita því, en þetta var nokkur spenna sem fylgdi þessum djöfulskap.

Síðan klárast fundurinn og þá var ákveðið að koma þeim [fyrirlesurunum Robert Spencer og Christine Williams] þegar í stað í burtu frá þessum vettvangi ef það skyldi nú vera einhver brjálæðingur með þessu mótmæla… – þessum mótmælendum, væri enn þá þarna nálægt hótelinu. Þannig að þau flýttu sér í burtu, og bílstjórinn fór með þeim í burtu, og það var með þeim öryggislögreglumaður frá New York sem var svona bara sambland af Swartzenegger og Bruce Willis. Svona rosalegur töffari og étur granít í morgunmat út á skyrið sko. Ég ætla að vekja athygli á því að þessi maður var ekki kallaður til landins fyrr en eftir að þau urðu vör við svona rosalega mikla spennu hérna. Þau sögðu: „Valdimar, þetta er ekkert öruggt land eins og þú heldur fram. Við finnum fyrir miklum ónotum. Ég tel mér ekki óhætt að fara á þennan fund nema hafa minn eigin öryggisvörð með mér.“ Þannig að hann kom til landsins með ærnum tilkostnaði með litlum fyrirvara til þess að vera hans öryggisvörður.

Þau fyllast einhverri ofurkátínu yfir því hvað allt gekk samt vel þannig að þeim dettur í hug að fara á bar niðri í bæ og halda upp á það að þetta sé vel yfirstaðið og ekkert alvarlegt hafi gerst…Þetta var strax eftir tíu [22:00]. Þau fara niður á stað sem heitir Bar Ananas [við Klapparstíg].

Valdimar sagðist hafa komið um 20 mínútum síðar.

Þau eru kát og glöð, búin að fá sér einn eða tvo drykki og líður ósköp vel. Þá verð ég var við það að það kemur ungur maður með drykk. Ég varð vitni að því. Þá hafði það gerst sem ég ekki varð vitni að, að þessi maður kom til Spencer og sagði: „Ég er aðdáandi þinn, má ég ekki bjóða þér upp á drykk?“ Spencer náttúrulega var um sig, leit á sinn öryggisvörð, og öryggisvörðurinn sagði svona – nikkaði kolli og fylgdi síðan þessum unga manni upp að barnum og fylgdist með því þegar drykkurinn var blandaður eins og eðliegt er, eða það segist hann hafa gert. Ég varð náttúrulega ekki vitni að því. En hann kemur til baka og mér finnst þetta mjög skrítið og vildi nú ekki grípa framfyrir hendurnar á þessum öryggisverði, enda reyndar búinn að halda því fram að Ísland væri svona öruggt land. Sú hugmynd að einhver myndi byrla einhverjum eitthvað á svona stað var mér alveg fráleit. En samt sem áður var nú eitthvað sem olli því að ég talaði nú við þennan unga mann og talaði lengi við hann þangað til ég áttaði mig á því hvernig ég gæti fundið hann aftur ef ég þyrfti á honum að halda. Rétt á eftir kemur annar ungur maður, og labbar að borði þar sem sem Spencer og Christine Williams sitja og öryggisvörðurinn og segir hérna: „Má ég taka í hendina á þér, ég er líka aðdáandi.“ Og um leið og Spencer tekur í hendina á honum þá segir hann af þessari yndislegu gestrisni semokkur er nú orðin eiginleg hér á Íslandi: „Fokk jú!“ Og spýtir því fram. Og þeim bregður við svona kurteisi, þau eru ekki vön þessari kurteisi í siðuðum löndum og héldu að Ísland væri siðað land og horfðu framan í hann auðvitað og á þeim tíma gæti hann hafa látið eitthvað falla ofan í glasið. Eða barþjónninn eða þessi ungi maður eða hver sem er.

Robert Spencer fann fyrir mikilli vanlíðan og varð að draga sig í hlé á hótel sitt.

Fljótlega fer honum að líða mjög illa og hann verður svona undarlegur og segir: „Ég er…það eru einhver ónot í mér. Ég þarf að komast heim. Og líka, það eru náttúrulega ónot að fá þessa kveðju. Þetta er ekki vingjarnleg kveðja. Þannig að honum leið ekki vel lengur á barnum líka af þeirri ástæðu. Þannig að við fórum með hann þar sem hann gisti og ég kvaddi þau og sagði að: „…þetta er nú bara sennilega taugin, álagið er orðið það mikið á þér að þú ert að kikna undan þessu álagi. Taugin er bara að gefa sig sem eðlilegt er, þú ert bara að fá eins konar vægt taugaáfall eða eitthvað því um líkt.“ Ég taldi það vera lang líklegustu skýringuna og sagði honum það. Hann sagði: „Nei, ég hef aldrei…“ Það hefur verið skotið á hann sko, það hefur verið hent í hann grjóti og tómum flöskum, glerflöskum og hann hefur orðið fyrir alls konar árásum og hatri í gegnum tíðina.

Spencer sagðist kjarkmikill maður, hann væri annars ekki að halda slík erindi og tala og segja sannleikann eins og hann hefði gert á Íslandi.

Nema það að hann fer inn á hótel og ég fer heim og er bara að taka á mig náðir þegar öryggisvörðurinn hringir með miklu offorsi og segir: „Þú verður að koma alveg eins og skot.“ Og ég kem upp á hótelið, það var bara skammt frá þar sem ég bý og var fljótur að komast þangað og þá segir Spencer: „Það er eitthvað mjög mikið að, það hefur verið eitrað fyrir mér. Ég er í engum vafa um það að það hefur verið eitrað fyrir mér og ég er orðinn doðinn í andliti og útlimum og mér líður illa, ég var veikur áðan og kastaði upp. Og það síðan eftir á að hyggja var mjög gott að hann kastaði upp, það var afskaplega heppilegt. Nema það að við förum með hann á slysavarðstofu og það er tekið við honum þar og þar er hann síðan alla nóttina og hann fer bara í alveg rosalegt ástand. Vægast sagt. Hann þvælir alveg fram og til baka, er ör og hjartsláttur upp í 200 og er bara í mjög…..Ég sá nú ekki að þeir gerðu neitt við hann nema bara að…en síðan nokkrum klukkustundum seinna þá kemur læknirinn og segir: „Ég get útskrifað þig.“ Útskrifar hann og hann borgar sinn reikning, 70-80 þúsund krónur fyrir þessa meðferð þarna hjá slysavarðsstofunni. Daginn eftir fer hann að skoða reikninginn og sé þá að það fylgir með skýrsla. Og í skýrslunni kemur fram að þessi efni sem tengjast þessum altso e-pillunni eða extasý-pillunni og amfetamín hefur mælst í blóðinu.

Valdimar sagði að Robert Spencer hefði ekki verið sjálfur á neinum lyfjum sem hefðu getað sýnt amfetamín eða önnur efni í þvagprufu:

Robert Spencer þvertók fyrir það að hafa tekið nokkur hressingarmeðöl í aðdraganda fundarins.

Einmitt, [ég] gekk mjög á það hvort hann freistaðist kannski til að taka svolítið amfetamín til þess að ná auknu þreki þegar hann er að halda fyrirlestra. Hann er óskaplega kraftmikill fyrirlesari og hann bara sko, það er erfitt að heyra ekki hvert einasta orð sem hann segir. Hann hefur reyndar mikla og flotta bassarödd sem heyrist mjög vel. En hann var daginn eftir gjörsamlega miður sín, og á laugardeginum ákváðum við að það væri ekki við það unandi, þá var ég orðinn sannfærður um að það væri rétt sem hann væri að segja, enda erum við búin að sjá læknaskýrsluna, og hann ákveður þá og vill það og ég er samþykkur því að hann fari og kæri þetta til lögreglunnar. Fyrstu viðbrögð okkar voru að við ætluðum að halda þessu leyndu af því okkur fannst þetta svo leiðinlegt afspurnar fyrir íslenskt samfélag að þannig tækjum við á móti okkar gestum á Íslandi, að hérna ég hálfpartinn bað hann um hvort við gætum ekki…, það væri hvort sem er engu hægt að breyta úr þessu, en hann hefði verið í lífshættu, það væri sannanlegt.

Spencer flaug svo úr landi á sunnudag í fylgd lífvarðar síns, enn slappur og daufur í dálkinn með heitingum við brottför um að til Íslands kæmi hann aldrei meir. Valdimar sagði að Spencer hefði haft þessi lokaorð um Ísland og Íslendinga um leið og hann steig um borð í flugvél vestur um haf:

Það er skuggi yfir þessu landi í mínum huga. Ég mun aldrei koma hér aftur.

Eftir að hafa lýst fundinum og hinni meintu morðtilraun á bandaríska fyrirslesaranum á Ananasbarnum við Klapparstíg ræddu þeir Valdimar Jóhannesson og Pétur Gunnlaugsson um ýmislegt sem snerti þessa atburði. Hér á eftir fylgja nokkrar orðréttar tilvitnanir í sumt það sem Valdimar sagði í þættinum:

 

Um mótmælendur:

Þetta fólk sem stóð þarna fyrir utan, þetta fólk sem hagar sér með þessum hætti að ráðast að mönnum og ljúga upp á þá sakir eins og Robert Spencer sem er alsaklaus af þessu öllu. Það beitir þessum hatursáróðri alveg miskunnalaust. Og ég sá hann í verki fyrir utan Grand Hótel. Þar voru Samfylkingarmenn áberandi, þar var ritari…ég sá ekki hvort ritarinn [Samfylkingarinnar] var þar, en hann var upphafsmaður að þessu [Óskar Steinn Jónínuson Ómarsson], þar var framkvæmdastjóri Samfylkingarinnar, þar voru forsvarsmenn 78-samtakanna sem eru að verða pólitísk skrípi vegna þess að þau ráðast á þá aðila sem að standa vörð um þeirra réttindi og standa með þeim sem vilja þeim allt illt. Þannig að þetta er jafn galið og hægt er að hafa það. Síðan stóð þarna fulltrúi Siðmenntar [Bjarni Jónsson] og var nú ekki beint siðmenningarlegur. Hann hélt á spjaldi og rak spjald framan í hvern sem kom þarna með nasistamerki, og ég tók ekki eftir hvort hann öskraði á það, en hann var mjög ógnandi. Þarna var grímuklætt fólk sem var með einhver undarleg merki sem ég skil ekki hvernig í ósköpunum þeim dettur í hug að vera með á þessum stað…

Síðar sagði Valdimar Jóhannesson:

Þetta eru brúnstakkar nútímans. Þetta eru brúnstakkarnir. Þetta er fólkið sem veður með ofbeldi fram, vill ekki umræðu, vill ekki skiptast á rökum, vill ekki skiptast á upplýsingum heldur vill þagga niður í öllum þeim skoðunum sem þeim líkar ekki við…Svona leiðir til borgarastríðs.

 

Um Salman Tamimi formann Félags múslima á Íslandi og Ahmad Seddeq ímam Menningarseturs múslima:

Salman Tamimi formaður Félags múslima á Íslandi var í hópi þeirra sem mótmæltu fyrir utan Grand Hótel. Um hann sagði Valdimar í þættinum:

Salman Tamimi. Mynd/DV

Ég sá Salman Tamimi, hinn mikla friðarhöfðingja múslima, sem vill höggva hendur af þjófum og sennilega drepa þá sem falla frá trúnni. Hann afneitar ekki sharíalögum og hann styður Hamas og Hamas eru sko ofbeldissamtök sem vilja þurrka  Ísrael af kortinu. Þar með vill hann það, hann Salman Tamimi og hann vill, þeir vilja drepa alla gyðinga í Ísrael og út um allan heim.

Ahmad Seddeeq ímam [prestur] Menningarseturs múslima á Íslandi var inni á sjálfum fundinum.  Valdimar sem var fundarstjóri lýsti því þegar Seddeeq ímam bar þar fram fyrirspurnir:

Ímaminn sem var í Skógarhlíð. Salafistinn mikli, sem að menn hafa nú ekki, sem að meira að segja ha, ha, handahöggvarinn [Salman Tamimi] telur að sé of öfgafullur  fyrir Ísland, það er nú hvorki meira né minna. Hann kemur fram. Hann er mjúkur og brosandi og svona vingjarnlegur að sjá, en þegar að konan sem kom með míkrafóninn, hann bað um míkrafóninn, þegar hún kom með hann þá kunni hann illa við að kona héldi á míkrafóninum, að hún stjórnaði. Svo hann reyndi nokkrum sinnum að ná míkrafóninum af henni og sagði: „Karlmaður á að halda á míkrafóninum. Og hún sagði: „Nei, nei. Ég held á honum.“ Og hann varð að beygja sig fyrir því og leið afar illa yfir slíkri ósvinnu að kona ætlaði eitthvað að ráða yfir sér… Þessi kona má ekki halda á míkrafóninum, það er ofstækið…. Nema það að hann er mjúkmáll og hann byrjar að koma með fyrirspurnir og hann neitar öllu. Og þau [Spencer og Williams] verða rosalega hvöss gegn honum….

Valdimar kom með skýringu á kaldranalegu viðmóti fyrirlesaranna gagnvart Seddeeq ímam Menningarseturs múslima á Íslandi:

Valdimar vandar múslimum ekki kveðjurnar.

Þau sögðu: „Af því hann er viðbjóðslegur salafisti. Og allt sem hann sagði bar merki þess að hann er rosalegur öfgamaður. Þetta er maður sem kemur með bros en meinar allt illt og ætlar sér að afvegaleiða umræðuna og reyna að eyðileggja eins mikið fyrir umræðunni og mögulegt er. Við erum bara búin að fá nóg af svona fólki og við getum ekki svarað þessu fólki kurteislega vegna þess að við þekkjum þetta fólk í gegnum tíðina. Þetta eru verstu ofbeldismenn sem þú getur hugsað þér meðal múslima. Það eru þessir salafistar…

Valdimar bætti um betur og tók Salmann Tamimi með í jöfnuna.

Já, já. Þeir eru það báðir…mjög fanatískir menn og ekkert hógvært og ekkert hófsamt við hvorki hann [Ahmad Seddeeq] né Salmann Tamimi.

Þau [Spencer og Williams] bara sögðu: „Við bara erum búin að fá svo mikið af svona fólki. Þetta er fólkið sem að prédikar hatur, endalaust hatur, dauða og djöful yfir alla sem eru kristnir og gyðingar eða vantrúaðir eða einhvern veginn, og þetta fólk er bara  fólk sem þarf að mæta af fullri hörku. Það þýðir ekkert, það er búið að reyna að tala við þetta af kurteisi, þetta fólk er ekki móttækilegt fyrir kurteisi af neinu tagi. Það gengur á lagið endalaust.“ Og þau sögðu: „Við vörum ykkur,“ við sem sátum og töluðum við þau eftir þetta allt saman; „…við vörum ykkur eindregið við þessu fólki. Þetta er hættulegt fólk. Þetta er fólkið sem ætlar sér að beita öllum ráðum til þess að ná ykkar fallega landi undir íslam og undir sharíalög og þið eruð undir þessu litla fallega landi, þessi fámenna þjóð, þið þolið ekki mikið af þessu fólki inn fyrr en þið eruð búin að missa algerlega tök á ykkar samfélagi.“

 

Um Samfylkinguna:

Valdimar varð einnig tíðrætt um íslenska vistri menn, en Robert Spencer leiðir líkum að því að einn slíkur hafi eitrað fyrir sér á Bar Ananas á fimmtudagskvöld. Samfylkingin fékk sérstaklega að heyra það að hálfu Valdimars:

Sema Erla Serdar er í Samfylkingunni.

En ég ætla bara að segja þér eitt Pétur. Hugsaðu þér hvernig farið er fyrir íslenskum pólitískum flokki eins og Samfylkingunni. Þetta er flokkur Gylfa Þ. Gíslasonar í raun og veru.  Emils Jónssonar og margra sko. Gylfi Þ. var einn mætasti stjórnmálamaður, afskaplega vandaður og ég hafði óskaplega góð samskipti við. Jón Baldvin – skynsamur maður og maður raka. Síðan er þessi flokkur lentur í höndunum á svona dæmalausum skríl. Enda er hann kominn niður í einhver fimm, sex prósent. Einhver randafluga orðinn formaður flokksins, einhver maður [Logi Einarsson], og síðan vilja þau berjast fyrir því að börn fái að læra um kynlíf samkynhneigðra….

Þetta fólk á ekki skylt við neitt sem maður telur heiðvirt, því miður, og ég bara segi að ef þið ætlið að bjarga pólitíkinni á Íslandi þá þurfið þið að koma svona fólki sem lengst í burtu. Þetta á ekki heima í forystu eins eða neins.

 

Um fjölmiðla og stjórnmálamenn:

Veistu hverjir eru hræddastir af öllum hræddum? Fyrir utan fjölmiðlana í þessu tilviki…það eru fjölmiðlamennirnir, það eru til dæmis Morgunblaðið. Ekki orð. Ekki eitt einasta aukatekið orð. Þetta eru að koma heimsfræg erlend nöfn til landsins til að fjalla um þessi mál. Þeim stendur til boða að taka einkaviðtöl. Ekki eitt einasta aukatekið orð. Við buðum öllum þingmönnum sérstaklega að koma á þennan fund. Það kom enginn þeirra. Þeir sitja skjálfandi heima, þeir eru kannski ekki hræddir um að það sé eitrað fyrir þeim – þeim dettur það ekki til hugar. Nei, þeir eru hræddir við það að verða úthrópaðir á vefsíðum, á Facebook, á þessum vinstrisíðum þessa ofbeldisfólks sem veður hér fram af slíku ofbeldi að ég er eiginlega alveg dolfallinn.

Síðar bætti Valdimar við:

Öllum þingmönnum var boðið á fundinn fræga. Enginn lét sjá sig.

Þeir vilja frekar fá á  sig dóm sögunnar eftir nokkur ár að þeir séu fávitar…en þetta fólk mun allt fá harðan dóm seinna  yfir andvaraleysi sínu. Nú undanskil ég engan flokk. Enginn flokkur sýnir þessu…náttúrulega langsamlega versta fólkið í þessu er vinstra fólkið…Sjálfstæðismenn eru ekkert skárri. Þeir eru slefandi aumingjar. Fyrirgefðu má ég segja svona hérna? Ég tek það til baka, þeir eru ekki slefandi, bara aumingjar. Ha? Svona í alvöru talað….Últra hægri menn í öllum löndum eru fyrir innflutning á sem mestu á þessu fólki, últra hægri menn, þeir sem representera atvinnuvegina. Þeir sjá sér hag í því þó þetta fólk [múslimar] vinni helst ekki, þá sjá þeir samt hag í því að ná þessu fólki inn til þess að þrýsta niður launum.

Pétur Gunnlaugsson: „Velferðaríkið borgar fyrir það.“

Já, þeir þurfa ekki að borga fyrir það.

 

Segist talsmaður hófsamrar umræðu og varar við blóðfljóti

Ég ætla að segja þér [Pétur Gunnlaugsson] eitt, einn daginn þessa daga, þá var ég á gangi niðri í bæ. Þá allt í einu hvolfdist yfir mig tilfinning fyrir því að ég væri ekkert lengur í landi sem ég þekkti. Þetta land er orðið fullt af öfgum og illindum og það er engin samræða lengur. Það er samöskur, menn öskra hver á annan og spýta helst á mann um leið. Það eru ógnanir. Ef þú hefur skoðanir sem líka ekki þá skaltu hafa verra af. Það eru bara sumar skoðanir sem eru leyfðar. Málfrelsið nær bara eingöngu til þess sem svokölluð elíta, sem telur sig vera elíta, vill leyfa. Aðrar skoðanir eru ekki leyfðar og það má ekki viðra þær nema eiga það á hættu að verða hrópaður niður eða laminn niður eða eitraður niður núna og Ísland er ekki lengur það samfélag sem ég vildi óska það væri ennþá, – samfélag sem ég hef þekkt alla ævi.

Lokaorð Valdimars Jóhannessonar talmanns „Vakurs“ í tveggja tíma síðdegisþætti Útvarps Sögu í gær voru þessi:

Hlúð að slasaðri konu eftir voðaverkið í Boston í Bandaríkjunum sem átti sér stað í apríl 2013. Þar fórust þrír en 264 manneskjur meiddust. Valdimar segist vona að ekki þurfi að koma til vígaferla hér á landi. Mynd/Getty images

Ég vona það þurfi ekki að drepa mann til þess að menn vakni. Kannski dugar það að gera tilraun til að drepa mann til þess að einhver vakni við vondan draum og átti sig á því að þetta er dauðans alvara. Það var gerð tilraun til þess að drepa þennan mann [Robert Spencer], ekki átti ég nú von á því. Og ekki átti ég nú von á því að þyrfti kannski að vekja þjóðina með slíkum hvelli. En ég held að þjóðin sé ansi mikið að vakna…Vonandi að við náum að vakna áður en hér fer að fljóta blóð.

Með því að smella hér má hlusta á báða hluta Síðdegisþáttar Útvarps Sögu frá í gær, 16. maí. 

«
»

Ummæli ()

Vinsamlegast athugið:
Ummæli eru á ábyrgð þeirra sem þau skrifa. Eyjan áskilur sér þó rétt til að fjarlægja óviðeigandi og meiðandi ummæli. Tilkynna má óviðeigandi ummæli í netfangið ritstjorn@eyjan.is

Kolbrún: Barátta Viðreisnar

Kolbrún Bergþórsdóttir skrifar: Ekki verður annað séð en að ráðherrar Viðreisnar séu í baráttuhug og ætli ekki að sitja lengur þegjandi undir ásökunum um að vera taglhnýtingar Sjálfstæðisflokksins. Um leið er eins og Björt framtíð sé orðin hálflömuð af meðvirkni í ríkisstjórnarsamstarfi þar sem Sjálfstæðisflokkurinn er hið ráðandi afl. Hið kæfandi faðmlag íhaldsins er að […]

Dagur B. áhorfandi að mengunarhneyksli

Björn Bjarnason skrifar: Nú er ljóst að ekkert var ofsagt hér á þessum stað um fúskið sem einkenndi viðbrögð Veitna, heilbrigðiseftirlits Reykjavíkur og yfirstjórnar borgarinnar vegna mengunarhneykslisins. Nú er ljóst að ekkert var ofsagt hér á þessum stað um fúskið sem einkenndi viðbrögð Veitna, heilbrigðiseftirlits Reykjavíkur og yfirstjórnar borgarinnar vegna mengunarhneykslisins sem fréttastofa ríkisútvarpsins skýrði fyrst frá 5. júlí 2017. Ætlun allra […]

Lilja Alfreðsdóttir gagnrýnir fjármálaráðherra: Þjóðin á betri vinnubrögð skilið

Það vakti nokkra athygli í gær þegar grein eftir Benedikt Jóhannesson fjármálaráðherra undir yfirskriftinni „Má fjármálaráðherra hafna krónunni“ birtist í Fréttablaðinu. Sitt sýnist hverjum um skrif ráðherrans og í svargrein sagði Björn Bjarnason Benedikt „fjármálaráðherra á evru-villigötum“. Nú hefur Lilja Alfreðsdóttir fyrrum utanríkisráðherra og þingkona Framsóknarflokks svarað Benedikt í grein í Fréttablaðinu undir yfirskriftinni „Leiksýning […]

Þóttist japanska forsætisráðherrafrúin ekki kunna ensku til að þurfa ekki að tala við Trump?

Fyrr í þessum mánuði hittust leiðtogar G-20 ríkjanna, tuttugu stærstu iðnríkja heims, á fundi í Hamborg í Þýskalandi. Eftir ráðstefnuna var haldin vegleg veisla þar sem valdamesta fólk heims snæddi saman kvöldverð. Sætaröðunin var á þann veg að Donald Trump Bandaríkjaforseti sat hliðina á Akie Abe, eiginkonu Shinzo Abe forsætisráðherra Japans, einnar helstu bandalagsþjóðar Bandaríkjana. […]

Fjármálaráðherra á evru-villigötum

Björn Bjarnason skrifar: Röksemdafærsla fjármálaráðherra Íslands með vísan til fjármálaráðherra í nítján Evrópulöndum er reist á sandi. Benedikt Jóhannesson fjármálaráðherra hætti að boða seðlalaus viðskipti eftir að ljóst var að þau áttu hvergi hljómgrunn nema í nefnd sem skilaði honum áliti þar sem afnám seðla með hátt gildi var talið sporna gegn skattsvikum. Í grein […]

Þorbjörn: Sjaldgæft í norrænum samfélögum að ríkisvaldið sjálft ýti undir ójöfnuð

Fjárfestingarleiðin svokallaða er mikið í umræðunni þessa dagana og sitt sýnist hverjum um ágæti þessarar aðgerðar, þar sem Seðlabanki Íslands gerði ríkum Íslendingum kleift að flytja gjaldeyri til landsins og kaupa íslenskar krónur með miklum afslætti. Þorbjörn Þórðarson gerir þetta að umfjöllunarefni sínum í leiðara Fréttablaðsins í dag sem ber yfirskriftina „Tvær þjóðir“. Þorbjörn segir […]

Varaborgarfulltrúi Sjálfstæðisflokks hjólar í Kára og Gunnar Smára: Hugsa um rassgatið á sjálfum sér

Börkur Gunnarson varaborgarfulltrúi Sjálfstæðisflokks og nefndarmaður í velferðar- og innkauparáði Reykjavíkurborgar lét þá Gunnar Smára Egilsson fyrrum ritstjóra Fréttatímans og Kára Stefánsson forstjóra Íslenskrar Erfðagreiningar heyra það á Facebook síðu sinni í gær. Tilefnið var frétt Eyjunnar um stórviðskipti Kára í gegnum fjárfestingarleið Seðlabanka Íslands en þar kom fram að fyrirtæki græddi þrjá milljarða króna […]

Kannski hann ætti að skipta út bjórnum fyrir þorskalýsi

Dr. Kári Stefánsson hefur sent Eyjunni svofellt skeyti í tilefni af frétt fyrr í kvöld um viðskipti Íslenskrar erfðagreiningar gegnum fjárfestingaleið Seðlabankans: Kannski hann ætti að skipta út bjórnum fyrir þorskalýsi — Svar við fésbókarfærslu Sigmundar Davíðs Bjartur í Sumarhúsum brást ókvæða við þegar kvenfélagið færði honum kú til þess að börn hans fengju mjólk í […]

Kári stórtækastur í fjárfestingaleiðinni: Gengishagnaður yfir þremur milljörðum króna

Kári Stefánsson er sá íslenski athafnamaður sem flutti mest af evrum inn til landsins með afslætti gegnum svonefnda fjárfestingaleið Seðlabankans. Sigmundur Davíð Gunnlaugsson fv. forsætisráðherra bendir á að Kári hafi síðan verið flestum duglegri við að fordæma alla aðra fyrir að vera ekki nógu samfélagslega sinnaðir. Í Markaðnum, viðskiptariti Fréttablaðsins, birtist í morgun úttekt á […]

Eymdin í byggðarkvótanum

Kristinn H. Gunnarsson skrifar: Starfshópur um byggðakvóta kynnti tillögur sínar á fundi á Þingeyri fyrr í vikunni. Breytingum voru settar þröngar skorður, í grautarpottinum er sama súpugutlið og áður og engu kjarngóðu má bæta við það. Aðeins á að hræra aftur og aftur með sömu sleifinni. Nefndarmenn eru ekki öfundsverðir við það starf að finna […]

Kjalvegur í fúlustu alvöru

Eftir Guðna Ágústsson: Ég skrapp á sunnudaginn í fallegu veðri norður Kjöl inn í Kerlingarfjöll og á Hveravelli. Ég var farþegi í lítilli rútu með skemmtilegu fólki, við lögðum snemma upp og ekki vantaði að ferðamennirnir væru komnir á fætur — allt troðfullt á Geysi og við Gullfoss. Við okkur blasti hin mikla fjallafegurð Bláfellið […]

Fjárfestingaleiðin: Ólafur og Hjörleifur gætu innleyst ríflegan gengishagnað

Félag í eigu Ólafs Ólafssonar, aðaleiganda Samskipa, og Hjörleifs Jakobssonar fjárfestis kom með tæplega tvo milljarða króna til landsins í gegnum fjárfestingarleið Seðlabanka Íslands í desember 2012. Miðað við núverandi gengi gæti félagið innleyst um 809 milljónir í gengishagnað, samkvæmt útreikningum Markaðar Fréttablaðsins, en blaðið skýrir frá þessu í dag í úttekt á fjárfestingaleiðinni. Fjármunir Ólafs […]

Afkoma sveitarfélaga með besta móti

Árið 2016 var gott hjá flestum sveitarfélögum landsins og var afkoma margra mun betri en spáð hafði verið. Af 74 sveitarfélögum landsins hafa 63 skilað ársreikningum en í þeim sveitarfélögum sem skilað hafa ársreikningum búa um 99% þjóðarinnar. Þetta kemur fram í úttekt Agnesar Bragadóttur í Morgunblaðinu í dag. Orðið hefur tæplega 24 milljarða króna […]

Mafían mokgræðir á flóttafólki

Ítölsk stjórnvöld hafa eytt hundruðum milljón evra í móttöku flóttafólks sem kemur til landsins sjóleiðina frá Afríku en engu að síður eru aðstæður þess oft bágbornar. Nú hefur yfirgripsmikil lögreglurannsókn leitt í ljós að ítalska mafían hefur fengið í sinn hlut milljónatugi frá ríkinu, fjármagn sem átti að fara til að veita flóttafólki sæmilegan mat […]

Eyjan Miðlar ehf. - Kringlunni 4-12, 103 Reykjavík - eyjan (hjá) eyjan.is